ضيفة جديدة فهل من مرحب ؟

[أم دانة]

السلام عليكم ورحمةالله وبركاتة

تم قبولي والحمد لله في قسم إدارة اعمال وإنشاء الله بنضم لكم عن قريب مرة متحمسة انضم لكم من كثر تعاونكم ما شاءالله بس يوم شفت اغلب الاسئالة عن الرياضيات جاني مغص نظرا لماضيي معه بس بعد ما شفت تفاعلكم وتعاونكم إنفرجت اساريري جعلكم كلكم تدخلون الجنه<<من قلب طالعة والله من الخوف
المهم انا ابي استعد قبل ما يبدا الترم ابي اشوف المحاضرات وأقرى الملخصات والاسئالة وين القى المحاضرات وابي الدكاترة نفسهم الي بيدرسوني هل موجودة على اليوت يوب؟
انا ادبي والرياضيات لا أحبه والايحبني تقدرون تقولون ببدأ من الصفر فية ابي ادرسة وافهمة من عروقة <مدري وش ذا الدفارة الي نزلت علي (قولوا ما شا الله )
فهل بجيب فل مارك فية وفي كل المواد لان هذا حلمي تكفون لا حد يحطمني ابي ارفع راس اهلي و زوجي ثاني شئ انا كان نفسي في قسم ادارة عامة لكن جامعة الملك عب العزيز ما فيها تسجيل الترم الثاني وانا ما حبت اضيع علي الوقت فسجلت وشرايكم اكمل ادارة اعمال (قطاع خاص) والا انقل ادارة عامة (قطاع حكومي ) واشمل
واخيرا هل فية ترم صيفي
شكرا لكم مقدما واسفة علي الاطالة

[هنوووونه]

هلا وغلا فيك حياتي منووووووووووره واالله يوفقك يارب وان شاء الله راح تنبسطين وتستانسين معنا

الاسئله عن الرياضيات لاانه الاختبار يووم الاثنين وبالعكس مررره حلوه بس يحتاجون الاخوان للشرح

عمووما منوره واتمنى لك التوفيق

بالنسبه للمحاضرات والدكاتره انتظري لحد مايبداء الترم في نهاية شهر 3 وكل شئ راح يوضح لك ياقلبي لاتستعجلين وبتتيسر امورك

وبالنسبه للقطاع مافهمت وش تقصدين والله

وش كمااااااااااااااان ايوه

مافيه ترم صيفي ولافيه كمان تحويل لللانتضام وسلامتك

اتمنى اكون افدتك بشئ

ومنووووووووووووووووووووووووووره

[ليثاوي الرياض]

هلا بك و مرحب 1000000000
بنسبه لختيرك القسم و التخصص ممتاز فسوق العمل محتاج له
اما رغبتك في الخاص و الحكوني فهذه رغبه شخصيه انت الي تري نفسك وين

[الخمري]

الحياه حلوه بس نفهمها

مافيه شي صعب تابعي المحاضرات اول باول وتكون سهالات انشاء الله والاخوان مايقصرون جميعا اي شي يصعب عليك اسدحيه بها المنتدى والكل يتفاعل معك

فالك التوفيق باذن الله

[Adel A]

عليكم السلام والرحمة ..

مبروك ، شدي حيلك ..

ادارة الاعمال تحتاج تركيز ومتابعه ..

أول مستوى ، راح تواجهين ( رياضيات × محاسبة ) تعتمد على المعادلات الحسابية ..

وكلها راح تكون سهلة في حالة وحده بس ، اذا شديتي حيلك وتابعتي مع دكتور المادة ، وتجاهلتي الصعوبات اللي يتكلم عنها البعض ..

موفقة ..*

[.. موب أنا ..]

المشاركة الأصلية كتبت بواسطة أم دانة

السلام عليكم ورحمةالله وبركاتة

تم قبولي والحمد لله في قسم إدارة اعمال وإنشاء الله بنضم لكم عن قريب مرة متحمسة انضم لكم من كثر تعاونكم ما شاءالله بس يوم شفت اغلب الاسئالة عن الرياضيات:cry111: جاني مغص نظرا لماضيي معه بس بعد ما شفت تفاعلكم وتعاونكم إنفرجت اساريري جعلكم كلكم تدخلون الجنه<<من قلب طالعة والله من الخوف
المهم انا ابي استعد قبل ما يبدا الترم ابي اشوف المحاضرات وأقرى الملخصات والاسئالة وين القى المحاضرات وابي الدكاترة نفسهم الي بيدرسوني هل موجودة على اليوت يوب؟
انا ادبي والرياضيات لا أحبه والايحبني تقدرون تقولون ببدأ من الصفر فية ابي ادرسة وافهمة من عروقة <مدري وش ذا الدفارة الي نزلت علي (قولوا ما شا الله )
فهل بجيب فل مارك فية وفي كل المواد لان هذا حلمي تكفون لا حد يحطمني ابي ارفع راس اهلي و زوجي ثاني شئ انا كان نفسي في قسم ادارة عامة لكن جامعة الملك عب العزيز ما فيها تسجيل الترم الثاني وانا ما حبت اضيع علي الوقت فسجلت وشرايكم اكمل ادارة اعمال (قطاع خاص) والا انقل ادارة عامة (قطاع حكومي ) واشمل
واخيرا هل فية ترم صيفي
شكرا لكم مقدما واسفة علي الاطالة

هلآ بك أختي وحيآك الله ..

بس نصيحه لك بما أن ماعندك أختبارات وضغوطات عليك الحين ..
من رأيي أنك تجمعين اسئلت الأختبارات الي منزله الحين .. وترجعين للمواضيع القديمه للمواد الي اختبرناها وتاخذين الاسئله المحلوله ..
عشان لاقربت الاختبارات الا هي تكون عندك وتساعدين الطلبه الي مسجلين معاك وتسهلين عليهم بالملخصات ونماذج الاختبارات ..

كل التوفيق لك أختي ..

[@الشمالي@]

حياك الله ام دانة ومبروك القبول

ومثل ماقالت لك الاخت هنوووونه

[ابو ناااايف]

اوم الدفره ماشاء الله

[الطرقــي]

عليكم السلام ورحمة الله وبركاته

هلآ و غلآ

حيآآآك الله

[سموالمشاعر]

حياااااااااااااااااااااااك الله يا أم دانه

وبالتووووفيق ان شاء الله