نصـائح لطلبة المستوى الأول راح تفيدكم في مشواركم الدراسي

[Lubna]

السلام عليكم و رحمة الله و بركاته



طبعاً الان الدراسة بدأت و أدري أن أغلبكم مرتبك و متخوف و براسه الف سؤال و فيه ناس من كثر تخوفها تفكر تتراجع عن الدراسه

لكن التوتر و الخوف و كل السلبية هذي ماراح تفيدكم بشي ..

كلنا مرينا مثلكم بس فيه اللي قرأ التعليمات و الخطوات و بهدوء و استوعبها و فيه اللي قرأها بنظره سريعه و من التوتر اللي فيه ما استوعب و حس نفسه قدام مشكله صعبه مالها حل


بس حاولو انكم تتأقلمون مع كونكم طلبه مستجدين لا تصيرون قليلين صبر خذو كل شي بسهوله و راح تلقون ان الحكايه كلها سهله


ممكن يصير تأخير في تنزيل المحاضرات أو الواجبات أو المناقشات .. الخ أو عطل في البلاك بورد
لا تخافون شي عادي البلاك بورد ما شتغل لا اليوم ولا بكرا بيشتغل بعده اي شي ما نزل اليوم بكره او بعده راح ينزل لكم

( صحيح انه المفروض درجات المشاركه راح تتوقف قبل الاختبارات بأسبوع - لــــــكـــن - في حال كان فيه اعطال او تأخير من الجامعه راح يمددون لنا فترة اقفال درجات المشاركه )


بالنسبة لحل الواجبات و المناقشات


وقت حلهم مفتوح الى قبل الاختبارات بأسبوع


اقــتـــراح ::

ان يتم عمل موضوع واحد يحتوي على سؤال الواجب أو المناقشة و يتم حله بينكم أو يتكفل شخص بحله و يكون واثق بأن الحل صحيح بالذات الواجبات ( الواجبات لكم فقط 3 محاولات لحلها)



نجي الان للمحاضرات المسجله


إذا حملتوها بأية نسخة سواء فيديو او جوال او صوت ( راح تحتسب لكم نفس الدرجة )
حتى اذا شاهدتوها بدون تحميل


نصيــحــة ::


( انصحكم بالتحميل عشان لو حصل عطل او ضغط على البلاك بورد المحاضرة بتكون عندكم و لا راح تتعطلون اكثر في الدراسه )


المحاضرات المباشرة


عادي جداً ان المحاضرة تلغى لظرف طاريء عند الدكتور أو لعطل تقني
و في حالة انكم ما قدرتو تحضرونها في وقت بثها مباشرة ( عادي جداً لانكم بتحضرونها بعد ما تنزل لكم مسجله راح تحتسب لكم نفس درجة حضورها مباشرة )

إقــتـــراح ::

اللي يقدرون يحضرون المحاضرة مباشرة الافضل تسألون أسئلة مفيده غير مكرره و تكتبون اهم النقاط اللي ذكرها أستاذ المادة و تنزلونها لزملائكم هنا في الملتقى راح تفيدون ناس كثيره ما قدرت تحضر المحاضرة المباشرة


مــحــتــوى المــقــرر ( الملازم أو الملخصات )


كثير منكم لف راسه من كثرة مواضيع الملازم و الملخصات و اي وحده تختارون و المشكله اذا اشتريتو جاهزه هل راح تكون نفس اللي منزلها الدكتور ولا لا ؟؟
هل هي كافيه و شامله ولا لا ؟؟
و فيه مشكله إذا طبعنا ملزمه صفحاتها كثيررره و بالاخير ما طلعت نفسها وش الحل ؟؟


بعطيكم حلول و إن شاء الله تناسبكم

1- الافضل دايم تشترون طابعه و ورق A4 و حبر الطابعه تعبئته ماهي غاليه لبعض انواع الطابعات

2- لكم الخيار في اختيار ملازمكم راح اعددها لكم

أ- تطبعون محتوى مقرر كل ماده مثل ماهو موجود في البلاك بورد بصيغته اللي هي Power point
(لكن راح يكون عدد الصفحات المطبوعه كثيرررر عندكم )

ب- محتوى المقرر لكل مادة اللي موجود في البلاك بورد تحولوه من صيغة Power point إلى صيغة Word
( بهالشكل تقدرون تتحكمون بحجم الخط و الالوان و راح يكون عدد الاوراق لكل محاضرة أقل بكثيررر )

إقـــتــراح ::

ممكن بعد تحويل المحاضرات تنزلونها هنا لبقية الاعضاء عشان يستفيدون منها

ج - ممكن تختارون أي ملزمة من الملتقى - لـــكــــن - ما تطبعونها كلها تطبعون بس أول 3 محاضرات لاي مادة تختارونها
بعد ما تطبعونها تفتحون المحاضرات الثلاثه بالترتيب و انتم تشاهدونها و الاوراق المطبوعه معاكم بهالشكل انتم راح تطابقون الاوراق اللي معاكم بشرح الدكتور و الاهم انكم راح تطابقونها مع شرائح العرض اللي في المحاضرة و كمان راح تكونو واثقين ان الملزمه اللي اخترتوها هي الاصح


تـــنــــبـــيـــه ::

محتوى المقرر مرات يكون عبارة عن رؤوس أقلام ( مثل مادة الصحة و اللياقه - مباديء الادارة ) هنا لازم تركزون على شرح الاستاذ و تسجلونه ( خصوصاً مباديء الادارة يعتمد على شرحه هو بأسئلة الاختبار انتبهو )
اما الصحة و اللياقه فالتركيز راح يكون على المحتوى + في كتاب راح ينزله الدكتور وهو عبارة عن 4 اجزاء و كثيرررة ( ذاكرو منهم )

بعني لما يكون محتوى المقرر قليل و رؤوس أقلام تأكدوا ان المطلوب منكم التركيز على شرح استاذ المادة و تسجيل النقاط المهمه اللي يذكرها


مـــــلاحــــظـــة ::

أغلب المحاضرات قديمة لان استاذ المادة يكون هو نفسه ما تغير و ممكن تسمعونه يقول ان درجة الاختبار من 100 ( المحاضرة تكون مسجله قبل نظام درجات المشاركه لا تخافون كل المواد عليها 30 درجة للمشاركه + 70 درجة على اسئلة الاختبار و عددها 70 سؤال )

و ممكن أستاذ المادة يطلب كتب

( لا تستعجلون و تشترونه بالبداية اتصلوا أو ارسلو إيميل للاستاذ و استفسروا هل الكتاب مهم و ضروري ولا المحتوى و مشاهدة المحاضرات كافي )




نصائح للموظفين و الموظفات ::

1- حاولو تقسمون وقتكم يعني اتركوا مثلاً كم ساعه في اليوم لتحميل المحاضرات أو حل المناقشات ... الخ

أما اللي ما عندهم وقت يحاولون في نهاية الاسبوع يتركون عدد ساعات كافيه لتحميل المحاضرات او حل الواجبات او المناقشات .. الخ

( لما تبدأون كل شي أول بأول ماراح يتجمع عليكم شي و راح ترتاحون اكثر )

2- في حالة ان عندكم ضغط أو ظروفكم ما تساعد على عمل المشاركات او الطباعه او التحميل ..الخ

( اطـلبوا من احد سواء من الاهل يساعدكم اخوانكم - اخواتكم - زوجاتكم - أي احد متفرغ راح يقدر يتعاون معكم - لـــــكــــن - لا تكونوا إتــــــــــكــــــالـــــيــــيـــــــــــــن و حابين كل شي يجيكم حاولو تتفرغوا شوي تعيشون الجو انكم طلبة هي تجربة لفترة معينه و راح تكون مفيدة لكم قبل أي احد ثاني )


أتمـــنى أني افــدتكم و خليكم دايم متفائلين مهما حصل و مهما تعبتوا فكروا بكرا وش ممكن يصير البعض ممكن يتوظف البعض ممكن يترقى البعض ممكن راح يواصل و يكبر طموحه و يكمل دراسات عليا

اذا تفكيركم بس تقضية وقت أو تبون شهادة و السلام ولا يهمكم المعدل ولا اي شي هذا يعني انكم اشخاص غير مهتمين و راح تتعبون بهالمشوار لانكم في داخلكم مو متقبلين فكرة الدراسة .



اتمنى لكم التوفيق ببداية مشواركم الدراسي


تحـــيـــاتي Lubna

[لحظة سكون]

يعطيك العافيه وماقصرتي .. بجد كنت بحاجة للنصايح هذه

[زهرة البنفسجي]

يعطيك العافيه يارب

[i.Ae]

وعليك السلام.

نصائح من ذهب، استفدت منها كثير.
نفس الملاحظة، تابعت بالامس المحاضرة التمهيدية "الصحة واللياقة"، وذكر بإن الدرجات من 100،
فما أعرتها ذاك الإنتباه، لإني أعرف إنها قديمه، ولكن ذكر بالمحاضرة الأولى بإن الدرجات موزعه 70 للإختبار و30 مابين المناقشات والواجبات وتحميل المحاضرات.

شكراً كثيراً على معلوماتكِ المهمة.

[*Noura Mohammed]

مشكووره اختي ع هالنصائح الجميله
الله يوفقك
لك

[Pure Lady]

يعطيك العافية
كلام رائع ومحفز
شكرًا لك
تفائلت جداً
الله يوفقك

[Lubna]

مشكورين الله يسلمكم

و بإذن الله تعالى بتلقون كل شي سهل

بالتوفيق لكم جميعاً

[دأنتـــيَلأ]

يعطيكً العافيهً حبيبتيً منً جدً كنتً بحاجهً هالمعلوماتً والنصائحً يسلموُ يابطلهً

[أخيراً قررت]

جزاك الله خير على النصائح

استفدت من خبرتك اسعدك الله ووفقك

[LABBAIH O I]

شكـــــرااااا جزيـــلا والله العظيم كل الـــمشـــاكل اللي في بــــالي تـــم اختــصــارها منكــم شكــراااا،،،،