طالبة في كلية العلوم الصحية بالقطيف

[قطيفية وأفتخر]

بسم الله الرحمن الرحيم

السلام عليكم ورحمة الله وبركاته ...

أنا طالبة في كلية العلوم الصحية بالقطيف أشكو من وجود سكن عزاب مقابل لساحة الكلية , فالذي
عرفته من حكومتنا الرشيدة منذ دراستي الإبتدائية إنها منعت منعاً باتاً وجود مدرسة بنات يقابلها مدرسة
أولاد .. فكيف بسكن عزاب يقابل كلية بنات ؟؟!!
فإننا لانعرف ماهو غرض هذا الشخص الذي يرانا من مسافة قريبة , فالزمن تطور والجوالات والكاميرات
تطورا أيضاً فأصبح الشخص الذي لايرى من بعيد يقوم بتقريب هذه الصوره البعيده وهذا الشيء في غاية
السهولة ....
وأشكو أيضاً من ( حارس الكلية ) لأنه يدخل ويخرج من غير إعطاء علماً لإحد كأنه " محرم " لنا ..
وأريد أن أوضح أيضاً إنه في يوم الأحد الموافق 15 /3 / 1429 هـ دخلت الكلية عند الساعة السابعة
صباحاً فإذا بكم هائل من العمال الهنود منتشرين في ساحة الكلية ومعهم الحارس فمنهم من يقوم
بخلع الأشجار وزراعة الورود ومنهم من يقوم بخلع أحد الأبواب لتركيب باب آخر ومنهم من يقوم بتنظيف
النوافذ والأبواب , ويتقصد أحد العمال بتنظيف بوابة ونوافذ ( الكفتيريا ) لوجود مجموعة كبيرة من الطالبات
فيها , فنحن الآن في حيرة لأنه إدارتنا قالت لنا من قبل إن التي تخرج إلى ساحة الكلية بدون لبس
العباية سوف تعرض نفسها ( للمسائله )
وهناك تهديد آخر أخبرتنا به موظفه في الكلية في يوم الأحد الموافق 15/3 فقالت لنا إن لبس الحجاب
أو العباية ممنوع في وقت المحاضرة , فكيف لانجلس بها والعمال يقومون بتنظيف النوافذ والأبواب ونحن
في قاعة المحاضرات والنافذة تكون خلفنا
أو هل المطلوب منا أن نلبس العباية خارج المحاضرة ونقوم بخلعها عند المحاضرة ونلبسها مرة أخرى
عند خروجنا إلى الكفتيريا ونخلعها عند الرجوع .. وهكذا ؟؟
كأننا ولله الحمد ندرس في الولايات المتحدة الأمريكية بسبب هذا الاختلاط ..
وأريد أن أوضح أيضاً إن المبنى مهمل جداً إلى حد كبير مثل ( التكييف والأضواء ) فعند قيامنا بتشغيل
المكيف نقوم ببحث ( ريموت ) المكيف من قاعه لأخرى بسبب نقصان أو خراب بعض الأجهزة والمكيفات
ففي أي عصر نحن , ألا يحق لنا أن ندرس في جو يهدىء الأعصاب ؟؟
بالفعل إن هذه الكلية تابعة لوزارة الصحه .. ولكن !! أي صحه في ذالك , فهذا مسمى فقط لاينطبق على
كلية العلوم الصحية بالقطيف , لكثرة الحشرات والروائح الكريهه والمجرثمه فيها !!

[ملكة]

لا فض فوك


كلامش كلنا ودنا نقوله :s12:

ولكن ما نقول إلا :066:

اسمعت لو ناديت حيا ولكن لا حياة لمن تنادي:bngo12:

[بنت أمها وأبوها]

تعيش وتحيا القطيف ادا كان في ناس مثلك ومثل تفكيرك غناتي تسلمي والله (قطيفيه وأفتخر ) وانا بعد افتخر بك والله
اما عند دي السالفه صدق من اسمعها يقشعر بدني (جسمي )عن جد والله يعني يشوفوا الينا صرفه عن مبنى العزاب وشي ابدا مو عملي انش تلبسي ع**** كل شوي يعني
زي مثلا اليوم يوم الاثنين تاريخ 16-3 كنا تونا طالعين من اختبار التشريح ولا سواو نداء ولا خرابيط الا وهندي واني واقفه اراجع اجاباتي بعد الاختبار الا وهندي جاي في وجهي هدا بعد داخل المبنى وعند قاعات الاختبار وركضت بسرعه حتى ما مسكت بريك الا لما دخلت القاعه الي طلعت منها وكانوا البنات يختبروا واستاذه شهلاء موجوده !!!!!!!!!!:mh19:
والله يوم الاحد مادخلت الى وسياره كبيره (ام خزان ماي) عاد مادري وش تسمونها المهم ...
عاملين حالهم يرشوا الاشجار اقصد الحديقه الي خايقين يوم من الايام تتحول الى غابة والهوز الي فيها تقولي حق مطافي مو حق رش اشجار
بس لاحياة لمن تنادي !!!!!!!!!:t1:
وازيدكم من الشعر بيت ان لما كلمنا المسؤلين\المسؤله عن الوضع وعن احوال الرعيه تمشي ولا كانها تسمعش والقهر يدرسوش مادة اخلاقيات المهن ولكن لا تتطبق :s12:

[طاااالب علم]

هنا مشاكل اجتماعيه لا تعد ولاتحصى ولاكن اعتقد ان الشخص هو الحل الاوحد لهذه المشاكل

وهنا بعض الاخطاء الاداريه التي تسبب مثل هذه المشاكل ونتمنى من المسئولين التدخل في مثل هذه الامور لتجنب مثل هذه المضايقات

واما الحارس فاعتقد ان حاميها حراميها وهدفه الاول من الوظيفه هو المرتب وليس القيام بوظيفته على اكمل وجه واتمنى منكن تقديم شكوى على ادارة الكليه بهذا الخصوص لمنع هذا المتطفل من هذه الحركه الغير لائقه ولكي يقف عند حده

تحياتي لبنات بلادنا المحافظين

[بنت أمها وأبوها]

بص

راحه الحق يقال يعني الحارس واحد منا وفينا ومعروف من عائله محترمه ماشاء الله عليه يعني ادا دخل راسه مايرفعه وهدا الي انا اشوفه وان كنت كاذبه عسى عيني العمى قولوا امين

[جامعي]

سلام..

لابد من تقديم شكوى عن الوضع هذا والله معكم ان شاء الله خصوصا هذه المهنة تحتاج لها جو هادىء

ومريح وموفقين ان شاء الله تعالى ...

[قطيفية وأفتخر]

اختي ( بنت امها وابوها ) :

حتى لو كان الشخص محترم ( الحارس ) إلا أن الطالبات اعتبروه اخاً وأباً لهم لأنه يدخل ويخرج من غير سابق إنذار

كأنه ( محرم لنا ) ...........

[بنت أمها وأبوها]

اوخيتي قطيفيه وافتخر بس خلينا نكون صريحين اكثر ولا نشوف بس أخطاء غيرنا وأخطائنا نجهلها :mh19:
اني وياش هو مو محرم علينا وابصم لش بالعشره مافي اختلاف اوكي :g8:
بس في بنات اصلا مايبغوا الستر زي الي بتجيش الكليه وأحشاءها طالعه الصدر طالع والتنوره منزله تحت والشعر مطلع عن حساب في البدايه قدله ومع الايام كله والي بتلبس قميص ابيض شيفون او شفاف ولا بتلبس تحته شيء وش تسميها او هدي البلايز الي ربع كم وبما انها تدري ان في مبنى عزاب اصلا ليش البس ربع كم واطلع بمجرد البوشيه (الشيله عند البعض) وطبعا مبالغة بنات في اللبس حتى تشكي انش رايحه حفله مو دوام رسمي ماعليه اني ما اليي دخل بلبس البنات ومو مؤيده ان اللبس يكون بس ابيض بس محترم وساتر ...
وكدا مره اني شخصيا اسمع تقول ام ح س ي ن خلي البنات يلبسوا طلبا منه (الحارس)


يعني زي مافي اولاد ورجال مو زينين في بنات اسوا بعد ,وزي مافي بنات خايفين على شرفهم هم بعد اكو في رجال عفيفين ويصونوا حالهم :g8:


بس المشتكى الى الله وحسبي الله على من كان المسؤول عن هدا الوضع سواء كان من .........أو..........أو..................:praying: :praying:

واختي قطيفيه وافتخر لا تعتبري كلامي مناقضه ينقض كلامش او يعكسه لالالالالالالالالا ابدا واحنا ماردينا الا من شان نبغى حل الى دي المشكله
واتمنى فهمي وشكرا الى كل وحده محترمه في الكليه

[butterflyzozo]

هاااي صبايا

بصراحة أأيدكم الراي اني كمان طالبه فيها ومثل ما قالت الهنود طالعين داخلين في الكليه بدون استئدان وحتى يوم ينظفوا النوافد بدون اندار الى الفصل او الكفتيريا انى يدق النافده اندار ما تشوفي الى واحد واقف عند النافده وينظف شوي ويطالع شوي ويش ها التصرف الاحضاري وادا قلنى الى عميده الكليه قالت اصلن نسوي اندار قبل لا يدخلوا وهم اصلن يعلنوا عن الاندار انى في عمال ادا قريب يطلعوا حق يفصخوا العبايه مو يلبسوها لاكن الدنب دنبهم هم الي يحملوا الدنب

[بنت أمها وأبوها]

اني اقول ان الكليه يبغى اليها صيانه كامله مو جزئيه
يعني كل شيء فيها يبغى اليه صيانه هي من مكيافات والا دورات المياه والا الكفتيريا,اسوار السلم يعني كل شيء كل شيء فيها شرقها وغربها وشمالها وجنوبها


واقتراحي ان في يومين في الاسبوع تكون الكليه فاضيه يعني خميس وجمعه كل اسبوع يصلحوا شي معين يبداو بحاجه حاجه الى مايخلصوا منها والمبنى مو كبير الى درجة انهم بيستغرقوا وقت كبير في صيانتها
وسالفة تقليم الاشجار يعني مايبغى ليها سالفه انشاء الله لو ساعه بيتخلص يعني في يوم خميس او جمعه يسوا شغلهم ما اليه داعي اثناء الدوام الرسمي


احنا درسنا في مدارس والصيانه ماتصير الا خميس او جمعه والاجازات بعد يستغلوها في الصيانه

واتمنى خلاص يحلوا هدي المسأله وطبعا مافيها شي ادا تعاونا احنا الطالبات مع الاداره يعني بما ان مافي عمال نظافه كفايه احنا نكون مسؤولين عن النظافه يعني اكل ارمي الاوساخ في الزباله والا في الكفتيريا ام ؟؟ تقول تتعب أثناء التنضيف وعلب البيبسي كدا مره طلبا من العامله بعدم رميها في الزباله وتركها على الطاوله وبعض البنات مازالوا يرموها في الزباله وأم ؟؟؟ ماطلبت دا الشي الا الى غايه لان تخيلي العلبه فيها بقيه من البيبسي وبترميها في الزباله يعني بيصير داخل الزباله وكان بس بتنظف الكفتيريا اليها تغسل الزبالات وهدا حرام بعد يعني العامله لو ماكانت محتاجه الى الوظيفه ماكانت جت وخلونا نكون منطقين اكثر


وانتظروني حتى الفت انتباهكم الى شي قد يكون نحن مستصغرينه وتقبلوا تحياتي