|
ملتقى الفنون الأدبية شعر,نثر,خواطر,قصص,روايات وجميع الفنون الادبية |
|
أدوات الموضوع |
#1
|
||||
|
||||
إلــى غـيـر مـحـددي الجـنـسـيـة ... (البدون) مـع التـحـيـة
حبيت اهديكم القصيده هذى يمكن تعبر عن بعض المعاناه الى عايشها البدون
بدون ... جنسيه و بدون ... مقدمات (( إليكم هذه المشاركة )) كان ياما كان ياما كان ياما كان ... كان كان باء و كان دال و كان واو و كان نون كانت الدنيا عليهم قاسيه ... ذاك الزمان وفوق ضيم الدنيا ضيم الناس والباقي يهـون والمصيبه ماهو ضيم اللي حكى فينا وهان المصيبه لا سألته ... قال يا عمي ... بــدون يالبدون ... الموت رحمه والعمر ماله امان رددوا ... إننا لله وإنا إليه راجعون صارت القصه قضيه ... والقضيه له لسان والحكي مأخوذ خيره ... بس للتالي مغبون قلت ابـحكي قصة الطالب وذاك الامتحان يوم وده ينجح ويمشي دروب الناجحون حافظ دروسه وشاطر والصعب عنده هوان وقال يمه ... أبشري يمه ... بحقق ماتبون والوليده يوم قدم ... جاب الاول بإمتنان لكن ... بترتيب وضعه هو عن الاول يدون يعني ترتيبه صفر ماله مع العالم مكان ماله إلا يستريح إن كان غيره يسرحون والنصيحه لكل والد ... درس عياله وكان يدعي الله في عياله ... ياعسى ما ينجحون أو هذاك العسكري اللي عطا عمره عشان ما يمس القاع هاذي شر كيد الغاشمون حط روحه في كفنها وساقها لأطهر كيان قال أقدمها لبلادي فوق مالي والبنـون ويوم عم الأمن فيها بعد فضل الله وبان قالوا التكريم لازم للرجال ... الشامخون وساعة التكريم حانت ... يا رجب وين رمضان قال شعبان لمحرم خلطبيطه ... تسمعون انقلب اصل الوعود اللي حكوها ... بهالديان سرد بالسهله ... وحنا ياحسافه غافلون قارنوا فعل النشاما بفعل ذاك البهلوان يرقصون ويرقصون و يرقصون و يرقصون ورجحت كفت هذاك اللي رقص بالمهرجان والرجال اللي على الجبهه دماهم ... يخسرون والنصيحه لكل منهو عسكري ... والعمر فان يشبك إيده بـيد ربعه وبالمعسكر ... يردحون هذا غير أمر العلاج ورحمتك يا مستعان الله يعلم لا مرضنا وش يبون و وش يبون اعتقد لهنيه كافي لا يجينا الخيزران أنعم ببيتي واحمد الله ترى فيها ... سجون قلتها من حر ما بي من فؤادي للسان تشتهون اوكيه طيب او عسى ما تشتهون ياعما والله عما وشلون فينا يستهان كننا محنا عيال اللي لهم ذيك الطعون يكفي إنا من ظهر عدنان محنا من أصفهان يعني بالتالي عرب ياليت ذولا يفهمون لكن الشرهه علينا ما شكينا من زمان ماشكينا حيزبونه عند ابوها حيزبون مابي اطولها عليكم بعد ما فات الاوان هاذي الدنيا ... إذا الله حب قوم ٍ يبتلون العجايب سبع بالدنيا وحنا له ثمان وياعسى اعماركم تطوّل وابيكم تحسبون وصدقوني يا جماعه ما تهون إلا نهان ودام ترضون الاهانه صدقوني ما تهون /// // / سلـــــــــــــمـــــتــكــمـ لشاعر فلاح عشوي العنـزي |
2011- 12- 26 | #2 |
صديق الملتقى
|
رد: إلــى غـيـر مـحـددي الجـنـسـيـة ... (البدون) مـع التـحـيـة
صح لسان الشاعر وفرج الله هم اخواننا البدون جنسية
تحياتي |
2011- 12- 26 | #3 |
أكـاديـمـي نــشـط
|
رد: إلــى غـيـر مـحـددي الجـنـسـيـة ... (البدون) مـع التـحـيـة
اخي التعب منسي تشرفت بك وبحضــورك البـاهـــي كان الله بعونهم اخـي العزيز مشكور ونورت تصفحــي |
2011- 12- 26 | #4 |
:: مشرف عام::
ملتقى التعليم عن بعد (فيصل) سابقا واحد مؤسسيه |
رد: إلــى غـيـر مـحـددي الجـنـسـيـة ... (البدون) مـع التـحـيـة
اهلين اخوي شاعر خيال
قصيده رائعه وثق بأننا نحمل شعور اخوي يجمعنا على دين بدون حدود او اعتبارات اخرى فلا فرق ولا تقليل لاتمييز ,وكل مانراه هو مايظهر لنا من افعال واقوال تستحق احترام الشخص من عدمه اسعدني مانقلت فسلمت يداك على النقل وسلم فكر الشاعر على النظم تقبل مروري |
2011- 12- 26 | #5 |
أكـاديـمـي مـشـارك
|
رد: إلــى غـيـر مـحـددي الجـنـسـيـة ... (البدون) مـع التـحـيـة
مشكور وصح لسان الشاعر
|
2011- 12- 27 | #6 |
أكـاديـمـي ألـمـاسـي
|
رد: إلــى غـيـر مـحـددي الجـنـسـيـة ... (البدون) مـع التـحـيـة
صعب ان الواحد يعيش فـ بلده و لا يتمتع بكآمل حقوقه .. كآن الله بعونهم و ان شاء الله يكون لهم حل فـ القريب ...
|
2012- 1- 21 | #7 |
أكـاديـمـي نــشـط
|
رد: إلــى غـيـر مـحـددي الجـنـسـيـة ... (البدون) مـع التـحـيـة
صــبــأحكم خيـر انشالله أسعدني وشرفني حضوركم البــاهي واعتذر عن الاطاله لعدم الرد اشكر كم أخـوتــي على مروركم الجميـــل الذي شرفتونـــي بـهـ لاعدم من مشاركاتكم الباهره وفقكم الله جميعا |
2012- 1- 26 | #8 |
متميزة في ملتقى الصور وعالم التصوير
|
رد: إلــى غـيـر مـحـددي الجـنـسـيـة ... (البدون) مـع التـحـيـة
مشكووور اخوي على نقل البادره الطيبه
ولعل الله يكون في عونهم وان شاء الله تفرج لهم وفي كلا الحالتين هم اخوانا الله يبارك فيك ولا يحرمك الاجرررر |
2012- 8- 27 | #9 |
أكـاديـمـي نــشـط
|
رد: إلــى غـيـر مـحـددي الجـنـسـيـة ... (البدون) مـع التـحـيـة
وانا كم يروق لي ردك الجميل
الذي زاد ضياء الموضوع |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|