ابي مساعدتكم .. >> جايب العيد ياناس :(

[كلك يمين]

بسم الله الرحمن الرحيم ..

مساء الخير ..

طبعاً بعد ما ضاقت فيني الدنيا وحسيت اني تحطمت قلت مالها الا ملتقى طلاب جامعة الملك فيصل وابناء وبنات تخصصي الكرام :) ..

بخش دغري بالموضوع .. >> انا دخلت الجامعه في بداية السنة

طبعاً العلوم الادارية والتخطيط ( بالأحساء)

رغم اني من سكان الدمام .. بس كله في سبيل الدراسه والعلم >>> اتعب انا يا فيثاغورس
لكن مستأجر بالاحسا يعني مستقر بالأحساء بس اخر الاسبوع يالبى الدمام سيده ارجع >>> خلاص يبوي بتشرح قصة حياتك انت ...!

المهم اخترت اربع مواد بس كثير قالوا لي ليش تاخذها بعد ماجبت العيد طبعاً

انه قالوا كل مادة انت حاطها يبيلها ترم لوحده اصلاً ..

كانت المواد 1- رياضيات1
2- قانون
3 - اقتصاد جزئي
4 - مبادئ إدارة الأعمال

المهم رسبت في3 مواد جبت F

ونجحت في القانون D ومعدلي صار 1,27 >> :(

انتهى الترم الأول ودخلنا بالترم الثاني .. حسيت اني مابقدر وتحطمت قمت وقفت الترم قلت اريح واستجمم :) ..

وكنت ناوي اسحب ملفي خلاص لأني بجد ضاقت فيني وقلت ياولد تلاحق عمرك واسحب نفسك .. ( بس ترددت كثير ) :(
وعلى فكره انا متخرج من سنتين .. يعني المفروض انه انا مخلص السنة الثانية بالجامعه ..

بس السنة اللي تخرجت فيها مادرست .. وقدمت السنة هذي اللي احنا خلصناها ..

ابيكم تشورون علي وتنصحوني انا ودي اكمل وارجع وربي حاس اني اقدر ابدع بس مادري وين المشكله

رغم إن معدلي بالثانوية مو طايح .. نسبتي بالثانوية 88% وقياسي 77 .. ( أدبي ) :s12:

وعلى فكره ايام اول ثانوي كانت الرياضيات عندي تمام .. بس مادري وش صابني في الجامعه احس فيه شي خرب علي ..

كل اللي أبيه منكم انكم تساعدوني يابنات وشباب الادارة .. شوروا علي

وش اضيف من مواد ابي ابدأ من جديد وافتح صفحه جديده .. علموني وش احط مواد للترم الجاي بحيث اني ارفع معدلي وماتكون علي صعبه يعني اقدر اتجاوزها اذا شديت عمري

>>> وآسف لو طولت لكن قاعد اشرح معاناتي واحس اني ببكي >>> اما ابكي امزح امزح .. بس والله تحسون مالها داعي الحين الثانوية ماتنفع وانا انسان طموحي عالي يعني خاطري اكمل دراستي وان ربي وفقني اكمل ابي اخذ ماجستير .. بس الحين خلنا نجيب البكالوريوس ويجيب الله مطر بعدها ...

المطلوب منكم تساعدوني >>> خلاص دروا للمره السبعين قلتها هههههههههههه

وش اضيف مواد للترم الجاي ومين الدكاتره بعد لو تعرفون دكاتره طيبين ويعترفون بالدف والمساعده هع :)

كان معكم من قلب الحدث
.. كلك يمين

[كلك يمين]

مشاهدات 23 ... ولا احد رد ..

من جد تحطموني الحين ...! :( ..

بإنتظاركم

[الموت البطيء]

[align=center]
مساء النور
آخوي كلكـ يمين انت خذت 4 مواد وفي نظري صحيحهـ لأن في خطة الدراسهـ هذهـ المواد اللي درستها في المستوى الاول وكمان ناقصين ,,, وبالنسبهـ للآشخاص اللي قالو انهم صعبين اتمنى ما تسمع لحكي الناس يعني اتوقع القانون ومبادى ادارة اعمال اتوقع سهلهـ لأنها حفظ وانت متخرج ادبي ماشاءالله عليكـ ,, ويمكن الرياضيات والاقتصاد الجزئي تكون فيهم مشكلهـ بس حاول وربي يعنيكـ ..

إذا تبي نصيحتي وآنت بتكمل حاول انكـ تدرس على الخطهـ وتتوكل على الله وتبذل جهدكـ وبالتوفيق لكـ
ولو حسيت ان مواد الكليهـ صعبهـ وما تقدر تكمل الافضل انكـ تبحث عن مكان تقدر تدرس فيهـ وتبدع وتتفوق بعد ترى ماكو شيء صعب بس الانسان يعرف وش ميولهـ ويحاول يحقق آهدافهـ


هذا رابط الخطه الدراسيهـ لجميع التخصصات http://www.ckfu.org/vb/t3432.html

بالتوفيق للجميع
[/align]

[بندر المالكي]

الاخ : الموت البطيء

ما قصر

واعطاك الاجابه الكافيه والوافيه


ما عليك الا تشد حيلك وتنوي بس انك تعطي نفسك العزيمه

والله يوفقك يارب

[lk w7dk]

طبيعي لأنك في البداية راح تكون صعبة عليك بس إن شاء الله تتعود وتجيب درجات أفضل

بس ما قلت وشو هي المواد اللي باقية لك ؟

[كلك يمين]

يسلمووووووووووووووووو ... مشكورين والله على التوضيح

اخوي لك وحدك او اختي .. اذا قصدك وش الباقي من مواد الترم اللي مانزلتها يعني ...!

حسب الخطه المواد اللي ما اضفتها

المحاسبة1
والثقافه الاسلاميه

..
يعني الحين تنصحوني اني ارجع اخذ نفس المواد اللي رسبت فيها واحط معها الثقافه والمحاسبة ..!؟

[36rk]

السلام عليكم ورحمة الله وبركاته ..
خيو فيثآغورس هوع ..

وربي أنه نفسي أسآعدك بس توني متخرجه من الثانوي
ومآ أدري وش السآلفه .. مآ بيدي شيء إلآ أقول الله يوفقك وتبدع وتطيح سوق آينشتآين هع وأخويآه كل أبوهم ,,

بالتوفييق ~

[lk w7dk]

أخوي "كلك يمين"

دام باقي لك محاسبة 1 أكيد باقي لك محاسبة 2 وتكاليف ومتوسطة !!



الترم الجاي حاول تنزل

رياضيات 1 << عند دكتور مصري بس ناسي أسمه !! أسئل عنه يدرس في المجتمع والإدارة أتوقع مافيه الا هو يدرس رياضيات
إقتصاد جزئي << عند الدكتور عبداللطيف بلغرسة
مبادئ إدارة الأعمال << عند الدكتور ناصر القحطاني
محاسبة 1 << عند الدكتور مصطفى حماد
ثقافة إسلامية << أي دكتور ما فرقت المادة جداً سهله


ولازم تعرف بأنك إذا رسبت مو معناها أنك تتحطم وتوقف دراسه !
أنا بنفس دفعتك نفس ظروفك أدرس في الحسا وأهلي في الدمام ورسبت في كم مادة بس الحمد لله تخطيت هالشي والترم الجاي ببدأ بكلريوس بإذن الله

[حلا]

مدري اذا مواد البنات نفس مواد الاولاد بس المواد اللي قلتها كلها عندنا

اهم شي تنزل الترم الجاي محاسبه 1 لانها متطلب لمحاسبه 2 والتكاليف والمتوسطه ,, ومقدمه حاسب آلي لانها متطلب للغات 1 على ماأعتقد ,, والرياضيات1 لانها متطلب لرياضيات 2 , واداره اعمال بعد لانها متطلب للموارد البشريه والاداره العامه .. حاول تذاكر اول باول ولا تهمل المواد خصوصا مقدمه الحاسب والاداره لانها تعتمد على الحفظ بشكل كبير ,, والرياضيات والمحاسبه استعين بمدرس خصوصي


والله يوفقك يارب

[كلك يمين]

المشاركة الأصلية كتبت بواسطة 36rk

السلام عليكم ورحمة الله وبركاته ..
خيو فيثآغورس هوع ..

وربي أنه نفسي أسآعدك بس توني متخرجه من الثانوي
ومآ أدري وش السآلفه .. مآ بيدي شيء إلآ أقول الله يوفقك وتبدع وتطيح سوق آينشتآين هع وأخويآه كل أبوهم ,,

بالتوفييق ~

وعليكم والسلام والرحمه ..

هلا والله هع ..
يسلمووو خيتوو يكفي انك حسيتي بالمعاناه
يسمع منك يارب ... بس اما اطيح سوق اينشتاين >> مع اني اول مره اسمع به بس معصي اطيح سوقه ..

هههههههههههه
مشكوره التوفيق للجميع