مخنوقة من البيت وربي مخنوقة ومحد حاس فيني بموت وربي

[bissan]

صار لي اسبوعين ماطلعت
اهلي من النوع الي عندهم البنت مكانها البيت وقليل اذا طلعوني
واذا طلعوني بس حدي ساعة
والحين كملت اسبوعين ماطلعت
تخيلوا ان اذا قلت لهم ابي اطلع يقولوا لي انتي كل تبين تهيتي
فوق كل هذا ماعندي خوات واخواني عايشين حياتهم ويطلعوا ويروحوا كل مكان
وانا الوحيدة الي كل بالبيت
نفسيتي تعبانة مرة وكل يوم اقعد اصيح واقتل نفسي من الصياح
والله مااقدر اتحمل وربي مخنوقة حييييييييييل ومتضايقة من وضعي
ودي اغير من حياتي بس اذا اهلي كذا شلون اقدر اغير من حياتي
وصاحباتي كل وحدة منهم متزوجة ولاهية ولايدرون عني
ظليت بروحي في هالدنيا ماحد اهتم لي ولااحد سالني شنو ابي
تخيلوا ان امي توسطت الى بنت اختها في وظيفة بشركة وانا ماكسرت خاطرها
تقول بنت اختي كاسرة خاطري كل قاعدة بالبيت والحين هي تشتغل وفوق كل هذا سجلت معاي بالجامعة
وتبلت علي واجد
والقهر ان امي ساعدتها والله حرام الي يصير فيني
انا صار لي من زمان ادور على وظيفة بس مالقيت وربي مقهورة
كل اقول بنفسي ليش الكل تتغير حياته الا انا شفيهم زود عني
وربي ماظلمت احد ولاغلطت على احد بيوم من الايام
ساعدوني الله يجزاكم خير

[همس الصباح]

فديتك هونيها وتهون
كل واحد وعنده مشاكله صدقيني مو بس انتي
وحاولي تسلين نفسك في اي شي
واذع صديقاتك راحو عادي ياقلبي كلنا هنا صديقات

[senyorita]

عادي حبيبتي هدي نفسك بس ، والله كلنا نفس الحالة بس لو نجلس نفكر كذا مارح نتغير ولا رح نتقدم خطوة وحدة .. شوفي لك هواية ولا اي شي اشغلي نفسك فيه ونمي مواهبك .. تعلمي أشياء جديدة .. استهبلي على امك واللي في البيت << تبيك زيها
فكري بأشياء جديدة وسوي كل شي يطري على بالك .. ترا والله الدنيا ما تسوى و محد حولك
لاتستنين من أحد يجي ويبسطك أنتي ابسطي نفسك بنفسك وعيشي حياتك
واحمدي ربك عندك أشياء واجد حلوه بحياتك كثير ناس محرومين منها .. ارتاحي وريحي بالك

وشووو له مورمة عيونك وتبكيييين ؟؟

والله محد يستاهل دمعة ..

وربي ياعمري حاسة فيك ومريت كثير باللي مريتي فيه .. بس بعدين ارجع افكر واحس نفسي سخيفه .. خلاص هالحالة ألغيها من حياتك وجددي كل شي .. رتبي غرفتك وغيري أماكن الأثاث ترا والله ترتاح نفسيتك << تقولك المجربة هعهع

[bissan]

يسلمووووووووووو
انا عندي هواية قراءة الكتب بس من قعدة البيت صار مالي خلق حتى افتح كتاب واقرا فيه ولالي خلق شي
اي والله للحين ابكي وحتى نومي قل من كثر ماابكي في الليل
وربي تعبت حيييييل
كلما اشوف البنات من حولي تتغير حياتهم اقول ليش انا بعد مو مثلهم تتغير حياتي
شمعنى هم حياتهم تتغير الا انا
هم مو احسن مني بشي

[senyorita]

ياحيااااتي أرزااااااق ارتاااحي

وربي لو اقول لك وش صار معي تقولين الحمدلله .. خليها على الله بس

بس ربي خلقك لنفسك .. لذاتك مو لأحد ومو عشان تستنين أحد يغير لك حياتك و تنصدمين فيه بعدين

نصيحة .. قسي القلب شويات حبتين

[ۅح ــيٌ .. !]

بـ لله به بشر للآن بهـ التفكير المريض ؟!!

ماعليه ياخيتي اعذريني ادري انهم اهلك بس ذول الاهل هم سبب دمار وانحراف بعض البنات ..

بشنو اقدر اساعدك ؟

والله مدري ..

ماعندي لك الا الدعاء بـ ظهر الغيب ان الله يصلح حال اهلك معك ..

وياخيتي ماوصيك ترى الانسان كل ماقرب من ربه فرج عنه كرب عظيمه ..

عليك بـ ثلاث :

1- الاستغفار

طول مـ انتي جالسه وفاضيه استغفري ..

والله لها اثر عجيب وعن تجربه ..

قال تعالى : { وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ }

2- الدعاء

اكثري من الدعاء بـ ذات في سجودك ..

قال الرسول صلى الله عليه وسلم " لا يرد القدر إلا بالدعاء "

3- قيام الليل ( الوتر )

والافضل تصلينها بـ ثلث الاخير من الليل ..

وان شاءالله يتعدل الحال بعد استمرارك على هـ الامور ..

لان مااعتقد حتى لو احد كلم اهلك يتغير الوضع لان ذا شيء متأصل في فكرهم للأسف ..

والسبب عادات وتقاليد مانزل الله بها من سلطان ..

الله يعينك ويصبرك يـ الغلا ..

وتأكدي ان فرج الله قريب بس اني داومي على القرب منه ..

ولك دعائنا بـ ظهر الغيب ..

[ماوفيتكـ يـايمـه]

عــ طرر الــكوود ..

[ۅح ــيٌ .. !]

انا والاخوات بـ المنتدى صديقاتك بعد

وعني حاضرة لك بـ اي شيء ..

مساعده - استشاره - فضفضه << يعني بتاعة كولوا

بس انتي هونيها وتهون ..

ووكلي آمرك لـ ربك ..

[جورجي~♥]

حاسه فيك
الله يرزقك بولد الحلال اللي يعوضك وينسيك همك يارب

[ر يا ن]

[type=452618]السلام عليكي اختي

توكلي على الله وعليك با لاستغفار

والصلاة وادعي ربي يفرج عنك ... والله اختي البشر كل واحد ماهو قادر يحل مشاكلة

عليك بالي خالق البشر ومدبر حياتهم ادعية وهو من يفرج همك ويشرح صدرك .

ركعتين بعد منتصف الليل ورفعي يديك لربك ولا تملي ولا تستعجلي وتقنطي وكرري ذلك

والله لن تندمي وسوف ترين فرجة عليك مثل فاق الصبح ... فالك السعادة والوظيفة والزواج والنجاح[/type]