رد على التطبيق بالنعيريه

[b_nice]

الى اخواتي المقبلات على التطبيق .. ..

انا سنه رابعه وخلصت تطبيق ولله الحمد لاكن حابه اقول للبنات المعترضات على التطبيق في النعيريه نصيحه بما اني طبقت خارجها .. ..

النقاط الايجابيه اذا طبقتم بالنعيريه :-

- بالنعيريه تشرحين اربع حصص في التطبيق كله ، بالوقت الي كنت اشرح حصتين باليوم الواحد !!!
- بالنعيريه ممكن تحضرين على وقت حصتك وتمشين ، بالوقت الى مطالبين خارج النعيريه بالحضور قبل الطابور الى حين انتهاء الدوام الرسمي
- بالنعيريه ممكن تحضرين يومين بالسبوع ، بالوقت الي لو غبتي برى يوم "واحد" تصير سالفه وجيبيلك عذر طبي واكيد بياثر على درجتك النهائيه !!!
- بالنعيريه الي يشرفون عليك عارفين ان الغرض من التطبيق هو تدريبك انتي لمصلحتك ، بالوقت الى خارج النعيريه سلموني اكثر من فصل واعتبروني اغطي مكان المدرسه الاساسيه !! اصحح دفاترهم واكتب امتحناتهم"حالك حال المدرسه"
- بالنعيريه عدد الطالبات قليل ، بينما ممكن تتفاجئين من اعداد الطالبات الكبيره خارج النعيريه بما انها مدارس حكوميه اكيد يتبع الزحمه ازعاج الطالبات الي ياثر على الحصه
- بالنعيريه مايسلمونك حصص احتياط ، بينما كنت اتسلم الى جانب حصصي الي اشرح فيها حصتين احتياط على الاقل
- بالنعيريه المطبقات كثار هذا لصالحك من ناحيتين ان تلقين ناس تمر بنفس تجاربك تتونسين معهم وتفيدين وتستفادين وغير كذا بما ان العدد واجد يقل التركيز عليك
- بالنعيريه يعرفون اوضاع الكليه ويتفهمون لو عند امتحان او اي شي , بالوقت الي خارج النعيريه مايهتمون في وضعك كطالبه جامعيه ابدا

.. ..
انا من خلال تطبيقي بالدمام تمنيت لو اني اخترت التطبيق بالنعيريه من كثر مالاحظت اني انظلمت وليت بعد على هذا
اخذ درجتي "كطالبه متدربه" بالعكس يحاسبونك كمدرسه لها خبره والله يكتب الي فيه الصالح لكم اخواتي
وبالتوفيق اينما طبقتم :praying:


ملاحظه : عشان مااظلم احد انا برايي ان التطبيق بالنعيريه افضل لاني التمست الفرق .. لاكن مااعمم الفكره .. يجوز حالتي استثنائيه .. ..:mh19:

اختكم
b_nice

[سدومة]

يسلم بس ياعزيزتي برى النعيريه تاخذين امتياز على الراحه والاستاذات مو معاك وعلى الاقل ارتاح من المشوار
وتقبلي مروري

[b_nice]

المشاركة الأصلية كتبت بواسطة سدومة

يسلم بس ياعزيزتي برى النعيريه تاخذين امتياز على الراحه والاستاذات مو معاك وعلى الاقل ارتاح من المشوار
وتقبلي مروري

اهلين جبوبه .. ..
اكيد نرتاح من المشاوير بس انا عن نفسي تمنيت اضرب مشاوير على اني اداوم في المدرسه لان فعلا يتعبونك من اول الدوام الى اخره .. يجوز ان غيري خارج النعيريه وارتاح لاكن انا اتكلم عن تجربتي من جد ياسدومه مره اتعبوني
وبصراحه لو عطوني ممتاز ترى استحقه جد

الله يسهل عليك علمي فيك انك بثالث صح ؟

[الارجوان]

هي حلوه في اكثر النقاط بس المشكله بالنعيريه يشرفون علينا استاذات الكليه واكيد راح
ادقق مره واتعلق ويمكن تحرجك هذا اللي مخوفني

[b_nice]

المشاركة الأصلية كتبت بواسطة الارجوان

هي حلوه في اكثر النقاط بس المشكله بالنعيريه يشرفون علينا استاذات الكليه واكيد راح
ادقق مره واتعلق ويمكن تحرجك هذا اللي مخوفني

هلا حبوبه ..
شوفي كلامك صحيح لاكن العدد بيكون كبير فما اتوقع يركزن عليك بالصوره الي انتي متخيلتها ولاكن مايخفى عليك ان في دكاتره يدققون .. لاكن نصيحتي لك مهما حصلتي انتقادات لا تعاندين او تبررين .. بكل رحابه صدر وابتسامه تقبلي النقد .. لان لو عاندتيها راح يكون الموقف هنا محرج و بياثر عى درجاتك
على فكره اعرف طالبه من النعيريه ممتازه من كل النواحي حضورها بصف وشرحها .. لاكن حصلت نقد كبير من دكتوره معينه .. لدرجه نحسب ان مستقصدتها وبالاخير بكل بساطه خذت امتياز ولله الحمد

.. يعني لاتخافين وصدقيني حلو التطبيق
اذا عندك اي استفسار انا حاضره اختي

[سدومة]

مشكورة بجد ريحتيني حيييييييييييييل لاني بجد كنت احاتي الموضوع لاتنسيني من دعواتك تقبلي مروري :m22asmilies-com:

[توفيا]

بالعكس يا b_nice انا افضل اطبق في المنطقه اللي انا فيها سواء الجبيل او الدمام سواء بسبب الطريق او الزحمه اللي في مدارس النعيريه اللي تنظلم الوحده فيها نتيجه للعدد الهائل فالاستاذه كذا ماتقدر على كل البنات وتعطي كل وحده حقها ثاني شي التطبيق وجد عشان نطبق وندرس ونتدرب على مواجهة الطالبات والشرح مش عشان نريح وننام بالبيت انا من وجهة نظري كل ما كانت الحصص اللي يعطوني اياها كثيره :150: كل ماكان هالشي بصالحي ولمصلحتي :g8:ادري اني طولت السالفه اتمنى ان وجهة نظري تكون وصلت :g26:

[b_nice]

المشاركة الأصلية كتبت بواسطة توفيا

بالعكس يا b_nice انا افضل اطبق في المنطقه اللي انا فيها سواء الجبيل او الدمام سواء بسبب الطريق او الزحمه اللي في مدارس النعيريه اللي تنظلم الوحده فيها نتيجه للعدد الهائل فالاستاذه كذا ماتقدر على كل البنات وتعطي كل وحده حقها ثاني شي التطبيق وجد عشان نطبق وندرس ونتدرب على مواجهة الطالبات والشرح مش عشان نريح وننام بالبيت انا من وجهة نظري كل ما كانت الحصص اللي يعطوني اياها كثيره :150: كل ماكان هالشي بصالحي ولمصلحتي :g8:ادري اني طولت السالفه اتمنى ان وجهة نظري تكون وصلت :g26:

معك حق في كلامك انا لهذا السبب طبقت خارج النعيريه .. لان كنت ابي حصص كثيره .. عشان اوصل لمرحله نضج تساعدني اني اكون مؤهله لتدريس مستقبلا باذن الله
لاكن اشياء كثيره صادفتني ويجوز في المدرسه الي طبقت فيها ظلم كبير لي .. ..
يعني المدرسات بالبلدي على قولتهم "كرفوني " لدرجه كل مااجي الكليه واسولف لدكاتره او خوياتي اشوف علامات تعجب :s12: .. ..

ولمعلوميتك صحيح ان في النعيريه 4 حصص لاكن الدكتوره او مشرفتك لما تحضر لك حصه مدتها ثلث ساعه مخصصه لك تشوف فيها حضورك بصف ، وضوح صوتك ، تسلسل افكارك ، تنظيم صبورتك .. .. برايي راح تكون كافيه لتقيمك وفي كل مره تنتقدك وتشوف اذا حسنتي ادائك .. واذا كنتي تبين تحضر لك حصص زياده بكل بساطه قوليلها ومالك الا كل خير بالعكس مشاءالله انا اشوف الدكاتره عندنا تمسك 4 بنات وتلقينها كنها متبنيتهم تنصح وتعلم فيهم وتسمع لهم .. ..
ابقولك شي واحد حبيبتي توفيا
مهما صادفك من قرارات اعتبريها خيره خصوصا اننا الان بفتره امتحنات لاتشغلين بالك باشياء تعكر مزاجك .. وخذي الامور بسهاله تجيك بسهاله ..
هذي نصيحتي لك

اختك
b_nice

[b_nice]

المشاركة الأصلية كتبت بواسطة سدومة

مشكورة بجد ريحتيني حيييييييييييييل لاني بجد كنت احاتي الموضوع لاتنسيني من دعواتك تقبلي مروري :m22asmilies-com:

ياعسى الله يسهل امرك ياسدومه اهم شي لاتسوين زينا وتحاتين والله مااتعبني الا المحتاه .. .. وبالاخير تنصدمين ان كل شي يجي بسهااااااااااله .. ..
وبعدين من خلال ملاحظتي لشخصيتك اقولك انك راح تستانسين بالتطبيق وانك معلمه بالفطره

اذا عندك اي تساؤل ترى حاااضرين


اختك
b_nice

[قمرهـ]

يعطيك الف عافيه

افدتني كنت محتاره وين اطبق


لاكن بعد كلامك اكيد التطبيق راح يكون بالنعيريه