 |
|
||||||
| ملتقى الكليات الصحية بالاحساء ملتقى طلاب وطالبات الكليات الصحية التابعة لجامعة الملك فيصل بالأحساء |
 |
|
|
أدوات الموضوع |
|
#1
2008- 12- 8
|
|||
|
|||
|
ارجوكم ارجوكم ارجوكم جاوبوني بسرعه
السلام عليكم وعيدكم مبارك...
بليز عندي استفسار... انا ودي اعتذر او أأجل دراسه من كلية الطب بالاحساء لاني حاس اني ميح في الانجليزي فهل اقدر .. لاني ناوي أروح ادرس انجليزي بره واتمكن من الانجليزي وارجع اكمل... بليز قولوا لي اقدر ولا لا ومن اروح له فهموني ياجماعه ونصحوني وش اسوي 
|
|
2008- 12- 8
|
#2 |
|
أكـاديـمـي مـشـارك
|
رد: ارجوكم ارجوكم ارجوكم جاوبوني بسرعه
مرحبا فيك أخوي
اذا أردت تجربتي و تجربة الكثير مثلي ما درسنا انجليزي لا دورة هنا ولا دورة خارج السعودية و كنا ميح مثل ما تقول في الانجليزي و لكن مع الايام تعلمنا , ولا زلنا نتعلم بس الطريقة يا أخوي في تعلمك هي الي ممكن انك تصححها لأنك اصلا اذا بتدرس طب = انجليزية علمية و اذا جيت بتدرس برا = مدري صراحة وش بيعطونك ولكن اغلب الاحتمال انجليزية عامة ========== بالنسبة في قدرتك على الاعتذار << ما ادري كونك سنة أولى لأني الي اعرف انهم اخذوا وقف اخذوا مع بداية سنة ثانية يعني بعد ما عدوا سنة أولى ========== نصيحة : سنة أولى يعلمونك فيها كتابة و استماع و قواعد الخ و اذا كنت بتدرس برا راح يعطونك نفس المواد المغزى : حاول تترجم الكلمات الي تحسها معقده عندك , و انك تتابع أول بأول مع الدكاترة , و تسمع وش يقولون حتى لو ما كنت تفهم , و طبعا الكلمات الي ما تفهمها اكتبها في ورقة و اول ما ترجع البيت ترجمها و على طول كذا , بتحس نفسك فاهم على الدكتور و على طريقة نطقه موفق اخي الكريم |
|
|
|
2008- 12- 8
|
#3 |
|
أكـاديـمـي مـشـارك
|
رد: ارجوكم ارجوكم ارجوكم جاوبوني بسرعه
صحيح نسيت أسأل
انت من طلاب الاحساء ؟؟ اذا كان نعم فالمسؤل الي ممكن تروح له و يفيدك هو الدكتور حمدان و راح يعطيك نصيحة مع الاجابة على استفسارك لانه يهتم في طلبة كلية الطب |
|
|
|
2008- 12- 9
|
#4 |
|
عضو في الفريق الإعلاني
|
رد: ارجوكم ارجوكم ارجوكم جاوبوني بسرعه
 ت ابي أحد ينصحني وش اسوي درجاتي زفت |
|
|
|
2008- 12- 9
|
#5 |
|
أكـاديـمـي مـشـارك
|
رد: ارجوكم ارجوكم ارجوكم جاوبوني بسرعه
أخوي
و الله عارفة شعورك لأني مريت بنفس الوضع أنا و الكثير من طلبة الطب أقول لك وش كانت درجاتي ؟؟ كنت في كل اختبار اخذ نصف الدرجة او أكثر بدرجتين و مهما حاولت أحسن من وضعي ما كان فيه فايده من 20 اجيب 12 و اذا حيل ينقالي صرت شاطرة 13 :c8: خصوصا في الرايتنق و اللسننق و مع ذالك كنت اقول الحمد لله و ان شاء الله راح اجيب افضل و الحمد لله عديت سنة اولى على خير حاول انك ما تقلل من عزيمتك ولا تحبط نفسك بتاتا لأن لساتك في بداية الطريق و قدامك فرص مش فرصة وحده و بعدين يا اخوي الانجليزي الي هو ( استماع , كتابة , قراءة + مادتين الفصل الثاني) كلهم لهم 100 درجة يعني من الممكن انك تحسن درجتك في مادة تحبها من هالمواد و بالتالي تجيب درجة حلوة في الانجليزي بشكل عام , لا تفتكر ان لكل مادة من هالمواد 100 درجة ! بالنسبة لي كنت ما اعرف اعبر في الكتابة ولا اسمع عدل لان صاحب الشريط يسرع بالنسبة للرايتنق و اللسننق صرت احاول اجتهد و اجيب درجات في مادة القرامر لانها كانت مادة افضل من غيرها و احسن من وضعي في الريدنق و في مادة راح تاخذونها الفصل الثاني اسمها مدكل ترمنولوجي الي هي المصطلحات الطبية , كانت مادة حلوة بعد و سهلة و تقدر تجيب فيها درجات و مادة صحيح مش حلوة لكنهاحفظ يعني احفظ و راح تجيب فيها درجات , اسمها ذا لانقوج اوف مدسن و بعدين اذا كنت تبقى تقسم الدرجات فهي تقريبا كذا 60 او 50 للريدنق ( سكلفل ريدنق و انجلش فور ساينس و ذا لانقوج اوف مدسن و مدكل ترمنولوجي ) 30 للقرامر 10 او 5 كتابة 10 او 5 استماع اتذكر كنا نكرف و نذاكر و الاختبار يكون عليه درجتين تخيل ! نهائي الاستماع عليه درجتين بس ! شد حيلك في المواد الي عليها درجات كبيرة و الي هي الريدنق و القرامر و هذول مقارنة بغيرهم ان شاء الله راح يكونون اسهل توكل على الله و ذاكر بشكل مستمر ولا تهتم في الدرجة اهم شيء انك تذاكر و متوكل على الله و ان شاء الله راح تنجح و بدرجة حلوة شد حيلك في المواد العلمية بعد , الانجليزية العلمية تراها سهلة اكثر من الانجليزي العامة موفق اخوي سو الي قلت لك عليه و صدقني بتنجح ( اهم شيء بذل الاسباب + التوكل على الله ) اذا نجحت اتمنى تمر هنا في ملتقى كلية الطب و تقول انا سويت الي قلتي لي عليه و نجحت بمشيئة الله  قلت حق بنت ما قبلوها بداية القبول في الطب توكلي على الله و بيقبلونك طب حتى لو نهاية العطلة مع الدفعات الجاية و بالفعل قبلوها ما شاء الله و مرت هنا و قالت صحيح الي يعتمد على الله ما يخيبه اتمنى تتوكل على الله و تذاكر و هذا الي عليك << ما في شي قدامك تسويه غير كذا !! |
|
|
|
2008- 12- 9
|
#6 |
|
أكـاديـمـي مـشـارك
|
رد: ارجوكم ارجوكم ارجوكم جاوبوني بسرعه
http://www.ckfu.org/vb/showthread.php?t=24180
اقرأ هذا الموضوع اخوي اذا كانت رغبتك هي الانتصار على المواد الصعبة |
|
|
|
2008- 12- 10
|
#7 |
|
أكـاديـمـي ذهـبـي
|
رد: ارجوكم ارجوكم ارجوكم جاوبوني بسرعه
مااشاء الله عليك ياأرجوان
كلامك ذهب وربي رفعتي معنوياتي وشجعتيني على الاجتهاد اكثر واكثر الله يجزآك كل خير ويعطيك على قد نيتك :c8: |
|
|
|
2008- 12- 11
|
#8 |
|
أكـاديـمـي مـشـارك
|
رد: ارجوكم ارجوكم ارجوكم جاوبوني بسرعه
تسلمين اختي و شكرا على مرورك الكريم
انا كنت في سنة ثانية بسبب التعب و الخوف الي جا لنا دايم اقول اقطع ألمك من عمقه ب سن الفأس و انهض بجد و ان فشلت فقل لا بأس فلا لليأس لا لليأس لا لليأس الجلوس ووضع اليد على الخد ما يفيد |
|
|
|
2008- 12- 11
|
#9 |
|
أكـاديـمـي فـعّـال
|
رد: ارجوكم ارجوكم ارجوكم جاوبوني بسرعه
^ ^ ^  الله يوفقكم يا عيالي <<< وش عندها أم الدنيا  صراحة جلست أتأمل الموضوع و كلاماتكم و أتذكر الأوضاع اللي مرينا فيها لما كنا قدكم كذا كان الوضع مثل ما صورتوه و يمكن أسوأ لأن تصاحب مع تغريبة  بس أنتو اللحين ان شاء الله أوضاعكم أفضل .. من جد كل المصاعب مرينا فيها كلنا ... و هذا احنا بسنين متقدمة بالطب ... وش حلاتنا اسم الله علينا .. وهــ فديتنا بس و أكيييييد أنتو قدها بعد :praying: |
|
|
|
2008- 12- 11
|
#10 |
|
أكـاديـمـي
|
رد: ارجوكم ارجوكم ارجوكم جاوبوني بسرعه
الله يوفقك ياأرجوان ويسعدك
وسارا إن شاء الله من نجاح لآخر يارب وبإذن الله نسير على نهجكم وربي ييسر لنا أمورنا وياكم احنا قدها ويارب نعدي هـ السنة بمعدل يرفع الراس [دكتورات المستقبل] هذا شعارنا |
|
|
|
| مواقع النشر (المفضلة) |
| الكلمات الدلالية (Tags) |
| بسرعه, جاوبوني |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
