[ استفسار ] جايب العيد تكفووووون افيدوني الله يسعدكم

[الحبابي818]

سلام
بأختصار انا بس باقي علي مادتين ومنها مشروع التخرج وعلى بالي انها ماده وكالعاده قبل الاختبارات أحل الواجبات والمناقشات وافتح المحاضرات وأنزل ملخص واروح اختبر
فتحت المنتدى توني وهنا كان العيد
لقيت الموضوع بحث
ولازم اراسل الدكتور علشان يوافق
وكلام كثير مافهمته
الزبده انا عارف حجم العيد
والسوأل .......بيمديني؟؟؟؟
يعني راح أقدر؟؟؟؟؟
باقي فيه مجال أو فيه حل؟؟؟؟
ألف سوأل طبخت راسي مو لاقي اجابه
الله يسعدكم شايل هم وصعب أضيف ترم علشان بحث اللي عنده أي اجابه يفزع ويفيدني لاهنتوا

[الحبابي818]

شكلي بسوي نفسي ميت
13 مشاهده ومافيه ولا رد ؟؟؟

[فستق وكاجو]

من ناحية جايب العيد فأنت جايب العيد الا شي بسيط ان شاء الله يمديك في يومين تسوي البحث والاستبيان وبنفس الشروط اللي قالوها وبسرعه ارسلها لأنه باقي بس 4 ايام ويقفلون الايقونه

[فستق وكاجو]

[size="7"]افتح ايقونة مشروع التخرج وشوف اسم الدكتور اللي ترسل له المشروع
وبس ابدأ اكتب بحث لا يزيد عن 40 ورقه ولا يقل عن 20 ورقة ويكون بحث اجتماعي وبصيغة الوورد

وموفق يارب[/size]

[ELisSa]

الموضوع سهـل إن شاء الله
باقيلك ابتداءً من اليوم 5 أيـام
أعمل لك خطه و راح يخلص كل شي ،
وتأكد من اسم الدكتور المشرف ع بحثك ،
أول شـي حدد موضوع مشكله اجتماعية مثال : " الطفل الخجول ، الطلاق ، التفحيط ، المراهقة ... ألخ "
اعمل استبيان إلكتروني بإستخدام موقع google forms أو استبيانشارك الرابط بالمنتدى لأجل يشارك الجميع فيه و
تاخذ الاحصائيات وتستخدمها بالبحث ،
أطلع ع هـذا الموضوع العام للماده و أستخدم مافيه لعمل البحث
وترفعه من ايقونة ابحاث الموجوده بالخدمات الطلابية ،
اي استفسار اخر ؟

[أسماء عبدالعزيز]

يمديك بالراحة بإذن الله اليوم التاريخ 7/7 في تاريخ 16/7 يقفل رفع البحوث ، هذا اخر ما سمعته من مصدر موثوق ،،
ابدا بسرعة وتوكل علی الله ،
اهم نقطة يكون موضوعك اجتماعي والشغلة الثانية إذا جيت تكتب البحث لا تنسخ من النت ولا من كتاب ولا حتی تنسخ وتغير في الكلام ، لكن اقرأ الموضوع اللي بالنت ثم اكتبه بأسلوبك لو ما تستخرج منه الا شيء بسيط وباسلوبك ، وتضيف عليه باسلوبك من هنا وهنا لين تكمل من 20 إلی 40 صفحة بدون الغلاف والاهداء وهالامور ،،
ان شاء الله سهالات بس نتوكل علی الله

وفيه موضوع بالقسم مثبت فوق باسم مشروع التخرج
راح يفيدك أكثر بتلقی فيه نماذج انصحك بنموذج الأخت سنديان بسيط وواضح ..
وبالتوفيق

[ضحكه خجوله]

الله يسررررررهاااااااااا لك ويوفقك مع هالفجريه
يمديك ان شالله

[الحبابي818]

الله يجعل أيامكم سنين ولا خلا ولا عدم
انا الان قريت إن فيه ناس يراسلون الدكتور بخصوص موضوع البحث يعني الحين لازم الدكتور هو اللي يختار موضوع البحث؟؟
ماعندي مشكله بس مافيه وقت أرسل الموضوع وعلى بال مايرد
وأخاف اكتب بحث واتعب واسوي كل المطلوب ويطلع لازم هو يختار

[الحبابي818]

والمشرف تامر عبدالغني

[ELisSa]

بالنظر لضيق الوقت الحالي فـ لا مو لازم تراسلة ،
اطلع ع بحوث اشخاص اخرين حتى تستفيد من طريقة اعدادهم .