[ شعر ] : تعطينـي الـود وإلا تأخـذه منـي !!!

[العاشق الصغير]

تعطينـي الـود وإلا خـذه منـي
يبلغـك قلبـي المقـفـي تحيـاتـه


اليوم يا صاحبي رد الخبـر عنـي
ما يرخص الغالي إلا كثر غلطاتـه


جارت علي الليالي وأخلفت ظنـي
والحب ما عوض الرجال ما فاتـه


ادعي شفوفٍ تجيب أرضاك ما جني
شاحت عن الغالي اللي شفت زلاته


حمامة الحب فـوق النايفـه غنـي
في وادي تطرب الأسمـاع جراتـه


قصايدي يوم مات الحـب ينعنـي
في مقبل الوقت يالغالـي سلاماتـه


ياللي برمح الغلا تسطـي وتطعنـي
وأنا معك خافقي محبـوس غاياتـه


تبي الحقيقة عظيم الشوق ما أوهني
اليوم ساوت حسان الحـب سياتـه


أببتعد عنك قدر اليـوم مـا أمكنـي
ما هوب عيب يعاف القلب مشهاتـه


بغيت عنـك العـزا مـره وردنـي
مشاعـر نصرهـا يلفـح براياتـه


العـام وإلا يجـن اليـوم ينهـنـي
عن حبك اللي جروحي من نهاياتـه


لك ذكريـاتٍ جميلـة يـوم مرنـي
ما وسعت خاطر تسعى لمرضاتـه


واليوم لولا الموده ما ضحك سنـي
وما شن قلبي على فرقاك غاراتـه


ونوازع الطيف ما جنـي وزارنـي
في وحدتي تهدي الخافـق مسراتـه


هذا وأنا خافقي للحـب مـا حنـي
قلبٍ بعد به مكـان يحـب هيهاتـه

[المرآم]

ابيات روووووووووعه صح لسانك
ابدعت

يسلموا/،،

[[ قايدة الريم ]]

بغيت عنك العزا مره وردني
مشاعرً نصرها يلفح براياته

جميله هي رآئـعة آلسآمر , و من أجمل مَ غنى أبونايف . .

صح لسآن الأمير عبدالعزيز , وسلمت يدينك على الطرح . .

[العاشق الصغير]

اسعدني مرور الجميع

دمتم بخير

[صمتي جنون]

ابيااااات بقمة الرووووعه . .
تسسلم يمينك ولاهنت ع الطرح


احترامي لسسموك . .