[ موضوع للجميع ] : من يذهب معي لمقابلة وزير التعليم لمشكلة الانتساب

[aizo]

يا اخوان

حسب ما شفته ان وزير التعليم الجديد انسان محترم واعتقد راح ينصفنا نحن اصحاب شهادة الانتساب
لازم نروح له شخصيا ونقوله عن معانتنا وان جامعة الملك فيصل لم تخبرنا منذوا اول ترم اننا محرومون من دراسة الماجستير وهذا احتيال

فا وش رايكم نحدد كذا شخص ويروحون لوزارة التعليم العالي ونناقش مع وزير التعاليم فنحن مواطنين سعودين ولنا الحق بالتعلم في بلدناز


منتظر الرد منكم وانا اول المستعدين للذهاب للرياض ورفع شكوى على جامعة الملك فيصل

[♥ βąỵℓįşǻʼn ♥]

هلا أخوى والله لو مو بنت كان أول وحده رحت ومن زمان بس الشكوى لله من جد ظلمتنا جامعه الملك فيصل وأنظلمنا لأنا إنتساب .. الله يوفقك أخوى وإن شاء الله تلاقي أحد يروح معاك ولو بتروح قولي وأنا أعطيك شكاوي وتعرضها على معالي الوزير ..

[roooh43]

بالتوفيق..
متفائلين خير بالوزير الجديد

[خوان دي ماركو]

لولا بعد المسافه والارتباطات ، لكنت في صفك
فعلاً نحتاج لشخص ثائر ضد هذا التهميش والظلم
واعتقد وميقن بأن الوزير راح ينصفنا .. متابع

[♥ βąỵℓįşǻʼn ♥]

أنا خــــريـجه تربيه خاصه ونزلت تدريب ميداني ورفضت جامعتنا إنها تعدل الوثيقه وتكتب معا إعداد تربوي وبكذا ضعنا مابين ننرفض في أكثر من مكان بسبب شهادتنا وحتى دراسه الدبلوم التربوي نفس موادنا وبعض الجامعات ترفض نأخذ دبلوم تربوي لأن شهادتنا تربويه بس جداره رافضه هاالموضوع وكاتبين لنا غير تربوين وقبل تأخذ دبلوم تربوي لأزم تختبر قياس وتجيب الدرجه المطلوبه وفي أكثر الجامعات طالبين درجات عاليه يعني يجلس الواحد يختبر في قياس حتى يضيع عمره وهو ماجاب الدرجه المطلوبه وقدمت في أربع جامعات ورفضوني في الماستر وقدمت على دوره في معهد في جامعه ورفضوني لأني إنتساب وأيضاً لما قدمت على معيده رفضوني لأني إنتساب وقدمت في جداره مرتين ورفضوني في التعليم وأما بخصوص الوظائف الإداريه في جدار النقاط إلي يبونه و لو عشر سنين ماوصلت لنقاطهم وقدمت على وظائف ورفضوني لأني إنتساب وكل مكان أقدم فيه مايبغون إنتساب من شروطهم إنتظام كلي ..

كل إلي باأقوله إن شاء الله معا الوزير الجديد تنفتح في وجيه الإنتساب ونتوظف وظائف تعليمية الله يرزق طلاب وطالبات الإنتساب ويحقق لنا ما نتمناه ..

[خوان دي ماركو]

مهم
http://www.ckfu.org/vb/t657180.html

[خوان دي ماركو]

http://www.ckfu.org/vb/t657340.html

اطلع على هذا الموضوع ، مهم

[ИυЯαђ]

سالفة الوظائف وشروط جداره والجامعات اللي رافضه نكمل ماجستير لاننا انتساب و الشروط التعجيزيه للابتعاث الخارجي ، يعني وين نروح بالله ؟!

وشهادتنا ذي وش نسوي فيها خسرنا فلوس ووقت ٤ سنين من اعمارنا ضاعت ع شهاده ماتوكل عيش !!!

كلنا معاك اخوي الله يوفقك ، وان شاء متأملين خير بالوزير الجديد

[سعود الظفيري]

معاك راسلني عالخاص للتواصل والتنسيق

[الحياة السعيدة]

والله دامكم متجهين للرياض
فخلوا وجهتكم لطويل العمر "داوود الشريان"
لأن أغلب مشاكلنا بالسعودية تنحل بسببه