الاخوة والاخوات الخريجين علم اجتماع هلمواااا هنا

[الرااسي]

السلام عليكم ورحمة الله وبركاته

اخواني اخواتي الخريجين الله يوفقكم وويوفقنا في الدنيا والاخرة

نتمنى منكم طرح تجاربكم بعد التخرج والرد على تساولات بعض اخوانكم واخواتكم ماقبل التخرج وهي كالتالي:

1- بعد كم يوم تم تسليمكم وثائق التخرج بعد علان النتائج

2- هل تقدمتم الى هيئة التخصصات الصحية وكم هي مدة التدريب التي فرضت عليكم من قبلهم

3- هل توفرت لكم مجالات توظيف بهذا المجال وهل توظف احد منكم

4- هل واجهتم صعوبات في تقدمكم لهذا المجال باي قطاع كان

هذا ودمتم بصحة وعافية

[moly]

ياليت احد يجي يقولنا

[التنومي]

ننتظرهم بفارغ الصبر الخوف لايكون نايمين في البيوت مالقو شي
ويضيع شقانا بلاششي

[عادل العوفي]

باقي ننتظر استلام الوثائق والظاهر الاستلام بعد خمس شهور .بالتوفيق للجميع وَبَارِكْ الله في جهودكم

[رنجه]

لحد الان لم نستلم الوثيقه ومدري كيف اعرف الاخبار او الاعلان عنها.....

[Manal.87]

المشاركة الأصلية كتبت بواسطة الرااسي

وعليكم السلام ورحمه الله وبركاته


1- بعد كم يوم تم تسليمكم وثائق التخرج بعد علان النتائج

اخوي الوثائق للأسف الشديد الجامعه بارده ومابعد تعطينا وثائقنا وانا شخصياً راح علي تقديم علي ماجستير بسبب انه ماعندي وثيقه وجالسه شايله هم جداره والتقديم فيه بسبب انه لين الان مافي اعلان عن الوثيقه ولاحظ من نتائجنا لين الان مابعد يحددون وقت الاستلام فما فيه احد يقدر يحدد لك المده كم ..

2- هل تقدمتم الى هيئة التخصصات الصحية وكم هي مدة التدريب التي فرضت عليكم من قبلهم

كنت ناويه اتقدم لهم بس لين الان ماحصل لي فرصه بسبب عملي ماعندي وقت اطلع بس اول ما اتقدم ببلغك ..

3- هل توفرت لكم مجالات توظيف بهذا المجال وهل توظف احد منكم

انا في وظيفه قطاع خاص لكن ما استفدت من شهادتي بسبب المكان اللي اعمل فيه رفض يقول شهادتك ماتفيدنا بعملك .. ( وجه نظرهم ) وسبب جلوسي بالعمل انه لين الان مالقيت بديل عشان اطلع اتمنى محد يفهم انه شهاده علم الاجتماع مالها فايده انا قصدي انه عملي يبون شهادته تفيدهم مثل اداره الاعمال المحاسبه نظم المعلومات لانه عملهم كلهم يتطلب هالشيء ،،،

4- هل واجهتم صعوبات في تقدمكم لهذا المجال باي قطاع كان

مافهمت السؤال لكن اذا تقصد انه صعوبه بالتوظيف نعم فيه صعوبه لين الان من تخرجت قدمت بكذا مكان ومحد رد لي خبر لين الان ،،

اتمنى لك التوفيق ،،

[أم سمون]

2- هل تقدمتم الى هيئة التخصصات الصحية وكم هي مدة التدريب التي فرضت عليكم من قبلهم


وش هالتقديم في الهيئة وهل هو مهم وش يفيد في تخصصنا علم الاجتماع والخدمة الاجتماعيه وهل ينفع للبنات

ياليت توضحوا أكثر

[جذآآآآبه]

جزاك الله خير على هالاسئله بس تكفون اشرحوا لنا وانتم تجاوبون

ونفس سؤالي اختي ام سمون وش الهيئه الصحيه

[ام الدانه]

الهيئة السعودية للتخصصات الصحية مطلوبة للي يبوون يتوظفون بمجال الصحه او ترقية للوظائف الصحية تدريب ثلاث شهور بعدين مقابلة ويعطونك بعدها استمارة للتصنيف المهني ومن غيرها ماتقدرين تقدمين على اي وظيفه صحية وصلى الله وبارك
وموضوع التدريب كثير مشغلني وشلون باخذ اجازه ثلاث شهور تدريب
موفقين ان شاء الله

[جذآآآآبه]

ام الدانه بارك الله فيك شكرا عالتوضيح انا ما احتاجها لاني مافكر بالمجال الصحي ولاعندي وقت اصلن