اخطاء مادة الرياضيات .. ياعيني على الدكتور .. !!

[ابو جنى ..]

السلام عليكم ..

ياجماعة الخير الدكتور هذا راح يضيع مستقبلنا .. السلايدات كلها اخطاء والشرح كله خطا في خطا ...
والمصيبة هنا انا مااتكلم عن الاخطاء اللي يمشي ويصححها وهي بالمناسبة في كل سلايد حتى انا اقترح على ادارة الجامعة لو تكون اسئلة الاختبار كالتالي :-
- كم خطأ قام به الدكتور في السلايد هذا ؟
- هل هناك اخطاء اخرى في السلايد هذا لم يقم الدكتور بتعديلها .
- الرجاء التأكد من السلايد هذا وتعديل الاخطاء ان وجدت .

انا هنا اتكلم عن الاخطاء اللي مو داري عنها ولا جاب خبرها وكمل الشرح عادي .. !!

هذا مثال في بداية المحاضرة الثالثة ..

وهذا شرح المثال بالمخطط السهمي ..

طبعا السؤال هنا في مثال R1 الواحد اللي في A كيف نطت وراحت للصفر في B .. !!!

وعادي مر عليها مرور الكرام ولا كأن فيه خطأ في السلايد ولا شي .. !!

مثال ثاني على السلايد الخاص بالدالة .. هو سلايد واحد بس بصراحه فيه كمية اخطاء تحتاج انك تصلي ركعتين استخارة قبل تشوفه لعلى وعسى ربي يفتح عليك وتفهمه ..

واول خطأ هو اسم الدالة الاولى وعدله من F3 الى F1 ..

طيب والدالة الثانية F2 شرحها عادي وهي غلط اصلا ..

المفروض الدالة تكون كذه :
F2 = ( 1،4) ، ( 2،8
يعني 2 من A تقابلها 8 من B حسب نظام الضرب الديكارتي ..
والدليل انها خطأ شوف شرح المثال في المخطط السهمي نلاقي ان 2 تقابلها 8 ..
وعااااااادي ولا درى اصلا ان فيه خطأ ..

طيب بعد كذه نجي للدالة الثالثة : وبرضه فيها خطأ وعدله بنفسه ..
العنصر (2،4) عدل الخطأ وصارت في المثال (1،8)
وحسب شرحه ان الداله هذه خطأ لان 1 اخذت اكثر من صورة في B مره مع 4 ومره مع 8 وحسب قانون الدالة لازم بس تأخذ صوره وحده ..

طيب حسب الشرح هذا كيف الدالة الاولى F1 صحيحه والواحد فيها جات بصورتين برضه مره مع 4 ومره مع 8 نفس المثال الاخير .. !!
وبرضه 2 مع 4 في المثال الاول مع ان الصحيح 2 مع 8 يعني نفس غلطة الدالة الثانية ..

والمصيبة الثانية في المخطط السهمي .. الدالة الثالثة فيها سهم من 2 في A الى 4 في B مع انه قال قبل دقيقة ان هذا غلط في المثال وغيرها الى (1.8) !!!!

يعني ماتدري ايش السالفة السلايد خطأ والمخطط السهمي خطأ .. انا والله وصلت هنا ووقفت لأني احتاج ساعتين افهم الشرح واربع ساعات اعدل الاخطاء وساعتين عشان اكتب موضوع في المنتدى اوضح للطلاب الاخطاء هذه ..

رسالة للمسئولين في الجامعة ....
ترى اللي جالس يصير شي سلبي ويشوه صورة الجامعة .. طلاب يصححوا للدكتور المادة والمصيبة هذه اول ثلاث محاضرات اجل ايش راح نشوف قدام .. !!

[ابو جنى ..]

هذا عنوان مدير الجامعة ..

وهذا عنوان عميد الكلية ..

وكلهم راح ازعجهم واتواصل معاهم صبح وليل لين نشوف حل للموضوع هذا .. والله لو يوصل الموضوع لوزارة التعليم ماعندي مشكلة ..

وراح اكتب عن وضع الجامعة في كل منتدى وفي كل موقع وانزل مقاطع في اليوتيوب لو لزم الامر ...
جايين ندرس احنا هنا ولا جايين ندرسهم وكذه صح وكذه خطأ ومايصير يادكتور الله يرحم والديك ركز معانا .. !!!!

يكفي اللي صار من دكتور مادة الاقتصاد في المستوى السابق ..

الشي هذا يضر الجامعة قبل يضرنا مستحيل اي طالب مستجد يسجل في الجامعة وهو يشوف الطلاب السابقين يشتكون من اسلوب التدريس في الجامعة ...

وانا من الحين انصح طلاب المستوى الاول اذا خلص المستوى حول لأي جامعة اخرى تحترم طلابها .. وانا لو فيه مجال من الحين حولت .

[wzer]

الله يستر

[L U X U R Y]

بالتوفيق

[روعة جنوني]

يووووووووووو


ليش كيذا

من جده هذا الدكتور

لا لا لا قولو غيرها

طيب شو الحل

الله يعينكم.....

[miss w0lf]

حنا للأن ماشين في السليم
بس كلامكم يخوف

الله يستر

[Silent Hill]

ابو جنى الله يرضى عليك
روح نزل موضوعك بالقسم العام بمنتديات النقاش
انت الان عندك دليل قاااااااطع على شرح الدكتور
وحاول انك تهدي اعصابك شوي
وموفق ان شاء الله :b6b66:

[ابو جنى ..]

نزلته هناك في العام ..

وصدقيني شغلة الاعصاب لأن الوضع يخوف هذا اسهل اشياء في المادة ولا احنا فاهمينها اجل كيف الباقي !!

[ǺĽ ẕeeห]

هالدكتور

انا ماااهضمته اصلا اول محاااضره مايبغأأ لهاا نص ساعه وهو مخليها 50 دقيقه ومدري كم

حشآآآآآآآآآ جاب لي النوم الله يصلحه ""

سوينااا الي علينا ان غيروه اوك وان ماغيروه الله المستعان

استغفر الله العلي العظيم ياااااااااااارب "" :tj4:

<<< راحت تلبس عباتها وتتوجه لمدينه الأحساء

[ǺĽ ẕeeห]

يااا Luxury حبيبتي لا تكتبين ردود وتكون كلها ( ^^ او (()) او * ) ومدري شوو

وتحذفينها "" طيب ياقلبي ""

دامك كتبتي وثبتي ليه تحذفين عقب ؟؟

كم حذف سويتي 3 وش السالفه ""

اذا مافيش رد ماترديش ياا البوو اوك فديتك ""