استفسار بخصوص اختبار القياس

[M0O0O0N]

السلام عليكم ورحمة الله وبركاته


اني من خريجات 1429 طبعا اختبرت قياس
ابغي اعرف لازم هسنه بعد اختبره مره ثانيه علشان اقدم في الكليات
اتنمى انكم تجاوبو على سؤالي
وشكرا

[pink dreamz]

لا ما يلزم تختبري مرة ثانية تسجلي بنتيجتش تبع السنة الماضية

[غلا الدنيا]

اذا فيه تسجلي مره ثانيه وتختبري ..

سويها احسن يمكن تطلع درجتك متحسنه ..

بس بصراحه مدري:mh19:

[pink dreamz]

ما تقدري تسجلي مرة ثانية اذا كنتي مختبرة و حتى لو سجلتي و اختبرتي ما راح ياخذوها النتيجة الاولاد هم اللي عادي يختبروا مرة ثانية وياخذوا لهم احسن نتيجة

[الغلا]

حبيبتي خذي الرابط يمكن ينفعج

عموما تقدرين تعيدينه

http://www.ckfu.org/vb/showthread.php?t=30842

الله يوفقج

[**طيف**]

ممكن اسئل

متى موعد التقديم

لأختبار القياس للطالبات


اتمنى تفيدوني

.

[الغلا]

حبيبتي التقديم ان شاء الله بهالترم اذا لج بنت تعرفينها بثالث ثانوي تقدرين تعرفين منها لانهم يقدمون بهالترم ويختبرون اول مايخلص الترم بعد الامتحانات باسبوع بالكثير
وانا تو سألت لج بنت خالتي قالت بدوا يدفعون للبنك فانتي ادفعي وبعدين كملي باقي الاجراءات تسجلين وتطلعين لج بطاقه لدخول الامتحان

الله يوفقج

[**طيف**]

يا الغلا انا اسئل لأن وحدة طالبه مني

يعطيك العافيه

بس اذا البنت متخرجه من العام

تقدم مرة ثانيه ولا

وللمعلوميه نسبتها مادخلتها لا جامعه ولا كليه

يعني النسبه نازله كثير

فتقدر تقدم ولا؟

.

[الغلا]

حبيبتي التقديم للقدرات للكل الي نسبتها نازله او لا

لان القدرات صار شرط بجميع الاقسام ماعدا مايستثنى بس اذا هي تبي قسم يتطلب قدرات لازم تقدم هالسنه حالها حال خريجات هالسنه لان ماياخذون بقدرات العام الماضي

ولازم تاخذ بعين الاعتبار القسم الي بتقدم عليه كم يتطلب بعد نسبه ثانوي بغض النظر عن النسبه الاجماليه للقدرات والتحصيلي والثانوي يعني في اقسام مثلا العلميه او الصحيه تشترط نسبه معينه للتوتل القدرات والتحصيلي والثانوي

وبعد تشترط ان نسبه الثانوي ماتقل عن 95 مثلا

بس بالنسبه للقدرات الي اعرفه لازم تعيده العام هذا ان شاء الله والتسجيل بدا ياقلبي

اي سؤال في الخدمه

[pink dreamz]

انا سألت في منتدى الوزارة وقالوا لي ما يشترط لي الاعادة اذا كنتمختبرة من قبل
من وين جبتوا المعلومة هذي لازم اعيد الاختبار؟