استفسار عن الدراسه في الكليه

[أستبرق]

السلام عليكم
عندي كذا استفسار وحابه تجابوني عليهم
اني بودي بذي الكليه وعاجبتني التخصصات الي فيها وودي ادرس فيها اليوم قبل بكره بس المشكله
اني الان ادرس في كلية الاداب لغه عربيه وطالعه سنه ثالثه هل اقدر احول لها؟ لان سمعت ان ما نقدر نحول
وسؤالي الثاني هل اقدر ادرس فيها برسوم يعني ادرس فيها بفلوس ؟؟
انتظر اجاباتكم حبايبي

[عبـٍثْ ..~]

الدراسه الي فيها برسوم على حسب علمي أنها أنتساب فقط ،
وبالنسبه للتحويل كثير بنات حولوا بس مافيه معادلة مواد ،
يعني ترجعين تعيدين من أول وجديد ،
أتمنى البقيه يفيدونك أكثر :)

[أستبرق]

مشكوووووووووره الله يعطيك الف عافيه
عن جد اقدر احول عادي والله حتى لو بديت من جديد
بنات الي عندها معلومات اكثر ياليت تفيدني

[زهراء عبدالله]

وعليكم السلام..
للأسف ماتقدرين تحولين لأن التحويل اما لتخصص مشابه للتخصص الا انتِ فيه أو تحولين الى كليه اقل مستوى<< هذا الا سمعته والله اعلم
أو يمكن تقدرين تسحبين ملفك وتسجيل السنه الجايه من جديد مع الدفعه الجديدة بس ما انصحك لأن بتكون نسبة القبول ضعيفه لأن الاولويه بتكون لخريجات السنه نفسها
أما سالفة الدراسة برسوم للانتساب فقط الانتظام بدون رسوم..
بس أنا عندي نصيحة لك: كملي دراستك في الكليه وفي تخصصك وبعد ماتتخرجين خذي دبلوم تسويق أو محاسبه اذا انت حابه هذا الشي في أي معهد وبتصير عندك شهادتين لأن حرام تعب سنتين يروح عليك

بالتوفيق :)

[lay-2]

اختي تقدرين تحولين ... انا اعرف وحده كانت في كلية الآدب قسم انجليزي وحولت
وعادلو لها مادتين انجليزي وماده حاسب وبالتوفيق انشاالله

[أستبرق]

آآها مشكورين والله يعطيكم الف عافيه
اذا الله كاتب لي رزق بأخذه ان شالله

[زهراء عبدالله]

المشاركة الأصلية كتبت بواسطة lay-2

اختي تقدرين تحولين ... انا اعرف وحده كانت في كلية الآدب قسم انجليزي وحولت
وعادلو لها مادتين انجليزي وماده حاسب وبالتوفيق انشاالله

أنا سمعت أن الا حولوا من الآداب الى كليتنا بالواسطه - والله اعلم-