|
منتدى حملة الطلاب للتوعية والتثقيف بالسلامة المرورية منتدى يهدف الى نشر وتعزيز مفهوم السلامة المرورية. ويحوي اخبار حملة الطلاب الهادفة الى نشر وتثقيف المجتمع بالسلامة المرورية سواء من خلال المنتدى او خارج المنتدى. |
|
أدوات الموضوع |
#1
|
||||
|
||||
+++ قصيدة عربية فريدة للتوعية المرورية +++
السرعة أكبر حق يحتاج بطلان
لأنه غلط مهما بدوا يمدحونه وان كانت تعرف حد حاير وعجلان قله ترى بعض العجالة مهونه كم من مكان تمر بك فيه الأزمان ويذّكرك لا جيت به في.. طعونه أقسى مكان اللي يذكرك الأحزان لامره الناسي: تداعت / شجونه يذكر.. أقارب، أصدقاء، ربع، خلاّن لكنّ! مرّ الفقد أضمى (عيونه) هذا الطريق إللي خذا منّك إنسان و خلاّك.. تحيا [ ذكرياتك ]، بدونه هنا تشوف إنسان عاشق وفرحان هنا تشوف إنسان وقته يخونه غص الطريق بدم ودموع وأشجان داين ومديونٍ جزت به ديونه مازال هو سبة ضياعي إلى الآن يسحب على نازف جروحي سنونـه لو نلزم القانون وحزام الآمـــان كان الحوادث شي ما يذكرونه درب السلامة له على الخط عنوان نلقاه والله عون من يهتــدونه لاذعذع الغربي نسيمـه مسيـان روحك على ذكرى الحبايب حنونة راحوا وذكراهم بها العطر نشوان عسى الولي ينشي عليهم مزونه خلو مرابعهم للأحزان مســــكان وش ضرهــم لو ما غــلا يذخرونه يا ليتهم تذكروا قبـــل ما كــان بيتٍ بهم يــــاما تغنت ركـــونه راحوا خزيزتهم مثل طير حوران عليه عيني دامعه وامحزونه أحيان تسلم بس في بعض الأحيان يصير شيٍ كلهم يكرهونه بعض الدروب قبور خطوات عجلان أسدل على عرض الأماني جفونه تبي تبوح وداخل الصدر نيران والحزن يعزف للمداين لحونه دايم نقول الدرب ظالم وخوّان وحنا بليا وعي ننهش متونـه اربط حزامك قبل تبكيك الأعيان يا كثر ناس ٍ تسرع ويهملونه إنسان لكن ما حمل هم الإنسان ناسي وغيره في الخفا يذكرونه كم عوّقت وأفنت شبابٍ وشيبان وصكّت بيوت وبكّت أم حنونة كـمٍ على الكرسي معاق وعلى شان ســرعه وخيمة والقيادة رعونة يا صاحبي وش فيك بالحيل عجلان؟ نتيجة السرعة دمار ورعونه . يا كثرهم أقران يبكوا على أقران شخصٍ معاق.. وشخص هم يدفنونه ياليت " عقل الطيش " ينفى لـ بلدان كانت سبب يـرمي "الشباب" بجنونه وكم من حزينٍ فاقدٍ خمسة إخوان في حادثٍ زوّد غثاه، وجنونه..! السرعة هذي شر من صنع الإنسان! كم شخص ماشي في حَـذر يصدمونه! أحيان ممكن في الغلط لاف سِكّـان أو.. منشغــل هـــ السايق بتيلفونـه! فلان امسوّي حادث.. وصادم فلان فلان مات.. وباكر يكفنونــه! لحظة تموت أرواح وتفارق أوطان يضــج ليل دموعنــا في سكونه! ترى القيادة (فن) أخلاق يا اخوان ذوق.. وأدب.. واجب علينا نصونـه! . غلطان من يسرع و60 غلطان وغلطان من يقطع إشارة جنونه!!! الموت فينا بس الأسباب يا فلان تفرق...مع اللي عقلهم يوزنونه! أحيان تقلى لك سبب غبن..واحيان تقول راح وما ترك عمر..دونه!! أركد ترا السرعة وساويس شيطان كم واحدً مبطي بـــكى القلب دونه لا تلقي بنفسك إلى التهلكه كـان تفقه كلام الله وتخشى عيونـه روحك أمانه أودعه عالي الشان ومنهو يخون الرب ربه يخونه السرعة اكبر حق يحتاج بطلان لأنه غلط مهما بدوا يمدحونه وان كانت تعرف حد حاير وعجلان قله ترى بعض العجالة مهونه خلـّونا نبدي يا جماعة من الآن نأخذ حذرنا في الطريق بــ مرونة! لازم نهـدّي في القيادة علـَشان نـكـون عبرة لبعضهم لو يبونـــه: (طريق) خالي من حوادث وأمان لقلوبــ تطمع للحياة ومصونــة ما هو ضروري قيادتك وأنت نعسان في نومتك....... هالدرب ما يقطعونه " " حاول صيانة موترك قدر الإمكان توايره/ فرامله/........... دركسونه حاول إذا لاحظت فيه أيْ نقصان حرّص عليهم.. لازم يكمّلونــــه! الحرص واجب قبل لا يفوت الأوان وهذا آل خطر بإمكانكم تمنعونــه!! |
2010- 11- 24 | #2 |
فريق تطوير الملتقى
|
رد: +++ قصيدة عربية فريدة للتوعية المرورية +++
’
الحرص واجب قبل لا يفوت الأوان وهذا آل خطر بإمكانكم تمنعونــه ! , يعطيك العآفية , قصيدة معبرة فعلاً . . شكراً لك , . . |
2010- 11- 24 | #3 |
مُستشارة إدارية
|
رد: +++ قصيدة عربية فريدة للتوعية المرورية +++
الموت فينا بس الأسباب يا فلان
تفرق...مع اللي عقلهم يوزنونه! الله يحمي الجميييع يَ رب من هـ الحوـآدث يسلموو يَ الغــآليــه |
2010- 11- 24 | #4 |
مشرفة عامة سابقاً
|
رد: +++ قصيدة عربية فريدة للتوعية المرورية +++
كلاام كبير وبالصصصصصصصصصميم يعطيك العافيه حبيبتي |
2010- 11- 28 | #5 |
أكـاديـمـي ألـمـاسـي
|
رد: +++ قصيدة عربية فريدة للتوعية المرورية +++
راااائعه تسلمين
الله يبارك فيك يارب |
2010- 11- 28 | #6 |
أكـاديـمـي
|
رد: +++ قصيدة عربية فريدة للتوعية المرورية +++
اربط حزامك قبل تبكيك الأعيان
يا كثر ناس ٍ تسرع ويهملونه ابدااااااااااااااااااااااااااااع يعطيك العافيه كلمااات روووعه |
مواقع النشر (المفضلة) |
الكلمات الدلالية (Tags) |
للتوعية, المرورية, عربية, فريدة, قصيدة |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تطوير الثقافة المرورية .... مسؤولية من ؟!!! | ترآنيمـ الروح..} | قسم المحذوفات و المواضيع المكررة | 0 | 2010- 11- 24 02:41 PM |