اللي يحس فيه ذرة رجوله ونخوة يدخل ,(نجد العرب) تنخاكم

[نجد العرب]

بالبداية أتمنى كل من يمر على هالصفحة ويعطرها بمروره الكريم, أتمنى أنكم تحطون كلمه بسيطه منكم ترفعون فيها من عزيمتنا وتعيدون لنا فتيل الأمل الذي يضوي تارة ثم ينذوي تارة أخرى,
المسألة ليست مجرد شكوى المسألة ياناس مستقبل وعمر إنكتب عليه الفشل.
كلنا نؤمن إن الشكوى لغير الله مذله لكن ما كتبت هنا إلا للفضفضة أبيكم تدملون جراحاتنا بكلماتكم الطيبة.
اللي بداء يقرأ الموضوع يتصدق علينا ويكمل القرأه ولا يقول تراكم زودتوها ,هذه أول مره بحياتي أشارك بمنتدى. وأول مره بحياتي أكتب علنا عبر الملاء لكن والله إنها ضاقت الدنيا.


مدري من وين أبداء بس تكفون يالرجال المناعير , ياحــــزام عبدالله وسلطان الأمير,
تكفوووووون ياقادة التعليم, يا دكاترة يا فلاسفة يا أصحاب الضمير,
يا فزعة المظلوم يالرجااااااااال الأجاويد,,
يا سلايل أهل التوحيد ,,يا (محمد) يا (عبدالله) يا (سعيد),
ما عاد فيها غير الألم ,
ماعاد فيها صبر,

ضاااااقت وساع الفيافي يالربع ,
ضاقت يا سعيد (العمر) وساع الفيافي والله ضاقت,
ضاااااااااقت وساع الفيافي يا عبدالله (الربيش) والله ضاااااااااااااااقت ,
ضااااااااااقت وساع الفيافي يا محمد(العوهلي ) والله إنهااااااااا ضااااااقت,,

ضاااااااااااااااااقت والوعد ترى ماهو متن السفينه, الوعد قداام لا وقفنا بيوم الحساب.


أكتب لكم جزء من همومنا , وياليت تسمعوننا,أكتب لكم يا من تربعتوا على قمة عرش الهرم التعليمي,
مدري كيف أخاطبكم بس بقول اللي عندي,

بقسمنا المهجور , لا نظام ولا آحم ولا دستور, ضااااااايعين وزادنا القهر ضايع,

كلكم قرأتم معاناتنا في قسم اللغة الإنجليزية بكلية التربية بالجبيل سنة رابعة.

هالمرة ماراح أقول حنا مظلمومين وأعيد نفس الكلام.هالمرة بعطيكم صور حقيقه تجسد جزء من اللي كل يوم نشوفه تفضلوا هاكم صورة طالبه طالبه بقسمنا ولا أحد يقول عيب لاتطلعين الفضايح , ماااااعاد باقي فيها ستر ,,تهتكت كل المبادئي والقيم ,
إستنزفنا دموع وحرقنا أنفسنا , وفوق كل هذا مستقلنا ضااااع ,
عشان كذا خذ يا( سعيد العمر ) صورنا , وتفرج عليها ..إذا هذا اللي يسعدك.
تخيل معي وياليت تعيشها صورة صورة ...

فيه منا اللي تداوم يوميا من الدمام,النعيريه ,ورحيمه,, تطلع كل صبح وهي ( مودعة ) أهلها تعرف يعني وشو معنى الوداع << يعني تطلع وماهي عارفه إذا بترجع والا لا ؟؟
ماتدري وش بيجيها بهالطريق وماغير عيون أمها تدعي تقول يارب تحفظك يابنيتي وترجيعن سالمه...
الصورة ذي عاديه لأنها ما هي بنتك.
وفيه منا يالسنافي اللي عندها بدال الطفل أربعة وزوجها عن قبيلة تناضل عشان تتخرج لأنها حتى عيالها فاقدين وجودها بالبيت,
الصورة ذي عاديه لأنها مو زوجتك,
وعندنا يا سعيد اللي عقب نتيجة الترم الأول صابتها حالة نفسية ,تمشي مع نفسها ,تتكلم مع نفسها عقب ماو صلت رابع صكوها بمواد,وأهله رحموها وطلعوها.
عادي تجي ليش لا .؟؟ ضريبة الدراسة على قولتكم
وفيه منا اللي طموحاتها أكبر من هام السحاب وأحلامها ترتقي من علو لأعلى , وناضلت عشان ماترسب ولا سنة ويوم جت رابع (نقت )ما قصرت ,حملتها مواد وخلتها تفقد حلمها بمرتبة الشرف.
بتقول عادي تصير بأرقى الجامعات,
وفيه منا يا دكاتره يا أفاضل اللي تناضل عشان أبو مسكين ما عنده مصدر رزق ولا يناظر غير الله ثم بنته اللي وصلت رابع ويحتري تخرجها,
بتقول عادي الأرزاق على الله,
فيه منا ياعزيزي اللي تجي ووجهها كله إحباط وألم تصبح بوجه (نقت) وتمسي تعالج أخوانها المرضى نفسيين, ماتدري تداوي جروحها وألا تتحمل ضربهم.
بتقول عادي الله يشفيها عالجوها,
يا عزيزي الصور كثيرة ولا أقدر أحصرها ,,
وأنا محدثتكم (نجد العرب) عقب نتيجة الترم الأول والله ما خليت مستشفى ما عالجت فيه وبالنهاية ,نهاية مسيرة التخرج على يدين (نقت ) صرت أتعالج بحبوب ومهدئات نفسية لأن ما صرت أنام ,
بتقول لا تكبرين السالفة مجرد ضغط نفسي وبروح,

يا سعيد يا نخوة دموعنا , يا صاحب الشأن , تكفى ترى تكفى تهز الجاجيل,
تكفى بناتك مستقبلهم إنتهى ..
تكفى ترى لا قالت (البنت ) تكفى تروح لعيونها رقاب..
تكفى (ياعبدالله الربيش) تكفووووون يا عزوتنا ,,

لا تقولون نبالغ وحنا مستوانا زفت,,,إذا فيه خلل فهو مو منا الخلل من الكوادر اللي شفنها ,, الخلل من الأنظمة اللي يوم تطبق وعشرة تهمل, الخلل لا جاك شخص وقعد يهينك ويقول إنتم مستوى الدراسة عندكم ما هو على مستوى عالمي,,الخلل لا تم فرض نظام عالمي فجأه على سنة رابعه والسنوات اللي قبل ما قد سمعنا بهالعالمية,,
الخلل لا إنخصم من كل جهد وعمل تسويه أربع درجات تطبيق للنظام العالمي..
( يا أخي (نقت) فاهمه العالمية بالمقلوب وجايه تقلب مستقبلنا وتسافر...

بكيت وبكت أمي معي ,,بكيت من مرارة وقهر .. وصرت كل ليلة أرفع يديني للسماء وأقول (حسبي الله ونعم الوكيل))
بكينا كلنا ,, دفعه كامله نصها باقيات للإعادة والنصف الثاني مهددات على وشك الرسوب..
واللي نجح منا (تصدقت عليه (نقت ) بمقبول .

بسألك بالله لا تخرجت طالبة رابع بمقبول؟؟
من بيقبل يوظفها ؟؟
من بيعترف بتعبها وكدها كل هالسنين؟؟
من بيقول لا والله مظلومة أربعين درجة من حقها بكل مادة من مواد (نقت ) راحت بدون سبب.
الظاهر آخرتها بنشكر (وزير العمل) على إتاحته فرص العمل للسعوديات (كخادمات) في قطر والكويت ,,لأنه هذه الحقيقه ما فيه أحد بيقبل يوظف (طالبة متخرجه بمقبول) إلا إذا أهل الخليج بكرمهم إستقبلوا بناتكم.

يا( سعيد ) لا يقنعونك اللي ما يخافون الله بأنه مستوانا زفت لا يقنعونك بهالخزعبلات..
تدري هم بالضبط وش يبون؟؟
يبغوننا عباقرة لغة ..وهذه صعبه لأنه حتى أهل اللغة نفسهم يثنون علينا جهدنا ومحاولاتنا لأنهم عارفين مدى صعوبة الأدب.

يا ناس والله تعبنا وأحلامنا طارت وإنتهينا,,
(نقت ) سببت لنا مأسأة ,,ورغم كل هذا تقولون(خوذو الشكوى بموضوعية ولاتصيرون مبالغات) ليش إنتم شفتوا اللي شفنا.
(نقت) بغض النظر عن كل اللي سوته معانا .. ما تتعامل بإسلوب لبق بتاتا.. ومعاملتها الجيدة لأشخاص محدودين فقط.
يعني إذا البنت عاجبتها ممكن تأخذ وتعطي معها وتوضح لها أخطاءها.. وإذا البنت مو داخله مزاجها تقعد تصاارخ بنرفزة وعصبيه كأننا نشتغل عند أهلها.
.

خلاص جف الكلام وماتت الأوراق,,. بناتكم يا ( سعيد) ويا( عبدالله ) ويا (محمد) ما صفى منهم مع نقت إلا مابين (20) إلى (30) طالبه من )106( وهالفئه القليلة الباقيه إستقعدت لهم بقوة ,,
أضيفوا لذلك 16 ماده ندرسها هالترم بشكل جنوني والمصيبه لا قلنا شي قالوا ) إنتم ياالسعوديات دلوعات) << شكلنا طايحين من عيونهم إذا حنا مو عاجبينهم ليش يدخلون هالبلد من أصله.

وكله بكفة والوعود اللي ذبحونا فيها على نتايج التظلم بكفة ومثل ما يقولون الكتاب واضح من عنوانه << ما فيه نجاح عارف ليش؟؟
لأنه في مبداء جائر يقول (المعلم لا يخطئي,, وإن أخطاء فإلتمس له العذر وإن لم تجد له عذر,,فإرمي المصيبه على الطالب)) لكن كلنا نؤمن( أن سهام الليل لاتخطئي)
.
ما باقي شي كل اللي عندي قلته ,,والله بين كل سطر وسطر دمعة أب يرجي من الله لبنته التوفيق,, بين كل سطر وسطر,,دمعة أم مقهورة على بنتها,, بين كل سطر وسطر زوج يشكي بعد زوجته,, بين كل سطر وسطر شهامة أخ لا إنتخت فيه أخته وقالت ( يا أخوي أنا إنظلمت) ,,بين كل سطر وسطر نرتجيكم يالنشاما لا تخلون مستقبلن بيدين من لا يخاف الله فينا ولا يتقيه,,


وآخر كلامي عذرا لأسماءك المبجله إن خاطبتها مجردة دون ألقاب ولكن هذه حقيقة الدنيا فنحن كلنا ابناء آدم وآدم من تراب,,
عذرا دكاترتي الأفاضل إن قسوت بكلماتي ولكن أنتم أهل لها وما أخذتم على عواتقكم هذا المسؤولية إلا وأنتم رجال أفاضل,

عذرا لمن قرأ همومي على صفحة من بياض ولكن حبري الأسود يعكس مستقبلي الذي تسرم بالظلام .

(نجد العرب) تستبيحكم عذرا على دموعها لكن ليس هناك شي ينتظرها غير أسوار وجدران من نار,

(نجد العرب ) تتمنى منكم الدعاء لها بالشفاء,

أطيب التحايا لكم.

[مصفوقه بطابوقه]

ياقلبي انتي الله يعينكم ويصبركم وحسبي الله ونعم الوكييييييييييييل على كل من ظلمكم

[@دنيا-الوله@]

حسبي الله ونعم الوكيل

[هويآن]

قسم قسم جاتني الصيحه








من جد صدقتي بكل كلمه و كل







حرف
















لكن





























































في أحد يسمع ؟!!!!

[Rose spring]

لا تعتذرين يا نجد العرب مثل ما قلتي كلنا اعيال أدم
أنا طالبه مثلك بس أنا أول سنه تحضيري لما كنت بالثانوية كانت أحلامي فوق وكل يوم أقول لمي بدرس هالتخصص ولكن لما تخرجت وسجلت بالكليات لقيت نفسي محذوفة للخفجي وانا ساكنه بالدمام وكنت متردده أروح بس سمعت ان فيه كرت زائر وفيه تحويل ما دريت عايشين بكذبه بهالتعليم ولا دريت قوانينهم وهميه كلام وبس مالها فعل سوويت كرت زائر مرتين وكل مره اجي هنا لكلية الدمام ويرفضونه وأمي تقولي اصبري ان شاء الله السنه الجاية يحولونك وحاول اصدق نفسي بانهم بيحولوني وطلعلتنا مشكله جديده اللي هي تسجيل المواد اللي ما تسجلت موادها ما تتخصص السنه الجايه ليه طيب تروح سنه من عمرنا عشان ما دتين أخر حل توصلتله أني بطلع من الكلية السنه الجاية وقعد بيتنا
ومشكور كل الشكر مملكتنا الجميلة على تحطيم احلامنا ..

[مصفوقه بطابوقه]

رووووووووز لا لاتقعدين حاولي مره ثانيه سجلي بالكليه او عيدي القدرات وسجلي لاتستسلمين ترا قعده البيت شينه

[كفآيه يازمــــــن ..]

حسبي الله على كل ظااااااااااااااااالم ..
وش رايك توصلين هالكلام للجريده ..
ترى احسن حل ..

[الغالية]

حسبي الله ونعم الوكيل

[مصفوقه بطابوقه]

صادقه كفااايه لاتسكتووون كلامك مره مقنع ....وانشاءالله يتغير وضعكم

[كبرياء انثى]

حسبي الله ونعم الوكيل