ويش رأيكم نبدأ في المذاكرة من بدري ؟؟

[بدر الذيابي]

السلام عليكم

اخواني واخواتي

ابارك للناجحين واقول للي قصروا في بعض المواد ترا ما فات شيء متى ما كان لديك عزيمة وثقة في خالقك ثم في نفسك

بالعادة الفصل الثاني يكون اقصر من الاول , وبالعادة في هذه الاشهر القادمة تكون الاعمال فيها كثيرة بالنسبة للموظفين حسب تجربتي , وبالعادة لا يكون هناك تغيير في الدكاترة

# الاختبار يبدأ بتاريخ 19 / 7 /1437 هـ

# باقي تقريبا 3 شهور و 13 يوم تقريبا

13# يوم الاخيرة قبل الاختبارات اتركها للمذاكرة المركزة

# 3 شهور بـ 90 يوم واحسب كل شهر يروح عليك فيه 10 أيام من دون مذاكرة ويعني يبقى لك من 3 شهور 60 يوم للمذاكرة

# 60 يوم ذاكر فيها كل يوم محاضرة من مادتين مختلفتين , يعني في 60 يوم تقدر تخلص 120 محاضرة بإذن الله

# المحاضرات والملخصات لكل مادة موجودة في المنتدى والشكر لله ثم للقائمين والمساهمين في هذا المنتدى


( نصيحة لي ولكم بحاول اطبقها لانني بصراحة اقول بطبقها كل ترم واقصر فيها مع انها جميلة ولها فوائد للجميع وهي :

بعد ما تخلص من المحاضرة ضع لها كم سؤال في شكل كويزات تستفيد منها انك ما تنسى المعلومات اللي وضعتها في الاسئلة والاجوبة ويستفيد منها اخواننا واخواتنا في هذا المنتدى وتكسب منها اجر .

يعني لو كم واحد مننا وضع كم سؤال شاملة على المحاضرة ما همنا دكتورها تغير ولا ما تغير لاننا نركز على جميع المعلومات في داخل المحاضرة بكثرة تنوع الاسئلة المطروحة من الجميع )



لذلك ويش رأيكم اننا نستغل الوقت ونبدأ في المذاكرة من بدري حتى لو من بكرة السبت 6 /4 ؟

[ميلاد دمعي]

عليكم السلام ورحمه الله وبركاته


هلا وغلا




والله ياخوك انا لي 8 مستويات والان اضفت مستوى تاسع وكل ترم اقول بذاكر قبل بدايه الدراسه

ولا قدرت اذاكر

[الرجل الابيض]

الراي رايك يايبه


أرسلت بواسطة iPhone بإستخدام Tapatalk

[بدر الذيابي]

المشاركة الأصلية كتبت بواسطة ميلاد دمعي

عليكم السلام ورحمه الله وبركاته


هلا وغلا




والله ياخوك انا لي 8 مستويات والان اضفت مستوى تاسع وكل ترم اقول بذاكر قبل بدايه الدراسه

ولا قدرت اذاكر

حتى انا مثلك ما اذاكر الا قبل الاختبارات بشهر ونصف تقريبا

لأن عندنا مشكلة كبيرة وهي عدم استغلال الفراغ ثم بعد ذلك نضغط على انفسنا ونتعبها

[هتان 2]

على الله توكلنا عليه سبحانه يالذيابي

[هتان 2]

وش موادك يالذيابي

[عبدالله الحربي0]

ﻻ تتعبون على الفاضي ههههه ذاكر قبل الاختبار بسبوعين كافي ومعدل 4.5

[ماشا]

هذا حماس بس اول الترم بعدين خلاصص ماعاد اشوفكم إلا قبل الاختبارات ب اسبوع

[محمد المطيري1]

وعليكم السلام

يعطيك الف عافيه اخوي بدر

فعلا لابد المذاكره من بدري لسهل عليك بعدين ولا يصير عليك ظغط قبل الاختبارات

كما حصل معي بالمستوى الاول كل يوم اقول الاسبوع الجاي الاسبوع الجاي

لين مابقي الا شهر على الاختبارات وبديت وصارت زحمة محاضرات متراكمه كيف اتابعها

لاكن الحمدالله تيسرت , وان شاءاالله هالترم نستفيد من الخطا الي حصل بالترم الاول

ونرتب المحاضرات ع الايام من بدري كما وضحت انت

[Doosh87]

المشاركة الأصلية كتبت بواسطة عبدالله الحربي0

ﻻ تتعبون على الفاضي ههههه ذاكر قبل الاختبار بسبوعين كافي ومعدل 4.5

يمكن يكفي البعض اسبوعين
بس مو الكل يكفيهم .. حتى انا احتاج لشهر عشان اذاكر و بالقوة