[ مشكلة ] : معدلي نازل ابي حل !

[bmbm]

السلام عليكم ورحمه االله وبركاته

بصراحه انا ماكان عندي خلفيه عن المعدل والتقدير وكيذا كان همي بس اني انجح بدون مااحمل مواد كثيره

بس صار لي موقف خلاني انتبه وبشكل كبير لهالنقطه

انو في وحده من صديقاتي متخرجه من الجامعه وتقديرها مقبول وللحين البنت تدور توضيف بس النسبه ابد مو مساعده



الزبده .. ان شاء الله مااكون طولت عليكم بس المهم بالموضوع اني انتبهت ورحت اشوف معدلي وانفجعت من قلب

معدلي 2.877 وانا مستوى رابع ماادري شنو التقدير بالضبط


بس مبين ان المعدل مو زين.


ابي الحل الحين. ابي اقدر ارفع معدلي وهل هذا ممكن اني اقدر ارفعه لتقدير جيد جدا

تكفون انا جدا غشيمه بهالمواضيع ولا اعرف احد يقدر يفيدني

اللي عنده معلومه مفيده لا يبخل علي والله تحطمت حيل وخفت تعب عمري يروح واخرتها كنك يابو زيد ماغزيت

[قنوع]

معدلك "جيد"

بأستطاعتك رفع المعدل في المستوي القادم إلى جيد جداً بشرط المثابرة والمذاكرة أول بأول

فالك التوفيق إن شاء الله

[moon2009]

قنوع معدلها مقبول الجيد من 3الي 3ونص جيد يااختي انتي نفس حالتي انا معدلي ، 528، 2 والحين جالسه احول ارفعه خوذي كل مستوي اربع اوخامس مواد واجتهدي من بدايه المستوى وان شاء يترفع

[حنان آل حيان]

المعدل يرفعه النقاط لكل ماده مع الساعات كل ما كانت درجاتك تقديرها a,a+ كل ما ارتفعت نقاطك وساعدك برفع المعدل شدي حيلك وبأذن الله يرتفع

[bmbm]

المشاركة الأصلية كتبت بواسطة قنوع

معدلك "جيد"

بأستطاعتك رفع المعدل في المستوي القادم إلى جيد جداً بشرط المثابرة والمذاكرة أول بأول

فالك التوفيق إن شاء الله

اخوي قنوع اعتقد مثل ماقالت مون ان تقديري مقبول مو جيد


وبصراحه انا قاعده احاول اخلص بسرعه من كيذا قاعده اخذ مواد كثيره لان ماابي اطول سنين دراستي

بس بعد التفكير شنو الفايده اني اخلص بسرعه بس من غير نسبه !!


ان شاء الله يحنون علينا ويفتحون لنا الصيفي ونفتك من الضغط المتعب

[bmbm]

المشاركة الأصلية كتبت بواسطة moon2009

قنوع معدلها مقبول الجيد من 3الي 3ونص جيد يااختي انتي نفس حالتي انا معدلي ، 528، 2 والحين جالسه احول ارفعه خوذي كل مستوي اربع اوخامس مواد واجتهدي من بدايه المستوى وان شاء يترفع

جد معدلنا نازل مررره انتي اي مستوى مون !!

[bmbm]

المشاركة الأصلية كتبت بواسطة دافوره هانم

المعدل يرفعه النقاط لكل ماده مع الساعات كل ما كانت درجاتك تقديرها a,a+ كل ما ارتفعت نقاطك وساعدك برفع المعدل شدي حيلك وبأذن الله يرتفع

A وو a+


احسها صعبه علي !!!
الله يهونها ان شاء الله

[ريمنقو]

بضع لك نقاط وسويها بحذآفيرها وبإذن الله بتدعين لي


اولاً : لاتضغطين نفسك وتسجلين مقررات كثيره , لاتحملين نفسك فوق قدرتك
سجلي حسب استطاعتك اذا كنتي تقدرين على 8 او على اقل فلا تترددين بتسجيلها ..
حتى لو طالت مدة دراستك المهم انك تتخرجين بما ينفعك مستقبلاً ..

ثانياً : توكلي على الله في شتى امورك الدراسية واسأليه ان يعينك وييسر امورك ..

ثالثاً : ضعي هدفك امامك وهو " رفع المعدل " ..

رابعاً : لاتعتمدين على اي احد في حل الواجبات والاختبارات وغيره ..
ذاكري اول بأول وذاكري قبل الاختبارات القصيره وشاركي مع الاعضاء في حل الواجبات والاختبارات
فالمذاكره والمشاركه تعينك على التذكر بفترة الاختبارات النهائية ,

خامساً : نظمي وقتك وضعي وقتاً لسماع المحاضرات المسجله ..

سادساً : لاتقولين " صعبه علي " قولي " انا اقدر " ,
الذين حصلوا على a ,a+ ليسوا بأفضل منك , انتي تقدرين ان تحصلين على هذا التقدير
لكن بثلاثة شروط " اراده , استمرارية , التوكل على الله "

الاراده ان يكون عندك اراده واصرار لتحقيق هذا التقدير
والاستمرارية هي استمرارك في المثابره والاجتهاد لتحقيق هدفك
والتوكل على الله كما قال الله سبحانه " ومن يتوكل على الله فهو حسبه "


انتي تقدرين لكن اعقدي النية وبإذن الله توصلين لـهدفك

[bmbm]

المشاركة الأصلية كتبت بواسطة ريمنقو

بضع لك نقاط وسويها بحذآفيرها وبإذن الله بتدعين لي


اولاً : لاتضغطين نفسك وتسجلين مقررات كثيره , لاتحملين نفسك فوق قدرتك
سجلي حسب استطاعتك اذا كنتي تقدرين على 8 او على اقل فلا تترددين بتسجيلها ..
حتى لو طالت مدة دراستك المهم انك تتخرجين بما ينفعك مستقبلاً ..

ثانياً : توكلي على الله في شتى امورك الدراسية واسأليه ان يعينك وييسر امورك ..

ثالثاً : ضعي هدفك امامك وهو " رفع المعدل " ..

رابعاً : لاتعتمدين على اي احد في حل الواجبات والاختبارات وغيره ..
ذاكري اول بأول وذاكري قبل الاختبارات القصيره وشاركي مع الاعضاء في حل الواجبات والاختبارات
فالمذاكره والمشاركه تعينك على التذكر بفترة الاختبارات النهائية ,

خامساً : نظمي وقتك وضعي وقتاً لسماع المحاضرات المسجله ..

سادساً : لاتقولين " صعبه علي " قولي " انا اقدر " ,
الذين حصلوا على a ,a+ ليسوا بأفضل منك , انتي تقدرين ان تحصلين على هذا التقدير
لكن بثلاثة شروط " اراده , استمرارية , التوكل على الله "

الاراده ان يكون عندك اراده واصرار لتحقيق هذا التقدير
والاستمرارية هي استمرارك في المثابره والاجتهاد لتحقيق هدفك
والتوكل على الله كما قال الله سبحانه " ومن يتوكل على الله فهو حسبه "


انتي تقدرين لكن اعقدي النية وبإذن الله توصلين لـهدفك

كلامك جدا جميل وان شاء الله الله يقدرني واطبق الي قلتي

[Otaku]

بم بم

تقدرين ترفعين معدلج اذا مشيتي ع كلام رمينقو

انا بحياتي ماتوقعت يكون معدلي مرتفع لما دخلت الجامعه

والسنه الاولى ع الحفه واصير 4 من 5

بس انخسفت في مستوى 3 بس الحمدالله ناجحه

والهسمستر شديت حيلي وأخذت أكثر من ماده فيها A وأغلب تقديراتي B+

عدا مادة اخذت فيها C ومادة ثانيه اخذت فيها تقدير متدني جداً 3/> << خربوا علي ولا كان صرت 4

لكن باقي معدلي حليو تقريباً 3,700 وان شالله اشد حيلي عشان ارفعه

لاتقولين صعب , مستحيل ,,لاتثبطين نفسج ابداً ابداً شديت حيلي وماتوقعت يوم بلقى في تقديراتي
A أو A+ وبعد في اكثر من ماده ولولا الخسف الي خسفني كان انا معدلي وصل حق 4

أهم شي خليج مجتهده + علاقتج حلوة مع الدكاترة لا تسببين لنفسج مشاكل وتاكلين خسف منهم مثلي

وعسى ربي يوفقنا جميعاً