مدير الجامعه + الشعيبي + صوت الرياض

[صوت الرياض]

الموضوع :زيارة مدير الجامعه لمركز الرياض

الهدف :نقل مادار من حديث وأسئله حول الانتساب المطور

(مع حفظ الالقاب لمعالي مدير جامعة الملك فيصل و سعادة الدكتور/ أحمد بن عبد الله الشعيبي)

كنت او طالب يخرج من قاعة الاختبار وعند دخولي مكتب الاداره وجدت مدير الجامعه وسلمت عليه وكان الشعيبي جنبه قال هذا مدير الجامعه قلت الله يحييه ونبيه يفصل الدكتور حياني ، وطالعو بعض وضحكو ا كثير وقاله الشعيبي (التحرير العربي طال عمرك) ثم قال الشعيبي نبيك تعطينا انطباعك عن الانتساب المطور ، ودخل في هذه اللحظه بقية زملائي الطلاب وسلموا على المدير وطاروا بالشعيبي صراحه امتدحوه بما هو اهل له واثنى عليه مدير الجامعه وقال الشعيبي ترى ان استمريتم كذا بطلع (جدا متواضع وصادق)في هذه اللحظه الجميع واقف ثم قال مدير الجامعه (ماتوقعنا نشوف هالاقبال على البرنامج والجديه والانظباط في اداء الاختبارات وعمل لجان المراقبه ممتاز وشاهدت بنفسي عملية نقل الاسئله بشنط مغلقه وسريه تامه ) ثم بدأت الاسئله
س / هل سيكون هناك فرق في الشهاده بين المنتسب لنظام التعليم المطور والمنتظم بالجامعه علما ان كتابة( منتسب) في الشهاده الجامعيه تقلل من قيمة الشهاده في نظر بعض الاداراة ونحن ندرس نفس اللي يدرسه المنتظم ونختبر نفس اختباره ؟
ج / (مدير الجامعه) صحيح انه لايوجد فرق بينكم وبين المنتظم بل انتم تستطيعون ان تسمعوا المحاضره اكثر من مره والتكرار يعلم.... الشطار بينما زميلكم المنتظم يسمعها مره واحده وقد خاطبنا وزارة التعليم ليكون المسمى (التعليم المطور) بدون ذكر الانتساب ومثل ما تعرفون شي نطلبه الان يبيله دراسه وياله يعدلونه بعد 4 او 5 سنوات
س / سؤال عن معادلة المواد
ج / (الشعيبي) قال بالنسبه لكلية الاداب عميد الكليه هو من يرفض المعادله وله الحق نظاماً وسنجتمع معه ونناقش الامر وان شاءالله خير
س/ نحتاج إثبات دخول الاختبار من الجامعه لتقديمه للعمل؟
ج / (الشعيبي) تجدونه بعد الاختبارات مباشهره اي يوم الاثنين
س / القرار الملكي بتحمل الدوله 50% من رسوم الدارسين في الجامعات او الكليات الاهليه هل ينطبق علينا نحن المنتسبين في جامعتكم؟
ج/ (مدير الجامعه) لا ينطبق لان فيه شرط ان يثبت الطالب انه قدم على جامعه حكوميه ولم يقبل ثم اللتحق بأهليه فهنا الدوله تدفع له 50%
س/ هناك قسم جديد ( اداره والاعمال) كيف يتم التحويل اليهابالنسبه للمنتسبين ؟
ج / (الشعيبي)نعم كلية العلوم الإدارية والتخطيط ممثله ادارة الاعمال حددت مقاعد فالاوليه بالنسبه للتحويل ستكون بالمفاضله حسب نسبة الثانويه العامه لان عدد المسجلين كبير وطلبات التحويل كثيره
س / لدي خطأ في كتابة الرقم الجامعي فهو 480وانا سجلته 840 في ثلاث مواد سابقه؟
ج/ (الشعيبي) إذا كتبة اسمك بورقة الاجابه والاسئله سنرجع للاسم فنحن متوقعين هذه الاخطاء في البدايه

فلاشات

* تكلم الشعيبي عن تطوير النظام وقال مثل ما قللنا من حجم الملفات وامكانية حفظها والاستماع للمحاضرات هناك جديد دائماً
*قال مدير الجامعه ان جامعة الملك فيصل تفتخر بتسهيل عملية اكمال التعليم الجامعي لشريحه كبيره من المواطنين والمواطنات ففي الدمام هناك اكثر من 1300 سيده ويوجد في مركز الرياض اب وابنه يأدون الاختبار معكم
*تدخل المسؤل عن المركز اكثر من مره لانها الحوار
*الشعيبي قال لمركز الرياض زياره سيتم تحديدها بعد بداية الترم وسنحدد مكانها وزمانها ونناقش كل مايهمكم
*مدير الجامعه قال ممكن نفتح اكثرمن مركز بالرياض نظراً لكثرة الطلبه وكبر المساحه وصعوبة المواصلات(الزحمه)
* خرج الجميع
*وسنحة الفرصه لاجيب على سؤال الشعيبي وكان سؤاله(نبيك تعطينا انطباعك عن الانتساب المطور ) فأجبته ان العمليه مشتركه بين ثلاث جهات :
1- الجامعه
2- الطالب
3- شركات الانترنت (التي تربط بين الجامعه والطالب )
فحقيقه واجهتنا مشاكل في البدايه فالاعطال متكرر هل السبب مزود الخدمه او موقع الجامعه وبالاخير الطالب هو الضحيه لكلا السببين ، تم انزال المحاضرات الخمس الاخيره بفارق زمني بسيط مما سبب ضغط وارباك للطلاب
*علق الشعيبي بان النظام تحسن وتم الاستعانه بطاقم فني ممتاز ، ثم اخرج من جيبه (كونكت) موبايلي وقال يمكن اللي يشتكون يستخدمون هذا ونصح بعدم استخدامه.
ثم ودعتهم ..... كما اودعكم الآن جميعاً
مستعد لاي استفسار اجد له اجابه مما تفضلوا به
تحياتي للجميع

[موظف منتسب]

الله يعطيك العافية على هالمعلومات الحلوة والنقل الممتاز

[ساره عبدالله]

الله يعطيهم ويعطيك العافيه ..
ودي ..,

[السالفة مليون]

حسيت اني اقرأ قصه في النهاايه

الله يعطيييييك العافييييييييييه موضوع جدا جدا رائع


جزاك الله خير خيوي

[سعود بن محمد]

السلام عليكم .....
مسـ صباح ــاء الخير ..للجميع

صوت الرياض

نقل رائع للحدث بطرحك المرتب الجميل للافاده ....

شكر ا على النقل
شكرا على الترتيب
شكرا على الافاده
شكرا على تنسيق الحدث بحبكه يتسنى للقارى من خلالها بوجوده في ارض الحدث
شكرا لصوتك

الموضوع :زيارة مدير الجامعه لمركز الرياض

الهدف :نقل مادار من حديث وأسئله حول الانتساب المطور

(مع حفظ الالقاب لمعالي مدير جامعة الملك فيصل و سعادة الدكتور/ أحمد بن عبد الله الشعيبي

مقدمه جميله ..


زادت الموضوع تميز
شكر خاص لوحدها لتميزها
شكرا
صوت الرياض
شكرا
شكرا
انت
صوت الرياض

وهنا في متصفحك
انت
صوت المنتسبين

مقدمتك كانت كفيله بوقوفي هنا ..........رغما انفي

لماذ لا ادري ؟؟
تسقط عيني على اشياء قد تكون عاديه للاعين <<ويسقط قلمي معها يريد كلمات الاطراء

شكري احترامي

لك ولكل من كان هناك
طلال ومشمر
والزملاء

[فرنسية ألماسية]

يا ســـلاااام والله انبسطت كثيييييير على المقابلة الحلووووووووة

بس دار سؤال في خلجاتي : ليش ضحكوا على سالفة التحرير العربي ؟؟!!

الحمدلله على كل حال ..

وجزاكم الله خير جميعاً :g8:

[صوت الرياض]

المشاركة الأصلية كتبت بواسطة موظف منتسب

الله يعطيك العافية على هالمعلومات الحلوة والنقل الممتاز

تستاهلون الكثير ....... تشرفت بمرورك

[صوت الرياض]

المشاركة الأصلية كتبت بواسطة ساره عبدالله

الله يعطيهم ويعطيك العافيه ..
ودي ..,

تشرفت بمرورك

[صوت الرياض]

[QUOTE=السالفة مليون;738228]حسيت اني اقرأ قصه في النهاايه

شكلك تقرين كثير لأجاثا كريستي

[حلا الوجدان]

مشكووووووووور اخوي على النقل
<< اهم شي التحرير العربي = يأني متعقده
دمت مبدع