نداء مهم لموظفي أرامكو السعودية المنتسبين في جامعة الملك فيصل

[طالب من الرياض]

السلام عليكم ورحمة الله وبركاته

رسالة إلى الإخوان والأخوات المنتسبين في جامعة الملك فيصل وهم موظفون شركة أرامكو السعودية:

أكتب إليكم كلام قد يخفى على البعض منكم وهو المعدل المطلوب لشهادة البكالوريوس لكي تعتمد و تسجل في أرامكو السعودية لموظفيها والمعدل هو 3.5 من 5 ، أقل من هذا المعدل لا يعتمد لكن من خلال المراسلة بين أرامكو وجامعة الملك عبدالعزيز في جدة حصلوا طلاب جامعة الملك عبدالعزيز على إستثناء في المعدل يعني تقريبا الآن المطلوب لطلاب الملك عبدالعزيز حوالي 3.13 من 5 وهذا شيء جميل جدا ونحن طلاب الملك فيصل باقي على المعدل القديم 3.5 الذي قد يعجز البعض عن الوصول له والتوفيق بين الإجتهاد في الدراسة والعمل. لذلك هذا نداء للتكاتف ورفع برقية لإدارة الجامعة لكي تخاطب شركة أرامكو ويتم مساواتنا بطلاب جامعة الملك عبدالعزيز وأنا متأكد أن أرامكو لن ترفض هذا العدل والمساواة.

خطاب الجامعة لأرامكو:
يقسم المعدل الفعلي الذي حصل عليه الطالب على (5) مثال (3 تقسم على 5 = .06)

يضرب الناتج في (4) (.06*4 = 2.4) وهذا هو المعدل من (4)


هذا رد أرامكو في حساب المعدل الجديد لطلاب الملك عبدالعزيز:
Minimum GPA requirements
2.0 on a 4.0 scale (or equivalent) for undergraduate technical degrees;
2.5 on a 4.0 scale (or equivalent) for undergraduate non-technical degrees;
3.0 on a 4.0 scale (or equivalent) for all graduate degrees.


الزبدة:



جامعة الملك عبدالعزيز المطلوب منهم الان:
3.13 من 5 (2.5 من 4)

جامعة الملك فيصل المطلوب منهم الان:
3.5 من 5 (2.8 من 4)

وشكر لكم

[مجتهد جداً]

هلا بك اخوي وعليكم الســــلام

انا سمعت شي هكا وكثير ناس عادلو لهم بسبب الخطابات منهم شخصياً ومن اداراتهم
وعلى فكره فيه ناس كثير الحين من مستوى سابع شغالين على هـ الموضوع وارسلو خطابات للكارير
وان شاء الله يعدلونها .. بس انت خذ احتياطك من الحين وحاول تخلي معدلك فوق 3.5 وان شاء الله خير والتكاتف شي اساسي وانا معك اخوي وبـ التوفيق ان شاء الله

[bntsweet]

الله يوفقكم اي والله شدو حيلكم وجيبوه المعدل مو كثير تقدرون تجيبونه بترمين ويتغير وضعكم للافضل من ناحيه الوظيفه بدل مايروح تعبكم على الفاضي الله يوفقكم يارب لما يحبه ويرضاه والى الافضل ان شاء الله

[ابن الرياض]

يارجال زين انهم يعطون موافقه لتكملت الدراسه،
الوضع تغير خصوصآ بعد الاستقالات ونقص في الموضفين
هم متخوفين الآن مع الاعداد الكبيره اللي يدرسون انتساب انهم يطالبونهم بتغيير تخصصاتهم وترقياتهم بما يوازي شهاداتهم الجامعيه،
كذلك للآن الاعتراف بالشهاده الجامعيه ضعيف

[سعيدان و عليان]

ودي كذا أتحمس بموضوعكم رغم مالي شغل


ودي اني كذا أحس أني معكم وكذا انكم يعني

أقصد أننا نعاني نفس المعاناه يعني مثلاً انتم في ارامكو الظهران وأنا في أرامكو الشمال


بصراحه لأزم نطالب بالشى الى قلته

[Tornado]

السلام عليكم جميعاً
اقول خلونا على مقرودك لا يجيك الا اقرد منه
زين وافقو على درستنا اخاف نطالب بشي وتقلب علينا

[M000DY]

المشاركة الأصلية كتبت بواسطة ابن الرياض

يارجال زين انهم يعطون موافقه لتكملت الدراسه،
الوضع تغير خصوصآ بعد الاستقالات ونقص في الموضفين
هم متخوفين الآن مع الاعداد الكبيره اللي يدرسون انتساب انهم يطالبونهم بتغيير تخصصاتهم وترقياتهم بما يوازي شهاداتهم الجامعيه،
كذلك للآن الاعتراف بالشهاده الجامعيه ضعيف

صدقت يارجال ..

محاكيك خلص مستوى خامس وللحين مالقى موافقه من ارامكو !

المصيبه يجونك ناس في الإدارة مو فاهمة وتخاف توقع على شي ويصير ضدها او يتعذرون لك انهم مكتفين حاليا


الله المستعان بس ..

[طالب من الرياض]

المشاركة الأصلية كتبت بواسطة مجتهد جداً

هلا بك اخوي وعليكم الســــلام

انا سمعت شي هكا وكثير ناس عادلو لهم بسبب الخطابات منهم شخصياً ومن اداراتهم
وعلى فكره فيه ناس كثير الحين من مستوى سابع شغالين على هـ الموضوع وارسلو خطابات للكارير
وان شاء الله يعدلونها .. بس انت خذ احتياطك من الحين وحاول تخلي معدلك فوق 3.5 وان شاء الله خير والتكاتف شي اساسي وانا معك اخوي وبـ التوفيق ان شاء الله

هﻻ وغﻻ أخوي مجتهد
أشكر لك مرورك الجميل وانا ( اعوذ بالله من كلمة انا ) الحمد لله معدلي زين لكي يعلم الله ان طرح موضوعي انه حبا في الخير للجميع.

وشاكر لك يالغالي

[K7LOOSH]

المشاركة الأصلية كتبت بواسطة طالب من الرياض

السلام عليكم ورحمة الله وبركاته

رسالة إلى الإخوان والأخوات المنتسبين في جامعة الملك فيصل وهم موظفون شركة أرامكو السعودية:

ورفع برقية لإدارة الجامعة لكي تخاطب شركة أرامكو ويتم مساواتنا بطلاب جامعة الملك عبدالعزيز وأنا متأكد أن أرامكو لن ترفض هذا العدل والمساواة.



خطاب الجامعة لأرامكو:
يقسم المعدل الفعلي الذي حصل عليه الطالب على (5) مثال (3 تقسم على 5 = .06)

يضرب الناتج في (4) (.06*4 = 2.4) وهذا هو المعدل من (4)

لن ترفض هذا العدل والمساواة .. اتمنى ذلك

في شي ثاني بنسبة لاجازة الاختبارات
يوم الاختبار فقط .. لايكفي دامهم يبون هذا المعدل والله من دخلت وانا اخذ من اجازتي السنوية
الايام اللي بين الاختبارات
ليش جامعة الملك عبدالعزيز يعطونهم حسب فترة الاختبارات الموضحة في الجدول 14 يوم
المفروض يعطونا مثلهم فترة الجدول الواحد يحتاج راحه وبعد عن العمل شوي عشان يقدر يركز
ويذاكر وهو مرتاح وخاصة موظفين الشفتات و 12 ساعه


وبنسبة اذا كانت ارامكو تطلب من الموظفين فوق 3.5 على حسبتهم معناتها لازم تجيب
من معدل الجامعه فوق 4.5 = 3.6 عند ارامكو

<<<< غاسل يده منها

الله يوفق الجميع ويكتب لنا الخير ان شاء الله

[فارس740]

الوضع بالنسبة لي ما تفرق حطوها 5 من 5 اي شي بجيبه ان شاء الله

قهـر خلصت مستوى خامس وبدون موافقة ولكن بيجي يوم واقهرهم