أسوء لجنة للإختبارات

[محمد111111]

شوف أولاً هو ماجاء يراقب عليك ببلاش يعني يومته 700 ريال في خدمتك
وأما أنه يغير مكاني أو أني ماأكمل الاختبار هذا بعيد عن شواربه لأنه حطه تحدي بس أهم شي أني ماعملت خطاً
أنا من ناحيتي الفترة الثانية هو وقت اختباري قالو أول يوم الاختبار 6.30 يبدأ يعني قدمو الوقت ربع ساعة لذلك أنا من الناس احب اخلص وأطلع صرت أتأخر في وقت الدخول حتى الساعة 7 كذا حليت مشكلة الانتظار يعد ماأخلص الإجابة

[أم فيصل2000]

بعض الناس نفسياااااااات لا حول ولا قوة إلا بالله
يااازين التواضع والخلق الحسن تخلي الناس يحترمونك غصب
مراقبين آخر زمن

[♡هايدي♡]

الله يعينكم على النفسيات
طيب انتوا تجلسوا في اي مكان ؟؟؟
حنا لازم نسأل المراقبة عن الرقم وتعلمنا في اي مكان
بس بصراحة قمة في الاخلاق والاحترام المراقبات والطالبات
انا مركز الاختبار في كلية العلوم والاداب خميس مشيط

[أبو تركي الرياض]

في بعضهم يقول بنصف الوقت يالله الاختبار سهل !!

يعني يبيني اطلع .. وهذا الاسلوب يوتر لي الحق في كامل الوقت .. سواء الاختبار سهل او صعب

لاحول ولاقوة الا بالله

[نايف!]

انا من ضمن الطلاب المختبرين في المركز الي قلته اخوي
بصراحه المراقبين لك عليهم اغلبيتهم يظنون ان الي قاعد يختبر طالب من المرحله المتوسطه او الثانويه تشدد غير مبرر.
وسالفه حط الجوال بكيس وعلى الطاوله هذي الي مادري وش تبي ؟ مايكفي انك تحطه صامت او تغلقه لازم تحطه بالكيس .
جميع المراكز الي اختبرت فيها ماصادفت احد يعطيك هالكيس الا هالمركز .

[!! أبو سارة !!]

انشهد بالله انك صادق بكل كلمه

جيت عندهم سالت متى تعلقون الاسماء قالي واحد من الي موجودين رح صل الحين وبعدين نعلقها اقسم بالله اني تعوذت من الشيطان ومشيت كاني اصغر عياله يكلمني مع طرف خشمه ومن غير اخلاق بعض المراقبين ولا جايب لك كيس صغير تحط فيه جوالك واغراضك اقسم بالله قمت اضحك وش الحركات ههههههههههه

[سحرني]

الأشكال اللي زي كذا من المشرفين في اﻷختبار بصراحة ماعندهم رحمة .. ولكن ارفع يدك واستنجد بالخالق ..ليل نهار وان شاء الله راح تسمع خبر يسرك اما في هذا المشرف الظالم او شئ يفتح الله لك فيه

[رمزي1|]

ابها مشكلتهم يقدمون الاختبار عن الموعد ؟ليه

[bint alkaldi]

استغفر الله وش ذيل الناس مالت عليهم !!

يمكن لأنك في شرق الرياض فيه تكبر شوي هنااك حتى الشمال ارحم ..

لآ انا الحمد لله بالدمام ومركزناا كل المراقبات الي فيه قمة بالاخلاق والله اذكر حتى وحده ناافخت ع معلمة وسط الساحة والمعلمة بس تقول كلمه وتسكت وتقول والله اني مراعية مزاجها وظروفها محد يدري وش تمر فيه الحين ..

والله اني دعيت لها من قلبي ..

حتى جوالاتنا يقولون الي دخلت فيه رجاء تحطه صامت ولا يفضل تخلينه برا بشنطتك او هاتيه احطه بالفاايل حقي !!
والله قاسيين عليكم ي شباب وش ذا

مثل م قالوا الي قبلي تقدر تدخل بقسم الخدمات الطلابية وتعبي كل شكاويك .. ~

والله يهون عليكم ..

[فنوُ *]

احنا بس مديرة المركز تنافخ
ام المراقبات اغلبهم عسل
وفي كمن وحدة شاذه
بس مديرة المركز سيئة بس انا اهر يوم لي اذا الله احياني بروح اعلمها ان اسلوبها زي وجهها :)
الجامعة ماراح تسوي شيء^.^