[ استفسار ] تكفون ابي رد منكم اخواني اللي تخصصهم انجليزي

[منتسب2015]

أرجو ان الموضوع ما يكون ثقيل عليكم بس تكفون ابي استفيد من خبرتكم

السلام عليكم جميعا

في البدايه الله يعينكم على اللي صار في مادة مدخل الى الادب الامريكي و الله يجعل التظلم يوصل و تتخرجون جميع يا رب

اخواني انا ودي اغير تخصصي الى انجليزي بس حبيت استفسر منكم عن مواد تخصص الانجليزي اللي مريتوا عليها و انا شخص احب الانجليزي

*هل التخصص سهل أو اسهل من ادارة اعمال ؟؟

*هل تستاهل التحويل ؟؟

*وش اصعب المواد اللي مرت عليكم ؟؟

تكفون يا جماعة الخير نبي اللي يعطينا العلم الاكيد الله يوفقكم جميع

[ملامح الفرح]

لا يخلو التخصص من الصعوبة بس اذا عند ارادة وحب للماده بتتعلم بتستمتع بها وصعوبة المواد يرجع لدكاتره انفسهم في وضع الاسئله ومافيه مواد مشتركه اتوقع استخير واذا عزمت توكل على الله

[ام البطل]

لغتك كويسه وتحب الانجليزي وشاطر ...حول
اللي شاطر بيمشي فأي قسم

[ام البطل]

مدري بس اتوقع ادارة اعمال اصعب

[asoom1]

الانجليزي فيه متوسط الصعوبه والسهل
وباالاخير يرجع عالدكتور هو يسهلها وهو يصعبها
فيه مواد دسمة جددا بس دكتورها خلها اسهل من السهل ويككرر ماتعبنا بالمادة وجبنا فل مارك فيها وفيه مواد
خفيفه بس الدكتور صعبها

وبالنهاية دامك تحب الانجليزي وشاطر فيه اكيد بتمشي لاني انا ماكنت اعرف بالانجليزي شي والحمدالله
السنه بتخرج مع اني ا اذاكر الا قبل الاختبارات بااسبوعين والحمدالله ماحملت ولا مادة .
فما بالك انت شاطر باالانجليزي .

بالتوفيق للجميع والتخصيين مطلوبيين بس على اللي تحبه انت .
بالنسبه لي اتوقع الانجل اصعب لانك تتعلم لغة وقواعد لغة جديدة
والبنات اللي اعرفهم درسو ادارة اعمال قالو سهل وفيه بنات مايذاكرون الااوقات الاختبارات ومالله مايحملون مواد
يعني اكيد اسهل من الانجل .

[ام عمر مكه]

اتوكل على الله وادخل
القسم سهل وبسيط مافيه اي تعقيد
فقط التعقيد من بعض الدكاتره المتقصد مثل السقوفي

[Mwa6n]

ادخل برجلك اليمين وتوكل على الله

[des.3bade]

التخصص حلو وممتع نوعا ما
في مواد دسمه ويبغالها حفظ

لكن اذا هذي رغبتك لا تتخلى عنها , ادرس الشي اللي تحبه

[التعلم رحله]

إذا لديك رغبه جاده ادخل وتوكل على الله فيه ناس تحقق ممتاز كل ترم وناس أعلى التوفيق بيد الله ثم الاجتهاد والصبر - أنا عن نفسي ليس لدي خلفيه في الانجليزي الا ماتعلمناه في المتوسط والثانوي والحمد لله ماشيه في مواد الجامعه - مثل أي تخصص لازم تواجه مواد طويله أو فيها صعوبه من أي نوع لأن أنا أعرف ناس يدرسون شريعه أو لغه عربيه مثلا (لاأقلل من شأن التخصصين لأننا نحتاج كل العلوم) ومع ذلك يواجهون صعوبات وهذا شئ طبيعي إذا ستتخصص في مجال ما أكيد ستتعمق فيه وإذا تعمقت ستواجه معلومات طويله وأخرى فيها صعوبة نوعا ما ليس مثل لما تدرس الماده في معهد أو مدرسه هاك تدرس معلومات محدده هنا أنت تدرس تخصص يعني لازم تتعلم جوانب كثيره عن المجال الذي ستتخصص فيه لكن سأعطيك طريقتي الدعاء الدائم - تنظيم الوقت والاجتهاد والتنازل عن أشياء مثل كثرة الخروج وغيرها حتى تحقق هدفك ..إذا عازم على الانجليزي أكيد انقل واستمر لكن نصيحه لوجه الله إذا واجهت أي صعوبه لاترجع وتنسحب من الانجليزي وتقول ادارة الاعمال أسهل وتضيع سنواتك في التنقل بين التخصصات إذا بتتخصص مافي شئ أسهل لازم تواجه صعوبات ماده طويله - ماده فيها نقاط غثيثه- مدرس غير متعاون ...الخ مالك إلا الصبر والدعاء والاجتهاد والذي يريد شئ يتحمل حتى يصل إليه ولاتنسى توصية الوالدين على الدعاء الدائم لأن لدعائهما نتائج سحريه
أعطيك نبذه عن بعض المواد التي فيها صعوبه نوعا ما (نظرية الترجمه الترجمه التتابعيه الترجمه الابداعيه )هذه المواد يدرسها الدكتور أحمد حليمه هذا عيبه أنه غير متعاون يعطيك خيارات على الترجمه وأنت تختار لكن مايصحح لك وفي الاختبار ممكن يجيب نفس الجمل ويغير في الخيارات أو يكرر الجمله نفسها وهذه حلها سهل تتابع نماذج اختبارات الطلبه السابقه ممكن تتوصل لبعض الحلول وممكن تستعين بمدرس ممتاز يساعدك في الخيارات وممكن تعرف بعض الاجابات من الدكتور في المحاضرات المباشره ومع ذلك فيه ناس كثير حققت a و a+ في مقرراته - انشاء وتعبير 1 و 2 هذه الدكتور مايعرف يشرح لكن يكرر أسئلته ويجيب أسئله واضحه لكن ذاكر بجد وكل شئ - مدخل إلى اللغويات - الصوتيات (عن أصوات الحروف وأشياء تتعلق باللغه فيها صعوبه لكن ممكن تجاوزها بامتياز - مواد الفريدان من محتواه وشرحه لكن لازم دراسة كل شئ - أدب انجليزي عصر النهضه وأدب 17 وظهور الروايه والروايه الحديثه والشعر الانجليزي والنقد الأدبي والمسرحيه الحديثه والأدب الأمريكي وأدب الأطفال هذه مواد طويله مثل التاريخ لكن إذا وفقك الله تعديها بامتياز وموجب كمان ثلاث منها مع الدكتور الشناوي وهذا ممتاز ومتعاون ويكرر الأسئله - النحو والصرف واللغويات التطبيقيه فيها صعوبه لكن ممكن تعديها بامتياز - أنا أنقلك تجربتي وبعض الزميلات معي المتأكده أنهم حققوا امتياز بمعنى لاأعطيك كلام نظري وهذا احنا اليوم لله الحمد بعد الصعوبات والمخاوف التي مررنا بها لكن اليوم خريجين ولله الحمد إذا عازم توكل على الله كم سنه وتنتهي - طولت لكن حبيت أنقلك أكبر قدر من التجربه

[كرامة]

غير وانت متطمن اذا فيه رغبه جاده.
لكن انتبه لشغلتين ....
اولا ان تذاكرمن اول الترم لان اللغه جديده ولازم تكون لك مخزون.
ثانيا لاتأجل اي ترم عشان ماتنمسح. المعلومات يعني واصل الترام بدون فواصل....
بالنسبه للمواد اتبع الخطه وراح تلقاها سهله وجدا ..
والاعضاءمو مقصرين بالشروحات ونماذج الاسئله
بالتوفيق