هـل تريد النجـاح ومعرفة كل ماهـو مهم للمذاكرة .. تجميعي للكلام المهــم للمستـوى الثاني لجميـــع المواد ...إبتسامة :)

[إبتسامة]

السلام عليكم ..

طبعاً هذا مشابه لـ موضوعي للترم الأول ولكن هذا الترم الثاني ..جمعت لكم تجربة المتفوقين في الفصل السابق لجميع المواد .. طبعاً إلى أكثر من شخص حتـى توضح الصورة وتكون أقرب إلى الذهن يمكن شخص ينصح والثاني تكون نصيحته أفضل وهكذا !
وترى تعبت وأنا أدخل من موضوع إلى آخر

همسة بسيطة .. بنهاية الموضوع إذا كنت أستحق التقييـم فـ هذي الطريقة

نبدأ ..

بالنسبه لي أنا أخذت 6مواد ومره كان علي ضغط فاأنصح الكل ياخذوا 5 مواد ويحاولوا مايجمعون بين مادتين في نفس اليوم
شوفوا الجدول وعلى أساسه أختاروا وزي ماقلت أبدا لاتجمعوا بين مادتين
أنا جمعت بين الأنجليزي والمحاسبه ومرره تعبت مع أن المادتين سهله بس يجي عليكم ضغط
ألحين نجي للمواد
العقيده
حلوه ومره سهله والمذاكره من الملزمه وأسئلة الدكتور سهله بس شوي دقيقه يعني مذاكره تمام مش أي كلام وأرجعوا لأسئله اللي منزلينها بالمنتدى

الأنجليزي
ماده سهله وحلوه بس الشرح بالأنجليزي وهذا اللي مصعبها يعني نصيحه كل ماتخلص محاضره تروح تترجمها من قوقل وراح تسهل بعد الترجمه وكمان في محتوى منزل كامل من طالب بالتربيه مترجم كامل وهو هنا بالمنتدى راح يفيدكم
الرياضيات
هي ماده صعبه واللي مصعبها شرح الدكتور ولازم مذاكرتها أول بأول لأن المنهج بالنسبه لي أشوفه طويل
بس أسئلته كانت سهله وهذا اللي مخلي الطلاب يقولون لكم سهله وكلها من المحتوى
الأقتصاد
هو منهج طويل وصعب والدكتور شرحه كله قراءه ولزم على الكتاب
بس في النهايه كانت المحاضرات الأخيره مراجعه وجت كل الأسئله منها وكمان أغلب الأسئله من النموذج اللي في أخر الكتاب وكانت علينا الأسئله زي العسل
المحاسبه
المنهج طويل والشرح ممتع ومره شرح الدكتور رائع والأسئله كانت كلها من الأسئله الي في نهايه كل محاضره
التقنيه
يبغى له مذاكره أول بأول لأن المنهج دسم وأسئله الدكتور فيها شوي صعوبه يعني مو سهله
وهذا كل شي
طبعا شكلي صعبت عليكم وسديت نفوسكم

بس أنا ماحبيت أسهل عليكم كل شي وتنصدمون بعدين لأن أحنا كنا في دوامه من طول المنهج وأغلب الطلاب كانوا يشكون والكل أنسحب من الرياضيات بس لمن أختبرنا كانت الأسئله حلوه لأن الكل من البدايه كانوا مستصعبين المواد وذاكروا على هالأساس وجت الأسئله حلوه لأنهم ذاكروا
ولو ذاكرنا على أساس أن الأسئله راح تجي حلوه أكيد راح نشوفها في الأختبار صعبه
وهذا اللي أبغى أوصل لكم (أبدا لا تذاكرون على أساس أن المواد سهله لأن الطلاب اللي قبلنا قالوا سهله)وهذا الشي لاحضته لمن طلعتم من أختبار القانون والأداره لأن حنا قلنا لكم سهله وذاكرتوا على أساس أنها سهله ووقتها أنصدمتم في الاسئله (فلاتغلطون نفس الغلطه)لأن مافي شي سهل ألا من بعد مذاكره(أول مره أحس أني داافوره)حبيت أنصحكم قبل النتائج لأن بعد النتائج أخاف تلاقوني معاكم بنفس المواد

رياضيات2 ( من المحتوى ) بداية المحاضرات شبه صعبه مو زي دكتور اسامه ربي يسعده كان مسهل الامور جدآ وشرحه حلوو "

رياضيات2 حليوه بس الدكتور شرحه مش ولا بد ببدايه المحاضرات بس بعدين من المحاضره 6 صار شرح الدكتور اوك " وحلوو واسئله اختباره ماطلعت عن المحتوى ابد وكانت سهله وحلوه " ومفهومه

تقنيه معلومات ( المحتوى ) حلوه هالماده كلها اجهزه قديمه وحديثه وذاكرة رام وروم ومن هالكلام
انا عني عجبتني بس يبغالها مذاكره اوليه مع حفظ مصطلحاتها لانها كثيره " اسئلتها ماطلعت عن المحتوى ابد وكانت سهله برضوو "

صحه ولياقه ( المحتوى & الملزمه ) حلوه هالماده جدآآ وممتعه واكثر الاسئله جات من الملزمه والبعض من المحتوى

لكن "

في كم سؤال بالاختبار جابهم مدري من وين لكن كانو سؤال اوو 2 وهذا مايشكل مشكله كبيره "

محاسبه2 ( المحتوى ) حلووووووووه جدآآ وشرح الدكتور جدآ رائع صح محاضراته طويله لكنها حلوه
وكثييييييره يبغا لها مذاكره اول بأول من قلب عشان ماتتراكم الدنياا اسئلتها ماطلعت عن المحتوى ابد "

اقتصاد كلي ( المحتوى ) كانت مذاكرة هالماده متعببببه والكل يشكي منهااا " لكن اسئله الاختبار كانت جدآآ سهله وحلوه على عكس الاقتصاد الجزئي اسئله هالماده سهله وكلها من محاضره 13 و14 ووو 12 ع ما اتوقع لان هالـ3 محاضرات كانت اسئله مراجعه "

باقي ماده الانجليزي والعقيده انا ما اخذت هالمادتين بس "

العقيده ( الملزمه الي منزلها الدكتور ) كانت ماده سهله وحلوه

انجليزي ( من المحتوى ) ومذاكرتها حليوه واختبارها برضو حليووو "

ملاحظه ""

سألت عضووه من العضوات المقربين الى تسبدي قلت لها من وين ذاكرتي كل المواد

قالت لي ( كلهااا من ملخص ابو موزه ) الا العقيده من الملزمه الي منزلها الدكتور والصحه من الملزمه الي منزلها الدكتور & المحتوى)

بث "

الصحه و اللياقه حلوه بس فيها حكي كثير.. مذاكرتها من المحتوى و الملزمه

الانجليزي مره سهل و المحتوى يكفي و زياده

الرياضيات يبيله مذاكره اول بول... المحتوى يكفي.. فهد الشمري الله يجزاه خير نزل المحتوى بشكل ممتاز

الاقتصاد كان مره صعب بس الدكتور الله يعطيه العافيه ما قصر معنا.. احس الكتاب كان مهم في الماده هذه.

المحاسبه مره حلوه و الي محليها الدكتور خالد عطيه الله يجزاه الف خير. شرحه اكثر من ممتاز.. المحتوى يكفي.

تقنيه معلومات حلوه.. و المحتوى نزلته الاخت دلو الله يوفقها بشكل ممتاز و مرتب.

العقيده ما ادري عنها عشان ما نزلتها الفصل الي راح

المذاكرة

:

المحاسبة 2 = محاضرات + ملخص
رياضيات 2= محاضرات +ملخص
العقيدة= ملزمة بس مايحتاج تشوفي محاضراتها
التقنية1= الملخص + محاضرات
الصحة واللياقه= االملزمة+المحتوى >>برضة مايحتاج تشوفي محاضرات

الانجليزي= محاضرات+ الملخص

الأقتصاد الكلي : ماده غثه لابعد حد ماتعرف هي فهم ولا حفظ ولا وشو بالضبط ، كانت مسببه ازمه للكل

بس بالاختبار النهائي كلنا طلعنا منها واحنا نطامر ،

الدكتور حبيب جاب من محاضرات المراجعه بس ، يعني مثل اسئلة الكتاب بالضبط ،

الله يسعده وييسر اموره يارب الدكتور جداً متعاون مع الطلاب ويجاوب ع الاستفسارات

اذا هو بيدرسكم لاتترددون ابد بأخذها ، ولو اني سمعت احتمال ينقل لجامعة الدمام ،، الله يوفقه وين ماكان

/

الأنقلش : شقول عن هالماده وعن دكتورها ،

الدكتور غسان الله يسعده كان متعاون لأبعد حد وماقصر معانا أبد أبد أبد ،، سواءً بالشرح او بأسئلة الأختبار

اسئلة الاختبار ماطلعت من المحتوى وحتى القطع جاب نفس اللي بالمحتوى

المنهج حلو وكله درسناه بالمتوسط والثانوي

يعني تعتبر ماده لررفع المعدل ، بس اللي اتعبنا انو اختباراها بيوم واحد مع المحاسبه

بس الدكتور غسان يوم درا راعانا كثثيييييير ، الله يوفقه

/

الرياضيات : أممممم المنهج درسناه بثالث ثانوي واول الدروس اتوقع انها بالمتوسط

شفت اول 3 محاضرات له وانسدت نفسي من الشرح وحذفتها

وبالنسبه لأسئلة الاختبار في ناس مدحتها وفي ناس ماعجبتها ، طبعا لانها تعتمد ع الفهم

يعني اللي دبر عمره وجاب له مدرس بيحل تمام التمام ، بس اللي اعتمد ع شرح الدكتور ماظنتي بيفلح

/

الصحه واللياقه : بصراحه محاضرات هالماده ممتعه ، بس وقت مذاكرتها تجيب العله

تحسها مرض مو صحه ، معلومات كثييييير كثيييير ومطالبين بملزمتين ،، المحتوى + ملزمه ثانيه

اسئلة الاختبار كانت حليوه بس تعتمد ع الدقه ، يعني لاجيت تذاكرها تركز ع الحرف

/

المحاسبه : دكتورهآآ رااااااائع لأبعد حد ، الله يسعدهـ

متعاون ويفهم ويخلي المعلومه تدخل براسك غصب عن ابو جدك

نهاية كل محاضره يحط مجموعة اسئله اختبر نفسك مع حلها طبعا ، والاختبار ماطلع من هالاسئله

بس الماده يبيلها تركيز ، لان في اشياء كثيره متشابهه

/

العقيده : منهج طويل بس اغلبه درسناه وعارفينه

هي ملزمه من 165 صفحه مطالبين فيهآ ،، ذاكروها هي بس ولاترجعون لمحاضرات الدكتور

اختباره كان شوي دقيق وفي اسئله من بين السطور

التقنيه : معلومات كثييييييير ة دش دش مو صاحي

اسئلة الاختبار كانت متنوعه بس اللي توهقنا فيه العملي لانهم حطوا الاسئله بدون لاتكون الاجهزه قدامنا

والاسئله ماتحلها إلا اذا كان قدامك جهاز

اللي يعرف للكمبيوتر وهالاشياء بتكون الماده حلوه له

الرياضيات حلوه بس ادسم من رياضيات 1
الاقتصاد طويل وفيه قوانين بس الاحتباربصراحه كان واضح ومباشر
تقنية المعلومات هي حاسب وحفظ وطويله الصراحه
الانجلشسهل جدا كلها قواعد اخذناها في المتوسط
المحاسبه حلوه وسهله ودكتورها ماشاءالله عليه مسهلها وموضحهابضيف انه مهم تشتري كتاب الاقتصاد لانه الاسئله ثلاث ارباعها من اسئلة الكتاب
وانشاء الله يكتبون الباقي عن تجربتهم

محآسبه 2
معلومات عن الماده

:

هالماده يبيلها تركيز شويات لأنو فيها اشياء كثير متشابهه

دكتورها خالد عطيه شااااااطر شاااااااااطر شاااااااااطر ،، يخلي المعلومه تدخل براسك غصب عنك

متعاون جداً ،، ونهاية كل محاضره يحط مجموعه من اسئلة اختبر نفسك

هالاسئله تكون نموذج لأسئلة الاختبار ، وتبين لك كيف بتكون اسئلة الدرس اللي شرحه

اختبار الماده كان 50 سؤال وكل الاسئله ماطلعت من اسئلة اختبر نفسك

والكتاب هو نفسه كتاب محاسبه 1 ،، بس محتجناه ابد ولاعمرنا فتحناه

العقيده الإسلاميه

معلومات عن الماده

:

حلوه وممتعه واغلب معلوماتها معروووفه ومتشبعين منها

يمكن الجزء اللي يبيله شوي اخر جزء كان يتكلم عن القاديانيه والماسونيه والصهيونيه

دكتور الماده محمد العقيل متعاون الله يجزاه خير

كنا مطالبين بالملزمه بس ، يعني حتى المحاضرات منتوا مجبورين تشوفونها

والمحتوى ماعليكم منه ، بس ذاكروا الملزمه

اسئلة الدكتور كانت سهله وفيها كم سؤال دقيق ومن السطور ( السهل الممتنع )
جابلنا من الايات والاحاديث اللي بالملزمه

وكنا مطالبين بجزء عم ، بس ماجانا منه بالاختبار شي ،

يعني بشكل عام الماده حلوه

تقنية معلومات 1
معلومات عن الماده

:

هالماده تتكلم عن مكونات الحاسب البرمجيات والمعدات

وتتكلم عن السعات والذاكره وكذ1
اخر جزء بالماده راح يتكلم عن الوورد والاكسس

أممممم اول 5 محاضرات تقريبا يدبلون الكبد وحشو حشو كلااااااااام

بعدها يبدأ المنهج يسهل

دكتورها احمد الشريف كان شرحه مجرد قرائه للمحتوى يعني لو ماتشوفون المحاضرات عادي

اسئلته كانت متنوعه سهله وصعبه وبعضها مدري كيف خصوصتا العملي

يعني جاب اسئله عملي ماتوقعناها تجي
مثلا ( لتحديد النص كامل نضغط على ........ من الكيبورد )
وجاب سؤال من الكتاب وماكان مذكور بالمحتوى

بس باقي الاسئله كانت زوينه

الكتاب انا ماشريته فماعندي فكره عن اسمه
لانه قال اكتفوا بالمحتوى وذاكروا بس اسئلة الكتاب مع المحتوى =)
في بالمنهج مسائل حسابيه هذي ماجاب منها شي ابد ابد

رياضيات 2
معلومات عن الماده

:

أممممممم بداية الدروس كانت عن المجموعات وكذ1 اتوقع درسناهم بالمتوسط

بس نهاية المحاضرات كانت تتكلم عن الاشتقاق والتكامل ( منهج ثالث ثانوي )
دكتورها ابراهيم الطاهر بصراحه شرحه لك عليه ، ماتفهم منه

يعني اللي بياخذ الماده يشوفله مدرس يشرحله

انا جاني اكتئاب الترم الماضي وحذفتها بس هالترم اباخذها ان شالله

لأني سمعت إن اسئلته كانت مرررره سهله وماجاب اشياء معقده وكلها واضحه ومباشره

اللي حلهم جابهم ، والحل ابو خطوه وخطوتين بس

كتاب الماده اشتريته قبل لأحذف الماده بس ماستفدت منه شي لان المعادلات بالعربي

والدكتور كان شرحه بالانقلش ،، فركنت الكتاب

يعني باختصار اللي بياخذ الماده يعتمد على نفسه فيها ،، غير كذا ماينفع

الأقتصاد الكلي

معلومات عن الماده

:

هالماده اول مادرسناها وشفنا محاضراتها كانت غثه لأبعد حد وممله

دكتورها حبيب مكي كان بس يقرا من الكتاب واحنا نخطط معه

المعادلات والمسائل مطالبين فيها وكل شي معنا

بأخر المنهج الدكتور الله يجزاه الجنه سوا لنا محاضرتين مراجعه 12 و13 وقال مهمات

والاختبار ماطلع منهم

إذا درسكم الدكتتور حبيب ذاكروا محاضرات المراجعه واسئلة الكتاب

وبتاخذون الـ +A ان شالله

دكتور الماده للأمانه كان جداً متعاااون ومسهلها معنا

ماقصر الله يبيض وجهه دنيا واخره

صرنا نحب شي اسمه اقتصاد من بعده هههههه وراحت مننا فوبيا الاقتصاد

كتاب الماده اسمه الاقتصاد الكلي لفريد بشير وعبدالوهاب امين

دعواتــكم لي بالتوفيق .. والله ينجحكم يارب

[الطموح1]

ربي يسعدك يالغلا

شكرا من اعمااااق قلبي


وتستااهلين احلى تقيم

[فتى مطير]

شكراً من القلب
ربي يوفقك ويسعدك وتستاهلين التقييم

[مُشِآξـرٌ خِـَجٌـَوُلَـہ]

ربــي يسعدكــ

وليت الابتسامـه ما تغـآآآدر شفـاااتكـ<<<

يعطيــك العآفييــهـ.....

وتستـاااهلين التقيـم

[arij]

الله يعطيك ألف عافية وما قصرتي على التوضيح

بس بصراحة بدأت احاتي مذاكرة الاقتصاد الكلي من الآن

[haaadee]

موضوع رائع

تستاهلي التقييم

[ابوعمار]

وعليكم السلام ورحمة الله وبركاتة
الله يعطيكي العافية
كل الود

[...ابوخالد...]

يعطيك العافيه

[عبـــــادي]

جزاج الله كل خير

[SHrGaWyh]

يعطيك الف عافية عن جد كنا محتاجين هالموضوع
اللي فهمته انه كتاب الاقتصاد بس هو اللي راح نحتاجه وباقي الكتب مو مهمه ولاانا غلطانه
بالنسبة لتقنية المعلومات تتوقعون المصطلحات الانجليزية في تقنية المعلومات معانا ولا لا ؟؟