[ جامعة اخرى ] : بنات كليه المجتمع بالدمام دبلوم عام تعالو

[merna]

السلام عليكم ورحمه الله وبركاته

حبيباتي جاني قبول بكليه المجتمع بالدمام دبلوم عام

ممكن اعرف وين موقع هالجامعه ..!

لان دورت هنا عن قسم لها مدري هو انا ما شفت او مافي

وجربت اكتب اسمها بقوقل كمان ما فهمت شي

ومين هنا كمان انقبلت فيها تحظيري او تدرس فيها

وهل فيها مواصلات او لا

ووش اخذ معي اول يوم اداوم تكفون ساعدوني شايله هم هالسالفه =(

[ريمنقو]

وعليكم السلام ورحمة الله وبركاته ..

بحي عبدالله فؤاد مقابله لمركز الامير سلطان للتأهيل الشامل

[amalibrahim]

انا كنت ادرس فيها السنة اللي راحت هي بحي عبدالله فؤاد حول مستشفى الولادة الدراسة فيها سنة تحظيري انجليزي مكثف لازم تجيبين معدل 4 عشان تحولين للراكه وتصيرين بكالوريس لو جبتي تحت 4 تظلين دبلوم بس بصراحة الكلية متساهلين مرة بس فيه شوي ضغط لانه تحظيري الانجليزي كل شهر تاخذين مستوى وهو عليه نسبة كثيرة من المعدل

[amalibrahim]

مافي مواصلات ما تاخذين شي اول اسبوع تداومين اول يوم تشوفين انتي بأي شعبة واي مستوى وتطلعين لك بطاقه خذي معك احتياط بطاقة الاحوال

[merna]

حبيبي انتي الله يسعد قلبك ع الرد ما قصرتي وجيتي ع النقطه الي ببالي لانو ناويه ادرس سنه واحول بس انتي قلتي الراكه يعني قصدك رح اروح جامعه الدمام ولا كليه المجتمع !!

والانقلش الي راح ادرسه هل هو نفس الي ناخذه ايام الثانوي وكذا يعني قواعد ولا وش نوعه !! ومتساهلين من اي ناحيه

واخر شي والي هو الي موترنننننييي حيييل حيييل البنات الي كانو بعاد عن الكليه كيف كانو يجون خارج الدمام قصدي معقول ما يوفرون ولا باصات


وكمان مره ربي يسهل امورك بهالشهر الفضيل مثل ما بتريحين قلبي

[ريمنقو]

هي قصدها انك بعد ماتخلصين السنه التحضيريه بكلية المجتمع وجبتي معدل عالي
راح تقدرين تحولين لـ كلية الدراسات وخدمه المجتمع اللي بالراكه وتكملين بكالوريوس فيها ..

[amalibrahim]

شوفي يبدون معك من الصفر بالانجليزي بين فترة وفترة يختبرونك وكل شهر بك اختبار فاينل عشان تنتقلين لمستوى ثاني
نفس اللي اخذتيه بالثانوي نفس الفوكاب وكل شي بس بشكل مكثف عن نفسي استفدت كثير من ناحية التساهل الحاسب يمديك تجيبين فيه معدل كامل لان طاقم التدريس يساعدونك حتى بالاختبار بشكل عام اتكلم التحظيري سهلة بس فيها ضغوطات لانك
وصلتي لمرحلة جامعية مش زي المدرسة ثاني شي اذا جبتي معدل تراكمي اخر السنة من 4 يحولونك للمدينة الجامعية وهناك انتي تختارين
تبين مسار ادارة اعمال او حاسب وللاسف مافي مواصلات حاولي تدورين لك سواق انا درست فيها شهرين وهذي المعلومات اللي اعرفها بعد ماطلعت صارت تغيرات اكيد بس ماعندي خلفية عنها

[merna]

مشكورات حبيباتي ريمنقو وامل ربي يوسع صدوركم ويرزقكم جناته

..

[وججداان]

الله يوفق الجميع