 |
|
||||||
| إدارة أعمال 1 ملتقى طلاب وطالبات المستوى الأول ادارة اعمال التعليم عن بعد جامعة الملك فيصل |
 |
|
|
أدوات الموضوع |
|
#1
2011- 1- 17
|
||||
|
||||
اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
السلام عليكم مساؤكم / صبااحكم فل وياسمين انا بصراحهـ للحين ماخلصت مذااكره وصلت للمحاضرهـ العاشرهـ بس حبيت أفيدكم بالمعلومات اللي فهمتهاا طبعا قبل توصلو للجداول ومراحل الدوره المحاسبيه لازم تذاكروو اللي بكتب الحين وموجود بملخص ابو موزه الله يجزاه خير 1/ المصطلحات المحاسبيه الرئيسيهـ : المنشأه .. دورة التشغيل .. الأصول وانواعهاا.. الخصوم وانواعها .. حقوق الملكيهـ .. قائمة المركز المالي .. الإيرادات .. المصروفات .. صافي الربح وصافي الخسارة .. قائمة الدخل .. قائمة التدفقات النقديهـ .. 2/ معلومهاتـ .. * المحاسبهـ علم إجتماعي .. يتاثر بالظروف المحيطهـ .. * تنشأ المحاسبهـ بناءا على الحاجهـ ومع ظهور التعاملات التجاريه .. كانت في السابق بالمقايضهـ وتطورت مع ظهورالتجاره والرغبه في إكتشاف الارباح 3/ تعريف المحاسبهـ ... الهدف من المحاسبهـ .. مفهوم المحاسبهـ .. من هو المحاسب ؟؟ .. من هو ماسك الدفاتر ؟؟ .. بما تختص المحاسبه كنظام معلومات ؟؟ ... 4/ خصائص المعلومات المحاسبيهـ ... ست خصائص تذاكروو تعريف كل خاصيهـ 5/ فروع المحاسبهـ .. ذاكرو كل فرع بشوو يختص .. 6/ الفئات المستفيدهـ من المعلومات المحاسبيهـ .. 7/ تعريف المحاسبهـ الماليه .. 8/ اهداف المحاسبهـ الماليهـ .. 9/ وظائف المحاسبهـ .. 10 / مبادئ المحاسبهـ المتعارف عليها .. بعد ماتذاكروو كل اللي كتبت فووق .. كذا نكون خلصنا كل شيء يخص المحاسبهـ للمصطلحات المحاسبيهـ اللي راح نحتاجها في الجداول معادلة الميزانيه = الأصول = الخصوم + حقوق الملكيهـ الاصوول هو كل اللي تملكه المنشأه من اموال في البنك او في الصندوق او حتى الاصول اللي تستخدمها المنشأه في مباشرة عملهاا عرفنا انو في انواع للأصول 1/ أصول متداولهـ قصيرة الاجل (أوراق القبض والمدينين والمصروفات والمخزون والايرادات المستحقه ) 2/ اصول ثابته طويلة الاجل (الاراضي والمباني والااات والسيارات ) 3/ أصول غير ملموسه (حق الاختراع وشهرة المحل ) الخصووم هي الالتزامات اللي عالمنشأه ونقدر نقول يعني الديون وكمان لها انواع 1/ خصوم قصيرة الاجل .. يجب سدادها خلال سنه او دورة تشغيل 2/ خصوم طويلة الأجل .. يستحق سدادها خلال فتره زمنيه تزيد عن عام واحد او دورة تشغيل أما حقوق الملكيه .. هي الالتزامات المستحقه على المنشأه تجاه ملاكها أو اصحابهاا تشمل المبالغ اللي استثمرها المالك والارباح الجدول الأول راح يكون تسجيل للاصول ومساواتها بالخصوم وحقوق الملكيه مثلا نأخذ عمليتين كمثال اشترت منشأة فاضل مبنى بمبلغ 250 ألف ريال ليكون مقرا للنشاط وقد تم سداد القيمة لصاحب المبنى بشيك مسحوب على حساب المنشأه ببنك الرياض .. طيب ناخذها وحده وحده الحين عندنا الجدول باليمين موجود الاصول ومن ضمنها البنك والمبلغ اللي لي في البنك واليسار فيه قسم للخصوم حسب العمليه السابقه فيه قرض من البنك بقيمة 200 الف ريال وحقوق الملكيه فيه 500 الف ريال يعني الجدول متساوي باليمين فيه 700000 ريال رصيد بالبنك في جهة الاصول = 700000 والجهه اليسار فيه 200000 قرض البنك في الخصوم و500000 راس المال في حقوق الملكيه = 700000 طيب نرجع للعمليه وندقق في الجملهـ يقول اشترت المنشأه مبنى .. كلنا نعرف ان المبنى من الاصول يعني راح نحطه باليمين طيب يقول اشترته بشيك مسحوب من البنك .. معناها في نفس الجهه اليمني راح ينقص الرصيد في البنك بمقدار 250000 يعني زدنا خانه للمبنى بقيمة 250000 وكمان نقصت من نفس الجهه من البنك 250000 للحين جهتي الجدول متساويه = 700000 وكذا انتهينا من هالعمليه طيب ولنفرض ان عندنا خانه في الجهه اليمنى باسم صندوق المنشأه كذا يعني اذا شفنا اي عمليه مكتوب فيها تم تسديد المبلغ نقداا يعني تم السحب من صندوق المنشأه يعني مثلا : سحبت منشأة فاضل مبلغ 100000 ريال من حساب المشأه بالبنك واودعته صندوق المنشأه لمواجهة احتياجات المنشأه من النقديهـ اول شي نشوف وش المطلزب من هالعمليه صاحب المنشأه بغى يكون له صندوق في المنشأه علشان تكون فيه فلوش قريبه منه اذا احتاج لعمليات ماتحتاج مبالغ كبيره فسحب من البنك 100000 ريال وحطها بصندوق المنشأه .. هذا معناه ان نقص الرصيد في البنك في الجهه اليمنى وفتح خانه جديده باسم صندوق المنشأه وحط فيه هالمبلغ يعني طرف المعادله المنى ماتغير * سددت شركة النصر مبلغ 20000 ريال من المبلغ المستحق عليها للمنشأه نقدا يعني شركة النصر كانت اخذت بضاعه بالدين لما سددت .. سددتها نقدا يعني راح يزيد المبلغ في صندوق المنشأه طبعا لو مكتوب في العمليه انها سددت بشيك معناها راح يزيد الرصيد في البنك طيب سواء سددت بشيك او نقدا معناها راح يزيد الطرف اليمين ... لا ليش لان لما اخذت شركة النصر بضاعه فتحنالها خانه باسم مديونون يعني شركة النصر كانت مدينه للمنشأة هذي بعض المعلومات عن معادلة الميزانيه كل العمليات يبيلها شوية تركيز قبل نغير في معادلة الميزانيه لازم نفهم وش هي العمليه اول طيب اترككم شوي تذاكروو النقاط الاول ألى ان نروح للخطوهـ الثانيه وهي المدين والدائن وانا بجلس اكتبهااا بالتوفيق شدوو حيلكم وأي نقطه مو مفهومه بالجزئية السابقه سواء بالملخص ولا باللي كتبتهـ أنا حاضرهـ  |
|
2011- 1- 17
|
#2 |
|
أكـاديـمـي ذهـبـي
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
أنواع الحسابات ::
1/ جانب إستخدامات الأموال : من اسمها هي اللي تستخدمها المنشأه بالاستخدام تشمل الأصول اللي هي اي شي يزود المنشأه بالخدمات والمنافع .. وتشمل المصروفات اللي هي تكلفة السلع والخدمات سواء تم دفع قيمتها او لا يعني مثل الالات وو ... 2/ جانب مصادر الاموال : تشمل الخصوم وقلنا الخصوم هي اللي على المنشأه من التزامات يعني ديون المنشأه ودين المنشأه يعتبر مصدر ليه لاننا بالنهايه استفدنا من هالدين .. وتشمل كمان حق الملكيه وقلنا هو التزام المنشأه المستحقه تجاه صاحب المنشأه .. وتشمل الايرادات .. والايرادات هي اللي تحققه المنشأه من بيع السلع والخدمات اللي تقدمهاا طبعا الحين المطلوب من الخطوهـ هذي هو انه راح يكون لكل جههـ حساب خاص يعني البنك له عمليااته نبيها لوحده ووش الفايده منه الفايده هي ان اللي يبي عمليات البنك بمجرد يفتح الصفحه الخاصه بحساب البنك بيشوف كل العمليات اللي اعتمدت من البنك نقطهـ مهمه ... الأصول والمصروفات اللي هي جانب استخدامات الاموال دائما تكون في الطرف الايمن يعني هي مديينه الخصوم وحقوق الملكيه والايرادات دائما تكون في الطرف الايسر يعني هي داائنه يعني الاصول + المصروفاات = حسابات ذات الطبيعه المدينه الخصوم + حقوق الملكيه + الايرادات = حسابات ذات الطبيعه الدائنه طيب النقطهـ المهمهـ الثانيه .. يقول ان الحسابات المدينه في حال زادت توضع في الجانب الايمن لانها مدينه أساسا وفي حال نقصت تصبح دائنه وتاخذ للطرف الدائن .. راح نفهمها بالامثله ونفس الشي الحسابات الدائنه في حال زادت توضع في الجانب الايسر لانها دائنه اساسا وفي حال نقصت تصبح مدينه وتاخذ للطرف الايمن للطرف المدينه .. يعني مثلا حساب البنك اذا فيه اي عمليه زودت الرصيد في حساب البنك راح نكتب العمليه في الجهه اليمنى لان البنك من الاصول يعني مدين .. وقلنا المدين بالزياده نحطه في اليمين واي عمليه تنقص الرصيد في حساب البنك راح نحطها في الجهه الدائنه في اليسار .. لانه مدين وقلنا المدين اذا نقص نحطه في اليسار اتمنى تكون وضحت هالنقطهـ لو جلستوو شوي بس على الامثلهـ اللي بالملخص وتابعتو كل عمليه وكيف سجلت راح تثبت هالمعلومهـ طيب انا brb اترككم تراجعوا هالنقطهـ وبكتب اهم نقطهـ في قاعدة القيد المزدوج بالتوفيييق |
|
2011- 1- 17
|
#3 |
|
أكـاديـمـي مـشـارك
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
 بالتوفيق للجميع
|
|
2011- 1- 17
|
#4 |
|
أكـاديـمـي ذهـبـي
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
قاعدة القيد المزدوج :: تقوم على أساس أن لكل عملية مالية طرفين متساويين في القيمة ومختلفين في الإتجاهـ .. وعليهـ يتم تحليل كل عمليه ماليهـ من عملياات المنشأه إلى طرفين متساووين أحدهما مدين والآخر دائن أدري تقولون حبهـ حبهـ على قلبي حبهـ حبهـ خخخخخخخ  أول شي نقطهـ كمان لازم نعرفها إن المدين ( الآخذ ) ______ يحصل على القيمهـ الدائن (العاطي ) _______ من فقد القيمهـ يعني منشأة فاضل لما تأخذ اي بضاعهـ او أصل من اي شركة بالدين معناها اصبحت دائنه يعني المنشأه دائنه يعني نشأ عليها التزام طيب اذا مثل ماشفنا في العمليه شركة النصر لما اخذت من المنشأه بضاعهـ يعني المنشأه اصبحت مدينه .. يعني شركة النصر هي الدائنه هي اللي عليها انها ترجع المبلغ لمنشأة فاضل هذا بإختصار مفهوم المدين والدائن نرجع لقاعدة القيد المزدوج ... ناخذ عمليهـ كمثال ونطبق عليها قاعدة القيد المزدوج إقترضت منشأة فاضل مبلغ 200000 ريال من بنك الرياض لاستكمال مستلزمات بدء النشاط وأودعها حساب المنشأة بالبنك اول شي نحلل العمليه ونفهم وش اللي صار بالضبط يقول ان المنشأه اقترضت مبلغ ووضعته بالبنك طيب يعني أصل وزاد يعني بالجهه اليمين بالمدين البنك زاد يعني البنك في الجهه اليمين مدين طيب راح تقولو الاقتراض كمان من البنك طيب المبلغ اللي اقترضته المنشأه اصبح دين عليها يعني في جهة الدائن راح ينشأ خصم بإسم قرض البنك .. ليه حطيناه في جهة اليسار لانه داائن أي عااطي طيب عمليهـ ثانيه لعلها تثبت المعلومهـ إشترت منشأة فاضل مبنى بمبلغ 250000ريال ليكون مقرا للمنشأه وقد تم سداد القيمة لصاحب المبنى بشيك مسحوب على حساب المنشأه ببنك الرياض طيب نحلل العمليه بالأول اشترى مبنى يعني أصل وزاد يعني بالجهه اليمين عند المدين نحط المبنى بقيمة 250 الف ريال طيب كيف اشتراه ؟؟ بشيك من حساب المنشأه بالبنك نحط البنك ف الجهه اليساار عند الدائن إيييييه اللي انتي بتقوليه داااه .. عارفه تقولو طيب البنك أصل مدين كيف صار في جهة اليساار بكل بساطهـ حنا قلنا أول إذا المدين زاد نحطه بجهة المدين واذا نقص يروح بجهة الداائن طيب نوضح شوي الصوره بما ان المبنى اصل صار هو الاخذ مين العاطي اللي سددنا بيه يعني البنك هو العاطي علشان كذا صار داائن طيب بعطيكم كمان عمليهـ شوي فيها تغيير بسيط باعت منشأة فاضل بضاعهـ بمبلغ 70000ريال نقدا علما بأن تكلفة هذه البضاعه 50000ريال طيب نحلل العمليه البضاعه بالاساس سعرها خمسين الف وباعتها المنشأه بمبلغ 70000ريال يعني فيه ربح والربح ضمن الايرادات طيب حبه حبه بالاول نشوف مين راح يكون بجهة المدين 1/ وين راحت السبعين الف نقدا ولا شيك ؟؟ مكتوب نقدا يعني وش اللي زاد عندنا ؟؟ صندوق المنشأه قلنا اي عمليه مكتوب فيها نقدا معناها العمليه عند صندوق المنشأه سواء بالزياده او النقصان طيب يعني صندوق المنشأه من الاصول ولا الخصوم ؟؟ طبعا كلنا عرفنا انها من الاصول طيب قلنا الاصل لما يزيد وين نحطه ؟؟ بجهة المدين .... حلو يعني خلصنا من الجهه اليمين 2/ الحين نشوف لما بعنا بضاعه .. البضااعهـ مو اصل ؟؟ طيب نقضت البضاعهـ عندنا ؟؟ لما ينقص الاصل وين ناخذه ؟؟ للجهه اليساار يصير داائن حلووو يعني اصبح عااطي نحطه بالطرف الثاني 3/ قلنا فيه ايرادات الايرادات قلنا اصلها داائن والايرادات عندنا زادت حنا قلنا اذا زاد الدائن نحطه باليسار واذا نقص ننقله لليمين .. طيب الحين زاد الايراد يعني نحطه باليسار صارت عندنا شغلتين باليسار البضاعه اللي هي اصل ونقص والايرادات اللي هي دائن بطبيعته وزاد وقيمتها 20000 << من وين جبت العشرين اللي هي الربح يعني الفرق بين ثمن البضاعه الاصلي وثمن بيعها ولهنا خلصنا من قاعدة القيد المزدوج وكل العملياات الباقيه بنفس الطريقه الحين باقي مراحل الدوره المحاسبيه راح ناخذها مرحله بمرحله اترككم مع النقاط السابقه تذاكروها شوي عبال مااكتب الخطوهـ الجايهـ بالتوفييييق brb |
|
2011- 1- 17
|
#5 |
|
أكـاديـمـي
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
مساء الخير اخواني واخواتي الطلاب والطالبات :
اختي اللي منزلة المشاركة ما قصرتي بس فيه شغلة ابي ابينها لك اذا تسمحسن لي ... فيه عملية محاسبية مش موجودة عندك اللي هي عملية ايداع راس المال في البنك هذي اول عملية لابد انك تسوينها طبعا تكون بالشكل التالي : من حـ / البنك الى حـ / راس المال بالمبلغ اللي موجود عندك كرأس مال هذا اللي حبيت اوضحه وشكرا |
|
2011- 1- 17
|
#6 | |
|
أكـاديـمـي ذهـبـي
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
اقتباس:
للتوضيح أنا ماخذيت كل العمليات انا ابي اوضح كيف تكون لأن لو خذيت مرحله مرحله كذا ماراح نخلص هذا أولا ثانيا من حـ/ ... إلى حـ / ... هذي تسجل العمليات في دفتر اليوميه يعني من مراحل الدوره المحاسبيه وللحين ماوصلت في شرحهاا اصبر شويات بس وبشرحهاا بالتوفيق للجميع
|
|
|
2011- 1- 17
|
#7 |
|
أكـاديـمـي
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
انا عندي خلفية عن العمليات المحاسبية كلها بس ترى فيه مرحلة ما ادري هل هي موجوة في المنهج هذا والا لا اللي هي قيود التسوية لان في الثانوية والكلية التقنية كانوا المدرسين والدكاترة يحذفونها من المنهج
|
|
2011- 1- 17
|
#8 |
|
أكـاديـمـي ذهـبـي
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
بعد ماعرفنا قاعدة القيد المزدوج اللي هي إن لكل عمليه ماليه طرفين احدهما دائن والاخر مدين وانهم متساوين في القيمه نجي لمراحل الدورهـ المحاسبيه :: عندنا اربع مراحل 1/ التسجيل في دفتر اليوميه 2/ترحيل القيود من دفتر اليوميه الى دفتر الاستاذ 3/ اعداد ميزانية المراجعه 4/ إعداد القوائم الماليه نبدا بالتسجيل في دفتر اليوميه راح ناخذ الفكره العامه في التسجيل في دفتر اليوميه دفتر القيد الاولى = دفتر اليوميه ملاحظهـ : لابد من وجود مستند مؤيد لاي عمليهـ ماليهـ تسجل في دفتر اليوميه مالمقصود بالمستند ؟؟ المستند دليل موضوعي لإثبات حدوث العمليه الماليه مثل الفواتير والشيكات والايصالات ...الخ والمستند هو مصدر القيد في السجلات والدفاتر المحاسبيهـ وتعد المستندات بمثابة الخطوه التمهيديه للدوره المحاسبيه أنواع المستندات : 1/ مستندات داخليهـ : تحرر بواسطة المنشأه مثل .. فاتورة البيع , أوامر الصرف الداخليه لصالح الاخرين .. ووتعتبر اثبات للغير تجاه المنشأه 2/ مستندات خارجيهـ : تحرر بواسطة الغير مثل فاتورة شراء , أوامر الصرف الخارجيهـ لصالح المنشاه .. وتعتبر اثبات للمنشأه تجاهـ الغير وهو اقوى واكثر مصداقيه ..ليه؟؟ لانه يصعب التلاعب بهـ بالإضافه للي كتبته ذاكروو شرووط التسجيل في دفتر اليوميهـ صـ 66 في ملخص ابو موزه وفوائد التسجيل في دفتر اليوميه صـ 67 : : : لو في وقت للاختبار كان نزلتلكم الشرح بالصور .. لكن لانه الحين بياخذ وقت اتمنى تتابعو معي في الملخص وانا بحط عمليه واشرح عليهاا : : : طيب بناخذ عمليه ونشوف كيف نسجلها في دفتر اليوميه علشان مايزعل أخوي عبدالله باخذ اول عمليه طبعا فاضل هو منشأته الخسرانه ورانا ورانا غلى نهاية المنهج مافي الا هو بالسوق وش نسوي عاد  تم إيداع مبلغ 500000 ريال في حساب المنشأه التجاريه ببنك الرياض كرأس مال للمنشأه طيب هذا نفس قاعدة القيد المزدوج بس الاختلاف باسلوب كتابته لان هذا في جدول غير كذا الطريقه ماراح يكون اطراف عمليه لا راح يكون تسجيل كتابيا يعني اول شي نحلل العمليه بما ان اودع في حساب البنك خمسمئة ريال يعني اصل اللي هو البنك زاد يعني البنك مدين بأصله وزاد يعني نحطه بالجهه اليمني ونكتب من حـ/ البنك طيب كمان بالجهه الثانيه زاد راس المال وراس المال من حقوق الملكيه بأصله دائن يعني بيزيد واذا زاد يعني نحطه بالجهه اليسرى ونكتب إلى حـ / رأس المال يعني نسجل في العمود الاول اللي هو المدين قيمة الزياده .. قيمة الزياده هي 500000 في البنك يعني مدين والعمود الثانيه تحت شوي نسجل قيمة الزياده في الطرف الثاني اللي هي 500000 ريال طيب هذا كله مايهم في الاختبار المهم هو كيفية كتاب البيان نجي لكتابة البيان نكتب كذا من حـ/البنك إلى حـ / رأس المال ( إيداع راس المال في حساب بإسم المنشأه في بنك الرياض ) << بإختصار نذكر وش هي العمليه وكذا نكون سجلنا العمليه في دفتر اليوميه باقي الخانات وااضحه رقم القيد اللي هي رقم العمليات رقم المستند قلنا اللي هي الفاتوره او الشيك اواو رقم صفحة الاستاذ بعدين حنشوف وش يقصد بالضبط والتاريخ وووبس طيب ناخذ مثال المذكورين لانهاتلخبط البعض قامت منشأة فاضل بشراء اثاث وتجهيزات للمنشأه من شركة الامل بمبلغ 70000ريال ..... 40000 نقدا والباقي على الحساب بالآجل .. طيب نحلل العمليه بالاول اللي فهمناه ان المنشأه اشترت اثاث وتجهيزات من شركة الامل ودفعت المنشأه اربعين الف نقدا وش قلنا نقداا يعني ؟؟ يعني من صندوق المنشأه .. طيب والباقي بالاجل يعني دين الباقي كم ؟؟ ثلاثين الف دين طيب راح ناخذ علطول كيفية كتابة البيان في دفتر اليوميه اول شي بما انه اشترينا اثاث وتجهيزات يعني اصول والاصل اذا زاد يكون في جهة المدين نكتب من حـ/ الاثاث والتجهيزات طيب الى مذكورين ليش ؟ لان نصه سدد نقدا والنص بالاجل طيب قلنا الصندوق اصله مدين كيف نحطه دائن ؟ قلنا أول ان اللي اصله مدين اذا نقص نحطه دائن يعني حنكتب إلى حـ/ صندوق المنشأه كمان عندنا طرف ثاني اللي هو الدين الاجل هذي ليش نحطها في قسم الدائن ؟ لانها خصم والخصم اذا زاد نحطه في الطرف اليسار يعني نكتب إلى ح/ الدائنون (شركة الامل ) طييب نكتبه الحين بالترتيب : : : من حـ/ الاثاث والتجهيزات إلى مذكورين : حـ/الصندوق حـ/الدائنون .. شركة الأمل وكذا خلصنا من خانة البيان الخانتين اللي قبل لازم تكون متساويتين اللي هي الارصده قلنا في المدين حنحط قيمة الاثاث والتجهيزات اللي هي سبعين الف وفي الدائن نحط اول شي اللي نقصمن الصندوق اربعين الف وتحته الدائنون اللي هي ثلاثين الف وكذا تساوت الارصده وخلصنا من تسجيل هالعمليه اتمنى تكون وضحت الصوره واذا فيهـ اي عمليه أخرى مو واضحه او فيها اي التباس انا حاضرهـ خلصنا من اول مراحل الدوره المحاسبيه بترككم شوي تذاكرونها وانا بنتقل اكتب المرحله اللي بعدهاا بالتوفيق للجميع BrB |
|
2011- 1- 17
|
#9 |
|
أكـاديـمـي
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
 السلام عليكم ومساء الخير عليكم جميعا المحاسبه وما ادراك ما المحاسبه طيب يا شباب اللي ما عنده مقرر ولا كتب ولا اي شي ومنتسب ويبغى ينجح كيف يسوي وش الحل برايكم واللي يعني مشغول ومو فاضي وبعيد عن الجامعه ولا ذاكر الا اليوم ولا عمره عرف شي عن المحاسبه ولا يدري اي شي شلون ينجح اذا فيه شي يفيدني اذاكره اليوم وبينفعني بالامتحان بكره ان شاء الله ارجو الفززززززعه منكم 
|
|
2011- 1- 17
|
#10 |
|
أكـاديـمـي
|
رد: اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ
:d 5:
|
|
| مواقع النشر (المفضلة) |
| الكلمات الدلالية (Tags) |
| متوهق, مهم, اللي, المعلومات, بالمحاسبه, بخطوهـ, تعالووووو, خطوهـ, فاهم, ومن, نذاكر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ورشة عمل لأختبارمادة الرياضيات 1 | لاكوست | إدارة أعمال 1 | 1059 | 2011- 1- 16 10:22 PM |
