[ استفسار ] مشكله بتعبسة استمارات الاختبار

[Majid550]

السلام عليكم ورحمة الله وبركاته

يااني انكبت بهالترم وجبت العيد اول مشكله حصلت يوم جيت اختبر تفاجئات ان الاختبار اليوم اللي قبله وانحلت المشكله وبعدها قعدت اربع ايام اذاكر بمخلص عطاني ياه طالب لان محدد فيه المهم وضايف نقاط المهم يوم جيت اختبر انكبت ان المنهج غير والملخص للرياضات من كم سنه قبل مادري هي ترتيب الدروس او وش بس بحثت بالمنتدى ولقيت اكثر من رد انه مختلف وانا بالاساس معتمد على المحاضرات بالملخص المهم اخر نكبه امس كان اختبار مبادىء الاداره يوم خلصت الاختبار ناداني الاستاذ قال باقي بيانات قلت مخلص كاتبها كلها قال لا عب هذي الا قالي باقي تحدد حروف الاجوبه بورقه غير ورقة الاختبار وانا مختبر قبلها وجا الاستاذ ولا قال لي وهو عارف اني اول اختبار وقلت له اول اختبار وطلبت يشرح لي المهم اللي علمني الله يجزاه خير قال لي شف حل لاتروح عليك الدرجات التصحيح يعتمد على الورقه الثانيه مب ورقة الاختبار حاولت اكلم الاداره بموقع الجامعه ماعرفت شوركم وش اسوي وش اقول لهم والمراسله عن طريق اميل ولا الموقع؟

[sose11]

غريب وينه عنك المشرف بالاختبار السابق

ووش وظيفته اذا ماكان يشيك عالبيانات وتضليل الاجابات

احس المشرفين مايهتمون بالطلاب زينا

حنا كل شوي تجي تشيك اذا بياناتنا كامله او لا حتى الاجابات

[- I Can]

الله يعينك يارب , فعلا ً انت في ورطه

احلى شيء تروح ل الجامعه نفسها وتشرح وضعك كله وتشتكي ع المراقب اللي مانبهك بما انك مستجد : )

[Majid550]

المشاركة الأصلية كتبت بواسطة كوويسه

الله يعينك يارب , فعلا ً انت في ورطه

احلى شيء تروح ل الجامعه نفسها وتشرح وضعك كله وتشتكي ع المراقب اللي مانبهك بما انك مستجد : )

ودي اسويها بس ضيق والجامعه بالاحساء حاليا ودي اراسل الجامعه بس شوركم مهم وكيف طريقة المراسله لو تنفع معهم ؟

[Talal_Taher_B]

حسبي الله على المراقب
الاحظ فيهم وصاخه مايعلمون احد
يعني انا لو ماكنت مختبر قدرات وتحصيلي ماكان عرفت لنظام التلوين
راسل الجامعه وان شاءالله تتسهل امورك يارب

[ام التؤام1980]

لاحول ولاقوة الابالله المراقب اللي ماعلمك تعرف رقم المراقب حقه واذا ماعرفت رقمه اسال بكرة ان شاءالله ضروري حتي يتعرض للمسائله ومنها ترفعه للجامعة مع رقم المراقب احنا المراقبات يشيكون علي حته حته الله يجزاهن خير والله يعينك وتلقالك حل بإذن الله

[- I Can]

اذا بتراسلهم ردد ياليل مطولك .. وفوقها مو فاضين لـ شكاوي الطلاب بوقت الاختبارات والتصحيح

بس اذا بتروح لهم وبتدخل عليهم شخصيا ً وتفهمهم وضعك وجهاً لوجه بيخلصون السالفة على طول


اذا انت بالشرقية يمديك تروح لهم وترجع لا تقول بعيد ، اما اذا غيره والله معاك حق


وبخصوص كيف تراسلهم!! والله مادري ماعندي علم ..


بس ارسل بالتوتير ل احمد الشعيبي وعبدالله الفريدان


وضروري ترسل لهم عن طريق الجامعه ، ياليت احد يفيييييييدك


موفق ياررب ..

[fahad200961]

هلا بصديقي

ههههههههههههههه

صارلي مثلك باول اختبار

مالك حل الاتراسل الدكتور الفريدان اتوقع اسمه كذا

انا نشبت له وقالي هات اسم مركز الاختبار وعطيته ومدري وش صار

بيضبطني ولابيسحب علي

راسله رساله على ايميله واكتب العنوان مهم عشان يشوف رسالتك وبتوفيق

[ebtesamss]

سوي كل الطرق ايميل ىاتصال وتويتر وشخصي والله يكون بعونك

[ام التؤام1980]

اهلا اخوي ماجد وانا قاعده اتصفح الموقع مرت وحدة بنفس مشكلتك وشوف ردود المشرفين عليهااتمني يفيدك والله يوفقك.



وعليكم السلام ورحمة الله وبركاته
قد وضحنا اكثر من مره طريقة التضليل وحسب ما قرأت من احد الاعضاء
ان الاستاذ محمد طيفور قد تكلم عن التضليل ووضح كمان

وايضا المراقبة اخطأت خطأ كبير على كل حال رقمها مسجل بورقة تضليلك بإذن الله يتفاهمون معها


+ الان عليك تتواصلين مع الشؤون الاكاديمية على هذا الايميل : dlaa.asc.d@ud.edu.sa
ووضحي مشكلتك بالكامل مع ضرورة كتابة كافة بيانتك المستوى ورقمك الاكاديمي والمادة اللي اختبرتي فيها ومقر اختبارك ايضا

اهم شي كتبتي اسمك على ورقة الاسئلة ؟؟؟

اذا كتبتيه كذا في حل انك تراسلين الدكتور ثابت وتعلمينه ضروري اليوم تكلمينه على ايميله

وهذا ايميله
taalqahtani@ud.edu.sa


او تراسلينه على الواتساب

0504827756 وتقولين له انا سالت المراقبة وقالت لي كذا وتبلغينه بكل شي


لعل يسعى لك في ورقة اختبارك



وما راح ينحسب لك في التصحيح الالي صحيح
ولكن بالتصحيح اليدوي راح ينحسب ان شاء الله