سؤال عن حال كلية الجبيل الصناعية

[الحسن البصري]

ارجو الاجابة بشكل واضح وعدم المرور دون اجابة انا فعلا اريد ان ادرس واعلم ان معظم الذين في الجامعات والمدارس لا يريدون شيئا الا الشهادة المهم سؤالي هو هل الدكاترة شطار يعرفون يشرحون يأتون بمعلومات خارجية لو اسألهم اسئلة(طبعا اسئلة علمية)يجيبون ام لا الانجليزي هل يعرف فعلا يشرح شرحا دقيقا ممتازا ام لا؟الرياضيات كيف حاله هل يشبع رغبات الطلاب في سرد المسائل والمعادلات؟ومسأله النقاش حول النظريات والاتيان بالامثلة المضادة هل يقبل الدكتور بها ام لا؟يعني هل فعلا المحاضرة محاضرة علمية ام كأني جالس في الثانوي دكتور لا يجيد الشرح ويحذف الاشياء الصعبة ومدري ايش افيدونا جزاكم الله خير

[breaker]

هههههههه طالب علم من أصل

معظم اللي قلته يعتمد على الدكتور و بخصوص انك تسئله معظم المحاضرات ساعة الى ساعتين فيعتمد على سؤالك(هل يدخل في المنهج؟) وانا اعتقد التحضيرية الدروس أفكارها بسيطه اما سؤالك عن حذف الدروس فلا, في شي اسمه syllabus يحدد ما تدرسه لا يخرجون منه

[هاووي لعب]

بالتخصص أسأل زي ما تبي وبتلقی إلاجابه أما بخصوص حذف الاسئله الصعبه ما فيه النظام ذا الاسئله إلى يشرحها معك ودام انت مهتم بالأمور ذي فأهنيك الصراحه وفالك التوفيق

[ali3010613]

سؤالك حلو و حاشر بنفس الوقت يالخوي بس ابا اقول لك انه يعتمد على حسب المدرس و الكليه فيها الزين و الشين يعني مدرس اذا سألته كأنك سابه و مدرس لا تشوفه وسيع صدر يتقبل اسألتك و مناقشاتك بس الاهم تكون بنائه و ما تاخذ وقت كثير لانه فيه سايلابل يمشي عليه الدكتور و لو تبغى تسأل عن اسماء الدكاتره الكويسين راح اسدحهم لك حاضرين

[خرّيج الجبيل]

اذا حاب تثري معلوماتك اكثر من المدرس اللي حاس انه مفيد لك ، بإمكانك مراجعته في الاوفيس اور [ الساعات المكتبيه ] الخاصه بالمدرس .. وراح يفيدك بكل اللي يقدر عليه

طبعا مثل ما ذكرو الاخوان ...

بعض المدرسين تحسهم يبون يمشّون المحاضره بسرعه ويشرحون المطلوب منهم ويفتكون من الطالب ، ولا يحبون اي فلسفه او اسئله من الطلاب .. وهم قله

غالبيه المدرسين .. يشرحون بذمه وضمير ويحاولون يوصلون المعلومه للطالب بكل سهوله ويسر ويتقبلون اي سؤال او اي اشكالية من الطالب.

ولكن ، يوجد بعض المدرسين وهم قلة كذلك .. هؤلاء اذا شافو أحد الطلاب على سبيل المثال عنده موهبه او عنده حاجه مميزه مثل سرعه الفهم أو القدرة على تحليل الجزئيه اللي يشرحها المدرس واستوعابها بشكل مثالي ، في هذه الحاله تلقى بعض المدرسين يركزون على هالطالب وذلك بإفادته بالمزيد من المعلومات وتحفيزه للبحث في التخصص أكثر وأكثر ... طبعاً هؤلاء الطلاب قد يتاح لهم فرصة اكمال دراستهم في الخارج عن طريق الكلية بحيث يآخذ الشهاده ويعود للكلية كمعيد فيها ...

طبعا عندك مجموعه مدرسين كانو طلاب في الكلية واكملو دراستهم في الخارج ، والان هم معيدين في الكلية ، مثل الأستاذ سامي العنزي مدرس في تخصص البوليمر.