نصائح وارشادات وأمور مهمة لِ طلاب وَ طالبات التخصصات

[T7mLTeK]

بسم الله الرحمن الرحيم
السلام عليكم ورحمة الله وبركاته

سبق وأن نزلت موضوع نصائح وإرشادات للطلاب والطالبات المستجدين
ولقد آن الآوان أن أكتب موضوعاً شبيه يكون خاص بطلاب وطالبات التخصص

مع بداية الفصل:
قبل التعديل على الجدول الدراسي راجع خطتك الدراسية لتخصصك واتبعها
لا تزيد من المواد فيصير عليك ضغط وجهد وتراكم واجبات وكذلك ضيق أيام
الاختبارات ويمكن تعارض .. مادتين بنفس اليوم ومشاكل مالها نهاية

في حالة إنك ترى إن المواد كثيرة وتبي تقلل، حاول تقلل المواد الي مالها تشعُب
يعني مادة أكاونت 1 .. يجي بعدها أكاونت 2 وكذلك الفايننس وإلخ ..
فَ لابد إنك تراعي هَ الشيء في وقت الحذف والإضافة

نجي للمواد العامة .. بعضهم يرتاح إنه يخلص المواد العامة في بداية دراسته
وفي نهاية الفصول يركز على مواد التخصص وبعضهم لا .. مثلي مثلاً
أعتبر المواد العامة مثل الحلا مع القهوة .. يعني ترفع المعدل نوعاً ما
ومنها تخفف ضغط المواد الي يبي لها جهد أكثر .. وفي نهاية المطاف كل واحد ورأيه

بعد اختيار المواد وطباعة الجدول النهائي:
اطلب من كل محاضر خطة المنهج (السيلابوس) عشان تشوف المواضيع الي تدرسها
كم عدد الفصول، متى مواعيد الاختبارات، تقسيم الدرجات، محتوى المنهج
إيميل، هاتف، عدد الساعات المكتبية للمحاضر < المقصود فيها الساعات الي يكون فيها متواجد ع مكتبه

نجي الآن لوقت الدراسة:
حاول بعد كل يوم ترجع للبيت وتجلس مع نفسك < المهم وتقرأ الي أخذتوه
هل أنا فاهم؟ طيب أسأل نفسي أسئلة أختبر نفسي فيها
هل فيه شيء صعب ؟ < أروح للمحاضر من اليوم الي بعده << أوووووه يَ حبهم له ذا الطالب
الي يشوفونه يسأل ومهتم ويدخل عليهم ويناقشهم

ركز مع المحاضر .. خل عينك بعينه أسأل أسئلة حتى لو شاطحة
ترى الأسئلة الي تسألها ويجاوبك عليها مستحيل تنسى الإجابة ع السؤال لو جاء بالاختبار

ونصيحة مني نصيحة مني نصيييييحة إلى بكرة الفصل الأول بالتخصص مهم مهم مهم جداً
ارفع المعدل قد مَ تقدر بعدها ترتاح .. نزوله سهل في نهاية دراستك وارتفاعه صعب
بعكس في البداية سهل إنك ترفع المعدل وكذلك سهل تنزله
ركز معي .. النزول سهل في كلا الحالات

نجي للموضوع المهم .. قبل الاختبار بفترة .. مر عَ المنهج واقراه وافهمه عَ الأقل قبلها بأسبوع

أممم وش بقى

لا تسمع كلام الي يخوفون والمحبطون والمثبطين ..
بعضهم من النوع الي كذا

يَ صالح المنهج صعب والدكتور يَ ويلك منه .. يصير كذا " " << طول الفصل
لين تجي الدرجات ويصير وجهه كذا " "

خلك كذا يَ خي " " < قدامهم بس .. ووراهم كذا " " وأنت تذاكر كذا " "

واحد يقول الطلاب في جامعة الملك سعود يشتكون من دكتور وأنا قلت يَ أنا يَ هو < قوي
المهم شد حيله وركز معه وعرف وش يبي الدكتور وماهي الاشياء التي يحبها ويكرهها
وطلع بمعدل ألف " أ " < هم بالعربي .. عندنا يعني A

فَ لا تيأس ولا تُحبط ولا شيء .. فلها وترى أمتع وأجمل وأفضل المراحل العمرية هي
المرحلة الجامعية

عيشها يوم بيوم وفلها واستعن بربك
ولا تنسى تصلي وتصوم وتزكي وتسبح وتهلل .. لا تنسى ربك .. اذكره دائماً

احتجت مشورة أو نصيحة أو مهدئ نفسي .. أقرأ قرآن واسجد وادع ربك

وفي الأخير ادري إني طولت وزودتها ولكن لكم مني دعوة صالحة
يَ جعل ربي يوفقكم ويسهل اموركم ويُيسر لكم كل عسير

ولا تنسوني من صالح دعواتكم
كلها أيام وأترككم ف المنتدى هذا والثاني حقنا
قريباً سَ أتنحى بدون ثورة

[دلوعة المنتدى]

مشكووووورررر و الله نصائح مهمه و الله

[NOISY]

وعليكم السلام ورحمة الله وبركاته
مشكور جدا
ي ليتك كتبته من قبل
بس جدا افادني
والله يوفقك ويسهل عليك ~

[الامل القادم]

اخوي تحملتك ماشاء الله عليك كلامك في محله درر >>>واللهي بدون مجامله

وكل الكلام الي قلته مهمه للغايه وموضوع شامل ونصائح ذهبيه لاتقدر بثمن

والله يوفق الجميع يااااااااااااااااااارب في الدنيا والاخره

وبالعكس وجودك له ثاثير كبير في وطول عمرك سباق بفوائد والنصائح

ويارب تحقق المرتبه العلميه العاليه ويوفقك وين مارحت وسواء كنت هنا اولا

وجودك شرف لنا وبشهاده الكـــــــــــــــــــــــــــــــــل

والله يفتحها عليك وين ماتروح

وبالعكس مكانك في هذا المنتدى قبل ما تكون مشرف للمنتدى

اخ عزيز وغالـــــــــــــــــي ويخاف على اخوانه وخواته

بس ختمت موضوعك بنهايه تعور القلب

ماراح ننساك وبصمتك موجوده في ذا المنتدى موجوده

الثوره ما تقوم الاعلى الظالمين و الي ياخذون المناصب مجرد للتباهي وللاغراض الاخرى

واحنا ماشفني منك الا كل خيـــــــــــــــــــــــــــــر

[ترف ~]

عليكم السلآم ورحمة الله وبركآته ~
مشكوووووور والله كفّيت ووفّيت أخوي ..


بالتوفيق"

[x.احساس.x]

حبيت اضيف شغله على النصائح :

- اللي توهم متخصصين لاتشوفون البنات سنه 4 ,3 يحذفوون بجداولهم
وينزلون مواد


تروحون تقلدونهم

ادري فيكم متحمسين مخلصين تحضيري وتبون تجربون شعور الحذف والاضافة


قبل ماتحذفون شي او تضيفون راجعوا الامور اللي ذكرها اخ تحملتك

[mOoOjrd 7lm]

وعليكمـْ السسلآمـْ والرحمـهـْ ..

أخويْ تحملتكـْ ..

يعطيكـْ العآفيهـْ ع النصآئحْ الليْ قدّمتهآ ..

مآ شآء الله عليكـْ كلآآآمكـْ دررْ ..

وبصرآحهـْ فيْ أشيآء كثيرهـْ ع طولْ نقولهآ قبلْ مآ نبدأْ بالدرآسهـْ و ودّنآ نسويهآ ..

أو بالأصحْ لآزمـْ انّ احنآ نسويّهآ ..

بس إذآ جآءْ وقت الجدْ .. ننسى كلْ شيْ ..

وكمآن بمآ إنّيْ كنتْ بالسنة التحضيريّهـ .. كنتْ أشتكيْ من ضيييقْ الوقت ..

ومن كثرة الموآد الليْ تجبركْ أحيآنآ تركزْ ع مآدّهـْ أو مآدتين وتضحّي بـ البآقي ..

بسْ ان شآء الله هالسنة أحآولْ أتّبعْ النصآئح الليْ قلتهآ .. بمآ إنيْ أوّل سنة تخصصّ ..

ومنْ جدْ كفّيت و وفيّتْ أخويْ ..

والله يِسسعِدكـْ و يوفقكـْ وينْ مآ كنتْ ..

ودمتَ كمآ أنتْ ..

[علبة ألوان]

مشكووووور جداً
والله يسهل عليك ان شاء

[وهّآج]

:d 5: :d 5:

[جـُلـّنار]

تسلم اخ تحملتك..
ع القوه والله يوفقك..