[ استفسار ] محتاار ورأيكم يهمني كثيراً

[أبو لارا2]

السلام عليكم
وصباحكم قشطه بدون مربى

انتهت الاختبارات وأسأل الله ان يوفق الجميع ويفرج كربة من ساعدنا سواءً بالملخصات او الاسئله والكويزات ويجعل ذلك في ميزان حسناتهم، عندي مشكله قديمه ولازالت وهي الكُره الكبير لمادة الانجليزي ففي المستوى الثاني حذفت الانجليزي كتابه وقراءه وكذلك الاحصاء ورفعت بطلب معادلتها ولكن شكلهم ماوافقوا لانهم ماردوا عليّ رغم مرور سنه من تاريخ الرفع .

المهم هل ترون اني انزل الثلاث مواد مع بعض الترم القادم أم ان الافضل تجزئتها علماً اني ارغب في درجة النجاح فقط وخاصة في الانجليزي اللي مستحيل افتح الماده لان المحبه مفقوده بيننا من زمااان !
طبعاً انا ماشي حسب الخطه في عدد الساعات واخذت ثلاث مواد من مستوى رابع في هذا الترم .

افيدوني مشكورين حسب خبرتكم ولكم الشكر مقدماً

[mashael20012]

الانقليزي قرأه مووووويه عباره عن قطعه وتطلع منها الاجابه
والكتابه يبيله شوي مذاكره
براي تدخل معهد تاخذ 2لفل
وبتمشي امورك
وضيفهم عشان مايتعارض معك بالايام بالمستويات الجايه
ام الاحصاء مثلك لسه ما اخذتها

[مي الرياض]

انجلش قراءه يجنن وكلشي تستخرجه من القطعه ،
انا اللي مادبر فيه شي جبت بالثمانينات ،
اما الاحصاء والكتابه خل كل ماده ب مستوى عشان المعدل ..
وقبل كلشي شيك ع الجداول عشان مايكون عندك تعارض بالمواد ..
بالتوفيق ..

[العامري1]

خذ الانقليزي قراءه سهله ودكتورها متعاون مررره شف السؤال ودورله بالقطعه بس وجزءها احسن وخل الاحصاء بالاخير يبيلهاتركيز شوي

[•• شجون ~]

.


وعليك السلام والرحمه
متلي صار لي سنه انتظر المعادله
وقالوا اتصل عليهم م يردون
فيه واحد متلنا كان ينتظرها اتصل عليهم وعادلوها له
ونا اتصل م يردون

في البعض ترك الاحصاء لمستوى سابع
انا بشوف اذا م قبلوا معادلتها حضيفها هالترم
بس يارب يقبلونها عداوه انا وهالمواد



بالنسبه للانقلش
الافضل تاخذهم الحين هالمستوى
هو الدكتور بيحدد ونت صم الي بيحدده وتمشي امورك بالامتياز بعد
والدكاتره تبعين الانقلش متساهلين معنا و الحق عليهم قبل يغيروهم هههههه



موفق يارب

[Reem 07]

آنــــا كمان لى سنه معادلتهم مع الاحصاء وجالسه انتظر وماادرى لين متى وادق محد يرد اف منهم بس
مدرى اخذهم ذا الترم والا انتظر نتيجه المعادله !!

[ديما ال عاطف]

دامك تبي راينا انصحك تاخذ الانجلش قراءه وكتابه مع بعض الاحصاء اجله لمستوى سادس له مكان وماراح يكون فيه تعارض
بالنسبه للمادتين القراءه والكتابه الملحم جداا متعاووون قطعتين والاجوبه فيها اسهل من كذا مافيه
الكتابه مو صعب بس يبي لك تركيز شوي وباذن الله تجيب درجه النجاح واكثر بعد
لان التاجيل ماراح يفيدك بشي فيك فيك فالافضل تاخذها قبل مايتغيرون الدكاتره ثم توهق

[منآآر]

دكاترة الانقلش متساهلين معنا و الحق عليهم قبل يغيروهم يحددو ومتعاونين

[هلاله العسيري]

عليكم السلام
هلا أخوي
بالنسبة للمواد فالأفضل تجزئتها عشان ما تضغط نفسك
الإنجليزي قراءة ما يبي لها مذاكرة ( قطعتين يحددها معك الدكتور ومكتوبة قدام عينك وعليها أسئلة أنت تجاوب عليها من خلال قراءتك للقطعة ويزيدك تقريبا 24 سؤال في البلاك بورد أحفظها مو لازم تفهمها حدد لك كلمة في السؤال ومثلها في الإجابة وتنحفظ على طول ( تعاملي مع الأنجلش :s_45: )يعني مهديكم النجاح بالأسئلة ذي
الأنجلش كتابة دسمة بس يحدد الدكتور كم قطعها ويطلب منك تحفظها زي اسمك ( هذه سياسته معنا المستوى الماضي ) مدري شلة المستوى ذا ايش اعطاهم بس شفت البنات مبسوطات من اختبارها
طبعا القطع ذي يعطيك اياها زي الكلمات المتقاطعة وانت تكمل الناقص
الإحصاء مادة شوي قوية بس دكتورها عسل أهم شي انك تتابع المحاضرات المسجلة مع الدكتور وتفهمها صح وهو يدخلها ف راسك الله يسعده ,, وزيد يعطيك مراجعة في البلاك بورد الاختبار ما يطلع منها
النظري في اختباره ما يتعدى 10 أسئلة تركيزه على المسائل بس لا تخاف نفس المراجعة بس الأرقام طبعا يغيرها عشان يعرف مدى فهمك لها
أشوف انك تاخذ المواد ذي كل وحده مستوى و نصيحتي لك تبدأها بالأحصاء دام دكتورها موجود
وشي راجع لك
أخذناها كلها المستوى الماضي مع بعض والحمد لله مشينا فيها بالإمتياز
تمنياتي لك بالتوفيق

[العلم ماله حدود]

نصيحة انك تطبع ملزمة الانجليزي كتابة وتدرسها و تعرف القواعد الي فيها وتراها مختصرة

خليها قدامك و كل فترة اقرأ محاضرة وافهمها ..............

والقراءة ترجم القطع الي يحددها الدكتور احنا كانت اربع قطع

وافهمها زين واحفظ الكلمات الي فيها وحتجيب فل مارك لان الاجابات قدامك في القطعة وانت فاهم عن ايش تتكلم

القطعة .................

الاحصاء بالنسبة لي كان مرعب وزاد الامر سوء من ردود البعض ومن تاخر المحاضرات

لكن ..............


لمن تابعت الدكتور سعيد لقيت الامر بسيط بس يحتاج تركيز

انا ما طبعت الملزمة خفت منها

بس كنت افتح المحاضرة ومعاي دفتر وقلم و اشوف حل المثال بعدين اوقفها واعيد الحل بنفسي

وكذا مع كل مثال

واحط القوانين قدامي

لو بتسوي كذا بتشوف الامتحان شربة موية

بس لازم تبدأ فيه من اول الدراسة تفتح محاضرة كل اسبوع عشان تترسخ المعلومة


ولو عندك عقدة منه افتحها يوتيوب من الآن شرحه ممتع الله يسعده ..............

اما موضوع الجدول شيك عليه عشان التعارض وكذا ......