هل حضور المحاضره المباشره ضروري ؟

[دنيتي كلها وفاء]

السلام عليكم ورحمه الله وبركاته
صباح الخير اخباركم اخواني وخواتي وبعد.....< مقدمه معروض لسموكم وهو كالتالي :ـ

اولا:
اليوم كان عندي محاضره وراحت المحاضره المباشره وانا احاول ادخل ماقدرت يعني طارت الطيور في ارزقها وانا جالسه احاول وخلصو الناس ولا دخلت مدري ليش؟
وبكرى عندي ثلاث محاضرات مباشره ومتوهقه اخاف يروحون علي مثل الي فاتت اذا فيها درجات المباشره ... ادري ولا درجه باخذه من الحوسه بس ان شاء الله تكون درجات حتي على المسجله..
ثانيا:
ليه المحتوي يختلف عن المحاضره لاني فتحت المحاضره المسجله والمحتوي مو مثله بعض وهل االاوراق اللي يشرح عليها الدكتور اقدر اطبعها او لا؟ في محاضره الفديو؟؟
ثالثا:
تنزيل المحاضرات المسجله يكفي على الجهاز حتي لو مااستمعت لها وهل تحسب لي درجه
ورابعا:
انا جالسه اكتب المحاضرات كتبت بس محاضرتين خلصت دفترين كاملت ولحد الان مافتحت باقي المحاضرات هل كذا صح علي او بس اتعب نفسي على الفاضي ريحوني الله يريحكم دنيا واخره؟؟
خامسا:
اي احد تخصصه علم اجتماع مستوى اول يجي خاص للاستفاده
سادسا:
ادري طفشتكم وغثيتكم بس تحملوني مالي الا الله ثم انتم
سابعا
اختكم المقروده....... قصدي دنيتي كلها وفاء
تقول اسفه على الاطاله تحياتي لكم

[عيون حالمه]

اولا:
اليوم كان عندي محاضره وراحت المحاضره المباشره وانا احاول ادخل ماقدرت يعني طارت الطيور في ارزقها وانا جالسه احاول وخلصو الناس ولا دخلت مدري ليش؟
أختى لاتشيلين هم

المحاضرات المباشرة تتسجل وتنزل ع البلاك بعد فتره

وبكرى عندي ثلاث محاضرات مباشره ومتوهقه اخاف يروحون علي مثل الي فاتت اذا فيها درجات المباشره ... ادري ولا درجه باخذه من الحوسه بس ان شاء الله تكون درجات حتي على المسجله..


تنزيل المحاضرات المسجله يكفي على الجهاز حتي لو مااستمعت لها وهل تحسب لي درجه
نعم تحسب الدرجة لكن لازم تسمعينها.. اجل شلون بتذاكرين
ورابعا:
انا جالسه اكتب المحاضرات كتبت بس محاضرتين خلصت دفترين كاملت ولحد الان مافتحت باقي المحاضرات هل كذا صح علي او بس اتعب نفسي على الفاضي ريحوني الله يريحكم دنيا واخره؟؟
أختي كل ماده لها محتوى موجود بالبلاك بورد أطبعيهم وفية اضافات يقولها الدكتور تكتبينها معاه
خامسا:
اي احد تخصصه علم اجتماع مستوى اول يجي خاص
أنا علم اجتماع مستوى ثاني

[هنـــاء]

اهلا
اولا اتمنى لك حظ مووفق

اذا لم تستطيعي حضورها في وقتها المحدد
بامكانك مشاهدتها وتنزيلها متى ماشئتي وتحسب لك الدرجات

لاتقلقي كل الاموور ميسرره

انا كنت مثلك كتبت حتى تعبت اطبعي المحتووى ودوني عليه الاضافات من المحاضره المسجله

[نجمة الفؤاد]

نزلي المحتوى ولا تكتبي كل المحاضرة فقط الاضافات موفقه ياعسل

[جفاك ضيع غلاك]

معليش سؤال بس الحين لمى احضر المحاضره المسجله واخلصها للاخير اخذ درجه عليها ولا لازم احملها تكفون ريحووووووووووووني

[دنيتي كلها وفاء]

مشكورين بس ماجاوبتوني هل اقدر اطبع الاوراق اللي بمحاضره الفديو اما لا؟؟

[SaD HeArT]

دنيتي كلها وفاء

وعليكم السلام ورحمة الله وبركاته

حياج الله معانا في المنتدى وفي الجامعـة ,

راح أقسم الرد على كل تساؤلاتج علشان تكون الأمور كلها واضحة لج ,

المشاركة الأصلية كتبت بواسطة دنيتي كلها وفاء

اولا:

اليوم كان عندي محاضره وراحت المحاضره المباشره وانا احاول ادخل ماقدرت يعني طارت الطيور في ارزقها وانا جالسه احاول وخلصو الناس ولا دخلت مدري ليش؟
وبكرى عندي ثلاث محاضرات مباشره ومتوهقه اخاف يروحون علي مثل الي فاتت اذا فيها درجات المباشره ... ادري ولا درجه باخذه من الحوسه بس ان شاء الله تكون درجات حتي على المسجله..

المحاضرة المباشرة ضروري تدخلينها إذا كان عندج إستفسار أو أسئلة عن المنهج أو المقرر بشكل عام ,

لأن أغلب الدكاتره مثل السراب , صعب التواصل معاهم !!

أما إذا ما عندج أي شيء مهم لا تربطين نفسج فيها , وتقدرين تحملين التسجيل وتشوفينه في أي وقت ثاني ,

ولا تحاتين شيء بخصوص الدرجات , لأن درجة حضور المباشرة = درجة حضور تسجيل المباشرة .



[line]-[/line]

المشاركة الأصلية كتبت بواسطة دنيتي كلها وفاء

ثانيا:
ليه المحتوي يختلف عن المحاضره لاني فتحت المحاضره المسجله والمحتوي مو مثله بعض وهل االاوراق اللي يشرح عليها الدكتور اقدر اطبعها او لا؟ في محاضره الفديو؟؟

المحاضرة المباشرة المسجلة أغلب الوقت يروح على إستفسارات والرد عليها , قليل فيها الشرح ,

وأما المحاضرة المسجلة فـالدكتور متفرغ للشرح وتوضيح منهج المقرر في محاضرات منفصلة ومتتابعة ,

ونعم تقدرين تطبعين الأوراق اللي يشرحها الدكتور ,

والإخوان والأخوات اللي في المنتدى مو مقصرين من هالناحية , وكل الملازم والمذكرات ينزلونها أول بـأول .



[line]-[/line]

المشاركة الأصلية كتبت بواسطة دنيتي كلها وفاء

ثالثا:
تنزيل المحاضرات المسجله يكفي على الجهاز حتي لو مااستمعت لها وهل تحسب لي درجه

من باب الإحتياط إعملي الشغلتيـن , إسمعيها وحمليهـا علشان تضمنين الدرجه كاملة ,

والنظام له سوابق معانا في الكورس اللي طاف , وما أتمنى هالشيء يتكرر معاج .


[line]-[/line]

المشاركة الأصلية كتبت بواسطة دنيتي كلها وفاء

ورابعا:
انا جالسه اكتب المحاضرات كتبت بس محاضرتين خلصت دفترين كاملت ولحد الان مافتحت باقي المحاضرات هل كذا صح علي او بس اتعب نفسي على الفاضي ريحوني الله يريحكم دنيا واخره؟؟

وليش كل هذا ؟!!

الحمدلله المنتدى موجود فيه كل شيء تحتاجينه يخص كل المواد اللي إنتي مسجله فيها ,

لا تكلفين على روحج وتكتبين وتتعبين نفسج , جمعي ملزمة المادة أو مذكرتها وإطبيعيها وإشتري راحتج .



[line]-[/line]

المشاركة الأصلية كتبت بواسطة دنيتي كلها وفاء

خامسا:
اي احد تخصصه علم اجتماع مستوى اول يجي خاص للاستفاده
سادسا:
ادري طفشتكم وغثيتكم بس تحملوني مالي الا الله ثم انتم

بخصوص خامسا .. إن شـاءالله وحده من الأخوات اللي معانا في المنتدى تساعدج باللي تحتاجينه ,

وأما سادسا .. لا تقولين هالكلام افا عليج و إنتي زميله لنـا ولج علينا حق الزماله ,

أتمنى لج التوفيق .

[SaD HeArT]

المشاركة الأصلية كتبت بواسطة جفاك ضيع غلاك

معليش سؤال بس الحين لمى احضر المحاضره المسجله واخلصها للاخير اخذ درجه عليها ولا لازم احملها تكفون ريحووووووووووووني

جفاك ضيع غلاك


المحاضرات المسجلة لو تسمعين منها 5 ثوان تضمنين الدرجـة ,

ولكن من باب أولى إنج تشوفينها للأخير , يمكن الدكتور يقول شيء مهم أو يشرح فقرة مهمة ,

والتحميل أشوفه ضروري وإحتياط لج إذا النظام ما حسب له درجة المشاهدة بدون تحميل ,

وبـالتوفيق لج .