[ اسئلة اختبارات ] : وجهة نظري بخصوص اختبار الاستماع والاستيعاب

[شرواك]

تحيه طيبه للجميع:

استمتعت لاختبار الاستماع العام الماضي وحبيت افيدكم بما استطعت فهمه

بداية اشكر اختي بيسان والاختبار على هالرابط بموضوع بيسان
http://www.ckfu.org/vb/showthread.php?t=527996

قبل الكلام عن الاختبار احب اطمنكم انه بناء على الاختبار الماضي كل الامور بتكون ميسره
وبنعوض كل شي فاتنا بالاختبارات الماضيه

مم يتكون الاختبار :

طبعا الاختبار استماع فقط .. ماراح تشوف الا الاجابات بالورقه الاسئله يلقيها الدكتور

يتكون من :
1- قطعه عليها اسئله والاجابات بناء على ماسمعته من قراءته للقطعه

2- كلمات مختصره .. تسمعها وتختار اي كلمه منهم اللي سمعتها مختصره منه

3- جمله مكتوبه وفيها فراغ وتحت الخيارات ..الدكتور يقرأ الجمله كامله وانت تختار اي كلمه سمعتها من الكلمات وتختارها

4- معاني كلمات يقرأ المعنى وانت تختار الكلمه

اجمالا الاختبار سهل

والان بتكلم بلغة الزملاء اللي خلفيتهم بسيطه بالاستماع :

1-القطعه

حاول قدر المستطاع تفهم وتاخذ كلمات منه وهو يتكلم او ع الاقل تحاول تفهم مجمل الموضوع عن ايش يتكلم

بحيث من تبدأ الاسئله على القطعه بتكون اخذت كم كلمه قد تشاهدها بالخيارات اذا لم تفهم السؤال
وتختار الكلمات اللي سمعتها وان شاء الله تضبط معك

من وجهة ظري انها هي اصعب شي بالامتحان ومن المميزات ان اسئلته مو كثيره

2- الاختصارات
تحتاج هالجزأيه لأذن مرهفه شاعريه او اذن من نوعية الناس اللي يقطون اذانهم عند اي اثنين يتكلمون بسر
فقط تحتاج لتركيز
اسمع اول مره من الدكتور وحاول تستبعد اللي تحس انها مو حول النطق.. وفي المره الثانيه من نطق الدكتور ركز على الكلمات اللي شكيت انه قالهم واكيد اذا قلت الخيارات وسمعته للمره الثانيه بتحدد الاجابه

3- الفراغات

اسهل بكثير من المرحلتين الماضيه جمله اسمعها لاول مره واستبعد اللي تحس ماسمعتهم بحيث المره الثانيه تركز على جمله او جملتين وبتسمعها بنطقها الصحيح وبتختار الصح بأذن الله

4- معاني الكلمات
ماتحتاج كلام بيقول الجمله وانت تختار وهالمرحله تعتمد على حفظ الكلمات

...........................

بكل امانه اذا الاختبار نفس السنه الماضيه بأذن الله بنعدي وبدرجات حلوه خاصه انه ركز ع الفراغات والاختصار وهالشي سهل

*************
نصائح عامه :

بصراحه مادري هل استماع الاختبار يعاد مره ثانيه كاملا او مره واحده فقط ياليت اللي عنده خلفيه يأكد هالمعلومه

اما اذا كان الاختبار مره واحده فترته مو طويله تقريبا 45 دقيقه لذا انصح بالاتي :

1- لا تشغل نفسك بالتظليل بمجرد تعرف الاجابه ضع علامه عليها بحيث مايتشتت تركيزك
2- بالفتره اللي تنتظر سؤال الدكتور حاول تعرف الكلمات قبل يسأل الدكتور بحيث من يتكلم عندك خلفيه عن نطقها ومع الاعاده بتضبط معك
3- لا تحاول تنشغل بأي شي ركز جميع عقلك وجوارحك مع اذنك لانها هي المهمه هالفتره
4- بعد ماينتهي الدكتور ارجع وظلل على راحتك واتوقع اذا تظليل ل50 سؤال مايستغرق منك 10 دقائق
5- نقطه مهمه حاول تركز بالاختيار اللي تختاره وتعرفه بحيث ماتضيع وتضع خيار خطأ بورقة الاجابه


***************
وبالختام
طلب من الاخوه اللي حضروا محاضرات الدكتور ومتابعينه

اذا فيه فكره رئيسيه او قاعد لموضوع الاختصارات وكيفية نطقها ياليت يشرحونها لنا مشكورين
واللي عنده اي معلومه من الدكتور لا يبخل فيها علينا
لان اتوقع الاغلبيه مثلي ماتابعوا معه

اللهم وفقنا ولا تضيع لنا جهد

دعاء لا تنساه :
اللهم اني استودعك ماقرأت وماحفظت وما تعلمت فرده لي عند حاجتي له انك على كل شي قدير وحسبنا الله ونعم الوكيل

هذا ماحبيت اشاركم فيه ان اخطأت فمن نفسي والشيطان وان اصبت فمن الله له الحمد والشكر

[wed.y alzuod]

شروواك مسحيل اقرا كل هالكلام بهيك خط ياخوي غير خطك الله يوفقك حرااام
عيوني وجعتني ومو عارفه اجمع الكلمات ههههههههههه

[ابونايف//]

نبي الكلمات وين احصلها

[شرواك]

من متصفح اكسبلورر انا ملاحظ يتغير الخط

انا استخدم كروووم خط واضح

مشكوره ع الملاحظه لكن موبيدي بحاول ادخل اكسبلورر واغير الاعدادات

[شرواك]

المشاركة الأصلية كتبت بواسطة ابونايف//

نبي الكلمات وين احصلها

http://www.ckfu.org/vb/attachment.ph...9&d=1375203480

[دودي سمايل]

The Writing is very clear
I use a search engine Opera
Thank you very much

[aum fares]

بالعكس واضح ي شرواك وماقصرت يامال الجنة وتسلم وفالك الفل مارك بالمواد المتبقية ومعوضين خير إن شاء الله:)

[آلله يسهلهآ]

آلله يسعدك أخوي و فالنا و فالكم جميعاً a+

[فيينا]

انا متفائله انها ماده سهله. ان شاء الله. وانا معاك بنقطه. اتركو التظليل الى مابعد ما تخلصون من سماع الإجابات. ،، علشان التركيز


الله يجزاك. خير ،، وباذن الله فالنا النجاح ،،

[فرييز]

يعطيك العافيه

وانا متفائله كثير وان شاءالله يكون الاختبار سهل