[ اكاديمي عام ] : طلب حيـــاة أو موووت ...!!

[Dr-AhMaD]

أنا طالب في كلية الطب بالأحساء جبت السمستر الاول معدل 4.3,,,((طبعا انا عصبت وطنقرت على المعدل اللي أكيد مو صح واغلب الطلاب في الجامعه شاكين في درجاتهم وحاسين انها مو صح )) والمراجعه كانت ممنوعه للدرجات .


المهم مو هذا موضوعي السمستر الثاني في جامعة الملك فيصل بدأ في نظام PBL (problem BASED LEARNING)
وهالنظام الماخوذ من الجامعه الهولندية يعتمد على نفسك وتجميعك للمعلومات والدكتور وظيفته يجلس ويطالعك يعني ولا كانه موجود وكل اسبوع تقدم برزنتيشن واحنا عندنا 10مواد غيرها ومعدل المطلوب الحصول علية 3.5 يعني الكلية معقدة الأمور وتقول((اذا فيكم خير عدو هذي السنة )) بالاضافه الى انه هذا النظام راح يمشي معنا طول السنين الجاية ........

أنا طلبي منكم أقدر احول بعد ما انهي التحضيرية الى جامعة الدمام تكفون والا النفسية ممكن تدمر وما اكمل لانه هالنظام فاشل وما راح ينجح والكلية غصب طيب تبغي تسويه عالطلاب والطلاب ما بيدهم حيلة غير انهم يرضون بالواقع ...!!




أقدر احول بعد ما انهي التحضيرية الى جامعة الدمام تكفون........

[القلب النابض]

تقدر تقدم طلب تحويل

بعد انهائك للسنه التحضيريه مافيها مشكله

[إبتسامة خجل]

بأمكانك التحويل

بس غريب اول طالب - طالبة مو عاجبة هالنظام

الكل فرحان فيه واختي تتمنى لو ترجع سنة الخاطر هالنظام

صحيح هو متعب متعب ومجهد كثير كثير بس راح تزيد حصيلتك من المعلومات الطبية

الله يوفقك

[Dr-AhMaD]

والله يا اختي لو صارت الجامعه عدله ومطبقه النظام بحذافيره كان قلت معليه ..!!

بس المشكلة مطبقين هالنظام ومعانا 10 مواد غيرها يعني تعب * تعب



بس عندي سؤال :
أنا سحبت ملفي من جامعة الدمام كنت طب اسنان هل اقدر احول لها بعد انتهاء التحضيرية في طب فيصل ...؟؟
ولا لا ريحوني تكفون

[إبتسامة خجل]

قبل ماتحول انت تأكد من جامعة الدمام إذا مطبقين هذا النظام ولا لا ؟؟ لا تتوهق ..

وهنا ارقامهم إذا حاب تستفسر منهم وتتأكد


http://www.ud.edu.sa/web/emada/37/537

هذا رابط تقدر عن طريقه تقدم طلب تحويل

http://www.ud.edu.sa/web/content/%D8...%D8%B9%D8%A9-4

وإذا قدمت طلب التحويل ماراح تخسر شي لأن راح تكمل دراسة بشكل طبيعي لما يتم قبول طلبك

وإذا انت محتار كثير كثير أخذ خيرة يمكن هنا خيرة لك وماراح تستفيد إذا رحت الدمام

قال تعالى {وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ}

الله يوفقك

[Dr-AhMaD]

انا أعرف ناس هناك والنظام مو مطبق عندهم


آخر سؤال أختي وأكون لكـ من الشاكرين ...!!

أنا سحبت ملفي من جامعة الدمام كنت طب اسنان هل اقدر احول لها بعد انتهاء التحضيرية في طب فيصل ...؟؟

متى يبدأ موعد تقديم الملفات بعد انتهاء السنة مباشرة ولا في وقت ..!!

تكفون جاوبوني ولا بتحطم اليوم في pbl عطاني الدكتور تقييم سيء ويوم سالته السبب قال : هذا تقيمي وكيفي اذا هذا اولها ما نبي تاليها

[القلب النابض]

التحويل اخووي ماله علاقه بالتسجيل كاول مره

بس تقدر تستفسر بنفسك من عمادة القبول والتسجيل وهنا ارقامهم او حتى بالايميل وان شاء الله تلاقي افاده

http://www.ud.edu.sa/web/emada/37/537

[إبتسامة خجل]

التحويل ماله علاقة بالتسجيل

وهنا شروط قبول التحويل بجامعة الدمام

http://www.ud.edu.sa/web/content/%D8...88%D9%8A%D9%84

انت لما تقدم للتحويل تقدم اوراق مطلوبة منك ماراح تسحب ملفك أو توقف قيدك راح تخلص اوراق المطلوبة منك وراح يردون عليك على طول إذا قبلوك راح يفهمونك الإجراءات المطلوبة

وهذا رابط فيه التقويم الزمني الجامعة الدمام فيه موعد تقديم طلبات التحويل

http://www.ud.edu.sa/web/emada/37/1863

الله يوفقك

[Dr-AhMaD]

هل صحيح ان التحويل صعب و يتطلب واسطه ...؟؟

واذا ممكن هل تعرفون ناس حولوا ..؟؟




طمنوني ربي يطمنكم

[إبتسامة خجل]

يتطلب واسطة للأسف الي سمعته عن كلية الطب يأكد هذا الكلام

بس انت حاول ولا تسمع من أحد

كثير تكلموا عن الواسطة بس سبحان الله الحظ يلعب دور

وماتدري شنو يصير

إذا عزمت تنقل ملفك كمل الإجراءات والله يسهل