[ شعر ] : نذبح بها الفقر وخطره المداهم

[لكَبريآئي روآية]

،
،
،

ياهل الدراهم كيف حال الدراهم
...هي ما تخليكم شوّي وتجينا

ما تطلع من دروجكم ونتفاهم
...بالله خلوها تسّير علينا

نذبح بها الفقر وخطره المداهم
...ونحيي بها امواتٍ عليهم بكينا

ونمسح بها الاوجاع مثل المراهم.
..ونسوق منها ما يطوّل يدينا

نطنخ بها طنخة ثقيلٍ وفاهم
...يطرب إلى احدٍ قال يا بن اللذينا

ونخلي اللي ما معاهم معاهم
...يا طيبنا يوم السعد يوم جينا

نلمها من عيون من لا نراهم
...ونطشها لعيون من يرتجينا

ننقذ بها اللي غثرب الوقت ماهم
...ونزرع بها بسمات من يلتقينا

ونسقي بها الهلكى ونقطع ضماهم
...ونلقى بها اللي بالأمل يحترينا

ونصلح بها اللي رافضين التفاهم
...ونعتق بها الارقاب لا من سعينا

ونجمع بها ثنينٍ تعسّر لقاهم
...ونكفل بها اللي فاقدين الثنينا

ونهدم ديون المعسرين وشقاهم
...ونبني بيوت الركّع الساجدينا

ونرسم بها حلم الصغار ومناهم
...ونحط بعض الشي للي يلينا

وبحق لو ما زاد سهم المساهم
...وعادت دراهمكم دبل ما خذينا

عز الله أن اكثركم يعيش واهم
...ان ما لقيتوا للمسرات مينا

خياركم لو ما ركضنا وراهم
...حنا من انفسنا العزاز اغتنينا

نزحف على خط الفقر ونتزاهم
...وانتو ما احد منكم نظر في حدينا

الله علم وش كان حال الدراهم
...لو بيت مال المسلمين بيدينا

،، الشاعر ناصر القحطاني

[••ريــــم••]

يعطيك العافيه

قصيده رائعه

[لكَبريآئي روآية]

المشاركة الأصلية كتبت بواسطة ••ريــــم••

يعطيك العافيه

قصيده رائعه

الله يعافيگ ، والرائع مرورگ ، انرتي

[دحوم الشرقية]

ونخلي اللي ما معاهم معاهم
...يا طيبنا يوم السعد يوم جينا

[لكَبريآئي روآية]

المشاركة الأصلية كتبت بواسطة دحوم الشرقية

ونخلي اللي ما معاهم معاهم
...يا طيبنا يوم السعد يوم جينا

يعطيگ العافيه ع مرورك الجميل ، وانرت

[مـعـزﯙفـه آلـحَنيـن]

قصيده رائعه

[shosho333]

هالقصيده من القصائد اللي عجبتني لناصر القحطاني ..

كلماتها روووعه وتلامس واقعنا

والاروع بالتأكيد هو انتقائك وذووووقك

مبدع كالعاده ..بانتظار جديدك

[عطرالحروف]

قصيده رائعه ...

[فنوُ *]

أبيات رائعة
سلمت يمناك على الأنتقاء المميز
وصح لسان شاعرها

[قلبي مجنوونك]

-




صح لسان قايلها وتسلم يمينك ع هالنقل ي آخوي
شكرا جزيلا