|
ملتقى الكليات الصحية بالاحساء ملتقى طلاب وطالبات الكليات الصحية التابعة لجامعة الملك فيصل بالأحساء |
|
أدوات الموضوع |
#1
|
|||
|
|||
استفسار عن دراسة الطب والصيدلة
السلام عليكم ورحمة الله وبركاته
ممكن المساعدة، آبغى أعرف شنو الفرق بين دراسة الطب والصيدلة الإكلينيكية ، وشنو مواد السنة التحضيرية، وهل صعبه أو سهله، والانجليزي كيف راح يكون دراسته وهل 24 ساعة مذاكرة ونبتعد عن الأهل وكل حياتنا مذاكره أنا خايفة من الانجليزي، والدراسة ما ابغى أخيب ظن أهلي جزاكم الله خير |
2014- 7- 20 | #2 |
أكـاديـمـي نــشـط
|
رد: استفسار عن دراسة الطب والصيدلة
وعليكم السلام ورحمه الله ..
بالنسبه للدراسه ممتازه ومعلومات كم هائل . انا تخصصي طب بيطري واول سنتين ندرس نفس الطب البشري ف راح تكون السنه الاوله كيمياء وفيزياء ورياضيات وانجليزي ' تعتبر تحضيري وتحديد مستوى بنفس الوقت للتخصص من ناحيه الوقت لاتحاتين مو لدرجه 24 ساعه .. ع حسب اهتمام لو يوميا تذاكرينن بمعدل 3-4 ساعات بحيث ماتخلين معلومات بيجي وقت الاختبار بتراجعين فقط .. يعني الدراسه بشكل عام يبي لها اهتمام وتفرغ بس مو لدرجه 24 ساعه ( عشان تكونين بالصوره ايام الاختبارات عادي تسهرين يومين عشان المذاكره ) انا ما اخوفك بس عشان مابيك تتساهلين بالكليه لان بيطردونك لو ماحققتي النسبه بيحولونك لاي تخصص ثاني طبعا اتكلم اذا تبين معدل ممتاز انا اقول شدي حيلك وخليك مهتمه حاولي تكونين صداقات بس الي بتنفعك مو تضرك واهلا بك بعالم الجامعه . بالتوفيق |
التعديل الأخير تم بواسطة Mohamme ; 2014- 7- 20 الساعة 02:32 AM |
|
2014- 7- 20 | #3 |
أكـاديـمـي
|
رد: استفسار عن دراسة الطب والصيدلة
عليكم السلام ورحمه الله وبركاته
طبعا في فرق كبير بين الطب والصيدلة بس اذا تبين من ناحية السنه التحضيرية بتكلم بالبداية عن الاشياء المشتركه اللي هو الانجليزي والاحصاء والحاسب ذولي اساسيين بس الانجليزي اهم بكثير من المواد الثانية لان عليه اغلب المعدل عليه بكل كوارتر ٥ساعات بس الطب راح يبدأ الانجليزي اجباري من المستوى الثاني اما الصيدله ممكن تبدين من المستوى الاول واللي تبدا من المستوى الاول راح تكمل صيفي اجباري ...الحين لو جينا بالمواد اللي مومشتركه الطب في الكورس الثاني راح تدرسين prep pbl بما ان نظام دراستنا بالطب بتعلم حل المشكلات يعطونكم هالمادة كماده تحضيرية طبعا فيها محاضرات وعروض بوربوينت يشرحها الطالب بعد ما يناقشون الحاله وكل عشر طلاب بقروب بغرف صغيرة تكون فيها مناقشه والعرض والاختبار النهائي يكون شفوي اللي هو تاخذين سؤالين وتعرضينهم او نظري والنظري يكون ع جزئين اوبن وكلوزد بوك ...الصيدله انا مو متاكدة عن السنه اللي فاتت هذي بس اللي اعرفه ياخذون احياء وكيمياء وفيزياء (هذا ايام دفعتي ) كل تخصص يحتاج لمذاكرة واجتهاد بس المهم انج تكونين داخلته كرغبه مو كشكل بس نصيحتي لج انج تخلين سنوات دراستج مثل ما المهندس يبي يبني بيت اذا طب وهي سبع سنوات فمعناه ان المبنى راح يكون اكثر من دور والسنه التحضيريه مثل الاساس اللي يسوونه تحت الارض عشان يقومون هذا البيت السنه التحضيرية لا تاخذونه كسنه نبي نعدي فيها ونضمن دخولنا تخصصنا مثل ما كنت افكر لا هي الاساس ادرسوا بجد ولا تضيعون ع نفسكم حاولوا تجيبون الامتياز مو ٣ونص حاولوا تتعلمون وتحبون اللي تتعلمونه مو تتعلمونه عشان تختبرون فيه ..الطب او الصيدله مو دراسه ٢٤ ساعه هذا شي مستحيل حتى لو احنا نحبه بس هو يحتاج جهد اكبر من اللي تعتقدينه واكثر من اللي بذلتيه بالثانوي ما اخوفج بس احذرج ابديها صح مو من اول يوم دوام ابدي من الحين اقري وإسألي وكذلك ادرسي وتعلمي انجليزي من الحين في قناة ع اليوتيوب اسمها ابو عمر جميله ومفيدة ولا راح تحسين انج قاعدة تدرسين استمتعي واذل تحبين تقرأين اخذي قصص اطفال بالانجليزي وشوي شوي روايات وكذلك اقرؤوا الاشياء اللي حولكم بالانجليزي كنت اقرأ ع اي علب اكل مثلا يكون مكتوب بالعربي والانجليزي احاول اقرأ بالانجليزي واشوف معناه بالعربي وهيك واللغه لا تحاتون راح تجي بالممارسه وشوي شوي بس اهم شي شدوا حيلكم واستمتعوا بكل لحظة وكافؤوا نفسكم ولاتحرمون نفسكم من الطلعه بس حطوها بعد ماتنجزون وموفقين يارب |
2014- 7- 20 | #4 |
أكـاديـمـي
|
رد: استفسار عن دراسة الطب والصيدلة
الله يجزاكم خير ..
انا داخله كرغبه آتمناه من زمان ، حاليًا انا انقبلت صيدلة لكن مومقتنعه فيها كثير وإن شاء الله مع ترقية الرغبات يكون طب مرات أكون متحمسة ومرات يجي خوف انو ما اقدر وبعدين أحول بس من كلامكم صارت عندي رغبه أكثر للدراسة، انا الي عندي عائق الانجليزي وسجلت بمعهد يبدأ بعد العيد وراح أدخل على القناة الي قلتيها، وإن شاء الله ربي يوفقنا ويسهل أمورنا وننفع الإسلام والمسلمين شكرًا لكم والله يعطيكم العافية |
التعديل الأخير تم بواسطة fatma_tth ; 2014- 7- 20 الساعة 06:47 AM |
|
2014- 7- 21 | #5 |
أكـاديـمـي
|
رد: استفسار عن دراسة الطب والصيدلة
ان شاء الله تترقين لرغبتج وتكونين طب عشان اشوفج ان شاء الله معانا بالكلية
|
2014- 7- 21 | #6 |
أكـاديـمـي
|
رد: استفسار عن دراسة الطب والصيدلة
إن شاء الله يارب ، وأنا اتشرف بمعرفتك ... الله يسعدك
|
2014- 8- 12 | #7 |
أكـاديـمـي
|
رد: استفسار عن دراسة الطب والصيدلة
السلام عليكم ورحمة الله وبركاته
انا طالب مقبل على كلية الصيدلة الاكلينيكية اريد بعض النصائح من الطلاب الدارسين لهذا التخصص وما نصائحهم لنا كطلاب مقبلين على ذلك وهل يوجد كتب يوصونا بها للاطلاع عليها للافادة |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
[ جميع التخصصات ] : استفسار بخصوص دراسة الدبلوم | فيصل العنزي1 | منتدى الأكاديمية الدولية للعلوم الصحية | 4 | 2014- 9- 18 12:22 AM |
[ كلية الطب ] : استفسارات حول دراسة الطب في جامعة الملك فيصل | Malmousa | ملتقى الكليات الصحية بالاحساء | 4 | 2014- 7- 19 07:09 AM |
[ غير ذلك ] : استفسار: دورات + الدبلوم التربوي + دراسة تخصص ثاني. | أم عمر! | ملتقى الخريجين | 6 | 2014- 6- 19 05:21 AM |
[ جامعة فيصل ] : استفسار عن دراسة الماجستير في التربية الخاصة متى يبدا التقديم و اين و الرقم الخاص بالتقديم لاني محتاجه ضروري جدا جدا تكوفون | طالب سنه اولى | ملتقى الدراسات العليا و الابتعاث | 3 | 2014- 5- 24 03:11 PM |
[ اعاقه عقلية ] : هنا مذاكرة دراسة حالة الاعاقة العقلية | نان سعود | تربية خاصة 6 | 39 | 2014- 5- 20 02:48 PM |