[ غير ذلك ] : اختبار كفايات معلمات

[جذابه]

السلام عليكم ورحمه الله ويركاته
ابى اعرف من الى جرب من قبل او سجل فى امتحان كفايات المعلمات اشلون اعرف الامتحان الى يناسب تخصصى لانى لما دخلت لقيت اربع خانات الاختبارات المتاحة للتسجيل اختبار القدرات العامة للجامعيين - ربيع الأول 1435هـتسجيل اختبار كفايات اللغة الإنجليزية - ربيع الأول 1435هـتسجيل اختبار المعلمات - الاختبار العام - ربيع الثاني - 1435هـتسجيل اختبار المعلمات - الاختبار التخصصي- ربيع الثاني - 1435هـتسجيل اختبار القيادة المدرسية والإرشاد الطلابي - ربيع الثاني - 1435هـتسجيل



شنو اختار بينهم العام والا التخصصي تكفون ساعدونى لانى ما عرفت وانا تخصصي عربي مدرى هو على التخصص والا شنو

[منو الدوسري]

طيب شيء حلو فتح معاك من اليوم احاول وموراضي يفتح ...
اذا فتح معي راح ابلغك بما ان نفس التخصص

[منو الدوسري]

من اللي فهمته لازم تقدمين بالاثنين ..
لكن أنا قدمت بالتخصصي لأني بديله

[هـمـس التميمي]

المطلوب كلهم

[جذابه]

لازم كلهم انا امس سالت وحده من البنات الى كانوا معى وهى نفس التخصص بس امتحنت شهر ذو القعده وقالت اختاري التخصصى وبعدين يطلع لك فى الخيارات عربي وتختاريه هى امتحنت بهذى الطريقه ونجحت مشالله عليها بس اذا لازم كلهم مشكله يعنى بكون امتحانين متئكدين من هالشى لانى بصراحه ما فهمت.

[غرام@]

السلام عليكم
انا بقيت استفسر بسجل بقياس وطلع اختبار العام والتخصص وانا تخصصي تاريخ هل اجباري نسجل بالاختبارين اولا!!!!

[جذابه]

طيب الحين اذا سجلنا فى الاختبارين كل واحد له موعد لانى تسجل معى بهذي الطريقه ولا لازم يكونون نفس اليوم تكفوف الى يعرف يرد لانو والله حايسين وبعدين كيف يغيرون الامتحان يعنى الى قبلنا غير عنا واحنا يعطونا اختبارين

[غرام@]

ايه جد اتمنى الرددد!!!

[::طموح::]

المشاركة الأصلية كتبت بواسطة جذابه

طيب الحين اذا سجلنا فى الاختبارين كل واحد له موعد لانى تسجل معى بهذي الطريقه ولا لازم يكونون نفس اليوم تكفوف الى يعرف يرد لانو والله حايسين وبعدين كيف يغيرون الامتحان يعنى الى قبلنا غير عنا واحنا يعطونا اختبارين

اللي اختبروا العام اختبارهم كان فيه اسئلة على التخصص واسئلة تربوية ووقت الاختبار ثلاث ساعات
هذه السنة فصلوا الاختبار عشان اللي ترسب بجزء مايحتاج تعيد الاختبار كامل
كل اختبار مدته ساعة ونصف يعني ما تغير شي لكن فيه فائدة للي تبي تعيد

بالنسبة لسؤالك براحتك تبين الاختبارين بنفس اليوم او يومين مختلفة هذا رد موظف قياس بتويتر

[::طموح::]

المشاركة الأصلية كتبت بواسطة غرام@

السلام عليكم
انا بقيت استفسر بسجل بقياس وطلع اختبار العام والتخصص وانا تخصصي تاريخ هل اجباري نسجل بالاختبارين اولا!!!!

اللي تخصصها من ضمن التخصصات هذه

( التربية الإسلامية، اللغة العربية، رياضيات، علوم ،فيزياء، كيمياء، أحياء، حاسب الي، اللغة الإنجليزية، تاريخ، جغرافيا، صعوبات تعلّم، التربية الفكرية، العوق السمعي، العوق البصري، التوحّد، المكتبات، قياس واختبارات النفسية، التربية الفنية، التربية البدنية، التربية الأسرية، رياض أطفال )

اجباري تسجل الاختبارين
واذا تخصصك مو موجود تسجلين الاختبار العام فقط