المحاسبــــه ..كتخصص ومستقبله ..آرائكم ..

[DoOode]

السلام عليكم ..

مبارك عليكم الشهـــر ..

الموضوع باين ., انا سجلت محاسبه بس مو عارفه كيف هو وكيف مستقبله ..

بس لاني ماحب التخصصات الطبيه ..انقبلت في البعثه بس احترت شوي ..لو كنتو مكاني وش راح تختارو ..؟...

الي دارسين او يدرسو محاسبـــه ..ايش رايهم بالتخصص ....؟

وش رايكم بالكلية ككل ...

اتمنى تشاركونا بآارئكمـ..,

[الغلا]

انا بصراحه حابه المحاسبه كثيررر

وانا اروح سنه ثانيه يعني مادرست الا سنه ومع هذا كثير حابته

واشوف ان له مستقبل خاصة اذا انتي بنت احسن من التسويق لان مو مريح ان البنت تكون مسوقه

وكمواد احس انه مهضوم وحلو ولا هو معقد

المشاركة الأصلية كتبت بواسطة الغلا

اهلين ومرحبتين

طبعا اعطي رايي وبخبرتي المتواضعه

المحاسبه احسن ولا بالفرق والدليل

اولا بالقبول الي يقبلون محاسبه نسب عاليه والتسويق نسب نازله

يمكن هذا شي عادي

بس المحاسبه له مستقبل وماستر والوظايف حلوه ولو انها مومضمونه بس يعني بالبنك والشركآت

شي حلو

اما التسويق لاتعليق

بس يمكن انت تغير رايك بعد الدراسه بتجرب المواد وتحكم بنفسك

بس ترا المحاسبه افضل مو لان تخصصي محاسبه بس من جد حلوو

واي شي حاضرين

والله يوفقج

[عبـٍثْ ..~]

.
.
.

بدآأيتن مآأفيه شيء سهل !

تخصص المحاسبه رائع ويشغل المخ عدل وحلووو .. ماقلت هآلكلام لأنه تخصصي لا .. بس وايد حلوو

شنو هي المحاسبة؟؟!!

أنآ من قبل لا أدخل الجامعة كله أسمع أن المحاسبة أحسن للعلمي على أساس أنه كلوليكشن ومن هالسوالف بس عأآدي انا علمي يعني ..

اللي أشوفه أن العمليات الحسابية مالته كلش عادية،،،، يعني طرح ... جمع ... أنطلع نسب ... وما إلى ذلك من عمليات حسابية بسيطة !..

الأكاونت حلو وممتع،،،،، بس بشرط أنه في دكتور يشرح عدل،،،، الواحد يستمتع فيه لين يفهم

بس بالنسبة ليي أني حبيت الإيكوونك أكثر،،،

المستقبل::::


يقولون أن أنصير نشتغل كل مكان،،،، إبتدائاً من المدارس والمستشفيات إلى الشركات والبنوووك

السلام عليكم ورحمة الله
تخصص المحاسبة مطلوب في سوق العمل بشدّة ، والمشكلة مع المتخرجين الجدد تكمن في ان خبرتهم صفر لذلك يتخوف اصحاب الشركات من توظيفهم فهم اولا يطلبون راتب - عالي - نسبيا بسبب الشهادة التي يحملها حيث انه سيوضع في وظيفة دنيا - بسبب عدم وجود خبرة - وراتبه سيكون مثل من لديه خبرة .

حسب علمي فأن وظيفة المحاسب وتوابعها سيكون عليها طلب كبير في السنوات المقبلة ( الاسباب لا يمكنني قولها حاليا ) .

أرى أن الاهتمام لدى الاكثرية بدراسة المحاسبة في الجامعة بينما الدراسات الاحترافية ( بروفيشنال ) مطلوبة في السوق اكثر وهي عملية اكثر وتعطي الشخص قدرة اكبر على ممارسة المحاسبة .

المحاسبة ليست صعبة ، ولكنها تحتاج الى تركيز وممارسة

[الغلا]

عاشت عبوثه صح لسانج قلبوو

[DoOode]

والله كلامكم حلو ويحمس ...


مشكورين على ابداء رايكم ..

[محاسبه نيو]

<<<<<جايه طايره يهمها الموضوع

الله يبشركم بالخير

تفائلت جدا

بس لو يرسونا على بر بخصوص الرسوم كان يصير العيد عيدين

.............

ويني عن هالمنتدى الرهيييب

حبيتكم صديقاتي :m22asmilies-com:

مسرع قطيت وجهي لوووووول

......

[الغلا]

حياج لبى قلبج

وان شاء الله تصيرين مثلنا ماتستغنين عن الملتقى

[محاسبه نيو]

الله يحييك ويبقيك بعد حيي

اكييييييييييييييييييييييد

هذا اول يوم لي فيه حطيت في عيوني مشابك ومفتحتها غصب حاولت اقوم انام بس رجولي عيت تتحرك

وشكلي مطوله في ذا

.......................

[الغلا]

لبى قلبج خذي راحتج بس صحتج اهم

نامي ولاحقه عليه



انا بعد جايني النوم من ساعه ومتكيسله اقوم

بس خلاص وصلت لحدي الائتماني

[محاسبه نيو]

حالي من حالك

خلاااااااااص طفيت بروح انام

تصبحين / تمسين على خير يالغلا

...........