[ الواجبات ] : *^*... إلى الدوغان مع التحيّة ...*^*

[اميرة ال سعود]

المشاركة الأصلية كتبت بواسطة الخطر القادم

إلى ذلك الدكتور الذي يعدُنا بوضوح الأسئلة ثم يأتي بها من خارج المجموعة الشمسيّة
كم أنا مدينٌ له بالكثير , فقد تحسّنت مقدرتي الشعريّة في مجال الهجاء
بعد أن كنت متخصّصا ً في شعر الغزل

[poem=font="simplified arabic,6,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سوّد الله وجه دكتور الموارد=كلّ ترمٍ يرتكب فينا خطيّه
للطموح اللي يبا الإبداع طارد=منهجه عرقل مسير الأغلبيّه
كنّ طلابه يجونه من عطارد=فيه من طبع العجوز أمّ البنيّه
بالعلوم اللي تغثّ البال سارد=من وعود الزيف يحبك مسرحيّه
الردا من مثله و شرواه وارد=و الدلايل كلّها ضدّه قويّه
ما يجيب ألاّ العصيّه و الشوارد=و المصيبه ما خسر معنا قضيّه
[/poem]

مع تحيات " الخطر القادم "
و في رواية أخرى " مطرّح البل "

صح لسااانك وبيض الله وجهك
يعطيك العااافيه ..

[اخت مصطفى]

أنا اشهد انك شاعر :)

[عطر الحياه]

صح لسانك

[الخطر القادم]

المشاركة الأصلية كتبت بواسطة أبوسلطاان

صح لسانك وجاد بنانك ولافض فوك

0
0


ابدعت


شامخه مثل راعيها




اعجابي دائما"



وكذلك تحياتي واحتراماتي يامطرح البل




0
0
0

صح بدنك يا بو سلطان ، و لا هنت طال عمرك
على المرور و التعليق بالإضافة
للإشادة

تحياتي لك

[الخطر القادم]

المشاركة الأصلية كتبت بواسطة deprived

توكلوا على الله
{ قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ }

تعبيرنا عن مشاعرنا من باب التنفيس
و إلا فقد فوضنا أمرنا إلى الله فيه

[كثبان]

صح لسانك

[حرم سموه]

الحمد لله أني حذفته الموارد
لكن الله لأ يسامحه فيكم

وصح لسانك ي مطرح البل و الزول.

[الخطر القادم]

المشاركة الأصلية كتبت بواسطة mody.46

صح لسانك ،، كلناها في مبادئ الاداره اول والحين هذي الثانيه احس بيننا وبينه ثار

صح بدنك
و لا ثار و لا حاجه
الرجال هذا طبعه مع كل طلابه
ما فيه دفعه ما تتمنى أنها تتخارج منه

[الخطر القادم]

المشاركة الأصلية كتبت بواسطة ابو انــوار

صح لسانك
ياريت بس توصل له هذي الابيات

صح بدنك
لو أدري إنها تبا توصل له ما آستعجلت فيها
و حبكت له وحده توقف شعر راسه

[الخطر القادم]

المشاركة الأصلية كتبت بواسطة تركي العياش

صح لسانك

ياليت لي بالشعر حظ لااهجيه هجاء ينسيه اسمه

صح بدنك
يا رجال إحمد ربك إنك ما تعرفه
أحيانا إليا دك في الهاجوس و أنت تسوق السياره
تطلع من الخط و أنت ما دريت ههههه