ابي ابكـــــــــــــــــــــــــي

[البرفسور]

[align=center]
أبي ابكي من الضيقة وابعزف للهموم ألحان
أبي اطلق مواويل الحزن وبطرح كل دواويني

أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني

أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني

أبيهم يذكرون أني صرت بدمعتي غرقان
أبيهم يعرفون الهم هواللي صار يخاويني

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني

أبي اترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني

أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني

أبي شخص يجي يمي و يقفل للعنا بيبان
أبيه يكون لي خل وعلى حزني يواسيني

أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني

أنا ما أبيه يصبح ضلع أبيه يكون لي ضلعان
أبي لا من مشيت وطحت يحط يديه في يديني

إلامن خانني التعبير أبيه يكون لي لسان
أبي لامن سكت ألقاه ..يفهم من نظر عيني

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني

أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني

أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني

أبي أشعل شموع الحب وبأعطي من الغلا بستان
أبي أهديه باقة ورد ..مسقيها شراييني .



[/align]

[الْجَمُوحِ]

قَصيدَةٌ مح ـمّلَةٌ بِـ الكَثِير مِ ـنَ المَعَ ـانِي

انْتِقَاءٌ رائِعٌ وَ أكثـر

سَلِمَ ـت يُمْ ـنَاك

لـ روح ـك

...

[البرفسور]

مرورك اسعدني جدا وانااااار صفحتي

[حمدالمناعي]

بمروري راق لي متصفحكم وراق لي
مانثرتم مانثرتم
من من
شذى شذى
عطـــــــــ ـــــــــــــــــركم
فتقبلوا مني المــــــرور
حـمد المناعي

[أنين]

كلمات رائعة جدا

سلمت يمينك

ودمت بسعادة

أنين

.
.
.

[أمير القلب]

بمروري راق لي متصفحكم وراق لي
مانثرتم مانثرتم
من من
شذى شذى
عطـــــــــ ـــــــــــــــــركم
فتقبلوا مني المــــــرور

حمد المنآعي أمزح ههههههه<مزوح أخوان

البروفيسور يعطيك العآفية انتقاء جميل
سلمت يمينك ودامتـ أيامكـ بألف سعآدة يارب

[وفووووووووووي]

كلام حلو يسلمووووو على الكلام


وخصوصا
أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني

أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني

[فـــزاع!!!]

صح لساااانك وتسلم يمناك البرفسور

على القصيده الاكثر جمال وروعه
لا عدمناك
تقبل مروري

[صبووحه]

روووووعهـ ..

^^

[البرفسور]

مرورررررررررررركم اسعدني الله يحفظكم