خطة سير القسم " دعوة للمشاركة والتطوير "

[monaaa]

المشاركة الأصلية كتبت بواسطة mansour fahad

السلام عليكم ورحمة الله وبركاته

بسم الله الرحمن الرحيم

(وقل ربي انزلني منزلا" مباركا" وأنت خير المنزلين)

الله يعطيك العافيه ياوعد ماقصرتي على هالمبادرة وانتي من اعمدة هذا الملتقى اللي مانقدر نستغني عنها...

حنا هنا في موضوعك نتناقش علشان نوصل لافضل طريقة نقدر نوظف فيها انفسنا لخدمة الجميع ..

وتحديد طريقة الدراسة سواء شخص أو شخصين أو مجموعة يمسكون المادة هذا نححده كلنا مع بعض موهب انتي بلحالك ..

كل شخص وحسب ضروفه وكلنا هنا نكمل بعض علشان نطلع بأفضل النتايج ان شاْالله.

السلام عليكم ورحمة الله وبركاته
عن أبي هريرة رضي الله عنه عن رسول الله صلى الله عليه وسلم قال من كان يؤمن بالله واليوم الآخر فليقل خيرا أو ليصمت .
فالحين انت وهو بس في انتقاد الاعضاء اللي نافعينا وانتم بلا نفع فينكم ماشفنا لكم منفعه في المستوى الثالث ؟ ولابس فالحين بالانتقاد والتشرط انت وهو وترا وعد ماقصرت ساهمت تبي تسوي شي وترتب شغلنا ومالقت حتى احد يمسك اخر مادة وانت تفلسف على راسها تبي مجموعات ؟ على كيفك تبي مجموعات والعدد اللي تقدم 5 وبس فالحين بالانتقاد لاسوات خير ولاكفايه شر , يلا ورينا انت وهو مساهمتكم بعد ماضيقتوا على البنت وطفشتوها لاحول ولاقوة الابالله العلي العظيم

[صَعب]

( ربعن تعاونو ما ذلو )

[مجتهد ..]

المشاركة الأصلية كتبت بواسطة ,*wa3d

-


بكذا يكون توزيع التجمعات :

سونا مقرر : مهارات ادارية .
بنت ابوها مقرر : طرق البحث .
هكونا مقرر : القانون التجاري .
قودي مقرر : مهارات كتابة ادارية .
امجاد مقرر : النظام السياسي في الاسلام .

بقئ مقرر واحد .. ( مبادئ الادارة المالية ) ..
في احد حاب يمسك تجمع المقرر ؟

يعطيك العافية وعد على جهودك المباركة
ويعطيكم العافية أعضاء المستوى الرابع على مبادراتكم الطيبة، وليس بالمستغرب عليكم هذه الروح

شارفتوا على نهاية اختيار الأعضاء
باقي مقرر مبادئ الإدارة المالية
مادة شيقة تستاهل المغامرة، ودكتورها عسل الله يوفقه
فليبادر أحدكم .. وابدأوا بتنظيم القسم

دعواتنا لكم بالتوفيق .. ومتواجدون لأجلكم

[ماجد النويصر]

قصدي اني هاوي النظام السياسي في الاسلام


واطلعت على الكويزات والملازم الخاصة بالمنهج

وما انتبهت ان فيه احد حجز المنهج او ان المنهج مقرر لشخص واحد


حتى لو تتنازل امجاد عنه ما راح امسك المنهج لحالي


لا النظام السياسي ولا غيره لحالي مقدر اسوي شي

عموما أنسحب المستوى الحالي

واي شي فيه فايدة للجميع انا معه

سواء عجبني او لم يعجبني المهم مصلحة الجميع



بالتوفيق لكل الاخوان اللي متكفلين بالمناهج

واتمنى ان المنهج المتبقي يمسكه شخص كفو


وحنا معكم باللي يقدرنا ربي عليه

[مهريماه]

الموضوع للنقاش
واذا ماعجب الشخص رأي الاخر اتقبلوه برحابة صدر
مايحتاج للزعل من الطرفين والتحسس من الرأي

الله يعطيكم العافية جميعا

[نجيب]

الموضوع كله محتكر بالرأي اللي ذكرته لكم الخمس نقاط وفصلته جوي

وحتى اذا ماكتمل العدد مايعني ماراح نواصل الجود بالماجود

[اهلاوي ملكي]

ليالي العيد تبان من عصاريها
وش صاير ملقوبه الدنيا فوق تحت , الله يستر هالتيرم بداية غير مشجعة بالمرة
انا بصراحة شفت كل المداخلات وانا رجال ماعرف اجامل او اتجمل اقول الحق
حتى لو على نفسي . الاخت وعد ماقصرت كانت عندها المبادرة الاولى وهذا
مافتقدناه في انفسنا كمجموعة وهذه المبادرة بكل تاكيد نابعة عن حسن تعاون منها
اتجاه دفعتها وكانت واضحة من البداية ان تطبق نفس نظام العام كل عضو يشرف
على مادة وماتقدم لها الا 5 اعضاء بارك الله فيهم وفي حياتهم .
اما الباقي قاعد ينظر ويتشرط وهو ابعد مايكون انه يعمل شي , وهذا لايجوز
اخ ماجد انت شايف الموضوع واضح وضوح الشمس وبماانه ليس لديك القدره
اذا لماذا المجادلة في شي غير متاح وليس بمقدورك عمله ؟
الاخ منصور انت قسوت عليها في مداخلتك وماقدمته وعد من التيرم الاول الى الان
يفوق ماقدمه البعض فرفقاً بها ماهكذا تورد الابل , الاخت وعد من بدء المكارم فل يتمها
انتي على بعد خطوه اخيره لانجاز مهمتك اعتمدي الاعضاء الخمسة اللي تقدموا
وابتدوا عملكم بارك الله فيكم واثابكم خير الثواب وتبقى المادة الاخيرة المالية
المحببه للاخت سرو واللي متخصصه فيها تيرمين متتاليين فعساها ان تسمع النداء
انا لااجيد التنسيق والا كان تطوعت في مسك المادة لكن اجد نفسي في مساهمات
اخرى , عموماً ان لم تجدوا احد فانا في خدمة الجميع اتولها باذن الله
وربي مايضيع لكم تعب واحنا اسرة متكاتفه يضرب فيها المثل بين كافة المستويات
فلا تجعلوا للشيطان عليكم مدخل , وفقني الله واياكم لما فيه الخير والفلاح

[نجيب]

الله يعين الجميع

اخوي اهلاوي طبيعي العالم متملله من الدراسة علشان كذا ماود البعض الله اعلم انه يقعد يلخص ويسوي

بعد او اسبوع راح يذوب الثلج ويبان المرج

[سومياا]

يعطيكم العافية جميعا

انا مقدر اترأس مجموعة ان شاء الله بحاول اساعد بالي اقدر عليه

[قنوع]

بالتفاهم والتشاور يسهل الوصول إلى الهدف المنشود

وبالتعاون والتكاتف تتحقق الأهداف والغايات المرجوه


اسأل الله لكم النجاح والفلاح