 |
|
||||||
| إدارة أعمال 1 ملتقى طلاب وطالبات المستوى الأول ادارة اعمال التعليم عن بعد جامعة الملك فيصل |
 |
|
|
أدوات الموضوع |
|
#1
2011- 9- 28
|
||||
|
||||
|
مهممممممممممم للمستوى الأول فقط "" ادخلو الله يسعدكم
السلام عليكم ورحمة الله وبركاته ""
اعزائي اعضاء قسمي الكرام - المستوى الأول خصيصا- // نظرآآ لتكرار الأسئله " في اغلب المواضيع والردود انا فتحت هالموضوع وجمعت لكم فيه كل الأسئله الي تكررت علي للحين " وعشان ما تفتحون لي مواضيع كل شوي لأني ما احب المواضيع الكثيره وخاصه الي تكون سؤال  في موضوع خاص للأسئله اسألو فيه " او عندكم موضوعي الي ثبته لكم اشيك عليه وارد عليكم يوميآآ " الا الي حاب ان الرد يوصله بسرعه وكان سؤاله مهم ومستعجل يفتح موضوع "" واذا دوره بعد الرد عليه ومالقاه - تراه مدموج مع موضوع الأسئله الي منزله اخوي - لاكوست - انتم جدد وما تعرفون نظمه وقوانين القسم للحين " هالشي جدآ عادي ومع الوقت راح تتعلمون كل شي معنا هنا ب القسم " نظامنا احنا * اي سؤال يكتب ب موضوع الأسئله الا الأسئله المستعجله جدآ جدآ جدآ " * مواضيع الدردشه والسواليف ممنوعه - احنا بمنتدى تعليمي * اميلات : ارقام جوال خاصه : بن بلاك بيري : مواقع : فيس بوك : تويتز : نت لوك : اسك مي: تويتر : كلوو ممنوووووع " حتى بـ التواقيع ممنوعه "" * مواضيع سب وشتم بـ الجامعه ممنوع * سب وشتم بـ الدكاتره _ صوته راخي صوته عالي ازعجنا ما يعرف يشرح وش هالجامعه ممنوع - محد ضربكم ع يدكم وقالكم تعالو هنا - دامكم دخلتو تحملو كل شي مثل ما تحملنا قبلكم * سب الأعضاء . الردود الي فيها فزعات زايده وخاصه لي مالهم دخل بـ الموضوع - مانبيها - كلنا نعرف نسب ونهاوش ونكتب لكن ليه نعكس شخصيتنا بطريقه غير لايقه ؟؟ داخلين هنا عشان نصير اخوان ونعين ونعاون ونتساعد ونكسب ونذكر بعض بالخير مو عشان نتهاوش " مو كلنا مستوى تفكيرنا واحد ومو كلنا اعمارنا وحده ومو كلنا طريقه استيعابنا للأمور وحده في ناس ماشاء الله تفهمها بـ الطاير وناس لازم نعيد لها ونذكرها كم مره " عشان تستوعد هالشي مو تقليل من شأنكم انا في اشياء افهمها بسرعه واشياء لا " لازم احد يعيدها لي لين افهمها " وهالشي طبيعي في بني ادم "" المهم "" ماراح اكثر عليكم بـ الكلام "" وراح ادخل بـ الموضوع على طول " طيب نبدآ بسم الله بـ اكتب سؤال سؤال و برد عليكم بـ التفصيل الممل "" |
|
2011- 9- 28
|
#2 |
|
المٌشٍرفه العَآمه على منتدى كلية إدآره اعًمًالٌ سابقاً
|
رد: مهممممممممممم للمستوى الأول فقط "" ادخلو الله يسعدكم
الكتب مهمه او لا لنا احنا المستوى الأول ؟؟
كتب المستوى الأول غير مهمه ماعدا كتاب القانون فقط " في برامج خاصه عشان تشغل لنا المحاضرات ولا كيف ؟ الي ماعنده بجهازه برنامج * الجافا & ادوبي ريدير & ادوبي فلاش يحملهم دخلت على البلاك ومافتح معاي طلعت لي صفحه بيضاء - طلعت لي كلمات بـ الأنجليزي - طلع لي انت غير مسجل بأي دوره تدريبيه ؟؟ غيرو المتصفح وكل شي بيصير اوك " ( متصفح اوبرآ او متصفح فايرفوكس او قوقل كروم ) كلهم بيشغلونها لكم ودخلو ارقامهم شوي شوي الرقم الجامعي فوق الي هو 9 ارقام بيدآ بـ 2 والرقم السري تحت مكون من 6 ارقام مانزلت لي المحاضرات ؟؟ في احد زيي ؟؟ الوضع جدآ عادي الي مانزلت له راح تنزل له اصبروو بس العجله مو زينه نزلت لي بس تمهيديه واولى بس ؟ طيب عادي راح تتكمل الأولى والثانيه لين 14 " الوضع جدآ عادي المحاضره التمهيديه مهمه ؟ وعليها درجات ولا لأ ؟؟ لا مو مهمه بس تعرفكم على الدكتور والمقرر وكم محاضره وايش المحتوى الخاص بـ المحاضرات " وماعليها درجات ابدآآ الي ما يبي يشوفها لا يشوفها " الدكاتره اذا تغيرو المنهج هو نفسه ولا كيف ؟ ايوه نفسه بـ التمام " ماوصلني الرقم السري للحين ؟ بيوصل خلال هالأسبوع بـ الكثير الأسبوع الجاي " وصلني الرقم بس ماقدرت ادخل على البلاك بورد ؟ غيرو المتصفح وبس " كيف ادخل ع البلاك بورد ؟ من هنا http://lms.kfu.edu.sa/ فوق الرقم الجامعي وتحت السري " المحاضرات تنزل على البلاك ولا على البانر ؟؟ على البلاك البانر ماله دخل الا بتسجيل المقررات فقط " ماهو منتدى الحوار ومنتدى النقاش والفرق بينهم ؟ واي واحد هو الي ضروري وعليه درجات ؟؟ منتدى الحوار / هو المنتدى الموجود في البلاك بورد لكل ماده تنزل عليه المناقشات الي ينزلونها الدكاتره وهي عباره عن 14 سؤال مختلفه عليها 10 درجات الدكتور ينزل السؤال وفي اعضاء ربي يسعدهم يحلون وينزلون الحل هنا بـ المنتدى انسخو الحل وروحو لمنتدى الحوار هنا طريقه المشاركه فيه : http://www.ckfu.org/vb/t151736.html اول ما تدخلونه تكونون مسجلين وخالصين مافيه طريقه تسجيل ولا شي تطلع اساميكم الحقيقيه وليست المستعاره " منتدى النقاش / منتدى عادي زي هالمنتدى بـ التمام الفرق بين هالمنتدى ومنتدى النقاش هو * منتدانا هذا التجاوب والتفاعل فيه اسرع * التسجيل فيه اسرع * تلاقون رد للأسئله على طول منتدى النقاش ((( قرارات الجامعه تصدر هناك قبل هنا ))) ليه ؟؟؟ لأن هذاك هو المنتدى الرئيسي للجامعه " وفي مواضيع كثيره مهمه لكن احنا نجيبها لكم هنا مشرفين او اعضاء "" التسجيل فيه مو ضروري تقدرون تدخلون كـ زائرين " وتشيكون على المواضيع " ممكن شرح كافي ووافي على نظام الدرجات وكيفيه الحصول عليها ؟؟ من عنوني " هي 30 درجه انتم بمقدوركم تجيبونها "" ولازم تجيبونها " ولا بكس  و70 درجه على الإختبار النهائي هو اختبار واحد ي تصيب ي تخيب فـ جيبو الـ 30 درجه احسن لكم 10 درجات على / الواجبات - تنزل لكم 3 واجبات كل واحد منهم مكون من 3 اسئله الا اخر واحد مكون من 4 اسئله - لكم محاولتين بس للحل " كل الأجوبه اختياريه مافي شي تكتبونه ابد الدرجه من 3/3 الا اخر واحد 4/4 " لا تحلون اي واحب الا اذا تأكدتو من الحل هنا بالمنتدى " وشفتووو الحل والدرجه " ساعات تحلون نفس الحل الموجود والي الكل حله بس تاخذون 2/3 احب اقولكم الوضع عاااادي و الغلط من نفس الموقع فـ لا تخافون لأنه بيتعدل مع الوقت " 10 درجات على / منتدى الحوار الرد على المناقشات الي ينزلونها الدكاتره 10 درجات على / المحاضرات المباشره الي ماقدر يشوفها بتنزل له على البلاك بمجرد التحميل تنحسب له الدرجه على طول " متى يعلنون عن المحاضره المباشره ووش هي المحاضره المباشره ؟؟ يعلنون عليها بـ البلاك بورد وراح يكون في وقت مخصص للبنات ووقت للشباب ساعه وحده لكل من الشباب والبنات مثال من 5 لـ 6 - بنات من 6 ونص لــ 7 ونص - شباب كيف نشارك طيب فيها ؟ تاخذون المايك الموجود ع الشاشه الي تطلع لكم " وتتكلمون والدكتور يجاوب وفيها شات كتابي اكتبو السؤال فيه اذا ما تبون تتكلمون الدكتور بيقرآ السؤال وبيجاوب تطلع اسماءنا ؟؟ لا بس ارقامكم الجامعيه فـ لحد يتمادى و- يسوي جو مضحك - الي عنده سؤال يسأل الي ماعنده يكتفي بـ السمع فقط ولا اقولكم لا تسألون" مو لازم ادخلو اسمعو "" ما اقدر احضر المحاضره المباشره بوقتها وش اسوي ؟؟ سواء كنت ي اخي / اختي الكرام * مدوام * مشغول * متزوج * عندك التزامات * النت قطع * النت بطيئ * طفا الكهرب * خلص الإشتراك * الموقع عليه زحمه ((( لا تخافوووون ))) الي ماحضر المحاضره المباشره بوقتها بتنزل على البلاك يحملها من هناك لازم نحملها من يوم ما تنزل ولا اي وقت ؟ عادي اي وقت لو بعد الإختبارات بيوم او يومين عادي " المحاضرات االمسجله & المباشره بتقعد لكم بـ البلاك بورد لين تخلصون اختبارات وتجلسون اسبوع تقريبا او اسبوعين او 3 وبعد كذا يتقفل كل شي "" المحاضره تنزل على طول ؟؟ يعني اول ما تخلص نلاقيها ع البلاك ونحملها ؟؟ لا مو على طول ساعات تاخذ من اسبوع لـ اسبوع ونص او لـ اسبوعين عشان تنزل بس نازله نازله التمارين الي يقولها الدكتور هل هي نفسها الواجب ولا لأ ؟ لا مو نفسها ابدآ ولا لها دخل بالدرجات ابد مجرد تدريب عى الحل السريع فقط " يادفئ ترانا مو مافهمين شي للحين وصلنا الرقم السري والجامعي طيب وبعدين وش هي الخطوه الثانيه ؟؟ الخطوه الثانيه ادخلو على البلاك بورد وابدوو بتحميل او مشاهده المحاضرات وحلو الواجب اذا نزل لكم وحلو المناقشات اذا نزلت لكم وخلاص هل الواجبات لها وقت محدد وتنتهي ؟؟ يعني فتره محدده ان ماحلينا الواجب فيها تروح علينا الدرجه ؟؟ ايوه في وقت محدد بـ الكثير اسبوعين لكل واجب ونصيحه من تشوفون الواجب حلوه على طول بعد ما تتأكدون من حله " طيب يادفئ قلتي الواجبات لها وقت محدد طيب المناقشات لها وقت بعد ؟؟ لا ماعليها لو تحلونها كلها الـ 14 بيوم واحد بتحسب لكم الـ 10 كامله المحاضرات لازم نحملها وقتها ولا عادي نحملها اي وقت ؟؟ وكم المده الي تجلس فيها المحاضرات ؟؟ حملوها الوقت الي يعجبكم لو تحملونها او تشاهدونها كلها بيوم واحد عادي بس نصيحه - من تشوفون المحاضره نزلت حملوها او شاهدوها لأن البلاك بورد غير مضمون ساعات يفقل ويجلس بـ الأسابيع وهو عطلان وهذا مو لصالحكم ابد " لو اسوي مشاهده عادي ولا لازم احمل المحاضره ؟؟ المحاضرات مثل الرياضيات والمحاسبه حملوها لأن يبغا لها فهم " والإقتصاد بعد " والباقي عادي سوو له مشاهده وخلاص طيب لو طبعت المحتوى بس وسويت مشاهده للمحاضره عادي ؟ عادي " بتنحسب لكم الدرجه انا مابي احمل المحاضرات تاخذ مني وقت النت عندي بطيئ وانا اداوم ابي اذاكر من المحتوى بس مثل الإداره والقانون والمواد الي يبغا لها حفظ " عادي اكتفي بـ المشاهده فقط ؟ لو تسوون مشاهده لها لمده ثاااانيه وحده وتسكرونها بتنحسب لكم الدرجه " بس تسسون هـ الحركه لكل محاضره مو وحده بس "" المحتوى وينه ؟؟ بنفس المكان الي فيه مشاهده المحاضره المسجله او تحميل او او اسمه ( الملفات المرفقه ) متى تبدآ الدراسه ؟ انا نزلت لي محاضرات بس متى نبدآ؟؟ من تشوفون المحاضرات نزلت لو التمهيديه اعرفو انكم بديتو دراسه " هل تغني الملخصات الي بالمنتدى عن المحتوى والكتاب ؟ ايوه تغني " الا القانون اشترو كتابه نصيحه -مني واسمعو كلامي بليز تكفه قولو تم -البريد الجامعي وش هو؟؟ بريد عادي عشان تتواصلون مع الدكاتره اذا كنتو مو فاهمين اي شي من المقررات مهم او لا " مهم للي عنده سؤال ويبي يسأل الدكتور " طيب مو مفعل كيف نتواصل مع الدكاتره ؟ مو مشكله شفتو الماسنجر حقكم العادي الي تدخلونه كل يوم ؟؟ روحو له ودخلو ارقامكم الجامعه فوق وبعدها حطو @student.kfu.edu.sa يعني مثال الي رقمه الجامعي 227744990 يحطه ويحط بعد @student.kfu.edu.sa يصير كذا 227744990@student.kfu.edu.sa بس الرقم قبل "" وتحت بـ الباس وورد اكتبو ارقامكم السريه " بيفتح معاكم ع طول وعادي التعامل معه جدآآ روحو لـ جديد او نيو من قائمه ( الهوت ميل ) وحطو اميل الدكتور الي موجود بـ البلاك بورد وارسلو له رساله وتنتهي السالفه " انتظرو لين يرد عليكم وخلاص "" طيب وين اميلات الدكاتره وين نحصلها ؟ من البلاك بوووورد لكل ماده دكتور ولكا دكتور اميل ورقم جوال وتليفون وساعات مكتبيه يتواجد فيها بمكتبه ايام الإسبوع تقدرون تتصلون عليهم " اووك يلا خليني اشوف موضوع بعد ويكون فيه سؤال من الأسئله الي نزلتها لكم اذبكم ترى ههههههههههههههاي موفقين ي رب |
|
التعديل الأخير تم بواسطة ǺĽ ẕeeห ; 2011- 9- 28 الساعة 04:52 AM |
|
|
2011- 9- 28
|
#3 |
|
أكـاديـمـي
|
رد: مهممممممممممم للمستوى الأول فقط "" ادخلو الله يسعدكم
بارك الله فيك والله يعطيك الف عافيه على هالمعلومات القيمة
|
|
2011- 9- 28
|
#4 |
|
أكـاديـمـي فـضـي
|
رد: مهممممممممممم للمستوى الأول فقط "" ادخلو الله يسعدكم
دفىىىىىىىىء لبى قلبك
 مآقصرتي فديتك كل شي وآآآآآضح وجهد تشكرين عليه  يختي الود ودي اعطيك رقمي الجآمعي وتستلمين المهمه < مآتنعطى وجه تسسستآهلين دعآآآوي حلووووووه أخر الليل
|
|
2011- 9- 28
|
#5 |
|
أكـاديـمـي فـعّـال
|
رد: مهممممممممممم للمستوى الأول فقط "" ادخلو الله يسعدكم
الله يعطيك العافيه ماقصرتي
بس عن جد باقي سؤال اتحملينا عاد جدد وموفاهمين شي انا ايقونه الواجب واتمارين مو موجوده عندي نهائيا ليه  ومنتدى الحوار دخلته فاضي والمحاضرات كلها سويت لها تحميل من دون مشاهده كذا انحسبت الدرجه ان شاء الله وشكرا مقدما
|
|
2011- 9- 28
|
#6 |
|
أكـاديـمـي فـعّـال
|
رد: مهممممممممممم للمستوى الأول فقط "" ادخلو الله يسعدكم
-
احسك كتبتي الموضوع بدقيقه و انتي معصبه خاصه الشروط اول شيء شوي شوي لا جد يعطيك ربي العافيه ما قصرتي كل شيء مفهوم الحين .. و ان شاء الله الكل يفهم و يتوفق |
|
2011- 9- 28
|
#7 |
|
أكـاديـمـي ذهـبـي
|
رد: مهممممممممممم للمستوى الأول فقط "" ادخلو الله يسعدكم
يآآآآآآآآآآآآحبي لك ياشيخه
وربي كفيتي ووفيتي / والله يوفقك ويسهل أمورك وكل شي وضح وزيادة .gif "(204)")
|
|
2011- 9- 28
|
#8 |
|
أكـاديـمـي ألـمـاسـي
|
رد: مهممممممممممم للمستوى الأول فقط "" ادخلو الله يسعدكم
بارك الله فيك اختي وموضوع تستحقين الشكرالكثير عليه .
سلمت يدينك طيب عندي سئوال ولا تعصبين تراني شايب وانسى بسرعه المشاركات في منتدى الحوار هل هي فقط مشاركه واحد لكل ماده اللي هي حل سؤال المناقشه أم لازم نرد على الاعضاء الباقين او ننزل عدد معين من المواضيع او الاسئله .؟؟؟ بصراحه احتاج توضيح لاهنتو . |
|
2011- 9- 28
|
#9 |
|
أكـاديـمـي نــشـط
|
رد: مهممممممممممم للمستوى الأول فقط "" ادخلو الله يسعدكم
بارك الله فيك
|
|
2011- 9- 28
|
#10 |
|
أكـاديـمـي نــشـط
|
رد: مهممممممممممم للمستوى الأول فقط "" ادخلو الله يسعدكم
زين ليش مبادئ المحاسبة مافي لها دكتور وش السالفه
وشلون بعرف اذا الدرجات انحسبت لي او لا |
|
| مواقع النشر (المفضلة) |
| الكلمات الدلالية (Tags) |
| للمستوى, مهممممممممممم, الله, الأول, ادخلو, يسعدكم, فقط |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تذكير فضل صلاة الجماعه مهم جداً | نوريانا | ملتقى طلاب التعليم عن بعد جامعة الملك فيصل | 10 | 2012- 8- 1 12:01 AM |
| قريتها في احد المواقع ...!! لا تتردد | SEA GRAM | ملتقى المواضيع العامة | 1 | 2011- 9- 21 06:57 PM |
| ملف راائع،،تحذير من الايميلات و الأحاديث المكذووبة" | ساعية لرضى ربي | ملتقى المواضيع العامة | 4 | 2011- 7- 24 06:45 PM |
| ..مهارات البحث يآأوردوغـاان ( تم تعديل العنوان ) | خلف الشمري | ارشيف المستوى 2 تربية خاصة | 114 | 2011- 6- 2 01:33 PM |
| تعالو نراجع انجلش كتاااابه ...هناااا<<< | W.S.M | المستوى الثاني - كلية الأداب | 346 | 2011- 6- 1 11:38 AM |
