 |
|
||||||
| إدارة أعمال 1 ملتقى طلاب وطالبات المستوى الأول ادارة اعمال التعليم عن بعد جامعة الملك فيصل |
 |
|
|
أدوات الموضوع |
|
#1
2013- 9- 28
|
||||
|
||||
|
شرحي للإقتصاد الجزئي أمورة نجد .. من المحاضرة الثانية وحتى منتصف التاسعه
السلام عليكم ورحمة الله وبركاته
العام نزلت شرح محاضرات للإقتصاد الجزئي وبفضل من الله ساعدت الطلبة في فهم الإقتصاد .... ان شاء الله تفيدكم وتعينكم ... أول شيء أحب أنوه إني نزلت اللي قدرت عليه كوني طالبة وربة منزل وأم وزوجة مااستطعت إني أنزل أكثر من كذا المحاضرتين الأخيرة محذوفة ماهي معنا المحاضرة الأولى نظرية حفظ يعني مايحتاج لها شرح لكنها مهمه جدا أغلب أسئلة الإختبار جت منها ... نصيحتي لكم كتاب الإقتصاد مهم شرح الكتور مش ولا بد بالإضافة إلى إنه بعض المعلومات يحطها ناقصة ويجي السؤال في الإختبار لو حليتها كما ذكرها تحل خطأ ... أسئلة الدكتور الهجوج اللي جتنا تعتمد تماما على الفهم اللي يحفظ الأسئلة أبدا أبدا ماراح يفلح .. وكمان نزلوا لنا على موقع الجامعه أسئلة مراجعه من الدكتور .. الدكتور الهجوج نزل الأسئلة وقلبها رأسا على عقب يعني غير في صيغة السؤال بحيث تتغير الإجابه اللي حفظ السؤال حله بطريقة خطأ .... بالتوفيق للجميع ... وياليت مااحد يرد لين أنتهي من إنزال المحاضرات التسعه .... دعوةفي ظهر الغيب هو غايتي .. |
|
2013- 9- 28
|
#2 |
|
متميزة بالمستوى الثاني - إدارة أعمال
|
رد: شرحي للإقتصاد الجزئي أمورة نجد .. من المحاضرة الثانية وحتى منتصف التاسعه
هبه التويجري
اليوم راح أحاول أشرح محاضرات الإقتصاد ببدأ من المحاضرة الأولى لين نص السادسة لأني وصلت لين هنا ... طبعا متأخرة مرة لكن بحاول أفيدكم بإذن الله باللي درسته .. المحاضرة الثانية .... تكلفة الإختيار ... أو أقدر أقول تكلفة الفرص البديلة ... بمعنى إنه أنا عندي حاجتين ... مثلا أنا أنتج كتب وأقلام ... عندي عمّال علشان يصنعون الكتب وعمّال علشان يصنعون الأقلام ... وفجأة اكتشفت إني أحتاج أنتج أقلام أكثر .. لكن ماعندي العماله اللي تقدر تنتج لي أقلام أكثر ... فأروح آخذ أفضل العمال اللي عند الكتب علشان أخليهم ينتجون أقلام ...أنا راح أتكلم معاكم بالأرقام مثلا عندي عشر عمال للكتب وعشر عمال للأقلام ... أفضل عمال الكتب هو شخص .... أخذت هذا العامل وخليته مع عمّال الأقلام .... صار عندي 9 عمّال للكتب .. و 11 عامل للأقلام .... ((( إذا أنا هنا ضحيت بعامل من عمال الكتب مقابل الاقلام ؟؟؟ ))) بعد فترة أدركت إني أنا أحتاج عمّال كمان علشان أتوسع أكثر في إنتاج الأقلام ... لكن أنا هنا أخذت أفضل عامل من عند الكتب ... وهذا العامل علشان ألاقي إنتاج زي إنتاجه وبنفس المستوى لازم أجيب عاملين من عند الكتب ... لكن نلاحظ هنا إنه ذول العاملين الإثنين حينتجون لي بقدر عامل واحد .. اللي هو أفضل عامل أخذته من قبل وهنا راح يصير ( 2 عامل = 1 عامل ) بمعنى أقرب ... لما أنا نقلت هالعاملين على مصنع الأقلام حسبت إنتاجهم مقابل انتاج عامل واحد ... يعني صار عندي 7 عمّال للكتب (( أخذنا عامل وهو الأفضل ورجعنا أخذنا عاملين ) وفي الأقلام 12 عامل ( أخذنا عامل من عند الكتب ورجعنا أخذنا عامل ( العاملين اللي ينتجون زي إنتاج العامل الواحد) نظريا المفروض يكون عندنا 13 عامل في مصنع الأقلام .. لكن لأنه هناك عاملين ينتجون زي عامل واحد حسبناهم كعامل واحد ... وهذا السبب اللي يخلي منتحنى الإنتاج يظهر بهذا الشكل ... http://www.liilas.com/up/uploads/lii...7230591.rar((( ماعليكم بخرابيش الدجاج خخخخ)) الحين أنا عند النقطة B وعندي عدد العمالة الكافيه واللي احتاجها علشان أصنع الملابس لكن احتجت عماله علشان أنتج غذاء ... فأروح آخذ من العماله تبع الملابس علشان أنتج غذاء ... إذا نقصت عمالة الملابس وزادت عماله الغذاء .. بما إن عمالة الملابس نقصت فبديهياً إن المنحنى راح ينزل لتحت .. وبما إن عمالة الغذاء زادت فبديهياً راح يروح المنحنى لليمين ... إذا المنحنى نزل لأسف وراح لليمين ... أستمر بأخذ العماله من مصنع الملابس وأنقلهم للغذاء لين أحقق نقطة الكفاءة الإنتاجية اللي هي عند النقطة C ,,, الحين إحنا عندنا كفاءة انتاجية ... لدينا العدد اللي نحتاجه من العماله لإنتاج الملابس والعدد اللي نحتاجه من العماله لإنتاج الغذاء عند النقطة D هي نقطة إحنا نقدر نكون عندها بمعنى يمكن إنتاجها لكن هذه النقطة لو كنا عندها إحنا مااستغلينا الموارد ..( العماله اللي عندنا أو المواد الخ الخ ) يعني حيكون انتاجنا مو كويس ... (( النقطة المثلى للإنتاج)) أي نقطة موجودة على حدود المنحنى هي نقطة مثلى للإنتاج .. نكون إحنا فيها استغلينا الموارد كلها .. يعني مافقدنا عماله .. العماله اللي ماهم عند الملابس يكونون عند الغذاء .. الحين إحنا طالما عندنا عدد عماله ثابت وهم نفس العماله من أول .. ونستخدم نفس التقنية بالإنتاج ولا زاد شيء ماراح يكون انتاجنا أفضل راح يكون بنفس المستوى .. لكن متى مازادت الأيدي العاملة أو متى ماحسنا التقنية وصارت التقنية أفضل للإنتاج راح ننتقل للنقطة E لكن طالما إحنا عندنا نفس العماله هذه النقطة لا يمكن تحقيقها .. يعني لو جاكم هالسؤال بالإمتحان جاب هذا المنحنى وقال عند النقطة E ؟؟؟ حتقولون نقطة لا يمكن تحقيقها لعدم كفاية الموارد ... أتمنى يكون شرح قاعدة الإختيار واضح هو والمنحنى ... دمتم بخير ولي عودة بشرح باقي النقاط للمحاضرة |
|
2013- 9- 28
|
#3 |
|
متميزة بالمستوى الثاني - إدارة أعمال
|
رد: شرحي للإقتصاد الجزئي أمورة نجد .. من المحاضرة الثانية وحتى منتصف التاسعه
تابع شرح المحاضرة الثانية .. النمو الإقتصادي .... هبه التويجري
النمو الإقتصادي ... الحين إحنا عندنا شركة لو تفتكروا لما شرحنا الإختيار قلت لكم مانقدر ننتقل للنقطة e طالما إحنا عندنا نفس العماله ونفس التقنية ... علشان ننمو بالإقتصاد لازم يتوفر حاجتين .. 1-عناصر الإنتاج .. مثلا عماله أكثر .. مثلا سلع أفضل وهكذا 2- التقدم التقني ... يعني مثلا جبنا أجهزة أفضل بدل مانعتمد على أجهزة قديمة .. تكون أجهزتنا تنتج بشكل أسرع مثلا الأجهزة القديمة تنتج 3 سِلع بالساعه الأجهزة الجديدة تنتج 6 بالساعه ... أو مثلا نستخدم طرق أفضل بالإنتاج نعمل بحوث وهكذا .. أو إنه يكون عندنا 1 و 2 علشان يصير عندنا نمو اقتصادي .. الحين عندنا المنحنى اللي في قاعدة الإختيار لو تفتكروه كان عندنا النقطة b و a وهذه النقاط لما كان ماعندنا تقدم تقني وماتوفرت عندنا الحاجتين 1 و 2 لكن متى ماتوفرت عندنا عناصر الإنتاج الأفضل أو التقدم التقني أو اثنينهم راح يصير عندنا نمو اقتصادي ... يعني إحنا ماحنكون ثابتين في مكاننا راح نتقدم ونصير أحسن ... افتحوا معاي المنحنى تبع الإختيار .. الحين إحنا كنا عند النقطة b اوبعدين تقدمنا في صناعة الملابس وصار إنتاجنا أحسن من أول .. بديهياً راح نرتفع لأعلى ... يعني راح ننتقل من النقطة b إلى نقطة جديدة على العمود اللي في المنحنى .. وبعدين إحنا تقدمنا في إنتاج الغذاء .... بديهيا راح ننتقل لليمين ... بما إنه إحنا انتقلنا من مكان لمكان .. تقدمنا تقنيا أو صار إنتاجنا أفضل لأن عندنا عناصر أفضل راح ينتقل معانا المنحنى .. لاحظوا هنا المنحنى انتقل مو صار عندنا منحنى جديد .. لأن إحنا نفس السلع عندنا .. فما سوينا منحنى جديد بس نقلناه من مكان إلى مكان وتقدمنا بالإنتاج ماغيرنا شيء .. ... عذرا ماحطيت صورة المنحنى إفتحوا الملخصات وشوفوها <<<كسل بعيد عنكم خخخخ أتمنى يكون شرح النمو الإقتصادي واضح ... دعواتكم ولي عودة بالبقية |
|
2013- 9- 28
|
#4 |
|
متميزة بالمستوى الثاني - إدارة أعمال
|
رد: شرحي للإقتصاد الجزئي أمورة نجد .. من المحاضرة الثانية وحتى منتصف التاسعه
تابع شرح المحاضرة الثانية .... التدفق الدائري للإنتاج والدخل ....
تفتكروا أول لما كنا في درس العلوم في الإبتدائي كان يعطونا رسم عن دورة الحياة .. كيف الحشرات تتغذى ع النبات وبعدين النبات ياكله الحيوان الخ الخ فكروا بهذا الرسم البياني بهذه الطريقة ... http://www.liilas.com/up/uploads/lii...5099287481.rar كالعادة ماعليكم من خرابيش الدجاج >> ترا خطي كويس لكن علشان أكتب مع الدكتور ؛؛ ترقع الأخت خخخ راح أشرح لكم الرسم واحدة واحدة ... لأني بالعافية قدرت أستوعبه ... الحين إحنا قطاع المستهلكين ... أوك .. لكن إحنا مو فقط مستهلكين إحنا كمان عمّال ,, يعني يد عامله أو ممكن أراضي وأشياء زي كذا .. طيب الحين إحنا نوفر هذه الأشياء سوق الموارد .. بحيث تنعرض هذه الأشياء أو هذول العمال في سوق الموارد وإش حنستفيد من سوق الموارد حيعطونا فلوس علشان إحنا وفرنا لهم هذه الأشياء .. لما نعطيهم عماله هي ( عوامل الإنتاج ) لما ناخذ منهم فلوس اللي هو الدخل حيكون هو عوائد عوامل الإنتاج ) << ان شاء الله تكون واضحه لو جينا عند سوق الموارد ... الحين سوق الموارد أخذ عماله أو أراضي من قطاع المستهلكين اللي شرحته فوق .. طيب إش راح يسوي فيه ؟؟؟؟ ماحيخليه عنده راح يرسله لقطاع المنتجين .... وبكذا ( الموارد ) السهم اللي طالع من سوق الموارد لين قطاع المنتجين .. ليش سموها موارد لأنها بتساعد قطاع المنتجين ... طيب سوق الموارد أخذ من عندنا عوامل الإنتاج وأعطاها لقطاع المنتجين .. طيب إش هو راح يستفيد ؟؟؟؟ أو هو كيف راح يدفع سعر ( عوامل الإنتاج )اللي أخذها من قطاع المستهلكين.... راح يعطيه قطاع المنتجين تكاليف أو بمعنى آخر .. إنه قطاع المنتجين راح يزوده بمال علشان سوق الموارد يوفر له العماله فيعطيه تكاليف هذه العملية ... طيب سوق الموارد الحين أخذ ( عوامل الإنتاج ) وأعطاها (لقطاع المنتجين ) وأخذ من قطاع المنتجين تكاليف هذه العملية ... طيب راح يرجع التكاليف أو يدفعها للعماله ( عوائد عوامل الإنتاج ) <<< ملاحظة هنا إحنا عماله نعتبر لأنه إحنا لسه مارحنا واشترينا الإنتاج ... علشان أوضح لكم أكثر الحين العامل اللي يشتغل بالمصنع هو بالصباح يعتبر عامل يشتغل بمصنع وبالليل يروح يشتري أشياء وأغراض يعني مستهلك .. الحين عندنا قطاع المنتجين ... هو أخذ موارد زي ماذكرنا اللي هي أصلا ( عوامل الإنتاج اللي أخذها سوق الموارد من قطاع المستهلكين ) طيب إش راح يستفيد من هذه الموارد عمال وأشياء يحتاجها بالإنتاج إش راح يستفيد منها .. اللي حيستفيده إنه راح يقدر ينتج سلع وخدمات أخرى أي شيء يحتاجه السوق وراح يرسلها لسوق المنتجات علشان يعرضها فيه ... طيب هو لما راح عرضها في السوق حيعرضها كذا ببلاش ؟؟ لا طبعا راح ياخذ فلوس من السوق . يعني راح تجيه إيرادات من سوق الإنتاج .... وطبعا شرحت لكم الموارد اللي ياخذها والتكاليف إش هي ... سوق المنتجات .... الحين السوق أخذ بضاعه من المنتجين وعرضها في السوق .. إش راح يسوي فيها مين الي حياخذها ... طبعا الناس راح تجي تشتريها ... مين هم الناس ؟؟ طبعا المستهلكين اللي هم زي ماقلت لكم من شوي العامل اللي يشتغل بالصباح وبالليل يروح السوق يشتري أغراض ... طيب العامل أكيد لما يجي يشتري راح يدفع فلوس .. طيب هو من وين جاب الفلوس ؟؟ جابها من سوق الموارد لما هو راح اشتغل فيه وأعطى الفلوس اللي عنده سوق الإنتاج ... يعني سوق الإنتاج أعطاه أشياء يحتاجها ( سلع وخدمات ) وأخذ منه فلوس ( إنفاق المستهلكين ) وسبق وشرحت سلع الخدمات والإيرادات ماعليش حوسه إمشوا معاي خطوة خطوة وتابعوا معاي المخطط من أول لين الأخير وبيصير كل شيء عندكم واضح بإذن الله قبل ماأنتهي في نقطة ذكرها الدكتور إنه هذا المخطط كله على بعضه في حاله واحده إذا كان العامل اللي ياخذ الراتب يصرفه كلللله بالسوق .. يعني مايبقي معه ولا قرش أتمنى يكون الشرح واضح .. دعوة في ظهر الغيب راح تسعدني ... لي باك بالبقية |
|
2013- 9- 28
|
#5 |
|
متميزة بالمستوى الثاني - إدارة أعمال
|
رد: شرحي للإقتصاد الجزئي أمورة نجد .. من المحاضرة الثانية وحتى منتصف التاسعه
المحاضرة الثالثة .. الإقتصاد الجزئي ... نظرية المنفعه وخط الميزانية ..
1_ نظرية المنفعه ... ... المنفعه ,, يعني إحنا كمستهلكين كيف نشوف هذه المنتجات هل هي تنفنا وتساعدنا وإلا لأ ؟؟؟أو بمعنى إنه كم هي تشبع رغباتنا مثلا لما نجي نشتري حليب .. هل هو يرضينا ويساعدنا باللي نبيه ؟؟ في عوامل تحدد هذه المنتفعه اللي ناخذها من أي سلعه ... ( إمكانيات الإستهلاك وتتمثل بالدخل ) يعني إحنا لو عندنا فلوس مثلا أربع ريال وهو دخلنا والحليب مثلا بثلاث ريال إذا إحنا نقدر نشتري حليب .. وهذا يساعدنا على إنه ننتفع منه .. العامل الثاني مستوى الأسعار .. بنفس الطريقة لو كان دخلنا أربع ريال .. والحليب سعره 5 ريال إذا سعره غالي ومانقدر نشتريه ... وهكذ ,,, إذا هذي الشيئين أو العاملين هم اللي يخلونا وويحدونا ننتفع من السلعه ... 2- خط الميزانية .... إحنا عندنا فلوس .., وهي ميزانيتنا لهذا الشهر بمعنى راتبنا 30 دينار ... مانقدر نشتري بأكثر من هالثلاثين دينار .. هذه الفلوس علشان نقدر نصرفها في عاملين اثنين راح يحكرونا بالزاوية خخ هم الدخل ( اللي هو الراتب ) والأسعار .. (سعر المنتج ) http://www.liilas.com/up/uploads/lii...5101853111.rar الحين في المثال إنه عمار عنده 30 دينار وهي راتبه ... وهو حاجته من الراتب أو يصرفه في الكتب الخيال ووالوجبات تبع الطعام ... يقولك طبعا عندنا سعر الكتاب 6 دينار وسعر الوجبة 3 دينار .. هنا اللي يحد عمار السعر وكمان لازم مشترياته ماتتجاوز الثلاثين ... كيف خياراته راح تكون الموضوع مرة بسيط ,, لكن راح أشرحه ماني خسرانه شيء ... الحين لويبغى يشتري بس كتب .... الكتاب ب6 دينار إذا 30÷6 نقسم دخله على سعر الكتاب علشان نعرف كم كتاب يقدر ياخذ ... الناتج حيكون خمسه كتب .... لكن هذه في حالة مايقدر ياكل ولا وجبه .. لو يبغى وجبتين ويبغى يشوف كم كتاب يقدر يشتري من باقي الراتب ... سعر هذه الوجبه 3 إذا 3×2 السعر في عدد الوجبات .. إذا يصرف من الراتب 6دينار على الوجبة كم باقي له علشان سعر الكتب 30 دينار الدخل ناقص 6 دينار سعر الوجبتين 30-6 =24 إذا يتبقى عنده 24 دينار يقدر يشتري فيها الكتب ,,, طيب بها ال 24 كم كتاب يقدر يشتري ..؟؟ 24 ÷6 المتبقي من الراتب نقسمه على سعر الكتاب إذا أربع كتب .. إذا هو أنفق راتبه بشراء وجبتين طعام سعرهم 6 دينار و 4 كتب سعرهم 24 دينار . وهكذا .. هذا شرح مبسط للجدول .. علشان نعرف معادلة الدخل ترا لأول مرة راح تحسونها غثيثة لكن بعدين راح تفهمونها ببساطة .. الحين فوق إحنا إش سوينا علشان استنتجنا كم قدر يستهلك في الوجبتين وكم يتبقى من الراتب علشان يشتري كتب .. معادلة الدخل = سعر الطعام × كمية الطعام + سعر الكتاب × كمية الكتب .. الحين لو افترضنا إنه إحنا ماشتغلنا الشغل اللي أول حق الوجبتين والكتب .. نفرض إنه هو قال لنا في مسأله إنه عمار دخله 30 دينار ... سعر الكتب 6 دينار وسعر الوجبة 3 دينار .. عمار يبغى يشتري وجبتين كم كتاب يقدر يشتري .. نفرض إن المطلوب اللي خو كمية الكتبX ببساطة نعوض في المعادلة تحتها معادلة ..... الدخل = سعر الطعام × كمية الطعام + سعر الكتاب × كمية الكتب .. 30= 3 × 2 + 6 × ؟؟ 30 = 6 + 6 X 30-6 =6X 24 =6X 24÷6 =X 4 =X معادلة الدخل بكل اختصااااار أعتقد إنه المخطط تبعه مايحتاج شيء أن شاء الله يكون الشرح بسيط وسهل ... أي سؤال حياكم ولي عودة بالباقي |
|
2013- 9- 28
|
#6 |
|
متميزة بالمستوى الثاني - إدارة أعمال
|
رد: شرحي للإقتصاد الجزئي أمورة نجد .. من المحاضرة الثانية وحتى منتصف التاسعه
تابع المحاضرة الثالثة ... تفضيلات المستهلك المنفعه الكلية والمنفعه الحدية
الحين إحنا لما نروح السوبر ماركت ... أكيد ماراح ناخذ كل شيء راح نكون محددين بخياراتنا واحتياجاتنا يعني مو معقول إحنا مثلا نبي نتغدى مثلا كبسة نروح نجيب حليب << أووم الشرح ياشيخة خخخخ المهم أشرح لكم عاد نقطة نقطة ... المنفعه الكلية .. يعني الحين إحنا نستفيد من اشيء كيف ؟؟ أكيدلما نستهلكه مانخليه ع الرف .. ماادري ليش أحس شرحي مثل وجهي خخخ <<< تراني حلوة *_^ المهم ... الحين بشرح لكم نفس المثال اللي شرحه الدكتور في المحاضرة بس مو موجود بالملخص .. الحين لو إحنا لعبنا كورة وأجهدنا نفسنا .. بعد ماتخلص المباراة حنكون عطشانييين مرة أو مثلا بعد أي رياضة نسويها ... حنروح أكيد ونشرب موية .. أول كاسة حتحسي إنك استفدتي منها لكن مو بشكل كافي .. حتحسي إنك تحتاجي كمان موية .. تشربي كاسة ثانية حتحسي إنك استفدتي لكن تحتاجي كمان شووووية علشان ترتوي من الموية .. تشربي الكاسة الثالثة .. حتقولي خلااااااااااااص أنا أكتفيت ... وارتويت من الموية .. هنا حتكوني استفدتي من الموية بشكل كامل .. نقدر نقول إن هنا صارت المنفعه الكلية .. أول كاسة أخذتي منفعه .. زادت المنفعه الكلية مع ثاني كاسة .. وزادت مع ثالثت كاسة هذا معناه ( المنفعه الكلية تزداد بزيادة الكمية المستهلكه من السلع ) طبعا عند الكاسة الثالثة خلاص ماعاد تقدري تشربي موية كمان هنا حنكون وصلنا لنقطة إسمها ( النهاية العظمى ) فكري فيها إنها هي النهاية تبع الكاسات اللي حتشربيها .. الحين إحنا لو شربنا كاسة كمان وهي الكاسة الرابعه إش حيصير إحنا زدنا الكاسات لكن هل زادت المنفعه حقلكم أيوة لكن مو بالشكل اللي استفدنا منه لما شربنا الكاسات الثلاثة الأولى .. يعني المنفعه نفسها بدأت تتناقص ... إحنا يعني قاعدين ناخذ منفعه لكن منفعه تأخذ بالتناقص لين نوصل لحد ممكن الله يكرمكم نخرج كل الموية من معدتنا .. هذا شرحي للي فهمته من المنفعه الكلية ان شاء الله تكونوا فهمتوه ... مايحتاج الرسم البياني حيكون واضح لو فهمتوا اللي شرحته المنفعه الحدية ... هي التغير في المنفعه الكلية نتيجة لزيادة الإستهلاك بوحدة واحدة .. بمعنى أنا كم أخذت منفعه لما شربت الكاسة الثانية فقط المنفعه من الكاسة الثانية مالنا علاقة كم المنفعه اللي أخذناها من الكاسة الأولى .. فقط المنفعه من الكاسة الثانية .. الحين أبي أسألكم المنفعه اللي أخذناها من الكاسة الثانية هي نفسها المنفعه من الكاسة الرابعه ؟؟ نفسها من الكاسة الخامسة ؟؟ طبعا لأ المنفعه صارت تنقص لأنه إحنا وصلنا للنهاية العظمى وصلنا لمرحلة الإكتفاء والإرتواء والمنفعه اللي ناخذها من الكاسة الرابعه أقل من المنفعه اللي ناخذها من الكاسة الثانية .. هنا نقدر نقول التناقص هذا ونوصفه بإنه تناقص المنفعه الحدية ... المنفعه الكلية هي الإستفادة من جميع الوحدات بمعنى الكاسات الثلاثة كلها كم استفدنا منها المنفعه الحدية هي المنفعه من وحدة واحدة بمعنى كم استفدنا من الكاسة الثانية فقط ... في الجدول الموجود ماقدرت أرفعه مارضي شوفوه بالملخص ... في جدول المنفعه الكلية والمنفعه الحدية ... عندنا في الجدول أرقام كثيرة .. نحفظ المعادلة ... المنفعه الحدية = التغير في المنفعه الكلية ÷ التغير في الكمية .. التغير في المنفعه الكلية معناها مثلا هو طلب منك المنفعه الحدية للوجبة الرابعه .. طيب إنت كم كانت المنفعه الكلية عند الوجبة الثالثة ؟؟ هي 153 طيب كم كانت المنفعه الكلية عند الوجبة الرابعه ؟ هي 181 إذا التغير في المنفعه الكلية هو المنفعه الكلية عند الوجبة الرابعه - المنفعه الكلية عند الوجبة الثالثة أي 181_153 = 28 وهنا إحنا أوجدنا أول جزء من المعادلة اللي هي التغير في المنفعه الكلية التغير في الكمية اللي هي إحنا عند الرابعه وقبلها الثالثة نطرح 4 من 3 ,,يكون الناتج 1 طبعا المفروض نكتب المعادلة بالرموز رمز دلتا مو موجود ع اللاب ماراح أقدر أكتبه راح أستبدله بهذا ^ mu رمز للمنفعه الحدية .. Tu المنفعه الكلية .. Q اللي هي الكمية .. Mu=^tu÷^q 28÷1 =28 وبس .... هذا الحل ولا أسهل من كذا ... في الجدول عندنا قانون لازم تتساوى المنفعه الحدية للكتب مع المنفعه الحدية للطعام لو تغيرت حيتغير الجدول .. التغيرات والجداول بخليها بعدين بس أقدر أوضحها كويس عندي مو واضحه أي سؤال حياكم لا تنسوني من دعوة في ظهر الغيب |
|
2013- 9- 28
|
#7 |
|
متميزة بالمستوى الثاني - إدارة أعمال
|
رد: شرحي للإقتصاد الجزئي أمورة نجد .. من المحاضرة الثانية وحتى منتصف التاسعه
المحاضرة الرابعه ... الطلب ...... أثر الدخل والإستبدال
ماادري أشوف في المنتديات كثير يسألون عنه أحس إنه سهل , ان شاء الله انكم تستمتعون فيه وتفهمون علي اللي راح أشرحه ... بسم الله ... الطلب demand الحين إحنا لو بغينا شيء أكيد راح نطلبه ... لكن ماراح نقدر نطلب إلا نكون قادرين على إنه إحنا نشتري هذا الشيء .. مثلا إحنا عاطلين عن العمل ... أكيد ماراح نقدر نشتري وهذا أول شرط من شروط الطلب اللي هو القدرة ع الشراء ... وأكيد إحنا ماراح نشتري شيء إحنا مانبيه .. راح نشتري الأشياء اللي نبيها أو نحتاجها .. وهذا ثاني عامل الرغبة في الشراء في عوامل ثانية لكن الشرح الآن بنركز عليه ... بفرض إنه باقي العوامل ثااااااااااابته ماتتغير ... أول شيء اليد الخفية ... فاكرين في المحاضرة الأولى في المدرسة الكلاسيكيه ... اليد الخفية هي المحرك الأساسي للنشاط الإقتصادي ... يعني باليد الخفية هي رغبة المستثمر بالربح عبر انتاج السلعه وبيعها ,, مايحتاج شرح واضحه *_^ جدول الطلب .... الحين خذوها قاعده .. إنتم لما يكون دخلكم ثابت .. مثلا 100 ريال وتبين تشترين بناطيل <<< بشرح باللي تعرفونه خخخخ أوك مثلا في دخلك هذا تقدرين تشترين بنطلونين الواحد سعره 50 ريال .. لو ارتفع سعر البنطلون من 50 لين 80 ريال ... هنا ماراح تقدري تشتري غير واحد لأنه ماعندك سعر الثاني ..مع إنه راح يتبقى من دخلك 20 ريال لكم العشرين ماتكفي علشان نشتري بنطلون ثاني .. هذا معنى كلما زاد السعر قل الطلب .... طيب لو قل سعر البنطلون ل 30 ريال .. إنتي راح تقدري تشتري ثلاث بناطيل لانه عندك فائض وهذا معنى لو قل السعر زاد الطلب ... إذا العلاقة بين السعر والطلب علاقه عكسية كلما زاد السعر قل الطلب كلما قل السعر زاد الطلب .... أعتقد جدول الطلب واضح مايحتاج شرح لما نفهم الكلام اللي قلته فوق لو تبون اشرحه بس حطوا تعليق وقولوا لي ومابقصر معكم ان شاء الله .... منحنى الطلب ... افتحوه قدامكم الصور مو راضية تتحمل من الجهاز حجمها كبير .. أوك أول شيء لازم نعرف دايما إنه الكمية q دائما تاخذ الخط الأفقي ... زي ماهي موجودة ع الرسم البياني ... والسعر p دايم ياخذ الخط العمودي بالرسم العلاقه عكسيه بين الطلب والكمية ... وشيء ثااااااااااااااااااااابت العلاقه عكسيه لما نجي نرسمها في المنحنيات تكون الميل سااااالب يعني نرسم المنحنى من فوق لين تحت مااايل ويتناقص .. فاهمين إش أقصد ؟؟ ان شاء الله تكونوا فاهمين خخخ العلاقه الطردية يعني كل مازاد الشيء زاد الشيء الثاني يكون الميل موجب يعني نرسم المنحنى من تحت لين فوق .. لاحظوا منحنى العلاقه بين السعر والطلب بتلاقوا اتجاهه من فوق لين تحت هذا علشان العلاقه عكسيه بين السعر والطلب والمنحنى بيتجه من فوق لين تحت ... الحين إذا تغير السعر ....راح أشرح على نفس مثال البناطيل خخخ الحين لما أرتفع السعر مثلا إحنا نشتري من مانجو ... ارتفع السعر عندنا ماحنقدر نشتري بنطلونين هنا بيكون عندنا أثرين اثنين نتيجه الإرتفاع أثر الدخل وأثر الإستبدال ... أثر الدخل ... الحين إحنا دخلنا كله 100 ريال أو إنه احنا مخصصين هذا المبلغ فقط للإنفاق ع البناطيل إذا ماراح نقدر ننفق أكثر منه .. وبذلك يكون الدخل أثر على انفاقنا لهذه السلعه ... ؛؛ ان شاء الله يكون واضح .. أثر الإستبدال .. إذا كان عندنا مثلا 100 ريال مخصصينها للبناطيل و100 ريال للقمصان وإحنا محتاجين بنطلونين ... ارتفع السعر تبع البنطلون من 50 إلى 80 ... وإحنا لسه محتاجين البناطيل .. طيب إحنا عندنا 100 ريال مخصصينها علشان القمصان .. حاجتنا للبناطيل أكثر إذا إحنا نستغني عن القمصان والسعر اللي استغنينا عنه نقدر نخصصه للبناطيل .. يعني نشتري بنطلونين ب 160 ريال سعر البنطلون 80 ريال والباقي 40 ريال علشان القمصان .. خفضنا كميه القمصان علشان نقدر نشتري الكمية اللي نبيها من البناطيل ان شاء الله يكون واضح .. أحس إني كثرت كلام برجع بإذن الله بشرح المنحنيات .... يوم الإثنين بحول الله ..... دعواتكم لي والعذر على الدش في الكلام إنتوا خلوا قدامكم الملخص أو المحتوى وكبروا الصفحة |
|
2013- 9- 28
|
#8 |
|
متميزة بالمستوى الثاني - إدارة أعمال
|
رد: شرحي للإقتصاد الجزئي أمورة نجد .. من المحاضرة الثانية وحتى منتصف التاسعه
بسم الله الرحمن الرحيم
تابع المحاضرة الرابعه العرض .. التغير في الكمية المعروضة ... طبعا قبل لا نبدأ كان المفروض أشرح منحنى الطلب والتغير في الكمية المطلوبة لكن بكل صدق مافهمته زين حابه أفهمه كويس وأرجع أشرحه لكم بشكل أوضح لأنه هالجزء جدا جدا جدا مهم ولازم يكون واضح ... الحين نبدأ بالعرض وهنا حنا حنتكلم عن نفسنا كمنتجين مو كمستهلكين .... لو كان عندنا سلعه في السوق عرضناها وفجأة ارتفع سعرها ... إحنا كمنتجين عارفين إن هذه السلعه شيء مهم وضروري وبالتالي راح نزيد عرضنا عليه .. يعني نزيد منتجاتنا من هذه النوعية علشان نزيد أرباحنا أكثر ... زاد السعر .. إذا زاد الكمية المعروضة .. لاحظوا هنا إنها زيادة من الجهتين الكمية المعروضة والسعر إذا العلاقة بين الإثنين علاقة طردية ... تفتكروا معاي قلت لكم العلاقة الطردية الميل موجب ... العلاقة العكسية الميل سالب .. هنا عندنا علاقة طردية بين السعر والكمية المعروضة إذا منحنى العرض ميله مووووجب .. الميل الموجب هو من أسفل إلى أعلى باتحاه اليمين ... لاحظوا هنا جبنا المنحنى كله وبكل بساطة .. يعني لو جاك سؤال وقال ... وضح اتجاه المنحنى في منحنى العرض ... إنت بكل بساطة وسهولة حتقول إذا أرتفع السعر زاد الكمية المعروضة .. زيادة بالجهتين إذا علاقة طردية .. العلاقة الطردية ميلها موجب .. الميل الموجب من أسفل إلى أعلى والإتجاه يمين .,..... منحنى العرض بكل بساطة وسهولة .... لاحظوا الجدول معاي .... يوضح لكم الزيادة بالسعر ومقابلها الزيادة في العرض مثل كل المنحنيات السابقة ... هذا الزيادة تكون في حال ثبات العوامل الأخرى ... العوامل الأخرى المحددة للعرض ... * أسعار السلع الأخرى .. بمعنى أسعار السلع البديلة للإنتاج وأسعار السلع المكملة لإنتاج ...مثلا سعر الحليب المركز نستله 7 ريال سعر حليب لونا المركز 5 ريال .... * توقعات المنتجين * عدد المنتجين وهذا يؤثر على الكمية المعروض في السوق * السلع البديلة في الإنتاج والسلع المكملة في الإنتاج .. أتوقع كلها واضحه أغلب الظن إنه مانحتاج نحفظها << تدعي ربها وتبتهل هههههه التغير في الكمية المعروضة والتغير في السعر .. التغير في الكمية المعروضة عرفنا إش هو .. ثبات العوامل الأخرى وتغير في السعر .. ينتج عنه زيادة في الكمية المعروضة ... واللي هو شرحناه فوق نجي الآن للتغير في العرض ... وهو في حال تغير أحد العوامل الأخرى اللي ذكرناها من شوي ..... عندنا قاعدة ثابته حطوها ببالكم تغير في السعر + عوامل ثابته = تغير في الكمية المعروضه (زيادة ) تغير في العوامل + ثبات في السعر = تغير في العرض ... هذه المعادلتين احفظوها زي إسمكم علشان تكون واضحه عندكم بكل بساطه منحنى العرض ينتقل لليمين إذا زاد العرض ينتقل لليسار إذا قل العرض .. أو بمعنى أصح ينشأ منحنى جديد إلى اليمين في حال زيادة العرض .. في حال نقصان العرض ينشأ منحنى جديد إلى اليسار ... الآن لو تلاحظوا المنحنى (S0) هو نفس المنحنى اللي كان بالسابق .. في العلاقة بين الكمية والسعر ... إذا هنا في هالرسم الجديد ... أي تغير في الكمية المعروضة ( الناشئة عن التغير في السعر ) تبقى على هذا المنحنى نفسه ... أي الحركة تكون على نفس المنحنى ما يتحرك المنحنى لا يمين ولا يسار ولا ينشأ منحنى جديد ... لكن لما تغير العرض نفسه مو الكمية ينشأ منحنى جديد ... ولما كنت أدور على صور لمنحنى العرض في النت لقيت صورة رائعه توضح متى ينتقل منحنى العرض إلى جهة اليمين ومتى ينتقل إلى جهة اليسار  وبكذا نكون انهينا العرض والكمية المعروضة لي عودة بإذن الله مع توازن السوق والبقية من المحاضرة الرابعه |
|
2013- 9- 28
|
#9 |
|
متميزة بالمستوى الثاني - إدارة أعمال
|
رد: شرحي للإقتصاد الجزئي أمورة نجد .. من المحاضرة الثانية وحتى منتصف التاسعه
بسم الله الرحمن الرحيم ..
تابع المحاضرة الرابعه ... توازن السوق ... أثر التغير في الطلب .. اثر التغير في العرض التوازن بكل بساطه وبكل سهولة من إسمه توازن أي إنه الشق الأيمن يساوي الشق الأيسر .... أي بمعنى الشيء المعروض هو بنفس المقدار المطلوب أو اللي محتاجينه .. بشكل أبسط ... مُنتِج عنده سلعه بغا يعرضها ... راح سوا استطلاع وعرف كم كمية الحاجة من هذه السلعة في السوق وعرض الكمية المطلوبة اللي سوا لها استطلاع .... ولما عرضها انباعت كلها .. مو فقط انباعت إلا أنها كمان سدت الحاجة بالسوق يعني خلااااص ماعاد احد محتاج منها ... بكذا لما نعرض السلعه يكون عندنا توازن لأنه الكمية المعروضة مساوية للكمية المطلوية ... هذا بكل بساطة التوازن .. طيب علشان ننشئ منحنى التوازن ... بكل اختصار وبساطة هو منحنى الطلب + منحنى العرض ... ادمجوهم مع بعض يطلع لكم منحنى التوازن .. نقطة الإلتقاء بينهم هي نقطة التوازن للسوق .... لاحظوا إن المنحنى d هو منحنى الطلب .. ميله سالب ..وهو يوضح العلاقة العكسية بين السعر والطلب ... والمنحنى s هو يمثل العرض ... ميله موجب ويوضح العلاقة الطردية بين الكمية المعروضة والسعر .... نقطة الإلتتقاء هي النقطة e وهي توضح توازن السوق إي الكمية المعروضة تساوي الكمية المطلوبة ... هنا أي نقطة أسفل النقطة e ومحصورة بين المنحنيين تمثل نقطة ((( عجز ))) لييييش.؟؟ ليش تمثل نقطة عجز ؟؟ ببساطه لأنه الكمية المطلوبة حتكون كبيرة ليش كبيرة ؟؟ لاحظوا منحنى الطلب .. هنا منحنى الطلب كل ماكان تحت كل ماكانت الكمية المطلوبة كبيرة ... اتجاه المنحنى إلى اسفل .. لكن منحنى العرض اتجاهه إلى أعلى يعني كل ماطلعنا بالمنحنى لفوق زادت الكمية المعروض إذا أسفل النقطة e حيكون عندنا كمية مطلوبة كبيرة وكمية معروضة قليلة ... طيب إحنا كمنتجين عندنا كمية قليلة معروضة والطلب عليها كبير بديهيا واللي يسويه أي منتج هو رفع سعر هالمنتج المطلوب.. إذا أي نقطة أسفل النقطة e تمثل عجز في السوق لزيادة الكمية المطلوبة مع قلة الكمية المعروضة ,, وبالتالي ارتفاع السعر .... أي نقطة اعلى النقطة e هي فائض في السوق .... الكمية المعروضة كبيرة ... والكمية المطلوبة قليلة ... والسعر يكون قليل أو ينخفض .... ليش الكمية المعروضة كبيرة .... لاحظوا منحنى العرض اللي هو ميله موجب المنحنى s كل ماارتفع لأعلى زاد الكمية المعروضة ... منحنى الطلب كل ماارتفع لأعلى قلت الكمية المطلوبة ليش لأنه ميله ساااالب يتجه من أعلى لين أسفل العلاقة عكسية بين الطلب والسعر ...والمنحنى اللي ميله سالب يتجه من أعلى إلى أسفل وبالتالي الكمية المطلوبة الكبيرة تكون من تحت ... طيب كمنتجين .. بديهيا عندنا فائض في المنتج والكمية المطلوبة قليلة طيب علشان مايفسد المنتج إش حنسوي ..؟؟ أكيد طبعا حنخفض السعر .. إذا أي نقطة أعلى النقطة e تمثل فائض في السوق . كمية معروضة كبيرة كمية مطلوبة قليلة ,, وانخفاض في السعر نلاحظ هنا في المنحنى شيء مهم ممكن يسألنا عنه .. عند أي سعر حصل التوازن ؟؟؟ نبحث عند نقطة التوازن اللي هي e كم كان السعر ... ونتابع المستقيم اللي طالع منها باتجاه السعر p وهو السعر 6 اللي حصل عنده التوازن p=6 طيب كم الكمية اللي حصل عندها التوازن بنفس الطريقة نلاحظ إنها 10 .. Q=10 *** أثر التغير في الطلب سوق السمك في حالة توازن عند السعر p1 والكمية q1 زاد الطلب على الأسماك نتيجة لزيادة متوسط دخل الأسرة ... أو بسبب ارتفاع أسعار اللحوم كسلعة بديلة .. ماهو الأثر المتوقع على سعر وكمية التوازن في سوق السمك ..؟؟؟؟ أول شيء هنا عندنا توازن ... طيب إش اللي صار ... تغير في الطلب .. طيب هالتغير نتج عن السعر ؟؟؟؟؟؟ أقصد بالسعر هنا سعر السلعة نفسها ؟؟؟؟ لأ .. هو قال تغير في زيادة الدخل أو بسبب ارتفاع أسعار اللحوم كسلعة بديلة .. إذا التغير هنا ليس في السعر لكن في العوامل الأخرى المؤثرة على الطلب .. تغير في العوامل الأخرى + ثبات في السعر = تغير في الطلب .. الحين نجي على المنحنى ... نلاحظ إن منحنى العرض لازال ثااابت ... أي إحنا بنعرض عى نفس المنحنى ماتغير شيء .. لكن اللي تغير في منحنى الطلب ... عندنا تغير في العوامل الأخرى .. أنا ماشرحت هالنقطة لكن برجع أشرحها بعدين .. لما يزيد الطلب ينشأ منحنى جديد إلى اليمين ... من المنحنى السابق ... إذا نلاحظ في المنحنيين اللي عندنا ( منحنى الطلب الجديد ومنحنى العرض ) إنه نقاط الإلتقاء صارت أعلى ... بالتالي التوازن صار عند نقطة أعلى أي زيادة في سعر السمك وكمية السمك وبالتالي نقطة التوازن أصبحت أعلى ... إذا بكل بساطة إذا تغير الطلب المحنى تبع الطلب هو اللي راح يتغير .. راح ينشأ منحنى جديد لأن العوامل اللأخرى هي اللي تغيرت وراح يفضل منحنى العرض ثاااابت في مكانه ... ماعليش تحملوا هذرتي الكبيرة ... بس شوي ... الحين قال تغير الطلب .. إذا على طول أفكر إن منحنى الطلب هو اللي بيتغير ... ثاني شيء عطانا التغير كان إما في الدخل أو في تغير سعر السلعه البديلة إذا تغير في الطلب مو في الكمية المنحنى حينتقل أو إنه حينشأ منحنى جديد .. هذه ببساطة أشياء بسيطة جدا تقدروا تستنتجوها من السؤال بكل بساطة وسرعه *** أثر التغير في العرض .... سوق السمك في حالة توازن عند السعر p1 والكمية q1 زاد عرض الأسماك نتيجة زيادة أعداد الصيادين أو بسبب التقدم التقني في صناعة صيد الأسماك ... ماهو الأثر المتوقع على سعر وكمية التوازن ..؟ بنفس الطريقة السابقة زاد العرض ؟؟ إذا اللي حيكون ثابت منحنى الطلب واللي حيكون عليه التغييرات هو منحنى العرض سبب الزيادة ... أعداد الصيادين أو التقنية .. إذا السبب هنا مو زيادة السعر لكن زيادة العوامل الأخرى .... تغير في العوامل الأخرى + سعر ثابت = تغير في العرض نلاحظ في الرسمة .. منحنى الطلب ثابت .. ومنحنى العرض انتقل إلى اليمين لأنه في زيادة في العرض ... أي أنشأنا منحنى جديد المنحنى s1 انتقل ليصبح المنحنى s2 وبالتالي انتقلت نقطة التوازن ... طيب هل زادت نقطة التوازن والكمية المعروضة وإلا نقصت .. لاحظوا هنا في في الزوايا تبع الرسم اللي هي الكمية والسعر ... عند النقطة e1 نقطة التوازن السابقة كان كمية السعر أعلى من النقطة e2 والكمية في النقطة e1 أقل من الكمية عند النقطة e2 إذا هذا يعني زيادة في كمية التوازن وسعر أقل ... ملاحظتي الخاصة مما سبق لو تفتكروا العلاقة بين السعر والكمية المطلوبة كانت عكسية يعني إذا زاد واحد قل الثاني لكن في أثر التغير في الطلب في المثال كانت العلاقة طردية إذا زاد أحدهم زاد الثاني وفي العرض أيضا نفس النظرية ... العلاقة بين السعر والكمية المعروضة كانت طردية لكن لما تغيرت العوامل الأخرى أصبحت العلاقة عكسية زادت الكمية وقل السعر إذا حسيتوا إن ملاحظتي الخاصة راح تحوس الدنيا عليكم تجاهلوها ببساطة لأن الدكتور ماعلق عليها هي فقط ملاحظتي الي راح تخليني اتذكر هالعلاقة بإذن الله... دعوة في ظهر الغيب راح تسعدني ... هبه التويجري ... لي عودة بالبقية |
|
2013- 9- 28
|
#10 |
|
متميزة بالمستوى الثاني - إدارة أعمال
|
رد: شرحي للإقتصاد الجزئي أمورة نجد .. من المحاضرة الثانية وحتى منتصف التاسعه
بسم الله الرحمن الرحيم ..
تابع المحاضرة الرابعه ... أثر التغير في الطلب والعرض معاً ... لنفرض أن الطلب على الأسماك قد زاد وأن عرض الأسماك قد زاد في آنٍ معاً فما هو الأثر المتوقع على سعر وكمية التوازن في السوق .... هنا لدينا ثلاث حالات ... وهي بنفس الطريقة مع المحاضرة الخامسة .. سأشرح الحالة الأولى فقط ... 1 - زيادة العرض أكثر من زيادة الطلب ؟؟؟؟ زيادة العرض أكبر .. يعني راح يتحرك المنحنى لليمين لأنه زيادة ... منحنى الطلب راح يتحرك لليمين كمان لكن مو بنفس الكمية راح يكون بكمية أقل لأن الزيادة أقل من زيادة العرض ... لو جينا ع المنحنى وشفناه ... المنحنى تبع العرض تحرك لليمين ومنحنى الطلب تحرك لليمين .. لاحظوا معي منحنى العرض لما تحرك لليمين صار نازل لين تحت .. وهذه الطريقة في زيادة منحنى العرض .. ونقطة إلتقاءه مع منحنى الطلب كانت في نقطة أقل من مستواه ... لاحظوا هنا إن الكمية لما انتقلنا من e1 إلى e2 كانت كمية كبيرة إذا التغير هو زيادة لأننا انتقلنا من q1 إلى q2 وتغير غير مؤكد في السعر للتوازن فلو لاحظتم التغير بسيط .... هذه المنحنيات بسيطة جدا .. كل اللي عليكم تحطوا ورقة وقلم أمامكم ترسموا منحنى العرض والطلب .. ونقطة التوازن ... بعد كذا تبدأوا برسم التغيرات الحاصلة سواء تساوي في العرض والطلب أو العرض أكبر أو أو ... وسجلوا ملاحظاتكم وحتلاقوا بكل سهولة إنه طلع معكم الناتج لا تنسوا لو صار نقص ينتقل المنحنى لليسار لو زيادة لليمين .. أنا ماراح اكمل شرح اللي شرحته عنها لحد الآن كافي سواء هي أو المحاضرة الخامسة اللي هي نفس المحتوى والفكرة .. أستأذن منكم راح ننتقل مباشرة للمحاضرة السادسة بإذن الله راح أنزل الشرح بكرة بالليل على حسب استطاعتي ولاتنسوا رجاءً إني طالبة زيكم محتاجة وقتي الخاص للدراسة غير هالمادة باقي لي أربعه اثنين منهم لسه مادرستهم ... راجعوا المعلومات مرة واثنين وثلاثة لين تصير واضحه .. وكل شيء بإذن الله يتسهل .. أختكم بالله هبه التويجري |
|
| مواقع النشر (المفضلة) |
| الكلمات الدلالية (Tags) |
| الإقتصاد الجزئي, شرح, شروحات, إقتصاد, كتاب |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تجمع مذاكره علوم قران 1 | عذاري 700 | الدراسات الإسلامية | 77 | 2014- 12- 21 10:19 PM |
| وقت الاختبار النهائي | ♧ ραяis | المستوى الثاني - الدراسات الاسلامية وعلم اجتماع | 36 | 2012- 12- 4 09:49 PM |
