[ جميع الأقسام ] [ تعرفوا على دكاترة كلية الآداب من هنا ]

[لطوفة عبدالرحمن]

المواد العامه :

-مهارات التعلم والتفكير ( الدكتورة مارية الهاشم ) ، هذي الانسانه تجنن لحدن يفوتها حبوبه حيييل واسئلتها موضوعيه

-مبادئ الاحصاء ( الدكتورة جواهر الزريق ) ، حليوه مو شينه والمذاكره طبعا من الملزمة . الحلو بالاختبار النهائي زادتنا خمس درجات اذا كتبنا المعلومات المتطلبه كلها الله يجزاها خير لو ماسوت كذا كان كثير راسبين . بس طبعا في احسن منها .

-مدخل الى تقنية المعلومات ( الدكتورة فاطمة الشمري على ماظن ) ، نسيت والله بس اذكر انها مو شينه وواختبارها حلوو ودرجاتنا عندها حلوه حتى تقديرنا بالنهائي جميل

-العقيدة الاسلامية والمذاهب ( الدكتورة رقيه السماعيل ) صحيح انها شديدة وعصبيه وبتشوفون ناس يقولون عنها كذا . بس يوم درستني عقيدة الله يجزاها خير كانت اسئلتها موضوعيه ومره حلوه ودرجاتنا بالنهائي حلوه عندها الله يجزاها خير وماكان كل شي بالكتاب معنا وسوت لنا تحسين بعد .

-النحو التطبيقي ١ ( الدكتورة ريم الناجم ) هذي الانسانه تجنن وربي حبووبه وطيوبه واسئلتها حلوووه ودرجاتنا حلوه عندها . وتسويلنا تحسين بعد .

- التحرير العربي ( الدكتورة فوزية الرويشد ) صحيح انها شديدة وفيه عصبيه اشوي . بس بشكل عام اسئلتها موضوعيه وحلوه وزادتنا بالنهائي درجة . ودرجاتنا حلوه عندها اذكر .

-القراءة والمحادثه ( الدكتورة امل الخليفه ) ، حليوه والله بالماده امل وجبت عندها بالنهائي درجة تجنن .

- مبادئ علم الاجتماع ( الدكتورة نوررة المري ) الدكتوره حلوه واسئلتها برضو حلوه وموضوعيه .

-صحه ولياقه ( مروى مجدي . نسيت اسمها الكامل ) ، الدكتورة حبوبه والله حتى تعاملها معنا حلوو . بس كاختبار سواءنهائي او نصفي موحد يعني مو منها .

-برامج حاسب مكتبية ( الدكتورة نورة المظفر ) الدكتورة تهبل حبوبه واسئلتها حلوووه بعددد .

-فقه السيرة ( الدكتورة فاطمة الملا ) . انا ماخترت الدكتورة في البدايه اخترت وحده واهم حطوها لي . اول مادخلت علينا كانت تقول انه اسئلتها مقاليه قلنالها تكفيين مانبي نبي موضوعي قالت يمكن اجيبلكم سؤال موضوعي بس انا احب المقالي . بعدين قررو انه يصير موحد وقالت خلاص موضوعي الاسىله . والغو الموحد ومازالت موضوعي . بس بشكل عام اسئلتها اقول مو شينه كانت مذاكرتنا من كتاب مو ملزمة وكثييير كان .

- تلاوة وتجويد ١ ( الدكتورة شيخة الحمادي ) ، تجننن هالانسانه درجتك a+ بالراحه عندها ..

-التذوق الادبي ( الدكتورة منيرة العفالق ) ، الدكتورة تهبل يمكن شرحها مو ذاك الزود . بس اسئلتها بالنصفي حلوه وموضوعيه وكانت درجاتنا تجنن عندهاا اذكر بالنصفي كان اختبارها من ٤٠ وكلنا مانزلنا عن ٣٥ كلنا من فوق ، والنهائي كان موحد .

-النحو التطبيقي ٢ ( الدكتورة ريم الناجم ) ^ تكلمت عنها فووووق .

-اللغة الانجليزية قراءة ( الدكتورة بشرى العباس ) ، اذكر الدكتوره انها حبوبه وطيبه ومعروفه اصلا انها تهبل .

-انترنت واتصالات ( زينب الشربيني )، تجنن الدكتورة مررره طيوبه وحبوبه واسلوبها عسللل ، بس الاختبار النصفي والنهائي كان موحد .

-مبادئ ادارة ( الدكتورة اميمة نذير ) ، استغفرالله بس ، عادي تتعبنا معها وونسوي ونعمل لها وفي الاخير درجاتنا زفت وبنات كثير رسبو مع انهم حالين زين ، نصيحه افضل لاتدرسون عندها .

.....

[زهر ابيض]

مس هدى _ اخذت عندها ادب عصر النهضه _
من الدكتورات الي حبيتهم جدا $ متواضعه ، شرحها عادي واسئلتها ج م ا ل ، ما تظلم بالدرجات ـ ينأخذ عندها بإختصار
مس اروى _ مقال _
اسئلتها سهله _ الماده تعتمد عليك اولا واخيرا ، انا حبيت اسئلتها _ ، بس بصراحه انا جربتها بالمقال وحسيت انها تنفع لل كويسين ب الكتابه، عشان شرحها عادي ، متواضعه _ماشاء الله _ عادي اخذ معها كذا مره
مس جيهان الغربي _ خذت عندها انشاء 2 _
اسلوب واو ولكن بالاسئله وسمعت البنات يقولون تدف
مس منيره الشهيل _ مدخل للغويات _
الدكتوره ماشاء الله شرحها جميل جميل ، تهمها الواجب والمشاركه ، اسئلتها جميله

[سـلـطـان♕]

موضوع مميز و جميل وان شاء الله يفيدك الجيمع والله يوفق الطلاب

[رزينه بأخلاقي]

تلاوة وتجويد عبير الخطيب روعه شرحها جميل
وتنجحين عندها باالراحه

[3shoo9*]

السلام عليكم بنات ابي استفسر عن الدكتورة صباح عبدالله .أتمنى تساعدوني

[Maryam2015]

المشاركة الأصلية كتبت بواسطة 3shoo9*

السلام عليكم بنات ابي استفسر عن الدكتورة صباح عبدالله .أتمنى تساعدوني

الدكتوره صباح اذا قصدك حقت قسم علم الاجتماع


فهالدكتوره تجنن وغالبا شعبها تسكر بسرعه

[قلب مكسور]

بنات شرايكم بالدكتورة حمراء امجد انجليزي قراءه انتظر ردكم بليز

[همس2012]

بنات وش رايكم بدكتور احمد السرحان انجليزي كتااابه

[TOMA21]

المشاركة الأصلية كتبت بواسطة قلب مكسور

بنات شرايكم بالدكتورة حمراء امجد انجليزي قراءه انتظر ردكم بليز

أنا ما جربتها بس مدحوها
يقولون الاختبارات نسخ ولصق ما تجيب لك أسئلة من برا

[malak16]

السلام عليكم
بنات لو سمحتوا انا تخصصت لغه عربيه
وحابه اخذ مواد سهله عشان ارفع معدلي
خبروني بالمواد السهله واسماء دكاتره كويسن
لاهنتو