استفسار ارجو منكم الاجابه عليه

[أخت القمـر]

الســـــلام عليكم

اول شي حابه اتأسف اذا كان الموضوع مو بالقسم المناسب:c8:

انا تخرجت من الثانويه السنه اللي فاتت
بنسبة 90.81 علمي
ولكني لم اقبل لحد الآن:011:
وضعت املي بجامعة الملك سعود للنصف الثاني ولكن للأسف توقف التسجيل قبل نسبتي بيوم
تقفلت الابواب بوجهي:011:
وانا عندي اسئله ارجو منكم الاجابه عليها

اول شي ماهي التخصصات (((( بكالريوس ))) اللي اقدر ادرسها بجامعة االملك فيصل ( للعلمي )؟
ثاني شي انا سمعت ان الجامعه ماتقبل الا اللي نسبهم فوق فوق يعني نسبتي ولا شي بالنسبه لهم؟؟؟:011:
واذا قبلو اقل دايم بالواسطات هل هذا صحيح

ياليت منكم تجاوبوني
لأني تحطمت وصرت اردد( تعبت وحتى التعب صار تعبان مني)
وماعندي امل انقبل
وخايفه السنه الجايه تمر مثل هذي السنه واجلس بالبيت :011:

سلامي لكم واشكركم مقدماً:c8:

[شعلة الإيمان]

السلام عليكم

رح اجاوب على سؤالك الثاني

انا كنت اقول مثلك مارح انقبل لان نسبتي كانت انزل من نسبك وبعد الي سمعته ان لازم واسطة بس الحمدلله انقبلت ولابواسطة ولاشيء قدمت على الامتحان وحليت اغلب الاسئلة وتجاوزت المقابلة الي كانت جداااا عادية ..

والحمدلله على كل شيء

أختي خلي املك باالله قوي

وربي يوفقك وانشاء الله نشوفك السنة الجاية معانا بالجامعة

تحياتي

[ولاية]

تحية طيبة

اولا::

اهلا ومرحبا بك اخيه معنا في الملتقى الاكاديمي لطلاب وطالبات جامعة الملك فيصل

وثانيا::

بالنسبة لاستفسارك عزيزتي
اختي الكلام من الناس ماينوخذ خيره من شره
بالعكس كثير طالبات نسبهم بالـ80 مقبولات ويدرسوا بالجامعة
ونسبتك ممتازة .. ولو ماكان لك حظ بالقبول هذه السنة لاتيأسي ان شاء الله تكوني زميلا واخت لنا بالسنة القادمة

صديقتي وبنت خالي بنفس الوقت نسبتها كانت 84 وكانت معي بنفس الدفعة (2004) ولم تقبل والسنة الي بعدها سجلت ولم تقبل ولم تيأس سجلت بالسنة الثالثة وقبلت في كلية العلوم الزراعية والاغذية :)

بالنسبة للتخصصات المتاحة
بما انك خريجة علمي يسمح لك بالالتحاق بـ
1\ كلية العلوم وتحوي التخصصات (احياء -فيزياء -كمياء - رياضيات )
2\ كلية العلوم الزراعية والاغذية وتحوي تخصصين ( اقتصاد منزلي - تغذية)
3\ ايضا كلية الطب ولكن بالغالب لاتقبل الا نسب فوق 95
وفي بالاحساس تخصص حاسب الي ومحاسبة (دبلوم) تابع لكلية خدمة المجتمع ولكن الدارسة تكون على حسابك الخاص


واي استفسار عزيزتي حااضرين

اختك
ولاية

[ملاك الروح]

السلام

اهلا فيك أختي

بالنسبة لسؤالك الثاني أنا بعد نفس شعلة نسبتي كانت أقل من نسبك وانتي الحمدلله نسبتك حلوة يعني ماعليك من كلام الناس أحنا دخلنا بدون واسطة ( واسطتنا ربنا ) ان شاء الله تقدمي بالجامعة ونشوفك معانا ..

ولاتيأسي حاولي مرة و2 و3 مثل ماقالت لك ولاية ..

وان شاء الله خير


ملاكـ

[Fairy]

[align=center]مراحب نور الكون

توكلي على الله وسجلي ،، اخر شئ تفكري فيه النسبه لانو ياخذوا على امتحان القبول ونسبته اكثر .. صحيح بالنهايه تضيفي نسبتك مع نسبه امتحان القبول بس والله ما تأثر الا قليل مره

99 ماينقبلوا اذا درجتهم بامتحان القبول نازله !!
يعني ركزي على امتحان القبول بس والباقي على الله
آنا مثلك تخرجت اللعام ونسبتي 95 سجلت وانا ابد مو حاطه في بالي القبول لاني حتى بامتحان القبول كنت خايفه وماحسيت اني بجيب فيه نسبه ابد خصوصا اني كنت مسطله >> لاتلوميني كان عندنا زواج
الحمد لله انقبلت ونسبتي بامتحان القبول وسط لا زينه ولا شينه :D

امممممم بس بزيد على كلام اختي ولايه من التخصصات المتاحه
5/ كليه التمريض ونسبه القبول عامه 85% و خاصه 85%
6/ كليه العلوم الطبيه التطبيقيه ( علاج طبيعي - تقنيه المختبرات الطبيه - علاج تنفسي ) عامه 90% و خاصه 85%

النسبه العامه : نسبه الثانويه العامه لجميع المواد
النسبه الخاصه : نسبه المواد العلميه فقط في شهادة الثانويه العامه

بالتوووفيق [/align]

[ملاك الروح]

السلام

نوارة

هذي التخصصات الي ذكرتيها بس موجودة بالفيصل الي بالدمام اما الي ذكرتهم ولاية التخصصات الي موجودة بالاحساء

وبعد الشروط والنسب الخاصة والعامة هذي بس للكليات الصحية والي هي بالدمام


ملاكـ

[أخت القمـر]

[align=center]
شعلة الأيمان

ولايه

ملاك الروح

نواره

اشكركم من كل قلبي
والله رجعتولي الأمل بعد مافقدته...

بس ابي نصيحتكم اي التخصصات افضل؟
وللمعلوميه انا من القطيف ^_^

وعندي سؤال ثاني
التسجيل السنه الجايه يكون الأفضليه للبنات اللي متخرجين هالسنه
يعني مافهمت هذي النقطه يعني راح يناظرون بشاهدتي ويشوفون انا بأي سنه؟؟؟؟؟[/align]

[شعلة الإيمان]

ياهلا اختي

حتى انا مو من الاحساء عادي يعني

اذا رغبتك تدرسي بالتخصصات الي موجودة بالدمام قدمي ..

بالنسبة لسؤالك الثاني ..

امممم

ماتوقع

لان انا لما رحت اسجل كانوا معاي بنات اعرفهم مو من سنتي يعني اكبر مني وقدموا والحمدلله انقبلوا بعد ماتجاوزوا امتحان القبول

[Fairy]

[align=center]مـلاك ،،
ايه ادري بس نسيت اكتب في الدمام ^_^
>> بتسوي دعايه لكلياتهم مو بس كليات الاحساء :D


نور الكون ،،
أجل انتي قريبه لنا *.^
شوفي انتي وين تشوفي نفسك في أي تخصص .. لان هذي دراستك الي بتستمر معاك عالاقل 4 سنين .. ضروري تكوني حابتها ومقتنعه فيها
امممم بالنسبه لسؤالك الثاني ، آنا لما رحت اسجل كانوا ينادون على المتخرجين بنفس السنه أول ، يعني الا من سنوات قبل يخلونهم لحالهم بس ماادري ليش يعني يمكن لهم ايام مخصصه لان كان مررره زحمه .. جربي مو خسرانه شئ [/align]

[شعلة الإيمان]

السلام عليكم

نوارة

اي صح هذا بس بالدمام اما بالاحساء كل البنات يصيرون مع بعض بنفس القاعة وبنفس اليوم ..