الزبده من كل المواد ( عقيدة - انجليزي - تقنية معلومات 1- محاسبه 2- رياضيات 2 )

[محد يستاهل الحب]

(صباح -مساء) الخير

بما اني شاده الهمه هالترم وقربت اخلص المواد ..

حبيت انزل موضوع فيه الزبده من كل المواد الي

درستها من خلال مذاكرتي لها ومن خلال سؤالي

لمستوى ثالث عنها .. واتمنى يفيدكم لاني احس

كثير يسألون عن بعض المواد اشلون نذاكرها ومن

وين ومن هالكلام .. وان شاءالله تستفيدون من
هالموضوع ..

العقيدة .. طبعا انا خلصت مادة العقيدة وكنت متابعه لشرح الدكتور .. فالي حابه اقوله لكم عنها

اول شي المذاكره من ملزمة الدكتور الي منزلها .. وهذا رابطها للي ماعنده يحملها

http://www.4shared.com/document/r5H259Jw/__-10.html

ثاني شي لا تضيع وقتك في متابعة شرح الدكتور في المحاضرات لانه مجرد يقرااء المحتوى فقط لا غير ..

ثالث شي في فصلين ماتطرق لهم الدكتور .. طبعا البعض بيسأل مثلي اذا كانت محذوفه او لا ؟؟

طبعا لا مو محذوفه كل حرف بالملزمة حق الدكتور معنا وهذا مو كلامي كلام الدكتور محمد العقيل

وطبعا فيه فرق بين الملزمه والمحتوى .. فلا تعتمدون على المحتوى لان المحتوى مافيه الفصلين الي قلت لكم الدكتور ماتطرق لها ..

وهذي محاضرة رقم 15 للدكتور محمد العقيل فيها اشياء مهمه بتفيدكم .. ويقول لكم اشلون طريقة الاسئله بالامتحان

http://webstream.kfu.edu.sa/downloads/Dest7401101/15.rar

وهذا كلام مستوى ثالث عن اسألة العقيدة ..

اسئلة الدكتور كانتسهله وفيها كم سؤال دقيق ومن السطور(السهل الممتنع)

جابلنا من الاياتوالاحاديث اللي بالملزمه

وكنا مطالبين بجزء عم،بس ماجانا منه بالاختبار شي،

يعني بشكل عام الماده حلوه

نجي الحين الانجليزي ..

طبعا الي مايعرف شي ابدن بالانجليزي رايح يضيع

بالطوشه لكن المداه حلوه مره بالنسبه للي يعرف

لو شوي لانها اغلبها قرمر وكيف تسوي اسأله ومن هالكلام

مذاكرة المادة من هالملخلص وفيه ترجمه بالعربي للكلمات والاسأله ..

http://www.4shared.com/document/XQlxneu7/___2.html

شرح الدكتور كويس مره للي يبي يتابع المحاضرات والي مايبي يذاكر من هالملزمه وان شاء الله انه ناجح

اسألة الامتحان السمستر الي فات قالوا

الاختبار كان 70سؤال ماطلعوا من المحتوى(يمكن بس سؤالين كانوا من خارجالمحتوى وسهلااااات)

القطع جاب نفس الليبالمحتوى طبق الاصل

يعني لاتخافون منالماده ابد ، وتعتبر ماده لرفع المعدل

تقنية معلومات 1

الماده حلوه بس معلومات كثيره يعني الي يبي يتابع شرح الدكتور انصحه يتابع شرح الدكتور من المحاضرة التاسعه ليش ؟؟
لانه يتكلم عن برنامج وورد فلازم تتابع مع الدكتور وش يسوي وتكون انت فاتح الوورد عشان تفهم بالضبط وش يتكلم عنه الدكتور وتطبق بنفسك وصدقوني ماراح تنسونها ابدن لو تطبقون على الوورد ..
مذاكرتها من هالملزمه

http://www.4shared.com/document/ZXqT9rHy/___online.html

.. اما المحاضرة 1الى المحاضرة 8 مالها داعي مجرد يقراء المحتوى الدكتور فلا تضيعون وقتكم معاه ..

اسئلته كانت متنوعهسهله وصعبه وبعضها مدري كيف خصوصتا العملي

يعني جاب اسئله عمليماتوقعناها تجي

مثلا(لتحديد النص كامل نضغط على ........ منالكيبورد)

وجاب سؤال من الكتابوماكان مذكور بالمحتوى

بس باقي الاسئله كويسه

وهذا رابط لأسئلة الكتاب

http://kfuforums.kfu.edu.sa/showthread.php?t=90400

محاسبه 2

لازم ولازم ولازم ولازم تتابع شرح الدكتور لو ماتابعت

الشرح ماراح تفهم شي ابدن خاص ان فيه تنبيهات يقولكم عليها

الدكتور اثناء الشرح وفيه بعض الاخطاء في الاجابات في اسألة

اختبر نفسك يصححها لنا

طبعا الدكتور الله يعطيه العافيه في نهاية كل محاضرة حاط لنا اسأله وياليت الدكاتره كلهم مثله ..

مذاكرة الماده من هالملزمه
http://www.ziddu.com/download/12873975/21_14.pdf.html

واخيرن .. رياضيات 2

الكل عارف ان الرياضيات فهم .. لكن للاسف مع دكتورنا الغالي

الطاهر مافهمنا شي .. الي متابع المحاضرات بيلاحط ان الدكتور

اول شي يشرح بالانجليزي
وشرحه للاسف مايفهم ابدن .. لذالك الي يبي يفهم الماده انصح

نصيحه وحده مخلصه الماده جيبو لكم مدرس يفهمكم الماده او

أي احد عندكم شاطر بالرياضيات يفهمكم غير كذا ماراح تفهمون
شي ..

الشئ الايجابي في الدكتور انه متعاون معنا وقال ان بالامتحان

ماراح يجيب لنا أي مسائل حلها طويل راح يعتمد على التعويض

المباشر وجزاه الله الف خير

حذف بعض المسائل الطويله بالمحاضرة المباشره وهنا المحذوف
http://www.ckfu.org/vb/t172946.html

طبعا مذاكرة الرياضيات 2 من هنا ..
http://www.4shared.com/document/MR9kpdqS/_online.html

وهذا بعد ممكن يساعدكم ..
http://www.4shared.com/document/-DEHofUm/Doc1.html

وهذا بعد
http://www.ckfu.org/vb/t172411.html

طبعا المحاضرة رقم 14 مراجعه للمنهج وفيها اسألة لازم تشوفنها

السمستر الي فات

اسئلته كانت مرررره سهله وماجاب اشياء معقده وكلها واضحهومباشره

اللي حلهم جابهم ،والحل ابو خطوه وخطوتين بس

اخر شي اتمنى اني اكون افدتكم ولو بشئ بسيط

بالتوفيق للجميع

[دوحه غَنّاء]

يسعد البك
موضوع رائع

والاحلى الصوره الرمزيه

[dw_sw]

ماقصرتي جزاك الله خير

[أم ليــــان]

الله يسعدك ياارب

جدا جدا جدا افدتيني

الله يجزاك خيير وفالك التوفيق يارب

[محد يستاهل الحب]

يسعد البك
موضوع رائع

والاحلى الصوره الرمزيه

اهم شي عجبتك

يسلمووو على المرور

ماقصرتي جزاك الله خير

ويااااك يارب

[لاكوست]

الله يعطيكـ العافيه

[محد يستاهل الحب]

المشاركة الأصلية كتبت بواسطة أم ليــــان

الله يسعدك ياارب

جدا جدا جدا افدتيني

الله يجزاك خيير وفالك التوفيق يارب

اهم شي انكم تستفيدون واتمنى التوفيق للجميع

الله يعطيكـ العافيه

يسلمووووووو

[ام فجورة]

الف شكر ماقصرتي والله لايضيع تعبك

[دوحه غَنّاء]

المشاركة الأصلية كتبت بواسطة محد يستاهل الحب

اهم شي عجبتك

يسلمووو على المرور

تعرفين ليش

لانك صادقة

ما احد يستاهل الحب

[محد يستاهل الحب]

المشاركة الأصلية كتبت بواسطة ام فجورة

الف شكر ماقصرتي والله لايضيع تعبك

امييييين ويااااااك يارب قلوب من هنا لبيتنا

تعرفين ليش

لانك صادقة

ما احد يستاهل الحب

اختصر المسافات

الحمدلله مو لحالي يعني

يسلموووووو على التقييم