｡◕‿◕｡ مراجعة مبادئ الاحصاء ｡◕‿◕｡

[how are you]

سلآم عليكم ورحمة الله وبركاتة

يسعدني صباحكم /ومسائكم ي طالب وطالبات مستوي آول ..

لي قرب الاختبارات قرارت افتح هذا موضوع الي راح يكون مخصص المراجعة آو مذاكرة

مادة مبادئ الاحصاء

اي سوال اي استفسار اي شرح فقرة او مسائلة بخصوص هذي مادة راح يكون في هذا موضوع

موفقين يارب جميعا في مذاكرة

[دنياي جنة]

[Doo3a_al3bbad]

هلا كيفك
تعرفون انو انا مالي بالمقدمات راح ابتدي على طول

بما انو انا اعشق الاحصاء راح انزل كل يوم شرح لمحاضرتين او اكثر الى ان نخلص المنهم بهذا الاسبوع
واللي فاهم المنهج ياريت ينزل شرح هنا لانو ماراح اقدر لحالي
اكملة بسبوع عشان ننتقل للمواد الثانيه
واللي مهب فاهم شي او نقطه نناقشم هنا اوك حلوو

~(بسم الله الرحمن الرحيم )~
راح اكتب اول شي مواضيع اللي اخذناها كلها في المقرر عشان يكون واضح
اذا خلصتو من المنهج ارجعو للفهرس وشوفو هل عرفتو كل شي فيه it is ok
(أ)المقدمه :-
(1) تعريف علم الاحصاء واقسامه
(2) ارتباط علم الاحصاء بالعلوم الاخرى
(3) امثلة حول بعض الابحاث العلمية وكيفية استخدام علم الاحصاء للوصول الى اهداف هذه الدراسات
(4) طرق سحب العينات
(ب) عرض البيانات من خلال الجداول احصائيه ومن اشهرها التوزيعات التكراريه بالاضافه الى التعرف على بعض طرق الرسم
(ج) مقاييس النزعه المركزيه ومنها :-
(1) الوسط الحسابي
(2) الوسط المرجح
(3) الوسيط
(4) المئينات
(5) العشيرات
(6) الربيعات
(7) المنوال
(د) مقاييس التشتت
(1) المدى
(2) الانحراف المتوسط
(3) التباين
(4) الانحراف المعياري
(هـ) الارتباط والانحدار
(1) معامل ارتباط بيرسون
(2) معامل ارتباط سبيرمان للرتب
(3) معادلة خط الانحدار البسيط
(و) السلاسل الزمنية
(1) معامل الخشونه
(2) مركبة التذبذب
(3) مركبة الاتجاه
(ي) الارقام القياسيه
(1) الارقام القياسية البسيطه
(2) الارقام القياسية المرجحه
<< لاحد ينصدم من الفهرس تراه كثيييير سههل

ايه قبل لا انسى لا احد يكتب يجزاك خير وربي يوفقك
لانو تاخذ كثييير صفحات وتشتت الموضوع نكتفي بلايكات
والدعاء خلف الكواليس

[sport girl]

اهنيش على الموضوع \ دوععا ممممممره تسلممممين جزاش الجنة يا رب *

[Doo3a_al3bbad]

~( مقدمه )~

اولآ :-
تعرف الاحصاء :
هو العلم اللذي يهتم بطريقة جمع وعرض وتبويب وتحليل البيانات لاخذ القرار المناسب بناء على هذا النحليل

ثانيا:-
الاحصاء يستخدم بكل الحقول العليه وله خاصيتين هم :
(1) نظري (( وهو يسمى الاحصاء الرياضي ))
( ويستخدم براهين وقوانين رياضيه هنا )
(2) عملي
( وهنا عكس النظري يستخدم اشياء نظريه مهب قوانين رياضيه على ورق )
وهو نوعين :-
-) وصفي ( يتضمن وصف وجمع وعرض وتحليل البيانات بس باستخدام (الرسم ومقاييس الاحصاء والجداول )
-) التحليلي ( هنا يفسر النتايج اللي وصلنا لها في الوصفي )

يعني هنا الفرق بينهم :-
انو الوصفي يتعامل مع الداتا يعني بيانات بين ايدينا اما التحليلي يعمم النتائج على المجتمع

ثالثا :-
بعض المسطلحات المهمه في الاحصاء
*) المجتمع ~> وهو مجموع افراد موضوع البحث وهناك نوعين للمجتمع
(أ) منتهي : يمكن انك تعده
(ب) غير منتهي : ماتقدر تحصي عدد افراده
*) المعلمه ~> هي قيمة عددية توصف جميع البيانات اللي في المجتمع ويرمز له بالحرف اليوناني ميو (μ) وسجمة (σ)
*) الاحصائيات ~> هي قيمة عددية تمثل عينة وليس مجتمع مثل المعلمة ويرمز لها بالرموز الانجليزيه ( m , s , X-bar )
*) المتغير ~> هي الخصائص التي يصف كل فرد من المجتمع ( العمر - الطول )

[Doo3a_al3bbad]

[color="magenta"]~( راح ندخل بطرق سحب العينه )~

من المهام الاساسيه في علم الاحصاء
( جمع البيانات )
وعشان نقوم بجمع البيانات لابد نسحب عينه و هناك خمس طرق لسحب العينه
(1) العينه العشوائيه البسيطه
(2) العينة الطبقيه
(3) العينة العنقوديه
(4) العينة المنتظمه
(5) العينة المعياريه

اولا :-
طريقة سحب العينه العشوائيه البسيطه
ومن صفاتها هذي العينه ( يعني على اي مجتمع نستخدمه )
1) حجم المجتمع لابد انو يكون معلوم اللي هو رمزه (n)
(2) افراد المجتمع لابد ان كونو متجانسين ( يعني نفس الفصيله )

طريقة استخدامها شارحتها انا من قبل هنا ..
وفي هذي اسهل منها مافي افرضو آنو فيه مجتمع دراسي وتبين تاخذين عينه عليهم
مثل كذا
http://i.imgur.com/mrkM8.jpg
^
^
يميكم على الرسم
المهم بشرحلگ بالعاميه بعد گذا افصلگ علمي مدري رياضي ..
تخيلي آنو في هذا المجتمع الدراسي فيه 2345 طالب وقالولگ اسحبي عينه عشوائيه ..
وش تسوين تگتبين ارقام الطلاب گلهم او اسمااهم اللي تبين وتقطعيينهم وتحطينهم في حووض ( اللي يحطونفيه اسماء المتسابقين وگذا << عرفيته صصح )
عشان تدخلين يدگ وتسحبين عشوائي ..
المهم واللي يطلع اسمه او رقمه هو داخل هذي العينه مايحقلگ انو تغيرينه ..
گيف تعرفين عدد الارقام او الاسماء اللي تطلعينهم هو يقولگ انو n=50 >> مثلا ..
فتطلعين 50 رقم او اسم وبس ..
الحين نفس هذي الطريقه تطبقينها على الاحصاء ..
مثلا قالگ مجتمع حجمه N=1000
و قالگ اسحبي عينه قدرها n= 50
تاخذين جدول الارقاام العشوائيه فيه جميعع الارقام ..
وتختارين اي 50 رقم تبيينه وتحطينهم بالعينه ..
وبس وگان الله غفورا رحيما ..

^
^
بس حطي ببالگ شغله آنو لابد تحطين رقم متسلسل لگل طالب حسب حجم المجتمع ..
يعني المجتمع هنا عدده 1000 تبتدين توزعين الارقام على الطلاب من 0000 .......999

ثانيا :-
طريقة سحب العينة الطبقية
ومن خصائصه انو
(1) يكون المجتمع غير متجانس
(2) عدد افرادها غير معلوم

طريقة الحل شرحتها من قبل انا هنا
http://i.imgur.com/HbB0f.jpg
http://i.imgur.com/cxOVR.jpg
http://i.imgur.com/UXP6i.jpg
http://i.imgur.com/Pd0ur.jpg
http://i.imgur.com/Wnr4X.jpg
http://i.imgur.com/GMtW1.jpg
http://i.imgur.com/O9auP.jpg

ثالثا:-
العينة العنقودية
لابد انو يكون المجتمع متجانس
( وهي تقسم المجتمع اقسام داخل اقسام الى ان يشبه عنقود العنب )

رابعا :-[/color]
العينة المنتظمه
وهي لنوعية منتج معين ( مثل عينة مطعم الجامعه مثلا )

خامسا :-
العينة المعياريه
تستخدم في الدراسات الطبيه
( يعني نسبه نتيجة نجاح العمليه )

[أمواج...]

آعتذر إذآ كآن التمثيل مو وآضح، بس آتمنى آنكُم فهمتٌو، هذآ اللي ربي قدرني عليه "$
اعتفس الاكسل حولت للفوتو
+ موفقينْ

[Doo3a_al3bbad]

~( بناء التوزيع التكراري )~

هذا التوزيع التكراري هو جدول يمثل عامودين وهم الفئات والتكرارات
يعني مثلا لو عاطينا بيانات كثيره وقالك طلعي التوزيع التكراري
لابد تعرفين اول شي الفئات
وكيف تطلعين الفئات راح احط مثال عشان يوضح اكثر
مثلا :-
ابني التوزيع التكراري للبيانات التاليه ( هو راح يعطيك مجموعه من البيانات مثلا علامات 30 طلاب بماده معينه )

18 , 33 ، 35 ، 30 ، 25 ، 22 ، 42 ، 21 ، 47 ، 26

38 , 30 , 29 , 22 , 32 , 33 , 35 , 20, 19 , 41

46 , 45 , 41 , 21 , 16 , 15 , 19 , 17 , 35 , 36

يوم يعطيك توزيع كذا فيه عده خطوات تمشين عليها وهي
نحدد عدد الفئات ( يعني شوفتو عمود الفئات نحدد كم فئه نحتاج )
هو بعظ الاحيان يحدده لنا يقول بالسؤال
المطلوب تكوين جدول توزيع تكراري و عدد الفئات = 6

اول شي
بعد مانشوف الأرقام أول خطوة نتبعها هي انو نشوف الأرقام كلها
ونرتبها كاملة من أصغر رقم إلى أكبر رقم

15 16 17 18 19 19 20 21 21 22

22 25 26 29 30 30 32 33 33 35

35 35 36 38 41 41 42 45 46 47
وان كانت سريع البديه لاترتبهم فقط الغرض من هذي الطريقه انو نعرف ( اكبر رقم واصغر رقم عشان نحسب المدى )
لانو الدكتور ماقال انو نرتبها بس انا فالحه تعرفوني
اسهلي كذا


ثانيآ :-

نجي للخطوة الثانية ونحسب ( المدى )
حساب المدى سهل وخاصة بعد مارتبنا البيانات (الأرقام )
نأخذ أكبر رقم وأصغر رقم
أكبر رقم 47
وأصغر رقم 15
حساب المدى ( 47 - 15 =23 )
إلى الأن كل شئ واضح إن شاء الله



ثالثآ :-
الحين نحسب طول الفئة △
القانون يقول : (( المدى قسمه عدد الفئات )) 23/6 = 5.333
نقربها وتصبح 6
الحين كل شئ واضح عندنا وباقي ننقل البيانات بالجدول
بالنسبة للفئات نبتدي من أصغر رقم في البيانات وطول الفئة عندنا هي 6
نعد من 15 لست مرات يعني ( 15 16 17 18 19 20 ) يعني صارت الحين الفئة 20 - 15
مهم جداً فهم هالنقطة اللي بعدها يكون من 26 – 21 وكذا اللي بعده 32 - 27

بكذا راح يكون في الجدول الفئات كذا

الفئات
20 - 15
26 - 21
32 - 27
38 - 33
44 - 39
50 - 45


لاحظو يوم
نشوف جدول الفئات الحين مكون من سته أسطر يبتدي من 20 - 15 وينتهي 50 - 45
لو عديناها بنلقاها سته وهذي هي اللي تجي مع السؤال فوق بأن عدد الفئات تساوي 6


رابع شي :-
نجي نطلع التكرارات اول شي نروح للارقام اللي رتبناها ونفرغ البيانات
كيف نفرغها ؟؟
هذي ناخذ اول فئه احنا مطلعينها (20 - 15) نروح للبيانات ونحسب الارقام من عدد 20 الى 15
وهم (15 16 17 18 19 19 20 ) << عددهم 7 اول تكرار رقمه 7
والثاني نفس الطريقه الفئه الثانيه (26 - 21 ) نروح للبيانات ونحسب الارقام من عدد 26 الى 21
وهم ( 21 21 22 22 25 26 ) << عددهم هنا كم ؟؟ 6
يعني التكرار الثاني 6
بكذا راح بيطلع معنا جدول التكرار كذا

التكرار
7
6
4
7
3
3

وگآن الله غفورا رحيما

[Doo3a_al3bbad]

~( راح اكمل التكرارات وانواعه )~



هناك 3 انواع من التكرارات وهي :-
(1)التكرار النسبي
(2) التكرار المئوي
(3) التكرار المتجمع
بس قبل ماادرخل في حساب اي نوع من انواع التكرارات
بعلمكم طريقة ايجاد
*) مركز الفئة (i)
*)والفئه الفعليه
<< طبعا هذولي مطلوبين نعرفهم قبل كل شي عشان نعرف نطلع انوع التكرارات


اولا :-
مركز الفئة (i)
هذي سهله لها قانون فقط احفظيه وطبقي << هذا اول قانون بالاحصاء سجلو
( الحد الادنى للفئه + الحد الاعلى للفئه / 2 )
يعني تروحين لكل فئه من اللي فوق وتسوين خانه اسمها مركز الفئات
اول فئه كانت ( 20 - 15 )
هذي تطبقين عليها القاعده
20 - 15 /2 = 17.5
.
.
Etc. الى الباقين
بكذا راح يكون في الجدول

مركز الفئات
17.5
23.5
29.5
35.5
41.5
47.5

ثانيا :-
الفئات الفعليه :
هذي يبيلها لفه شوي
هي لها قانون وهو
(( نطرح نصف وحده الدقه من الحد الادنى لكل فئه & نضيف نصف وحدة الدقه للحد الاعلى ))
<< كيف شرح القانون
هذا الله يسلمكم فيه شي اسمه وحدة الدقه كيف نطلعها ؟؟
هذي على حسب الاعداد اللي في الفئه ان كانت :
(1) البيانات اعداد صحيحه يعني عدد صحيح مافيه بوينت مثل (15 - 22 ) هذي وحدة الدقه دايركت 1
(2) البيانات اعداد ذات منزله عشريه واحده مثل (3.4 - 4.6 ) هذي وحدة الدقه دايركت 0.1
(3) البيانات اعداد ذات منزلتين عشريتين مثل ( 2.45 - 3.56 ) هذي وحدة الدقه 0.01
اذا كانت لثلاث منازل تزيدين صفر ............ Etc.

بعد ماعرفنا كيف نطلع وحدة الدقه
الحين ايش وحدة الدقه للفئات اللي فوق ؟؟
(1) ليه لانهم اعداد صحيحه لاحظهم

الفئات
20 -15
26 - 21
32 - 27
38 - 33
44 - 39
50 -45

الحين باقي ماطلعنا الفئات الفعليه اللي هو يقول
(( نطرح نصف وحده الدقه من الحد الادنى لكل فئه & نضيف نصف وحدة الدقه للحد الاعلى ))
الحين وحدة الدقه 1 نصفها ايش ؟؟ <<<< (0.5)
الفئات اللي فوق
الفئات
20 -15
26 - 21
32 - 27
38 - 33
44 - 39
50 -45

اول فئه (20 - 15) << هذي الحد الادنى لها 15 والحد الاعلى لها 20
وفي القانون يقول
اطرح نصف وحدة الدقه من الحد الادنى (15 - 0.5 = 14.5 )
اضيف نصف وحدة الدقه من الحد الاعلى ( 20 + 0.5 = 20.5 )
يعني اول فئه فعليه راح تكون
(20.5 - 14.5 )
وتطبقون نفس الخطوات للفئات كلها اللي فوق بيطلع معكم
(26.5 - 20.5 )
(32.5 - 26.5 )
(38.5 - 32.5 )
( 44.5 - 38.5 )
(50.5 - 44.5 )


واذا احد مهب فاهم يقوليي
قبل لا ابدا بانواع التكرارات

[how are you]

...