[ اسئلة اختبارات ] : بنات شباب وكل اللي من دفعتنا القديمين ليش حظنا كذا

[KFU STUDENT]

من ناحية الاسئله صعبه وتعجيزيه فهذا شي موب جديد على دفعتنا تعودنا وصار شي طبيعي

مدري شكل الدكاتره حاقدين علينا حتى الاخلاق الاسلاميه كانت شوي صعبه

لكن متوكلين على الله سبحانه وتعالى والحمدالله وصلنا سابع وقدرنا نثبت للدكاتره مهما تصعبونها علينا احنا قدها وبنتخطى كل الصعوبات بإذن الله

[RAIAN]

احسن مافيها انهم يعطونك 30 جحه مجاناً

وباقي الجامعات ماعندها هالميزه

[h63novic]

كلامك صحيح من قبل العام الاسئله نادر ما تتكرر من سالفه تهريب اسئله المحاسبه ٢ هههههه واحنا مقرودين

[مستوي سابع]

الفريدان هو السبب

[ضلع أعوج]

أستهدوا بالله

أدري انه ضغط علينا
بس تفائلوا دائمآ ولاتنسوا الأدعيه و توكلوا على الله
وصدقوني بتعدونها
بس لا تستسلمون للأفكار حنا منحوسين وحنا مدري وش

ندري ان الجامعه لكم عليها بس خلاص حنا مشينا طريق لازم نكمله رغم العثرات والأشواك

خلوا املكم بالله فقط ومن توكل على الله فهو حسبه


الله يوفقني وياكم وجميع المسلمين ويجعل مراتبنا بالجنه أعلى من الدنيا

[Aro0ojh]

من جد المحاسبه 2 كانت روعه
الله يعين ويجملها معنا
نبي نرفع معدلنا بس شكل مافي امل نحاول ما يقل اهم شي

[1من الناس]

ولازالت جامعة الملك فيصل جديدة على عالم الانتساب والتعليم عن بعد

يعني يبي لها 10 الى 15 سنه وبعدها راح تصير نفس جامعة الملك عبدالعزيز

بس اسم جامعة والنجاح فيها مضمون


بعدين ترى ماتخرج الا دفعه مدري دفعتين يعني لازالت في طور التأرجح والتشقلب ما بعد ركدت ولا ركدو الدكاتره زي منتم شايفين كل ترم الا ما يتغير واحد او اثنين

[ابو منار]

المشاركة الأصلية كتبت بواسطة باسم باغريب

أخواني خواتي السلام عليكم ورحمة الله وبركاته ..

ماتلاحظون شيء بالأسئلة وحظنا فيها في كل المواد اذا لم يكن في أغلب المواد يعني يمكن آخر مرة شفنا أسئلة مكررة أو فيها شيء مكرر يوم اننا في مستوى الثالث وغيرنا حظه ماشاء الله ماشي حاله .

مدري حنا منحوسين ولا مكتوب علينا الشقا ..

أدري يمكن مو وقته هالموضوع بس بجد جا ع بالي وقلت أخليكم تغيرون من جو الدراسة شوي ..

والله يعديها علينا ع خير يارب ..

تحياتي ،،

أخوكم / باسم باغريب

لا تندب حظك يطيح

فيه حل احذف ترم وتنزل مع مستوى سادس وبـكذا يروح النحس عنا

أمزح والله كلامك صح

الله يوفقنا جميع

تحياتي لـ أحلى دفعة

[باسم باغريب]

ي أحبه شكراً على مروركم جميعاً وتأكدوا اني مانزلت هالموضوع إلا من باب توسعة الصدور ولا حنا أكيد متوكلين ع الله سبحانه ومن غيره سبحانه اللي وصلنا لها المستوى والله ثم والله لو كرمه وتوفيقه ماوصلنا لهالمستوى فماهي سالفة نحس او غيره ..

وسعوووووووووووووووووووووووووووا صدوركم أهم شي وربي ربي بيوفقنا جميع بإذن الله سبحانه ..

الله يسهل ويعدي باقي المواد ع خير يارب