[ استفسار ] مالحل مع اللغه الانجليزيه العامه فزعتكم يااخواااان

[ييارب رضاك]

السلام عليكم ورحمة الله وبركاته
ايش السواة يااخوان دكتور اللغه الانجليزيه العامه مايشرح بالعربي حضرت المحاضره التمهيديه والاولى ولا فهمت شي عز الله رحنا فيها 😭

[Judy Abbott1]

سمعي المحاضرة أكثر من مرة وبتفهمين واخذي ملزمة سكرتير عبادي

[ام عبدالله @@]

لو سمحتوا ابغى اروح المكتبه انصحوني وش اجيب ملازم؟

[seham.T]

وانا كمان زيك يعني المحاضرة الاولى فهمتها شوي بس التانيه ولا شي فاهمه منها وحولت افهمها واعيدها بس صعب شو اعمل يعني شو ممكن يساعدنا ؟؟؟؟؟ ..... ياااريت حدا يفيدنا

[ام سديم 55]

ايه مره صعب علينا ولا كلمة عربي ندري وش السالفة أول محاضرة جلست ليلة كاملة اترجم علشان افهمها

[عاشق تشيلسي]

لا تتحطمون البداية صعبة شوي ........

المهم ودي نسوي تجمع للطلاب وطالبات المستوى الأول (أدب إنجليزي) هنا + تويتر ونتعاون

[bint alkaldi]

شلون داخلين انجليزي وانتوا عندكم صعوبات ؟؟
عبالك بيجي الدكتور يشرح لكم بالعربي !!
بالعككس كاان جداا فضيع وشرحه واضح
والمحاضرة الاولى كانت مرآجعه للقوآعد الاساسية باللغة مو كلها طبعاا بس كلنآآ مآخذينهآآ !

ع العموم الله يسهل لناا ولككم

[ييارب رضاك]

انا مستوى خامس دراسات اسلاميه وحملتهاالمستوى الاول وقررت اخذها المستوى هذا بس بهالشكل ماظن اني بعديها 😔

[Predominant]

يا جماعة لا تكبروا الموضوع
المحاضرات سهلة، وما فيها شي يخوف، بس يمكن البعض مو متعود يلقط اللغة سماعي، وهذي بتجي مع الخبرة
والوقت، والدكتور كان يشرح الشي الموجود في المحاضرة، فالشخص اللي ما قدر يفهم كلام الدكتور يدخل على مقرر المحاضرة ويشوف محتواها، وانشالله بينجح بالمادة
بس لطلاب الإنكليزي لازم يطوروا سماعهم للغة لأن بالمستويات القادمة ما بينفع إذا كانوا ضعاف
وتطوير السماعي بيجي من حفظ مفردات وكلمات يعني لازم الواحد يعمل جدول كل يوم يحفظ بما لايقل عن 25 مفردة بلإضافة لمتابعة مقاطع والتركيز بالكلام واستيعابه
بالنسبة لي الأفلام الأجنبية ساعدتني كثير لتطوير اللغة وخصوصاً السماعي والأفضل يكون البرنامج مو مترجم من شان لا يتشتت ذهنك بين الكلام والترجمة.
بالتوفيق للجميع

[حلاالبيت]

رب يسعد كل من رفع معنوياتي انا بعد مافهمت شي بس متفائلة خير