قصيده " شكر وعرفان " المستوى السادس..

[الشاااامخ]

من باب الوفاء والمحبه ..ايظاً من باب التريح من التعب والمذاكره

حبيت اغير الجو بهاذي القصيده لعلها تنال استحسانكم ,

___________________________________________

سلام والمعنى بحر والنيه بعيده
...........................للي لهم في خاطري قدر كبيـر
سلام شاعر يتعب ابداع القصيده
..........................كالمركـزالاول ابد ما ترجع الاخيـر
وسلام يامنتدى العلم وصروح مشيده
..........................و سلام يا التربيه شباب وغنادير
من بعدها مطلوب اغنـي نشيده
......................في قسمنا باحيك جــزل التـــعابيـــر
شاعـر زعيم الشعر وانا عميـده
...........................شاعر واصوغ القاف فكره وتصوير
مبروك والخير يالله انك تزيـــده
..................................مبروك يالله تمها بالتباشير
حتى لو ان الظلم شفنا حصيده
.................................يا كــم نظام يطبقونه وتغـير
تفائلوا يااهـــل العــــقول الرشيـــده
.............................تفائلوا كل المصايب تجي خير
ياكم تحملنا سنـــين عديــده
...........................من قبلنا يشكون ولا فاد تحـذير
وبوجودكم يا شعـله النارالوقيده
...........................هانت علينا دروسها والمشاوير
ربعي حزام السعد اهل العقيده
..........................المستوى السادس زهورمــناوير
منهم شباب حظ منهم عضيده
..........................انا انشهد انهم للمعالي مناعير
والا الصبايا حكيهم جمل (ن) مفيده
...............................يا ما حلا تغريد ذيك العصافير
على سبيل الحصر منهم وليده
..........................هتااان يسوى بالمراجل طوابير
على الملازم كلها بصمه ايده
..........................افنيت عمرك بين منهج وتحرير
وبيشو فتاه الجود نعم الحفيده
......................حفيده الاخلاص ضمن المشاهير
واحساس يكتب لين يفنى رصيده
..........................الناس من جهده صاروا دوافير
ويا بنت الاسلام منتي وحيده
............................ما ينحصر فعلك بدفتر وتقرير
وطلال لازم يالنشاما نشيده
...........................محطم الارقام نسل المغاوير
وصبا ميزايها كثيره عديده
......................تلخيصها معروف ماهو كما الغير
وباقي زملانا كلهم من بديده
........................ما نرتضي فيهم مذله وتحقير
واللي تذير تحسب انها عنيده
........................عندي تراها من خيار المغاتير
ودي على ما بين عنقه وجيده
......................افصل غطاها من انتاج كشمير
وان كان يشره وحبنا اصبح نقيده
.................يسمح ومثلي ما يجي منه تقصير
وختامها تم الكلام اللي نريده
........................والعذر ياللي تقبلون المعاذير

[/font][/COLOR][/SIZE][/CENTER][/FONT]

[بحر العطا]

صح لسانك ياشيخ هههههههههه


ممتازه والله وقريتها والله على سريع عندي اختبار بكره الصحه واللياقه ( دعوووواتكم )


ونبي ناخذ حق ونعطي حق مع الشعر واهله

[إحساس سلطان]

صح لسانك يالشاااامخ

والكل يستاهل اكثر من قصيده

مشكور ياشاعرنا

[صالح الوصلان]

صح لسانك

[أسير بلآ قيود]

صح لسانك

اي بالله ان قصيدتك تطرب

أبيض وجه يالشامخ

والكل يستاهل


لاهنت

[يارب تحقق أملي]

صح لسااانك اخوووي يستاهلون اللي ذكرتهم انا اشهد انهم ماقصرووو

[نقطة تحول...]

صح لسانك ويسلم منطوقك
والله الشكر والقصايد ماتوفيهم حقهم

الله يجعلها بموازين حسناتهم

[&غرور&]

صح لسانكك باأحلى الكلمات

[هتآآن]

صح لسانك يامبدع

وباقي زملانا كلهم من بديده
........................ما نرتضي فيهم مذله وتحقير

[ذوقي رفيع]

صح لسانك يا شامخ