معلومات تهمكم بالمذاكره ..انشاء الله

[عطر نسائي]

أعتقد أنه راح يهمكم .. فتحت مستند وصرت أنسخ تجارب اللي درسو العام الماضي .. وشفت كلامهم متقارب فـ قلت أنه راح يفيدكم ..


شوفوا استاذ حنفي (( رياضيات )).. فديت قلبه .. ترى اسألته بالامتحان كلها نفس الي بالمحاضره نسخ ولصق .. وماجاب شي من الكتاب ..

الدكتور علي الزهراني (( قانون )) .. انا كنت بنتحر بسبة مادته .. لاكن كانسان قمة بالروعه .. هو الوحيد الي يعطينا وجه بمنتدى الحوار الي في البلاك بورد ويرد على اسألتنا اول باول ..
اسألته كلها فهم بفهم .. يعني الي بتحفظ قولوا عليها السلام .. ولعلمكم تابعو منتدى الحوار اول باول لانه يحط اسأله مفيده جدا .. وجات لنا بالامتحان ..

اقول افتحي موضوع بمنتدى الحوار الي بالبلاك .. عن اسألة مادة القانون .. صدقيني بتلقين تفاعل منه .. وراح يخلي الكل يحط اسأله والي بعده يجاوب .. رهيييييييييييييييييييب .

مادة الاقتصاد .. وما ادراكم ماقتصاد .. نادر الي نجح فيها ........>>> نجحت الحمدالله
اسألته كانت معقده جدا .. كل الي عليكم تحفظون التعليقات الي تحت الرسوم البيانيه .. طبعا تفهمونها قبل لاتحفظونها .. مهمه جدا .

الادراه كانت رهيبه .. واسألتها رهيبه .. ماتخوف هالماده

المحاسبه .. جاب لنا اسألة مراجعه نهاية الترم .. تخيلوا نسخه ورقة الامتحان .. يعني اذا جاب لكم اسألة احفظوها نسخه ..

وقبل كل شي ترى المواد تعتمد على الفهم اول والحفظ ثانيا ..

احنا مشكلتنا تعودنا على الحفظ والتسميع من مدارسنا .. وطبعا هذا غلط ..

ترى الجامعه تختلف اختلاف كلي عن المدرسه .. ماراح تعرفون هالشي الا بامتحان اول ترم .. الله يكون بعونكم من جد ..
________________

1 - مادة الادارة : تحتاج متابعة وسماع المحاضرة وكتابة النقاط الجانبية اللي يقولها الدكتور لان في اسألة جات من الشرح اللي يشرحه الدكتور وفي محتوى المادة كامل موجود تقدروا تطبعوه وهو ملخص الاح فهد الشمري هو عبارة عن محتوى المقرر مكتوب على شكل ووورد ومنسق المادة شكلها سهل بس تحتاج تركيز شوي
2- مادة القانون : يدرسها الدكتور علي الزهراني هي شكلها طويلة بس الدكتور ما يدقق كثير يعني اسألته واضحة ذاكروا بس الشرايح المعروضة في البلاك بورك وايضا الكتاب مهم جدا هو يحدد لكم ايش هي الاجزاء المطلوبة من الكتاب والمادة ما تخوف بس فيها مصطلحات جديدة اول مرة تمر على الطلات تقريب.

3- مادة الرياضيات : المادة سهلة وسلسلة بس الدكتور الحبوب الدكترو اسامة حنفي مسهل المادة كل ماعليك هو متابعة المحاضرات اول باول وكتابة المحاضرة بخط يدك لكي تتعود عليها و التدريب على حل التمارين وكل الاسألة في الاختبارهي نفس اللي يشرحها لك في المحاضرة .

4- مادة الاقتصاد الجزئي : هي مادة جديدة نوعا ما على الطلاب وتعتمد على الفهم شوي والتحليل لان الحفظ يؤدي على صعوبة المادة لدى الطالب ، اهم شيء التركيز الشديد على شرح الدكتور وتحتاج الى جهد اكثر من المواد الثانية وعند المذاكرة يجب ربط الافكار بالفهم من خلال حياتنا اليومية الاقتصادية وعدم الاعتماد بشكل كلي على الملخصات بالذات هالمادة ._______________

1- بالنسبه لمادة الرياضيات >> إذا كان يدرسكم الدكتور حنفي
فـ أسألة الإختبار مارآآآح تطلع من خارج المحاضرةـ الدكتور يعتمد ع المحاضرةـ وعلى التلاخيص الموجودهـ في محتوى المقرر
الكتاب مب مهم ولكن إلا يبي يعوود نفسه على الحل يآآخذ الكتاب ويدرب نفسه في حل التمارين


2- بالنسبه لمادة الإدارهـ >> الكتااااب أبــــــــد مب مهم
لأن الدكتور هم كذالك يعتمد على محاضراته وعلى التلاخيص إلا ينزلها في محتوى المقرر
فقط المهم في الكتاب .. أسألة الكتاب
ويوجد موضوع في المنتدى عن أسألة الكتاب لمادة إدارة الأعمال
أتوقع لأخوي الشمالي


3- مااادة المحاسبه >> الدكتور يعتمد ع المحاضرات وعلى التلاخيص إلا ينزلها في محتوى المقرر ولــــــــــــكن أسألة الكتااااب مررررررررررررهـ مهمه مهمه مهمه


4- مادة الإقتصاد الجزئي >> الدكتور دائماً يركز على الكتاب
بالنسبه لي أخذت الكتاب ولكن مافتحته
لأني كنت أعتمد على شرح الدكتور كنت أكتب معااه كلمه كلمه
وكنت أطبع التلاخيص إلا ينزلها في محتوى المقرر
وأذاكر من شرحه ومن التلاخيص إلا ينزلها
ولكن الدكتور يركز على الكتاب كثير .. ورآآح تشوفون في المحاضرات الجآآيه رآآح يحرص بإن يقول لكم الكتاب مهم


5- بالنسبه لمادة القانون >> اممممم أنا فتحت كذا محاضرةـ للدكتور وبعدها حذفت المادهـ
يعني مادرستها .. ولكن إلا كنت أعرفه من زملائي وزميلاتي
كنت أشوف مواضيع إن الدكتور يركز على الكتاب




فنصيحه لكم حبايبي مششش كل الكتب تعتبر أسااااسيه


وكلآآآ يسوي إلا يريحه ولكن حبيت أذكر لكم المهم



موفقييييين حبااااايي ،، تحياااااتي
__________



يعني الحين المواد كلها واضحه وسهله ماعاد الأقتصاد الله يعينا

بختصار المواد مذاكرتها كالتالي

الأداره / من المحتوى فقط وانا راسلة لدكتور ملخص فهد الشمري ورد علي بأنه كامل الحمدلله

القانون / من المحاضره و ملخص ابو موزه شامل الكتاب ونفس تحديد العام

الرياضيات / من المحتوى والمحاضره وقال ركزو على الواجب لان نفس اسالة الأمتحان

المحاسبه / من المحتوى والمحاضره واسالة الكتاب وركز على الواجب والمراجعه الأخيره

وقال ان المحتوى مهم جدا

والأقتصاد / من الجلده للجلده

------------------------------------
قررت أشوف /

الرياضيات : أكتفي بالمحتوى فقط لا غير

الإدآره : المحتوى + الملخص إللي موجود بـ الموضوع المثبت ..

المحآسبه : أكتفي بـ ملخص أبو موزهـ

القـآنون : أكتفي بملخص أبو موزهـ

الإقتصآد الجزئي : المحتوى + ملخص أبو موزهـ
__________

المحاسبه .. اسهل ماده والله العظيم

اول شي تسويه تطبع المحتوى .. ضروري لاي ماده انك تطبع المحتوى تبع الماده .

افتح صفحه صفحه وتابع مع شرح الدكتور ..

ابا طبق معاه .. اذا في شي مافهمته عيده مره ومرتين و3 ..

انت لما تشوف المثل طبق قبل الدكتور .. وبعدين شوف حل الدكتور مثلك او لا ..

حاول تفهم اي نقطه تسمعها .. اذا مافهمت النقطه السابقه لاتروح للي بعدها الا وانت فاهمها .

ترى المواد كلها تعتمد على الفهم ..

وبعدين المحاسبه .. كلها قواعد .. القواعد هذي احفظها مثل اسمك . وامثر من اسمك .

لانك راح تطبق هالقواعد بالترم كله .

اذا ماحفظت القاعده مثل ماهي ماراح تمشي معه .

حاول تطبق معاه القاعده .. طبق بنفسك اولا وبعدين اسمع حل الدكتور .. عيد مره و2 و3 لحد ماتفهم .

طبعا لاتنسى الاله الحاسبه . والقلم رصاص والدفتر .. اترك المحتوى على جنب .

وابدا سو جدول مع الدكتور .. وخطط معاه . واحسب معاه باالاله الحاسبه .. لاتنتظره يطلع لك الناتج انت طلعه قبل وبعدين طابقح حله مع حلك .

ترى الماده جدا سهله وممتعه .بس ركز معاه . يبغاله تركيز وحفظ القواعد . والتطبيق اول باول معه .

___________________


تبي نصيحتي ..

عندك 3 كتب مهمه .. وبقولهم لك بالترتيب .

المحاسبه .. مهم عشان التمارين الي راح يطلبها منك الدكتور انك تحلها من الكتاب
الاقتصاد الجزئي .. الرسوم البيانيه مش حفظ معنا بس الي شرح الرسوم البيانيه مهم جدا..
القانون .. في وحده بالمنتدى صورت الاجزاء المطلوبه من الكتاب .. اذا حصلته تقدر تستغني عن الكتاب

اما من ناحية الملخصات .. انا عن نفسي ماقريت ولا ملخص .. اعتمد فقط على المحاضره المسجله وعلى الكتاب ومحتوى الماده . فقط لاغير والحمدالله نجحت بمعدل حلو

كل الي عليك اول شي تسويه ..

تفتح المحاضره المسجله .. وتمسك ورقه وقلم وتلخص مع الدكتور .. وقبلها لازم تطبع المحتوى عشان تقدر تتابع مع الدكتور .. واي ملاحظه عندك اكتبها على ورقة او دفتر او حتى نفس المحتوى . بجنب كل نقطه اكتب الي انت فهمته ..



هذا الموضوع منقووول للافاده من الاخت اعصااار في منتدى اخر

[بشاايرخير]

فديتك
الله يعطيك مليون عافيه
تسلم يدك والله

[alrasmy]

يعطيك العافيه على هذا المجهود من اخت او منك فديتك


وتقبلي شكري لك وتحياتي

[اعشق غروري]

يعطيك العىفيه اختي
الكل يقول ان الاقتصآآد صعب
الله يستررررر

[إداريــه كول]

يعطيك العافيه على مجهودك افدتيني كثثير

[كول كول]

مشكورة الله يجزاكي كل خير

[3z nfsk~]

يعطيك الف عافيه حبيبتي وتسلم يدك

[حايره في الدنيا]

الله يعطيك العافيه
مشكووره وهذي ورده مني لك

[*salman*]

يعطيك ألف عافية أختي عطر نسائي

[عطر نسائي]

الله يعافيكم جميع يااارب

والله يقدرنا لللي فيه خير لنا جميع ياارب